تيانشان تورى   ›   جاڭالىقتار   ›   ەل ءىشى حابارى

سۇيىسپەنشىلىك نارىمەن شىت جاڭا تۇلەدى

□ شينحۋا اگەنتتىگىنىڭ تىلشىلەرى\ ۋاڭ يۇڭچيان، لي جۇندى، جاڭ لياڭ

  پارتيا 18 - قۇرىلتايىنان بەرى باس شۋجي شي جينپيڭ نيڭشياعا 2 رەت بارىپ قىزمەت تەكسەرىپ، ”كورىكتى جاڭا نيڭشيا قۇرۋ، ۇلى جۇڭگو ارمانىن بىرگە ورىنداۋ“ كارتيناسىن سۇلبالاپ، ”حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋدا الدىمەن اتقارىلاتىن ءوڭىر“ قۇرۋ كەلەلى بورىشىن جۇكتەدى.

  باس شۋجي شي جينپيڭ نۇسقاعان بەتالىس بويىنشا نيڭشياداعى 7 ميلليون 200 مىڭنان استام ءار ۇلت ۇلاندارى ەكونوميكاسى گۇلدەنگەن، ۇلتتارى ىنتىماقتى، ورتاسى كوركەم، حالقى باي بولعان كورىكتى جاڭا نيڭشيانى جاپپاي قۇرۋ جولىندا قايراتتانا العا ىلگەرىلەپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جاڭا جورىعىن باستادى.

”ءتىپتى دە جاقسى تۇرمىس ءالى الدىمىزدا“

  ”تىكە تاراتۋداعى اعايىندار سالەمەتسىزدەر مە، بۇل ءبىزدىڭ حۇڭسىباۋدىڭ ەرەكشە ءونىمى سارعالداق...“. شيحايگۋ حۇڭدى قىستاعىنىڭ كەدەيلەردى سۇيەمەلدەۋ سەحىندا 58 جاستاعى جاۋ شۋمەي جەرگىلىكتى اكسەنت ارالاستىرىلا سويلەنگەن پۋتۇڭحۋامەن توراپتاستارعا اۋىل شارۋاشىلىق ونىمدەرىن تانىستىرۋدا.

  حۇڭدى قىستاعى تۇرعان ۋجۇڭ قالاسى حۇڭسىباۋ رايونى بۇكىل ەل بويىنشا ەكولوگيالىق قونىس جاڭالاعانداردى شوعىرلى ورنالاستىراتىن ەڭ ۇلكەن رايون، شيحايگۋدان كوشكەن 230 مىڭ ادام وسى ارادا قونىستانىپ، شارۋاشىلىق قۇرىپ، تىڭ تىرشىلىك جولىن قاراستىردى، كەدەيلىكتەن ارىلىپ، بايىپ دوڭگەلەك داۋلەتتىلىككە ۇمتىلدى.

  2020 - جىلى 6 - ايدا باس شۋجي شي جينپيڭ نيڭشيادا قىزمەت تەكسەرگەندەگى تۇڭعىش ايالداما حۇڭدى قىستاعىنا كەلىپ، كەدەيلەردى سۇيەمەلدەۋ سەحىنا بارىپ، قاعاز جاشىك جاساپ جاتقان قىستاق تۇرعىندارىمەن ىقىلاسپەن اڭگىمەلەستى؛ قىستاق تۇرعىنى ليۋ كىرۇيدىڭ ۇيىنە بارىپ، وتباسىنىڭ جۇمىستانۋ، كىرىس، اۋرۋ كورسەتۋ، قوعامدىق قامسىزداندىرۋ سياقتى جاعدايلارىن تاپتەشتەي ۇعىستى. باس شۋجي شي جينپيڭ: ”اۋىلداستار كوشىپ كەلگەننەن كەيىن، ءتىپتى دە جاقسى تۇرمىس ءالى الدا“ دەپ ءۇمىت ارتتى.

  باس شۋجي شي جينپيڭ نيڭشياداعى قونىس جاڭالاعان بۇقارانى كوكەيىندە بارىنشا ساقتادى. 25 جىلدىڭ الدىندا سول كەزدە فۋجيان ولكەلىك پارتكومنىڭ ورىنباسار شۋجيى مىندەتىن وتەيتىن شي جينپيڭ فۋجيان مەن نيڭشيانىڭ باعىتتامالى كەدەيلەردى سۇيەمەلدەۋ سەلبەستىگىنە باستاماشىلدىقپەن جاۋاپتى بولىپ، ”دياۋجۋاڭ كوشى - قون“ ينجەنەرياسىنىڭ اتقارىلۋىن ىلگەرىلەتتى ءارى قونىس جاڭالاعاندار قىستاعىنا ”ميننيڭ قىستاعى“ دەگەن ات قويدى.

  قازىرگى تاڭدا بۇرىنعى ”قۇمدى قايراڭدى“ ميننيڭ قىستاعى ”التىن قايراڭدى“ ميننيڭ قالاشىعىنا اينالدى. ميننيڭ نۇسقاسىنىڭ ۇلگى كورسەتۋىندە نيڭشيا قونىس جاڭالاپ كوشىرۋ مەن شيحايگۋدىڭ كەدەيلەردى سۇيەمەلدەۋىن، وركەندەتۋىن ءوزارا سايكەستىرۋگە باستان - اياق تاباندى بولىپ، قونىس جاڭالاعانداردى ورنالاستىرۋ رايونىندا ”قان جاساۋ فورماسىندا“ كەدەيلەردى سۇيەمەلدەۋ جونىندە بۇلجىماي ىزدەنىس جاسادى.

  ”كوشىپ كەلىپ، بىرنەشە ادەمى ءۇي سالۋمەن عانا جۇمىس بىتپەيدى. اۋىلداستار كوشىپ كەلگەننەن كەيىن، تۇراقتاپ تۇرسا، بايىسا سوندا عانا تامىر تارتا الادى“. نيڭشياداعى ءبىر ميلليون 230 مىڭ كوشپەندى حالىقتىڭ جالعاستى دامۋى ءۇشىن باس شۋجي شي جينپيڭ مىنالاردى ايقىن تالاپ ەتتى: ”قونىس جاڭالاپ سۇيەمەلدەۋ ساياساتىن كەمەلدەندىرۋ كەرەك“، ”جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋ ستراتەگياسىن ءونىمدى ۇشتاستىرۋدى ىلگەرىلەتۋ كەرەك“.

  ”نيڭشياداعى قونىس جاڭالاعان بۇقارا بۇكىل رايونداعى اۋىل - قىستاق جان سانىنىڭ تەڭ جارىمىنا تاياۋىن ۇستايدى، باس شۋجيدىڭ ماڭىزدى نۇسقاۋى ءبىزدىڭ قونىس جاڭالاعان وڭىردە اۋىل - قىستاق گۇلدەنبەسە، نيڭشيانىڭ اۋىل - قىستاقتى جاپپاي گۇلدەندىرۋى دە بولمايتىندىعىن اناعۇرلىم سەرگەكتىكپەن تانىپ جەتۋىمىزگە مۇمكىندىك جاسادى“، - دەدى اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ قاتىستى جاۋاپتىسى.

  2021 - جىلى 4 - ايدا ەڭ سوڭعى ءبىر كەدەي اۋداننىڭ ”كەدەيلىك قالپاعىن الىپ تاستاعانىنا“ 5 اي وتكەننەن كەيىن، نيڭشيا ”ءبىر ميلليون كوشپەندى حالىقتى بايىتىپ، دەڭگەيىن كوتەرۋ ارەكەتىن“ جاپپاي باستاپ، 800 ادامنىڭ ۇستىندەگى قونىس جاڭالاۋ وڭىرىندە كاسىپ سالاسى بويىنشا جۇمىستاندىرىپ، كومەكتەسۋ - سۇيەمەلدەۋ، نەگىزدىك قۇرىلعىلاردى تۇلعالاۋ، الەۋمەتتىك قىزمەت وتەۋدى جاقسارتۋ سياقتى ارنايى نىسان بويىنشا دەڭگەيىن كوتەرۋىن ءتۇيىندى اتقاردى.

  2021 - جىلى نيڭشيا قونىس جاڭالاپ ورنالاستىرۋ وڭىرىنە كاسىپ سالاسىن دامىتۋ قارجىسىنان ءبىر ميلليارد 930 ميلليون يۋان جۇمساپ، 787 مىڭ مۋلىق ەرەكشە ەگىمشىلىكتى دامىتىپ، قونىس جاڭالاعانداردان 212 مىڭ ادامدى جۇمىستاندىردى، سول جىلعى نيڭشيانىڭ ”12 - بەسجىلدىقتاعى“ ەكولوگيالىق قونىس جاڭالاعانداردىڭ جان باسىندىق ورتاشا قولداعى تابىسى 10 مىڭ 517 يۋان بولىپ، ارتۋ جىلدامدىعى %18.1كە جەتتى.

  ”دەڭگەيىن كوتەرۋ ارەكەتىنىڭ“ دەمەۋىندە، حۇڭدى قىستاعىنىڭ كەدەيلەردى سۇيەمەلدەۋ سەحىندا جاۋ شۋمەيدى قامتىعان 10 نەشە قونىس جاڭالاعان بۇقارا ورتاشا جاسى 60تان اسقان ”شاشىن قىراۋ شالعاندار تىكە تاراتۋ ۇجىمىن“ ۇيىمداستىرىپ قۇرىپ، ينتەرنەت تۇعىرى تىكە تاراتۋىندا زاتتاردى تانىستىردى، العاشقى جىلداعى ساتۋ سوماسى ءبىر ميلليون يۋاننان استى. ”ءبىزدىڭ تاماشا تۇرمىسىمىز ءالى الدا“! جاۋ شۋمەي قونىس جاڭالاعانداردىڭ جۇرەك ءۇنىن بۇكپەسىز جەتكىزىپ قۋانىشىن جاسىرمادى.

”حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋدى الدىمەن اتقارۋ ءوڭىرىن قۇلشىنا قۇردى“

  ”حىلانشان تاۋى باۋرايى جەمىس باعىنا اينالىپ، حۋاڭحى جازىعىندا ەجەلدەن تانىمال بولدى“. جازدى كۇنى حىلانشان تاۋىنىڭ شىعىس بوكتەرىندە جاپ - جاسىل ءجۇزىم باعى تاۋ بەتكەيىن باۋىرلاي وڭتۇستىك، سولتۇستىككە قاراي كوز جەتكىسىز كوسىلدى.

  2020 - جىلى 6 - ايدىڭ 9 - كۇنى باس شۋجي شي جينپيڭ يىنچۋان قالاسى شيشيا رايونى جىحۇي يۋانشى شاراپ قوجالىعى ءجۇزىم ەگىمشىلىگى بازاسىندا اسقار حىلانشان تاۋىنا الىستان كوز جىبەرىپ، حىلانشان تاۋى ەكولوگياسىن قورعاۋ جانە ورتاسىن جالپى بەتتىك رەتتەۋ - وڭاۋ جاعدايىنان بەرىلگەن مالىمەتتى تىڭدادى. باس شۋجي شي جينپيڭ: ”حىلانشان تاۋى ەلىمىزدىڭ ماڭىزدى تابيعي جاعراپيالىق شەكارا جەلىسى جانە باتىس سولتۇستىكتەگى ماڭىزدى ەكولوگيالىق حاۋىپسىزدىك قالتقى“، ”حىلانشان تاۋىنىڭ ەكولوگياسىن باتىل ويداعىداي قورعاۋ كەرەك“ دەپ اتاپ كورسەتتى.

  ”باس شۋجيدىڭ تالابى ءبىزدىڭ حىلانشان تاۋىن ۇزدىكسىز ويداعىداي قورعاپ، كەن شۇڭقىرىن كورىنىس وڭىرىنە اينالدىرۋ بەكىمىمىزدى نىعايتتى“. شاراپ قوجالىعىنىڭ جاۋاپتىسى يۋان يۋاننىڭ اتا - باباسى ىلگەرى حىلانشان تاۋىندا قيىرشىق تاس قازىپ، وسى جۇمىستى ونىڭ قولىنا ۇتىلامالى تابىستاعان ەدى، قيىرشىق تاس قازاتىن قالاقشادان اعاش ەگەتىن كۇرەككە اينالعان قازىرگى كۇندە بوس جاتقان كەن رايونىنان 6000 مۋى قالپىنا كەلتىرىلىپ، 2000 مۋعا ءجۇزىم ەگىلدى.

  باس شۋجيدىڭ تاپسىرماسىن ەستە بەرىك ساقتاعان نيڭشيا ”حىلانشان تاۋىنىڭ ەكولوگياسىن قورعاۋ شايقاسىن“ باستاپ، 15 ميلليارد يۋانعا تاياۋ قارجى جۇمساپ، تابيعي قورىق ىشىندەگى 169 ورىنداعى ادامزاتتىڭ قيمىل تۇيىندەرىن ارنايى وڭاپ، 16 ميلليون توننالىق كومىر ءوندىرىس قۋاتىن شەگەردى. قازىرگى تاڭدا كومىر شۇڭقىرى توپىراقپەن جابىلىپ، قاعىر تاۋ جاسىلدىقپەن كومكەرىلىپ، حىلانشان تاۋى بىرتىندەپ جاڭا كەلبەتىن ايگىلەدى.

  تاۋ، سۋ، ورمان، ەگىنجاي، كول، جايلىم، قۇم تۇگەل نيڭشيادان تابىلادى. حىلانشان تاۋىنىڭ ەكولوگياسىن قورعاۋدان تەنگىر قۇمدىعىنىڭ لاستانۋىن رەتتەۋ - وڭاۋعا، ونان حۋاڭحى وزەنىن جالپى بەتتىك وڭاۋعا دەيىن باس شۋجي شي جينپيڭ تالاي رەت ماڭىزدى نۇسقاۋ بەرىپ، بەكىتۋ جاسادى.

  2020 - جىلى 6 - ايدا باس شۋجي شي جينپيڭ نيڭشيادا قىزمەت تەكسەرگەندە ”حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى الدىمەن اتقارۋ ءوڭىرىن قۇلشىنا قۇرۋ“ كەلەلى بورىشىن، مىندەتىن جۇكتەپ، بىلاي دەپ باسا دارىپتەدى: تۇنىق سۋ، جاسىل تاۋ − باعالى بايلىق ۇستانىمىن بەرىك ورناتۋ كەرەك“، ”ەكولوگيالىق ورتانى قورعاۋدى ويداعىداي يگەرۋ كەرەك“، ”نيڭشيا كەلەلى جاعداي كوزقاراسىندا بولۋ جانە جاۋاپكەرشىلىك ارقالاۋ كەرەك“.

  ماڭىزدى مىندەت ارقالاعان نيڭشيا ءوز ورنى مەن دامۋدى بۇكىل ەلدىڭ كەلەلى جاعدايىنا قويا وتىرىپ اناعۇرلىم ءۇڭىلىپ، بۇكىل ەل بويىنشا حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندە الدىمەن جەرگىلىكتى زاڭ شىعارىپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ ارقىلى ەكولوگيالىق وركەنيەت قۇرىلىسىن باسشىلىققا الۋعا، بارلىق جەردى، بۇكىل الاپتى وڭاۋدى جاپپاي مەڭگەرىپ، تاۋ، سۋ، ورمان، ەگىنجاي، كول، جايلىم، قۇم جۇيەسىن وڭاۋدى ءبىر تۇتاس جوسپارلاپ، ءبىر تۇلعالى ەكولوگيانى قورعاۋ مەن قالپىنا كەلتىرۋدى اتقاردى.

  نيڭشيا ەكولوگيانى وڭاۋدا كورنەكتى تابىسقا قول جەتكىزدى: تۇتاس رايوندا توپىراقتىڭ زايا بولۋى جالپى تۇلعالىق جاقتان جاقسارۋدى جۇزەگە اسىرىپ، حۋاڭحى وزەنىنىڭ نيڭشيا بولىگىندەگى سۋ ساپاسى ءۇرتىس 5 جىل بويى ”2 - دارەجەلى سۋدىڭ كىرىپ، 2 - دارەجەلى سۋدىڭ شىعۋىن“ جۇزەگە اسىردى. 2021 - جىلى تۇتاس رايوننىڭ ايماق دارەجەلى قالالارىنىڭ قورشاعان ورتا اتموسفەرا ساپاسىنىڭ جاقسارۋ كۇن سانى 306 كۇنگە جەتىپ، باتىس سولتۇستىك وڭىردەگى ماڭىزدى ەكولوگيالىق حاۋىپسىزدىك قالتقى قۇرىلىسى جاپپاي كۇشەيتىلدى.

  باس شۋجي شي جينپيڭنىڭ ماڭىزدى نۇسقاۋى نەگىزىندە، تاياۋ جىلدان بەرى نيڭشيا جوعارى ساپالى دامۋدا جاڭا شارا شىعارىپ، وزگەرىس ەنگىزۋگە ۇمتىلدى، مىعىم شارا قولدانىپ، ونىمدىلىكتى كوزدەدى: سۋدان پايدالانۋ ۇقىعى رەفورماسىن، جەر ۇقىعى رەفورماسىن، لاس زاتتاردى شىعارۋ ۇقىعى رەفورماسىن، تاۋ، ورمان ۇقىعى رەفورماسىن جاپپاي جۇرگىزىپ، بايلىق فاكتورلارىنىڭ بوگەتتىك تەجەمىن تالقانداپ، بايلىقتى ۇلەستىرۋ ونىمدىلىگىن جوعارىلاتتى؛ ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ، ونىمدىلىكتى ارتتىرۋ ارەكەتىن ىشكەرىلەي اتقارىپ، ”ەكى جوعارى“ نىساندى كوزسىزدىكپەن دامىتۋدى باتىل اۋىزدىقتاپ، قاتاردان قالعان، مەشەۋ ءوندىرىس قۋاتىنان 14 ميلليون 480 مىڭ توننانى اداقتاپ، ىرىكتەدى؛ جەل ەلەكتر، فوتوۆولت، سۋتەگى ەنەرگياسى سياقتى تازا ەنەرگيا كاسىپ سالاسىن بار كۇشپەن دامىتىپ، ەنەرگيا كاسىپ سالاسىنىڭ جاسىلدىققا قاراي تيبىن جاڭالاپ بۇرىلىس جاساۋىن جىلدام ىلگەرىلەتتى...

  2021 - جىلدىڭ سوڭىنا دەيىن نيڭشيادا جەل ەنەرگياسى، فوتوۆولت سياقتى جاڭا ەنەرگيانىڭ ەلەكتر قۋاتى اگراگاتتارىندا ۇستايتىن ارا سالماعى %46كە جەتىپ، بۇكىل ەل بويىنشا 3 - ورىندا تۇردى؛ تۇتاس رايوننىڭ بىرلىك ورىنداعى ىشكى ءوندىرىس جالپى ءونىم قۇنىنىڭ سارىپ بولۋى سايكەس مەزگىلدەگىدەن %5 تومەندەپ، ”13 - بەسجىلدىقتان“ بەرى ەنەرگيانىڭ سارىپ بولۋى تومەندەگەننىڭ ەسەسىنە، كەرىسىنشە ارتۋداي ءتيىمسىز جاعدايدا بۇرىلىس بولدى؛ ستراتەگيالىق سيپاتتى جاڭادان گۇلدەنگەن كاسىپ سالاسىنىڭ ارتقان قۇنىنىڭ كولەمنەن جوعارى ونەركاسىپتە ۇستاعان ارا سالماعى %14.8كە جەتتى.

  نيڭشياعا كوز سالعاندا ەكولوگياسى تاماشا، ءوندىرىسى دامىعان نيڭشيانىڭ جاڭا كارتيناسى بىرتە - بىرتە ايشىقتالا تۇسەدى.

”سوتسياليزم ىستەۋمەن كەلگەن“

  ءتۇن پەردەسى تارتىلعان، ماۋۇسۋ ءشولى جيەگى نۇرعا شاعىلىسىپ، كوز تارتادى، قاتار - قاتار تىزبەكتەلگەن ءىرى تيپتى جابدىقتار، ايقىش - ۇيقىش قۇبىر كابەلى، نيڭدۇڭ ەنەرگيا حيميا ونەركاسىبى بازاسى سامالاداي سامسىعان شىراقتار اسپەتىندە ءتۇنسىز قالاعا اينالعان.

  2016 - جىلى 7 - ايدىڭ 19 - كۇنى تۇستەن كەيىن باس شۋجي شي جينپيڭ وسى اراعا كەلىپ قىزمەت تەكسەرىپ، بۇكىل الەم بويىنشا جاي زات كولەمى ەڭ ۇلكەن كومىردەن مۇناي الۋ ينجەنەرياسى نىسانى قۇرىلىسىنىڭ دامۋ جاعدايىن تاپتەشتەي ۇعىستى.

  دابىرالى زاۆود رايونى ىشىندە باس شۋجي شي جينپيڭ كۇش - قۋاتقا تولى ءسوز سويلەدى: ”سوتسياليزم ىستەۋمەن كەلگەن، ياعني ءبىز جۇمىسشى تابىنىڭ جان قيارلىقپەن شايقاس جاساۋ رۋحىنا سۇيەنگەن، باس الماي قاجىرلىلىقپەن ىستەۋدىڭ، شىنايى يگەرىپ، ناقتى ىستەۋدىڭ ارقاسىندا عانا ءبىز تالاي - تالاي ۇلى نىسانانى جۇزەگە اسىرا الدىق، تالاي - تالاي قوماقتى جەتىستىككە قول جەتكىزدىك“.

  نيڭشيا جونىنەن ناقتى قالاي ىستەۋ كەرەك؟ باس شۋجي شي جينپيڭ ”دامۋى قانشا كەنجە بولعان وڭىرلەر دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى سولعۇرلىم قاجەت ەتەدى“ دەگەن جاۋابىن ايتتى.

  ”باس شۋجيدىڭ ناقتى ىستەپ، ىسكەرلىك كورسەتكەندەردى القاۋى ءبىزدىڭ جاڭالىق اشۋ ىنتامىزدى بارىنشا قوزعادى“. نيڭدۇڭ بازاسىندا ينجەنەر ياڭ جيانرۇڭ جاڭالىق اشۋ قىزمەت كەڭسەسىن باستاماشىلدىقپەن ۇيىمداستىرىپ قۇرىپ، نازاردى يمپورت ەتىلگەن گازداندىرۋ جابدىقتارىندا ساقتالعان ماسەلەلەرگە شوعىرلاندىرىپ، باس الماي ىستەپ، قامال الىپ، ەڭ سوڭىندا دەربەس ءبىلىم مەنشىك ۇقىعىنا يە ”شىننيڭ پار قازانىن“ تۇلعالاپ، شەتەلدىڭ كومىردەن مۇناي الۋ حيميا ونەركاسىبى وزەكتى تەحنيكاسىن مونوپوليالاۋىن تالقاندادى.

  باس شۋجي شي جينپيڭ نۇسقاعان بەتالىسپەن جۇرگەن نيڭشيا جاڭالىق اشۋ مەن ناقتى ىستەۋ گۇلىن جەتىلدىرۋشىلەرگە قۇنارلى توپىراق ازىرلەدى: قىرۋار جاڭالىق اشۋ بايلىعىن، قوعامدىق كۇشتەردى جاڭالىق اشۋعا دەم بەرۋ ستراتەگياسىن ءبىر تۇتاس جوسپارلاپ ىلگەرىلەتۋگە ۇيىمداستىرىپ، جۇمىلدىرىپ، تۇتاس رايوندا قالا، اۋدان دارەجەلى عىلىم - تەحنيكا مەكەمەلەرىن تۇگەلدەي قالپىنا كەلتىردى، قۇردى؛ ”عىلىم - تەحنيكا ارقىلى نيڭشيانى قولداۋ“ شىعىس، باتىس بولىك سەلبەستىگىنە كۇش سالىپ، شىعىس، باتىس بولىك عىلىم - تەحنيكا سەلبەستىگى، جەتىستىكتەردى كادەگە جاراتۋ، قازىنا - سالىق، فينانس سياقتى ءبىر قىدىرۋ ارناۋلى ساياساتتاردى قالىپتاستىردى.

  5 جىلدان بەرى نيڭشيانىڭ تۇتاس قوعامدىق زەرتتەۋ جانە تاجىريبە، دامۋ قارجى ۇسىنىلىم كۇشەمەلىلىگى %1.52 ارتىپ، جىلدىق ورتاشا ارتۋى بۇكىل ەل بويىنشا الدىڭعى قاتاردا تۇرىپ، 1000 نەشە ءتۇرلى شىعىس، باتىس بولىك عىلىم - تەحنيكا سەلبەستىك نىسانىن ۇيىمداستىرىپ اتقارىپ، ءبىر توپ كاسىپ سالاسىنىڭ دامۋىن تەجەپ وتىرعان شەشۋشى، ورتاق سيپاتتى تەحنيكا بوگەتىنەن قامال الدى.

  الداعى 5 جىلدا نيڭشيا جاڭالىق اشۋ كۇشىن نىعايتۋ، جاڭالىق اشۋ نەگىزگى تۇلعاسىن جەتىلدىرۋ، جاڭالىق اشۋدا سايكەسە بىرگە ارەكەتتەنۋ، جاڭالىق اشۋ ەكولوگياسىن نارلەندىرۋ سىندى 4 ۇلكەن ينجەنەريانى اتقارىپ، بۇكىل ەل بويىنشا ماڭىزدى جاڭا ماتەريال ءوندىرۋ بازاسى، دۇنيە جۇزىلىك ءجۇزىم شارابى ورتالىعى، مەملەكەتتىك ”شىعىس ءوڭىردىڭ ساندى مالىمەتىن، باتىس وڭىرگە بەيىمدەپ ەسەپتەۋدەن“ ۇلگى كورسەتۋ بازاسى سىندى ءبىر توپ عىلىم - تەحنيكادا جاڭالىق اشۋدىڭ جاڭا بيىك بەلەسىن جانە وسى زامانعى كاسىپ سالاسى بازاسىن قالىپتاستىرادى...

  باس شۋجيدىڭ ىقىلاستى تاپسىرماسىن ەستە بەرىك ساقتاعان نيڭشياداعى ءار ۇلت حالقى سەنىمنەن اينىماي، ۇدەرە العا تارتتى. نيڭشيانىڭ بايتاق دالاسىندا قاجىرلىلىقپەن ىستەۋ، ناقتى ىستەۋ، جاڭالىق اشۋ، جاڭالىق جاراتۋ قىزۋ ورلەۋى كوتەرىلدى.

(شينحۋا اگەنتتگىنىڭ 6 - ايدىڭ 25 - كۇنى يىنچۋاننان بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.