تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شينجياڭ جاقسى جەر|تارىم ويپاتىنداعى شاعىن قىستاقتىڭ ٴتاتتى ورىگى ٴىرى قالالارعا ساتىلدى

  6 ـ ايدىڭ 18 ـ كۇنى، تارىم ويپاتىنداعى جاسىل القاپتىڭ قويناۋىنا ورنالاسقان شينجياڭ قاشقار ايماعى كونەٴشار اۋدانى تەرىم اۋىلى يۇلعۇنبۇرا قىستاعىنا كاسىپورىندار كەلىپ ورىك ساتىپ الدى. سۋرەتتى شينحۋا اگەنتتىگىنىڭ ٴتىلشىسى دۋ گاڭ تۇسىرگەن

  وسى بىرنەشە كۇندە تارىم ويپاتىنىڭ تەرەڭ قويناۋىنا ورنالاسقان شينجياڭ قاشقار ايماعى كونەٴشار اۋدانى تەرىم اۋىلى يۇلعۇنبۇرا قىستاعىندا قىستاق تۇرعىندارى بۇتاقتا سامسىپ تۇرعان، جۇمىرتقاداي ورىكتەردى تەرۋمەن قاربالاستاۋدا. ىلە – شالا، وسى ٴتاتتى ورىكتەر سۋىق تىزبەكتى اۆتوموبيلدەرگە نەمەسە ۇشاقتارعا ”وتىرىپ“، نەشە مىڭ كيلومەتر شالعايداعى بەيجيڭ، شاڭحاي، گۋاڭجوۋ قاتارلى ٴىرى قالالارعا ەنەدى.

  ٴدال جازعى دەمالىس كەزى بولعاندىقتان، اۋىلىنا قايتقان داشۋە وقۋشىسى ارزىگۇل ٴالي اكە ـ شەشەسىنە كومەكتەسىپ ورىك تەردى. ول تىلشىگە بىلاي دەدى: قىستاقتان قاشقار قالاسى مەن كونەٴشار اۋدان قالاشىعىنا بارۋ ءۇشىن 2 ساعاتتان استام جول باسۋ كەرەك، بۇرىن ورىكتىڭ از ٴبولىمىن عانا تومەن باعادا ساتىپ، كوپ ٴبولىمىن ٴوزىمىز جەيتىنبىز نەمەسە جەرگە ٴتۇسىپ قالاتىن، ”چاڭشاعا، ۇرىمجىگە بارعاندا عانا ورىگىمىزدىڭ قانشاما ٴتاتتى ەكەنىن ٴبىلدىم. بۇكىل ەلگە ايگىلى اقسۋ الماسى، كورلا المۇرتىمەن سالىستىرعاندا، ورىگىمىزدى باعالاي الماي ءجۇر ەكەمىز“.

  ارزىگۇل وتباسى ەككەن مۇياع ورىگى نەگىزىنەن كونەٴشار اۋدانىنا تارالعان، ەتى قالىڭ، قابىعى جۇقا، شىرىنى كوپ، ٴدامى ٴتاتتى، ”ورىك پاتشاسى“ دەپ اتالعان. 2000 - جىلى كونەءشار اۋدانىنا اۋىل شارۋاشىلىق مينيسترلىگى جاعىنان جۇڭگونىڭ مۇياع ورىك مەكەنى دەگەن اتاق بەرىلدى؛ 2006 - جىلى مۇياع ورىگى مەملەكەتتىك ورگانيكالىق ازىق - تۇلىك كۋالاندىرۋىنان ٴوتتى؛ 2021 - جىلى مۇياع ورىگى تاعى دا اۋىل شارۋاشىلىعى، اۋىل - قىستاق مينيسترلىگى جاعىنان ”2021 - جىلعى تۇڭعىش توپتاعى اۋىل شارۋاشىلىق ونىمدەرىنىڭ جاعراپيالىق بەلگى بويىنشا تىركەۋگە الىنعان ٴونىم“ دەپ جاريالاندى.

  وسىدان كەيىن، مۇياع ورىگى بىرتىندەپ بازاردىڭ مويىنداۋىنا يە بولدى. ارزىگۇلدىڭ وتباسىندا 5 مۋ ورىك بار، بيىل ٴار كيلوگرامىن 35 يۋاندىق باعامەن جياڭگوگو اۋىل شارۋاشىلىق عىلىم ـ تەحنيكا شەكتى سەرىكتەستىگى تۇگەلدەي ساتىپ الدى، ”بۇرىن اكە ـ شەشەم جول شەتىندە، ىستىق كۇننىڭ استىندا باسقالاردىڭ كەلىپ تاڭداۋىن كۇتەتىن، ٴبىر كيلوگرامى ەڭ كوپ بولعاندا 5 - 6 يۋانعا جارايتىن“.

  شينجياڭ جياڭگوگو اۋىل شارۋاشىلىق عىلىم ـ تەحنيكا شەكتى سەرىكتەستىگىنىڭ باس جوراسى چىن ۋىنجۇننىڭ تانىستىرۋىنا قاراعاندا، 2020 ـ جىلدان قازىرگە دەيىن سەرىكتەستىك كونەٴشار اۋدانىنان مۇياع ورىگىن ٴۇرتىس 3 جىل ساتىپ العان، بيىل 350 توننا ساتىپ الۋدى جوسپارلاعان، باعاسى باسقا ورىكتەردەن نەشە ەسە جوعارى بولعانىمەن، ٴالى دە قاجەتتى قامداي الماعان.

  ساپاعا كەپىلدىك ەتۋ ٴۇشىن، جياڭگوگو اۋىل شارۋاشىلىق عىلىم ـ تەحنيكا شەكتى سەرىكتەستىگى جەرگىلىكتى ورىننىڭ جەمىس اعاشتارىن جاقسارتىپ، دارەجەسىن وسىرۋىنە كومەكتەسىپ، شارۋالاردى عىلمي جولمەن ەگۋگە جانە جيناۋعا باۋلىدى. قىستاق تۇرعىنى تۇرسىنگۇل مامەتتۇرسىن بىلاي دەدى: ”العاشىندا ٴبىز ورىكتى سىرىقپەن ۇرىپ نەمەسە ورىك اعاشىن ىرعاپ ورىكتى تۇسىرەتىنبىز، كوپتەگەن ورىك ٴبۇلىنىپ كەتەتىن. قازىر جابدىقپەن ٴبىر - بىردەن ٴۇزىپ الىپ، سول جەردىڭ وزىندە ساتامىز نەمەسە سىرت جەرلەرگە ساتامىز، بىردە - ٴبىرىن ىسىراپ قىلۋعا قيمايمىز“.

  6 ـ ايدىڭ 18 ـ كۇنى، شينجياڭ قاشقار ايماعى كونەٴشار اۋدانى تەرىم اۋىلى يۇلعۇنبۇرا قىستاعىندا قىستاق تۇرعىندارى ورىكتى قوراپتاپ ساتتى. سۋرەتتى شينحۋا اگەنتتىگىنىڭ ٴتىلشىسى دۋ گاڭ تۇسىرگەن

  تەرىم اۋىلىنىڭ ورىنباسار باستىعى تان لۇڭفي بىلاي دەپ تانىستىردى: شارۋالاردىڭ مۇددەسىن اناعۇرلىم ويداعىداي قامتاماسىزداندىرۋ ٴۇشىن، اۋىلدىق ۇكىمەت شارۋا وتباسىلارى اتىنان كاسىپورىندارمەن ساتىپ الۋ باعاسىن اقىلداستى، سونىمەن بىرگە ەگىمشىلىك كولەمىن كەڭەيتۋ قاجەتىن قاناعاتتاندىرۋ ٴۇشىن، اۋىل تاعى دا 300 مۋلىق قالامشا ٴوسىرۋ بازاسىن قۇردى.

  سوڭعى بىرنەشە جىلدا جەمىس باعىن جاڭالاۋدىڭ ۇزدىكسىز ىلگەرىلەتىلۋىنە ىلەسە، مۇياع ورىگىنىڭ ساپاسى زور دارەجەدە جوعارىلادى. قازىر كونەٴشار اۋدانىنىڭ مۇياع ورىگى ەگىلگەن جەر اۋدانى 67 مىڭ مۋعا جەتىپ، جيناۋ مەرەكەسى، ورىك جيناۋ جارىسى سياقتى كوپ ٴتۇرلى قيمىلداردان پايدالانىپ، مۇياع ورىگىنىڭ اتاعىن ۇزدىكسىز جوعارىلاتىپ، داڭقىن الىس - جۋىققا جايدى. (ٴتىلشى دۋ گاڭ)

اۋدارعان: قادىر ماقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.