”ينتەرنەتتە تانىمال“ مەكەمە باستىقتارى
شينجياڭنىڭ كورىكتى كورىنىستەرىن ”تانىمالدىققا يە ەتۋدى“ جيىلەتتى
□ انار بۇلت \ شينجياڭ گازەتىنىڭ ءتىلشىسى ءابيبا
وسى بىرنەشە كۇندە، «جازعى توقىراۋدا شينجياڭنىڭ جەر - جەرىندەگى مادەنيەت - ساياحات مەكەمەلەرىنىڭ باستىقتارى ۇيىرمە بولىپ ”الۋان فورمادا“ تىكە تاراتۋ جاسادى» دەگەن 15 ساعاتتىق بىرلەسپە باياۋ تىكە تاراتۋ جانە قاتىستى تاقىرىپتار بۇكىل ەلدەگى ينتەرنەت قولدانۋشىلاردىڭ نازارىن وزىنە ۇزدىكسىز اۋداردى. توراڭعى ورمانىندا اتپەن سەيىلدەۋ، التىنداي سارى قۇمدىقتا دالالىق اۆتوكولىكپەن زىمىراۋ، جاسىل ساحارادا اتپەن قۇيعىتۋ، تاريحي مادەني ەسكەرتكىش الدىندا شەشىلە اڭگىمە شەرتۋ... شينجياڭدىق ”ينتەرنەتتە تانىمال“ مادەنيەت - ساياحات مەكەمە باستىقتارى ونەرلەرىن جابال ايگىلەپ، شينجياڭنىڭ ساياحاتىن بار كۇشتەرىمەن تانىستىرىپ جۇرتتى باۋرادى.
”بەينەجازبا ءتۇسىرىپ ۇگىتتەۋدەگى ماقساتىمىز شاياردىڭ تانىمالدىلىعىن جوعارىلاتىپ، ءتىپتى دە كوپ ادامنىڭ شاياردى تانۋىنا، شاياردى ۇناتۋىنا مۇمكىندىك جاساۋ بولاتىن“، - دەدى شايار اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى راناگۇل راحمان تىلشىگە. 2021 - جىلى 10 - ايدا ”راناگۇل مەكەمە باستىعىنىڭ شايار جايلى اڭگىمەسى“ دوۋيىن اككاۋنتى ينتەرنەت جەلىسىنە شىعارىلدى، قازىرگە دەيىن وندا 100گە جۋىق بەينەجازبا شىعارىلىپ، جالپى قويىلۋ مولشەرى 100 ميلليون رەتتەن اسىپ، بۇكىل ينتەرنەتتەگى جانكۇيەرىنىڭ سانى ءبىر ميلليوننان استى.
6 - ايدىڭ 22 - كۇنى ول جاريالاعان «شينجياڭنىڭ كۇندىزى قانشا ۇزاق» دەگەن بەينەجازبا قىزۋ تۇيىنگە اينالدى. كوپتەگەن ينتەرنەت قولدانۋشىلار بيىل شينجياڭعا بارۋ جوسپارى بار ەكەندىكتەرىن، شايارعا بارىپ كورگىسى كەلەتىندىكتەرىن جازىپ قالدىردى. ”تاعى كوپتەگەن كاسىپورىندار مەن جەكەلەر شايار اۋدانىنىڭ ساياحات كاسىبىندە ساۋداگەر شاقىرۋ ساياساتىن سۇراستىردى، بۇل مەنى وراسان زور قوزعاۋشى كۇشكە يە ەتتى“، - دەدى راناگۇل.
دوۋيىنداعى ”ءنارلى حوتان“ اككاۋنتىندا، حوتان ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى تۇرسۇنگۇل ءماتتوحتى وزگەشە تاسىلمەن حوتاندى تانىستىردى. ينتەرنەت قولدانۋشىلار ونىڭ اڭگىمەلەرىنەن اتلاستى، حوتان قاس تاسىن ءتۇسىندى. اككاۋنت اشىلعاننان بەرى ول جاريالاعان 5 كەزەكتىك بەينەجازبا 300 مىڭنان استام رەت كورىلدى. ”ءبىر قىدىرۋ فورماسى الۋان ءتۇرلى، ىقپال كۇشىنە يە، جۇرتشىلىق ۇناتىپ كورەتىن مادەنيەت - ساياحات سارا بەينەجازبالارىن جاساپ، حوتان ايماعىنىڭ مادەنيەت - ساياحات IPىن قالىپتاستىرىپ، حوتان حيكاياسىن جاقسى بايانداۋ ءبىزدىڭ نىسانامىز“، - دەدى تۇرسۇنگۇل.
داتۇڭ اۋىلىنداعى ورىك گۇلى جامىراي اشىلعان بەينەجازبانىڭ ارقاسىندا قالىڭ ينتەرنەت قولدانۋشىلار الىپ اكىمحاندى تانىدى، تاشقورعان تاجىك اۆتونوميالى اۋدانىن دا تانىدى. وسى اۋداننىڭ مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى رەتىندە، ينتەرنەتتە تانىمالدىققا يە بولعاننان كەيىن، ول ءتىپتى دە قاربالاستىققا تۇسە باستادى، ”اۋدانىمىزدىڭ ساياحات بايلىعى جاقسى، الايدا، مۇندا كەلىپ كورمەگەندەر بىلە بەرمەيدى. بەينەجازبا ارقىلى ساياحات بايلىعىن ۇگىتتەپ، بۇكىل ەلدەگى ساياحاتشىلاردى شاقىرۋ مەنىڭ ’ينتەرنەتتە تانىمال‘ بولۋداعى ماقساتىم ەدى“، - دەدى الىپ. بىلتىر بەينەجازبا اككاۋنتىن اشقاننان بۇگىنگە دەيىن، الىپتىڭ جانكۇيەرى ءبىر ميلليوننان استى، كوپتەگەن ساياحاتشىلار پامير ۇستىرتىنە ارنايى كەلىپ، ونى كورگىسى، ونىڭ پامير ءۇستىرتى جونىندەگى وزگەشە اڭگىمەسىن تىڭداعىسى كەلدى.
شاعانتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ياڭ سايشيا بيىل 4 - ايدان باستاپ قىسقا بەينەجازبا ءتۇسىرىپ، اككاۋنتى ”شاعانتوعايدىڭ تاۋ گۇلدەرى ءسىز ءۇشىن اشىلادى دا“، ”ءار ءتۇرلى كيىم سانگەرلىگى“ سياقتىلاردى جاريالاپ، جەرگىلىكتى ورىننىڭ ساياحات بايلىعىن ساياحاتشى تۇرعىسىنان تانىستىرىپ، ينتەرنەت قولدانۋشىلاردىڭ جاقسى باعاسىنا يە بولدى. جاقىنعى مەزگىلدە شاعانتوعاي اۋدانىنا ساياحاتتاۋشىلاردىڭ ادام - رەت سانى مەن ساياحاتتىق كىرىسى كورنەكتى ارتتى، اسىرەسە، شاعانتوعاي اۋدانىنىڭ بيىلعى تاۋ گۇلى مەرەكەسىندە ساياحاتشىلاردىڭ سانى وتكىزۋشى جاق ويلاعاننان دا اسىپ ءتۇستى. ”ءبىز ينتەرنەتتە تانىمالدىق اسەرىنەن پايدالانىپ، ينتەرنەتتەگى ’كورىلىم مولشەرىن‘ رەالدىقتاعى ’ساياحاتشى اعىنىنا‘ اينالدىرىپ، شاعانتوعايدىڭ ساياحاتتاعى تانىمالدىلىعى مەن ىقپال كۇشىن جوعارىلاتۋدى ءۇمىت ەتتىك“، - دەدى ياڭ سايشيا.
”دوۋيىن اككاۋنتى ’تاڭ مەكەمە باستىعىنىڭ موڭعۇلكۇرە حيكاياسىن‘ موڭعۇلكۇرە ساياحاتىنىڭ ەنسيكلوپەدياسىنا اينالدىرىپ، موڭعۇلكۇرەنى ۇگىتتەپ قانا قالماستان، ونى ساياحاتشىلاردىڭ قولىنداعى ساياحات سىلتەمەسىنە اينالدىرامىز“. موڭعۇلكۇرە اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى تاڭ گاڭ ساياحاتشىلار ءۇشىن ساياحات جەلىسىن ارنايى جاساپ، ساياحاتشىلاردىڭ تۇسىنبەگەن تۇستارىنا جاۋاپ بەرىپ، جاڭا اقپارات قۇرالى ونىمدەرىن اناعۇرلىم ناقتى، جارامدى ەتۋ كەرەك دەپ قارادى.
تولىقسىز ساناققا قاراعاندا، قازىرگە دەيىن شينجياڭدا 25 مادەنيەت - ساياحات مەكەمەسىنىڭ باستىعى ينتەرنەتتە تەبىندى جۇمىس ىستەۋدە ەكەن. اۆتونوميالى رايوندىق مادەنيەت جانە ساياحات مەڭگەرمەسى ولاردىڭ اراسىنداعى 10 مادەنيەت - ساياحات ساپالى، قىسقا بەينەجازبا اۆتورىنا ”شينجياڭنىڭ مادەنيەت - ساياحاتىن ۇگىتتەپ تانىستىرۋشى“ كۋالىگىن بەردى ءارى ولشەمدەنگەن سەلبەستىك جانە ۇلاستىرۋ، تۇتاستىرۋ مەحانيزمىن ورناتتى. مۇنان كەيىن، تانىستىرۋشىلار وزدەرىنىڭ دارا تۇرعىسىندا، ساياحات، گۋمانيتارلىق، ءدامدى تاعام سياقتى جاقتاردان دۇنيە جۇزىنە شينجياڭ حيكاياسىن ويداعىداي بايانداپ، شينجياڭنىڭ مادەنيەت - ساياحاتىن تانىستىرۋدىڭ جۇيەلىلىگىن، شىنايىلىعىن، كوپ تۇرلىلىگىن ۇزدىكسىز جوعارىلاتادى.
