6 - ايدىڭ 25 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى تابىسپەن جابىلدى. ءماجىلىس دەموكراتيانى تولىق ساۋلەلەندىرۋ، جان - جاقتى اقىلداسۋ، تالقىلاۋ نەگىزىندە، اۆتونوميالى رايونىمىزدان پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى. بۇل تۋدى بيىك ۇستاپ، زەيىن - زەردەنى، كۇش - قۋاتتى ۇيىستىرعان، ىنتىماقتى، دەموكراتيالى، ستيلى پاك، سالتى دۇرىس ءماجىلىس بولىپ، تۇتاس رايوننىڭ جوعارىدان تومەنگە دەيىن سەنىمدى بەكەمدەپ، اسقاق سەزىممەن پارتيا 20 - قۇرىلتايىنىڭ جەڭىسپەن اشىلۋىن قارسى الۋداعى رۋحاني بەينەسى مەن تاسقىنداعان ارىنىن شوعىرلى ايگىلەدى.
پارتيا 20 - قۇرىلتايى پارتيامىزدىڭ جاپپاي سوتسياليستىك وسىزاماندانعان مەملەكەت قۇرۋعا قادام تاستاعان، ەكىنشى 100 جىلدىق كۇرەس نىساناسىنىڭ جاڭا جورىعىنا شەرۋ تارتقان ماڭىزدى ساتتە اشىلاتىن ءبىر رەتكى توتەنشە ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس، بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، حالىقتى ىنتىماقتاستىرىپ، باستاپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ۇزدىكسىز كۇرەس جۇرگىزۋى جونىنەن كەلەلى دە تەرەڭ مانگە يە.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، شينجياڭ قىزمەتىن ويداعىداي ىستەۋدىڭ جەتەكشى يدەياسىن، نىسانا - مىندەتتەرىن، كەلەلى شارالارىن ايقىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن ويداعىداي ىستەۋگە ايقىن بەتالىس كورسەتتى. اۆتونوميالى رايوندىق پارتكوم 25 ميلليوننان استام كادر - بۇقارانى ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى بۇلجىتپاستان ىلگەرىلەتىپ، شينجياڭ قىزمەتىندە كەلەلى ونىمدىلىككە قول جەتكىزىپ، ەكونوميكالىق، قوعامدىق دامۋ جانە حالىق تۇرمىسىن جاقسارتۋدا بۇرىن بولماعان ناتيجەگە قول جەتكىزدى. كەزەكتە تۇتاس رايونداعى ءار دارەجەلى پارتيا ۇيىمدارى مەن قالىڭ پارتيالى كادرلار وسى رەتكى ءماجىلىستى وراي ەتىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شىندىققا جۇگىنىپ، ناقتى ءىس ىستەپ، شىنايى يگەرىپ، ناقتى ءىس تىندىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ ءۇشىن كەسكىندەگەن ايبىندى جوباسىن شىن مانىندە تاماشا رەالدىققا اينالدىرۋ كەرەك.
ساياسي دەڭگەيدى شىنايى جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ەكىنى تۇراقتاندىرۋدىڭ“ شەشۋشى ماڭىزى جونىندەگى تەرەڭ تۇسىنىكتى ”ەكىنى قورعاۋدى“ ادالدىقپەن امالياتتا ايگىلەۋدىڭ وسكەلەڭ سانالىلىعىنا شىنايى اينالدىرۋعا تاباندى بولىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
پارتيانىڭ جاسامپاز نازارياسىمەن قارۋلانۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جەتە ۇيرەنىپ، جەتە ۇعىنۋدى ماڭىزدى مازمۇن ەتۋگە تاباندى بولىپ، قاي - قاشان دا باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىنىڭ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تالاپ - ولشەمدەرىنە تۋرالانىپ، شينجياڭ قىزمەتىنىڭ باستان - اياق باس شۋجي، پارتيا ورتالىق كوميتەتى كورسەتكەن دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.
جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتىپ، دامۋ مەن حاۋىپسىزدىكتى جوعارى ءونىمدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋدى ىلگەرىلەتىپ، ورنىقتى، اقاۋسىز ەكونوميكا ورتاسىن قۇلشىنا ساقتاۋ كەرەك.
سوتسياليستىك زاڭمەن باسقارۋ تۋىن بيىك ۇستاپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن باسقارۋ رۋحىن اسقاقتاتىپ، زاڭمەن باسقارۋ وي جەلىسىن بەرىك ورناتىپ، شينجياڭدى زاڭمەن باسقارۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن تىڭعىلىقتى ىلگەرىلەتىپ، ەل امان، جۇرت تىنىش قوعامدىق ورتانى قۇلشىنا ساقتاۋ كەرەك.
پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان ءار ۇلت كادر - دارىندىلارى قوسىنىن كۇش سالا شىڭداپ، بەرىك جاۋىنگەرلىك قامالدى كۇش سالا تۇلعالاپ، ”ءتورت ءتۇرلى بۇرىس ستيلدى“ ۇزدىكسىز كۇش سالا وڭاپ، ستيلى پاك، سالتى دۇرىس ساياسي ورتانى قۇلشىنا ساقتاۋ كەرەك.
گۇلدەنگەن زامانداعى سالتاناتتى باس قوسۋ جۇرت كوڭىلىن جەلپىندىردى، ايبىندى نىسانا ەكپىندەي ىلگەرىلەۋگە جەبەدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرۋ ۇلى رۋحىن اسقاقتاتىپ، قامال الىپ، قيىندىقتاردى جەڭۋدىڭ، ءىس تىندىرىپ، ناتيجە شىعارۋدىڭ بەلسەندىلىگىن، ىرىقتىلىعىن تاسقىنداتىپ، جاڭا جورىقتا ەكپىندەي ىلگەرىلەۋدىڭ، جاڭا داۋىردە ەسە قوسۋدىڭ تەلەگەي كۇشىن ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الايىق.
