□ شينحۋا اگەنتتىگىنىڭ تىلشىلەرى شىن حۇڭبيڭ، بيانباسىرىن، ۋاڭ زىحاۋ
پارتيا 18 - قۇرىلتايىنان بەرى باس شۋجي شي جينپيڭ جاڭا داۋىردەگى پارتيانىڭ شيزاڭدى جونگە سالۋ جالپى جوباسىن العا قويىپ، شيزاڭنىڭ رەفورما، دامۋ، ورنىقتىلىق ىستەرى جونىندە ءبىرسىپىرا كەلەلى ورنالاستىرۋلار جاسادى. شيزاڭنىڭ بەيبىت ازات بولعاندىعىنىڭ 70 جىلدىعى قارساڭىندا، باس شۋجي شي جينپيڭ شيزاڭعا كەلىپ، شيزاڭداعى ءار ۇلت كادر - بۇقاراسىنا امانداسىپ، ولاردان حال سۇراپ، شيزاڭ قىزمەتىنىڭ العا باسۋ بەتالىسىن ايقىن كورسەتىپ بەردى.
شيزاڭداعى 3 ميلليون 600 مىڭنان استام ءار ۇلت پەرزەنتتەرى باس شۋجي شي جينپيڭنىڭ تاپسىرماسىن ەستە بەرىك ساقتاپ، ءبىر نيەتپەن ىنتىماقتاسىپ، قايراتتانا العا باسىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنۋدا.
”مەملەكەتتى جونگە سالۋدا، ءسوز جوق، شەكارا ءوڭىردى جونگە سالۋ، شەكارا ءوڭىردى جونگە سالۋدا الدىمەن شيزاڭدى ورنىقتىرۋ“
2021 - جىلى 7 - ايدا شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتاۋ قارساڭىندا، باس شۋجي شي جينپيڭ شيزاڭعا كەلىپ، شيزاڭنىڭ بەيبىت ازات بولعاندىعىنىڭ 70 جىلدىعىن قۇتتىقتاپ، شيزاڭداعى ءار ۇلت كادر - بۇقاراسىنا امانداسىپ، ولاردان حال سۇراپ، ءار ۇلت كادر - بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى.
باس شۋجي شي جينپيڭ شيزاڭداعى ءار ۇلت كادرلارى مەن بۇقاراسىنىڭ ەڭ شىنايى قارسى الۋىنا بولەندى. ول تەرەڭ سۇيىسپەنشىلىكپەن بىلاي دەدى: ”قارلى القاپتى ءۇستىرتتىڭ كوركەم دە سالتاناتتى كەلبەتىن، تىرشىلىك تىنىسى جالىنداعان جاڭا بەينەسىن ءوز كوزىممەن كورگەنىمە قۋانىشتىمىن“!
پارتيا 18 - قۇرىلتايىنان بەرى باس شۋجي شي جينپيڭ شيزاڭ قىزمەتىن ءوزى جوسپارلاپ، ورنالاستىرۋ جاسادى:
2013 - جىلى 3 - ايدىڭ 9 - كۇنى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 1 - ماجىلىسىندە شيزاڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا ”مەملەكەتتى جونگە سالۋدا، ءسوز جوق، شەكارانى جونگە سالۋ، شەكارانى جونگە سالۋدا الدىمەن شيزاڭدى ورنىقتىرۋ“ ماڭىزدى بايىمداۋىن ايقىن العا قويىپ، شيزاڭ قىزمەتىنىڭ شەكارا ءوڭىردى باسقارۋداعى، مەملەكەتتى باسقارۋداعى ەرەكشە ورنىن باسا دارىپتەدى؛
باس شۋجي شي جينپيڭ ىلگەرىندى - كەيىندى 2015 - جىلى 8 - ايدا، 2020 - جىلى 8 - ايدا 6 - ، 7 - رەتكى ورتالىقتىڭ شيزاڭ قىزمەتى جونىندەگى اڭگىمە ماجىلىسىنە قاتىناسىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن ايقىن العا قويىپ، جاڭا داۋىردەگى شيزاڭ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى؛
2021 - جىلى 7 - ايدا باس شۋجي شي جينپيڭ شيزاڭدا قىزمەت تەكسەرگەن كەزدە شيزاڭعا دامۋدىڭ جاڭا بورىشىن جۇكتەدى: ”ورنىقتىلىق، دامۋ، ەكولوگيا، شەكارانى كۇشەيتۋ سىندى ءتورت ءىرى ءىستى ويداعىداي يگەرىپ، چيڭحاي − شيزاڭ ءۇستىرتىنىڭ ەكولوگياسىن قورعاۋ مەن باياندى دامۋىن ىلگەرىلەتۋ جاعىندا ۇزدىكسىز جاڭا تابىستارعا قول جەتكىزىپ، قارلى القاپتى ءۇستىرتتىڭ باياندى تىنىشتىعى مەن جوعارى ساپالى دامۋىنىڭ جاڭا تاراۋىن كۇش سالا جازۋ“.
باس شۋجي شي جينپيڭنىڭ ماڭىزدى نۇسقاۋىن دايەكتىلەندىرىپ، تياناقتاندىرىپ، شيزاڭنىڭ رەفورما، دامۋ، ورنىقتىلىق قىزمەتىن تىڭعىلىقتى ىلگەرىلەتتى: ۇلتتار ىنتىماعىنداعى، العاباسارلىعىنداعى وزات ورىن قۇرۋ قىزمەتىن ىشكەرىلەي باياندى ورىستەتىپ، قوعامنىڭ ۇزاق ۋاقىتتىق ورنىقتىلىعىن ساقتادى؛ كەلەلى نەگىزدىك قۇرىلعى نىساندارىن جەدەل ىلگەرىلەتىپ، ەكونوميكا مەن قوعام باياندى، تەز قارقىنمەن دامىدى؛ تۇزىمدە جاڭالىق اشۋدى ۇزدىكسىز ىلگەرىلەتىپ، ەكولوگيالىق وركەنيەت قۇرىلىسىن ءبىر تۇتاس جوسپارلاپ ىلگەرىلەتتى؛ شەكاراداعى اۋدان، اۋىل - قىستاقتاردىڭ سۋ، ەلەكتر، جول، تۇرعىن ءۇي سياقتى قۇرىلىستارىنىڭ تەبىنىن ۇزدىكسىز ارتتىرىپ، شەكارانى كۇشەيتىپ، حالىقتى بايىتۋعا كۇش سالدى.
بۋىرقانعان يارلۇڭزاڭبۋ وزەنىن كەسىپ ءوتىپ، فۋشيڭ ءنومىرلى پويەز قارلى ۇستىرتتە زىمىراپ بارادى. لاسا − لينجى تەمىر جولى 2021 - جىلى 6 - ايدا ىسكە قوسىلدى، لينجىدان لاساعا دەيىنگى ۋاقىت 3 ساعاتتان استام ۋاقىت قىسقارىپ، جەلى بويىنداعى وڭىرلەردىڭ ەكونوميكالىق دامۋىن جەبەدى. ”لاسا − لينجى تەمىر جولى ءجۇرىس - تۇرىسقا قولايلى بولىپ قالماستان، بىزگە اناعۇرلىم كوپ ساياحاتشى الا كەلدى“. لينجى قالاسى باي - ي رايونى بۋجيۋ اۋىلى دوداڭ قىستاعىندا زاڭزۋ اسحاناسىن اشاتىن نيماچۇيجىن بىلاي دەدى: لاسا − لينجى تەمىر جولى ىسكە قوسىلعاننان بەرى اسحانالاردىڭ قوناق قابىلداۋ مولشەرى كورنەكتى ارتىپ، بىلتىرعى تازا پايدا 100 مىڭ يۋانعا جەتتى.
”كەزەكتە شيزاڭ تاس جول، تەمىر جول، اۆياتسيانى قامتىعان جالپىلىق ستەرەولدى قاتىناس تورىن قۇرىپ، چيڭحاي − شيزاڭ، سىچۋان − شيزاڭ، زاڭجۇڭ، الي ەلەكتر تورى ينجەنەرياسىن سالىپ، قۇرىلىمدىق قىستاقتاردىڭ وپتيكالىق كابەل سالىستىرماسىن، 4G سيگنالىمەن قامتۋ سالىستىرماسىن ％99كە جەتكىزىپ، شەكارادا 624 قىستاقتى دوڭگەلەك داۋلەتتى قىستاق ەتىپ تەگىس قۇرىپ شىقتى“، - دەدى شيزاڭ اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ما چيڭلين.
شيزاڭ ەلىمىزدىڭ ماڭىزدى ەكولوگيالىق حاۋىپسىزدىك قالتقىسى. باس شۋجي شي جينپيڭ بىلاي دەپ باسا دارىپتەدى: ”شيزاڭنىڭ ەكولوگيالىق ورتاسىن ويداعىداي قورعاۋدىڭ پايداسىن بولاشاقتا كورۋگە بولادى، ەل - جۇرتقا يگىلىك جەتكىزەدى، وتە ماڭىزدى“!
باس شۋجي شي جينپيڭنىڭ ماڭىزدى نۇسقاۋىن تياناقتاندىرۋدا شيزاڭ ەكولوگيالىق وركەنيەت قۇرىلىسىن اناعۇرلىم كورنەكتى ورىنعا قويىپ، قورعاۋعا ءمان بەرۋدەن ىرىقتىلىقپەن ىسكەرلىك كورسەتۋگە قاراي بۇرىلىس جاساپ، چيڭحاي − شيزاڭ ءۇستىرتىن بۇكىل ەلدىڭ، ءتىپتى، حالىقارالىق ەكولوگيالىق وركەنيەتتىڭ بيىگىنە اينالدىرۋعا قۇلشىندى. قازىرگى تاڭدا، شيزاڭنىڭ جاراتىلىستىق قورىق كولەمى بۇكىل رايون جەر كولەمىنىڭ ۇشتەن بىرىنەن استامىن ۇستايدى.
باس شۋجيدىڭ تاپسىرماسىن ەستە بەرىك ساقتاعان شيزاڭ تاعى دا مەملەكەتتىڭ ماڭىزدى ستراتەگيالىق بايلىق زاپاس بازاسىن، ۇستىرتتەگى ەرەكشە اۋىل شارۋاشىلىق ونىمدەرى بازاسىن، دۇنيە جۇزىلىك ساياحات نىسانالى جەرىن، تازا ەنەرگيا بازاسىن جانە وڭتۇستىك ازياعا ەسىك اشاتىن ماڭىزدى ارنانى قۇرۋعا كۇش سالادى.
”ءار ۇلت بۇقاراسىنىڭ تابىس سەزىمىن اناعۇرلىم شىنايى، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتۋ“
لينجى قالاسى گالا قىستاعىنىڭ شيزاڭنىڭ ”شاپتول گۇلى 1 - قىستاعى“ دەگەن اتى بار.
2021 - جىلى 7 - ايدا باس شۋجي شي جينپيڭ وسى اراعا كەلىپ، قىستاق تۇرعىنى داۋاجيانساننىڭ ۇيىنە باردى. ”باس شۋجي بىزبەن اڭگىمەلەسىپ، ەكونوميكالىق كىرىسىمىزدى، ەگىمشىلىك، باعىمشىلىق ىستەرىمىزدى سۇراپ، تۇرمىسىمىزعا ەرەكشە كوڭىل ءبولدى“. داۋاجيانسان بىلاي دەدى: وسى بىرنەشە جىلدا قىستاقتا وراسان زور وزگەرىس تۋىلدى، شاپتول گۇلى كورىنىسىنە سۇيەنىپ ساياحات كاسىبىن دامىتىپ، جىلىنا ادام باسىنا تۋرا كەلەتىن قولداعى كىرىس 35 مىڭ يۋانعا جەتتى.
باس شۋجي شي جينپيڭ گالا قىستاعىندا بىلاي دەدى: ”پارتيا ورتالىق كوميتەتىنىڭ شيزاڭنىڭ دامۋىنا قولداۋ كورسەتۋ ساياساتىن ويداعىداي تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك“.
ءبىر ميلليون 200 مىڭ شارشى كيلومەتردەن استام، 4000 كيلومەتردەن استام شەكارا لەنياسى، 40تان استام ۇلت... شيزاڭ سىندى وسىناۋ قارلى القاپتى ءۇستىرتتى، سونداي - اق وسى ارادا تۇرمىس كەشىرىپ جاتقان ءار ۇلت پەرزەنتتەرىن باس شۋجي شي جينپيڭ كوكەيىندە ساقتادى.
بىلتىر 7 - ايدا قىزمەت تەكسەرگەندە باس شۋجي شي جينپيڭ بىلاي دەپ باسا دارىپتەدى: ”جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەلۋ، زەينەتكەرلىك، بالانى اماناتتاپ باقتىرۋ، تۇرعىن ءۇي سياقتى حالىق تۇرمىسىنداعى ناقتى ىستەردى ويداعىداي ىستەپ، ءبىر - بىردەن يگەرە تياناقتاندىرىپ، ءار ۇلت بۇقاراسىنىڭ تابىس سەزىمىنىڭ اناعۇرلىم شىنايى بولۋىنا، باقىت سەزىمىنىڭ اناعۇرلىم باياندى بولۋىنا، حاۋىپسىزدىك سەزىمىنىڭ اناعۇرلىم قامتاماسىز ەتىلۋىنە مۇمكىندىك جاساۋ كەرەك“.
شيزاڭ كەزىندە ەلىمىزدەگى بىردەن - ءبىر ولكە دارەجەلى شوعىرلى تۇتاسقان ەرەكشە كەدەي ءوڭىر بولاتىن. ءوندىرىستى دامىتىپ كەدەيلەردى سۇيەمەلدەدى، قونىس جاڭالاپ كەدەيلەردى سۇيەمەلدەۋ بويىنشا كوشىردى، ەكولوگيالىق تولەم ارقىلى كەدەيلەردى سۇيەمەلدەدى... ناقتى دا ءونىمدى شارالار شيزاڭنىڭ مۇلدەم كەدەيلىك ماسەلەسىن شەشۋگە كەشەندى شارا كورسەتتى. سونىمەن بىرگە شيزاڭ شەكارانى گۇلدەندىرىپ، حالىقتى بايىتۋ ارەكەتىن ۇزدىكسىز ىلگەرىلەتىپ، شەكارا وڭىردەگى بۇقارانىڭ تۇرمىسى زور كولەمدە جاقساردى. 2019 - جىلدىڭ سوڭىندا شيزاڭداعى 74 كەدەي اۋدان بۇكىلدەي كەدەيلىك قالپاعىن الىپ تاستاپ، 620 مىڭنان استام كەدەي حالىق تۇگەلدەي كەدەيلىكتەن ارىلدى.
كەدەيلىكتەن ارىلعاننان كەيىن، شيزاڭ اۋىل - قىستاقتى گۇلدەندىرۋدى ۇزدىكسىز ىلگەرىلەتىپ، كەدەيلىكتەن ارىلتۋ جەتىستىكتەرىن بەكەمدەۋ ءونىمى كورنەكتى بولدى؛ 2021 - جىلى اۆتونوميالى رايون قازىنادان اۋىل شارۋاشىلىعىنا ساياتىن 15 ميلليارد 382 ميلليون يۋاندى ءبىر تۇتاس جوسپارلاپ، بىرىكتىرىپ، 2126 نىساندى اتقاردى؛ قايتا كەدەيلەسۋدەن ساقتانۋدى باقىلاۋ - ساراپتاۋ جانە كومەكتەسۋ - سۇيەمەلدەۋ مەحانيزمىن ۇزدىكسىز اقاۋسىزداندىردى؛ قونىس جاڭالاپ كوشىرىلگەننەن كەيىن 293 سۇيەمەلدەۋ نىسانىن ورنالاستىرىپ، 3 ميلليارد 86 ميلليون يۋان قارجى قوسىپ، 2300 سايكەستى كاسىپ سالاسىن قۇردى...
”ەڭسە كوتەرگەن باسىبايلى شارۋا قوجايىن بولۋدان كەدەيلىكتەن ارىلىپ، بايىپ، دوڭگەلەك داۋلەتتىلىككە ۇمتىلۋعا دەيىن شيزاڭنىڭ وزگەرىسى جەر مەن كوكتەي بولدى. ءبىزدىڭ يۇيماي اۋىلى كەزىندەگى 3 ادامدىق اۋىلدان قازىر 200 نەشە ادامعا كوبەيدى، جولدارعا تۇگەلدەي اسفالت توسەلدى، ءۇي بىتكەنگە ەلەكتر جەتكىزىلدى، ينتەرنەت جەلىسى تارتىلدى، پارتيانىڭ ابزال ساياساتىنا العىس ايتامىز“، - دەدى كەزىندە باس شۋجي شي جينپيڭنىڭ جاۋاپ حاتىن العان يۇيماي اۋىلىنداعى شەكارا كۇزەتۋشى مالشى جوگا تەبىرەنىسپەن.
بۇگىنگى شيزاڭدا وسى زامانعى وقۋ - اعارتۋ جۇيەسى قۇرىلدى، جاڭادان ارتقان ەڭبەككۇشتەردىڭ ورتاشا ءبىلىم الۋ جىل شەگى 1.13 جىلعا جوعارىلادى؛ ءار ۇلت بۇقاراسىنىڭ تۇرمىس دەڭگەيى ۇزدىكسىز جوعارىلادى، ەمدەۋ شارت - جاعدايى ۇزدىكسىز جاقساردى، قوعامدىق قامسىزداندىرۋ جۇيەسى ۇزدىكسىز كەمەلدەندى، ادامداردىڭ ورتاشا مەجەلى عۇمىرى 19.72 جاسقا جوعارىلادى... 2021 - جىلى شيزاڭنىڭ اۋىل - قىستاقتارىنداعى تۇرعىنداردىڭ جان باسىندىق ورتاشا قولداعى تابىسى 16 مىڭ 935 يۋان بولىپ، 2020 - جىلداعىدان 2337 يۋان ارتىپ، ارتۋ قارقىنى ％16 بولدى؛ قالا - قالاشىق تۇرعىندارىنىڭ ورتاشا قولداعى تابىسى 46 مىڭ 503 يۋان بولىپ، سايكەس مەزگىلدەگىدەن ％13 ارتتى.
”56 ۇلت اناردىڭ ءدانى، جۇڭحۋا ۇلتى بىر ءبۇتىن انار“
باكو كوشەسىندە دۇكەندەر قاز - قاتار ءتىزىلىپ، ساياحاتشىلار قاپتاپ ءجۇر. 2021 - جىلى 7 - ايدا باس شۋجي شي جينپيڭ باكو كوشەسىنە بارىپ تەبىرەنىپ بىلاي دەدى: ”مىڭ جىلدىق باكو كوشەسى − ءبىز ءار ۇلت قۇرعان باكو كوشەسى. ءار ۇلت مادەنيەتى وسى ارادا ارالاسىپ، ىشتەسىپ، توعىسىپ، ءبىز جۇڭحۋا ۇلتىنىڭ ۇلى شاڭىراعى وسى ارادا شاتتىققا شومدى“.
باكو كوشەسى ىقشام كورىنىس ىسپەتتى شيزاڭداعى ۇلتتار ىنتىماعىنىڭ كەلەلى جاعدايىن كورسەتىپ تۇر. ەلىمىزدەگى ماڭىزدى شەكارالىق ۇلتتىق ءوڭىر رەتىندە، شيزاڭدا زاڭزۋ، حانزۋ، حۇيزۋ، لوبا، مىنبا سياقتى 40 نەشە ۇلت تۇرمىس كەشىرەدى. باس شۋجي شي جينپيڭ ۇلتتار ىنتىماعى قىزمەتىن شيزاڭ جالپى جاعدايى قىزمەتىنىڭ ەرەكشە ورنىنا قويىپ، ”56 ۇلت اناردىڭ ءدانى، جۇڭحۋا ۇلتى ءبىر ءبۇتىن انار“، ”شيزاڭ قىزمەتىندە، ءسوز جوق، وتاننىڭ تۇتاستىعىن قورعاۋدى، ۇلتتار ىنتىماعىن كۇشەيتۋدى كوزدەۋ ءتۇيىنى مەن كۇش سالۋ ءتۇيىنى ەتۋگە تاباندى بولۋ كەرەك“ دەپ باسا دارىپتەدى.
باس شۋجي شي جينپيڭنىڭ تاپسىرماسىن ەستە بەرىك ساقتاۋدا ۇلتتار ىنتىماعى شيزاڭداعى ءار ۇلت حالقىنىڭ جانىنا اينالدى. ”ۇلتتار اراسىنداعى شىن پەيىلدى ىنتىماقتاسۋ بولماسا، بۇگىنگىدەي گۇلدەنىپ دامىعان شيزاڭ بولمايدى، ءبىز بەينە شاي مەن تۇز سەكىلدى تىعىز ىنتىماقتاسۋىمىز كەرەك“، - دەدى 71 جاستاعى لاسا قالاسىنىڭ تۇرعىنى جوما رىنزىڭ.
«شيزاڭ اۆتونوميالى رايونىنىڭ ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋ ەرەجەسىن» اتقارىپ، ءار جىلدىڭ 9 - ايىن اۆتونوميالى رايوننىڭ ”ۇلتتار ىنتىماعى، العاباسارلىعى ۇگىت ايى“ ەتىپ بەلگىلەپ، ۇلتتار ىنتىماعى تاربيەسىن ءار دارەجەلى، ءتۇرلى مەكتەپتەردىڭ ساباقحانالارىنا جەتكىزىپ، ۇلتتار ىنتىماعىنداعى، العاباسارلىعىنداعى وزات كوللەكتيۆتەر مەن جەكەلەردى بار كۇشپەن ماداقتاپ - سيلادى... شيزاڭ ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى رايون قۇرۋعا كۇش سالىپ، ۇلتتار ىنتىماعىندا، العاباسارلىعىندا بۇكىل ەلدىڭ الدىڭعى لەگىندە ءجۇرۋدى قۇلشىنا ورىنداۋدا.
شيزاڭداعى ءار ۇلت حالقى اناردىڭ دانىندەي ۇيىسىپ، جۇڭحۋا ۇلتى ورتاق تۇلعا تانىمى ۇزدىكسىز بەرىك ورناپ، گۇلدەنىپ دامۋدىڭ سارقىلماس قوزعاۋشى كۇشىن توپتادى.
ءدىننىڭ سوتسياليستىك قوعامعا ۇيلەسۋىن ىلگەرىلەتۋ شيزاڭنىڭ باياندى تىنىشتىعىن جەبەيتىن ماڭىزدى قىزمەت. 2021 - جىلى 7 - ايدا باس شۋجي شي جينپيڭ جىباڭ بۇتحاناسىنا ارنايى بارىپ، ”ءدىننىڭ دامۋ قاعيداسى ’بەرەكەدە‘“،”ءدىن ۇيلەسىمدى بولۋى، قوعام جاراسىمدى بولۋى، ۇلتتار تاتۋ بولۋى كەرەك“ دەپ اتاپ كورسەتتى.
جاڭا داۋىردەگى شيزاڭ ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولدى، ءدىني سەنىم ەركىندىگى ساياساتىن جاپپاي تياناقتاندىردى، ءدىن ىستەرىن باسقارۋدى ارناعا ءتۇسىردى، ءتارتىپتى بولدى، دىندەر تاتۋ، ۇيلەسىمدى بولدى.
شيزاڭداعى ءار ۇلت حالقى باس شۋجي شي جينپيڭ نۇسقاعان بەتالىسپەن جاڭا ءداۋىردىڭ داڭعىل جولىندا ايبىنمەن العا تارتىپ، قارلى القاپتى ءۇستىرتتىڭ وشپەس سونى تۋىندىسىن سومداۋدا.
(شينحۋا اگەنتتىگىنىڭ 6 - ايدىڭ 21 - كۇنى لاسادان بەرگەن حابارى)
