ساياساتتار دالمە ـ ٴدال اتقارىلىپ، نىساندار ىرگە تەۋىپ، قارجى شوعىرلى تۇردە قوسىلدى ... سوڭعى جىلدارى شينجياڭ ۇيعۇر اۆتونوميالى رايونى ”شينجياڭدى مادەنيەتپەن نارلەندىرۋ“ ينجەنەرياسىن بار كۇشپەن ىلگەرىلەتىپ، ”شينجياڭدى ساياحات ارقىلى گۇلدەندىرۋ“ ستراتەگياسىن اتقارىپ، ساياحات كاسىپ سالاسىندا وراسان زور وزگەرىستەر تۋىلدى، مادەنيەت پەن ساياحاتتى توعىستىرۋدا كورنەكتى ناتيجەگە قول جەتىپ، تۇتاس وڭىرلىك ساياحات ىشكەرىلەي ىلگەرىلەتىلىپ، بازار نەگىزگى تۇلعالارى ۇزدىكسىز زورايىپ، ساياحات ونىمدەرى ۇزدىكسىز مولايدى. قازىرگە دەيىن شينجياڭدا (بيڭتۋاندى قامتىعان) جيىنى 16 5A دارەجەلى ساياحات كورىنىس ٴوڭىرى، 386 جۇلدىز دارەجەلى قوناق ٴۇي جانە 796 ساياحات كووپەراتيۆى بار.
” قازىر شينجياڭ مادەنيەت ارقىلى ەنەرگيا ۇستەپ، ساياحات ارقىلى كۇش سالىپ، ’شينجياڭ جاقسى جەر‘ ماركاسىن بارعان سايىن ىقپالدى ەتە ٴتۇستى“. شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى بىلاي دەدى: سوڭعى جىلدارى شينجياڭ ٴار دارەجەلى، ٴار ٴتۇرلى ساياحاتتى دامىتۋ جوباسىن عىلمي جاساپ، ساياحات نىساندارىن اشىپ، كاسىپ سالاسى نەگىزىن بەكەمدەپ، قاتىناستىڭ بوگەتىن بۇزىپ، سايكەستى قۇرىلعىلاردى ساپالىلاندىرىپ، اۋىل ـ قىستاق ساياحاتىن، زەردەلى ساياحاتتى دامىتىپ، ساياحات حاۋىپسىزدىگىن قامتاماسىز ەتىپ، ساياحات قىزمەتىنىڭ ونىمدىلىگىن اناعۇرلىم كورنەكتىلەندىردى.
سۇيەمەلدەۋ تەبىنى ارتتى
ۇزاق ۋاقىتتان بەرى، مادەنيەت جانە ساياحات مينيسترلىگى شينجياڭنىڭ مادەنيەتى مەن ساياحات كاسىبىنىڭ دامۋىنا ايرىقشا نازار اۋداردى. 2020 ـ جىلى 11 ـ ايدا شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسى جۇڭگو − شەتەل مادەنيەت اۋىس ـ كۇيىس ورتالىعىمەن ستراتەگيالىق سەلبەستىك كەلىسىمىنە قول قويىپ، جاپونيانىڭ وساكا، بەلگيانىڭ برۋسسەل سياقتى جەرلەرىندە جەلى ارقىلى شينجياڭ مادەنيەت جانە ساياحات اپتالىعى جانە شينجياڭ مادەنيەت مۇرالارى اپتالىعى قاتارلى قيمىلداردى ورىستەتتى.
2021 ـ جىلى 10 ـ ايدا، مادەنيەت جانە ساياحات مينيسترلىگى، شينجياڭ ۇيعۇر اۆتونوميالى رايوندىق ۇكىمەت بىرلەسىپ ”شينجياڭ جاقسى جەر − شينجياڭعا باعىتتامالى كومەكتەسەتىن 19 ولكە، قالانىڭ بەيزاتتىق مادەنيەت مۇرالار كورمەسىن“ وتكىزىپ، 20 مىڭ ادام ـ رەتتەن استام جەلىدەن تىس ات سالىسۋعا باۋرادى، جەلىدەگى شولۋ مولشەرى 50 ميلليون رەتتەن استى.
2018 ـ جىلدان بەرى، مادەنيەت جانە ساياحات مينيسترلىگى شينجياڭعا كومەكتەسەتىن 19 ولكە، قالانىڭ مادەنيەت جانە ساياحات تاراۋلارىن، سونداي ـ اق جۇڭگو ساياحات توبى، حۋاچياۋچىڭ توبى، جۇڭگو جاستار ساياحات جارناسى مەڭگەرىلەتىن شەكتى جارنا سەرىكتەستىگى سياقتى كاسىپورىنداردى ۇيىمداستىرىپ، شينجياڭنىڭ قاتىستى ايماق، قالالارىمەن ساياحات سەلبەستىگى جۇلگەلىك كەلىسىمىنە قول قويىپ، جۇڭگو ساياحات كووپەراتيۆى قوعامىنىڭ، جۇڭگو ساياحات اۆتوكولىك، كەمە قوعامىنا مۇشە ورىندارىنىڭ ۋاكىلدەرىن شينجياڭعا كەلىپ ساياحاتتاۋىن ىلگەرىلەتىپ، شينجياڭداعى ٴبىر ٴبولىم ساياحات كاسىپورىندارىمەن جۇپ قۇراۋ كەلىسىمىن جاساسىپ، مەملەكەتتىك ٴوز كولىگىمەن ساياحاتتاۋ كاسىبى كۋرسى، جۇڭگو ساياحات كووپەراتيۆى قوعامىنىڭ قىزمەت ٴماجىلىسى سياقتىلاردى ۇيىمداستىردى. بۇدان سىرت، مادەنيەت جانە ساياحات مينيسترلىگى جوباسىن جاساۋ، نىسان ارقىلى قولداۋ، ساياحاتشىلار قاينارىن ۇيىمداستىرۋ، دارىندىلاردى تاربيەلەۋ، مادەنيەت مۇرالارىن قورعاۋ، ادەبيەت ـ كوركەمونەر جاسامپازدىعى سياقتى جاقتاردا شينجياڭعا جان ـ جاقتى قولداۋ كورسەتتى.
«شينجياڭ ۇيعۇر اۆتونوميالى رايونىنىڭ ساياحاتتى جەبەۋ ەرەجەسى» 2021 ـ جىلى 7 - ايدىڭ 1 ـ كۇنىنەن باستاپ اتقارىلىپ، ساياحات كاسىبىن دامىتۋعا زاڭ شىعارۋ تۇرعىسىنان زاڭمەن باسقارۋ كەپىلدىگىن ازىرلەپ بەردى. تاياۋدا شينجياڭ ۇيعۇر اۆتونوميالى رايوندىق ۇكىمەت «اۆتونوميالى رايوننىڭ مەملەكەتتىك كەڭەس تاراتقان [2022] 12 ـ ٴنومىرلى حۇجاتتىڭ رۋحىن دايەكتىلەندىرىپ، تياناقتاندىرىپ، ەكونوميكانىڭ ورنىقتى ارتۋىن ىلگەرىلەتۋدىڭ ٴبىر قىدىرۋ ساياساتتىق شارالارىن» العا قويدى؛ شينجياڭ ۇيعۇر اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ جالپىلىق قىزمەت گرۋپپاسى، اۆتونوميالى رايوندىق مادەنيەت جانە ساياحات مەڭگەرمەسى بىرلەسىپ «ىندەتتەن ساقتانۋ - تىزگىندەۋ مەن ساياحات كاسىبىنىڭ دامۋىن جوعارى ٴونىمدى، ٴبىر تۇتاس جوسپارلاۋ جونىندەگى ۇقتىرۋدى» جاريالادى. وسى ساياساتتاردىڭ العا قويىلۋى شينجياڭنىڭ ىندەتتەن ساقتانۋ - تىزگىندەۋ جانە ساياحات كاسىبىنىڭ دامۋىن جوعارى ٴونىمدى، ٴبىر تۇتاس جوسپارلاۋىنا ٴتيىمدى.
الۋان ٴتۇرلى ٴادىس – امالداردى قولدانىپ ساياحاتشىلاردى باۋرادى
شينجياڭ تابيعي ەكولوگيا مەن ەرەكشە مادەنيەتتى ارقاۋ ەتىپ، ”ٴىرى“ جانە ”كوركەم“ دەگەن ەكى ٴسوزدى كورنەكتىلەندىرىپ، كۇشتى شوعىرلاندىرا وتىرىپ ”شينجياڭ جاقسى جەر“ ماركاسىن سومداپ، تابيعات كورىنىسى ساياحاتى، جىبەك جولى بايىرعى جولى ساياحاتى، اۋىل ـ قىستاق ساياحاتى، قار ـ مۇز ساياحاتى، قىزىل ساياحات، ٴوز اۆتوكولىگىمەن (ۇيشە اۆتوكولىكپەن) ساياحاتتاۋ، تومەن كەڭىستىك ساياحاتى، كۇتىنۋ ساياحاتى سياقتىلاردى نەگىزگى تاقىرىپ ەتكەن قىرۋار ونىمدەردى شىعارىپ، كوپتەگەن ساياحاتشىلاردى باۋرادى.
بيىل 6 ـ ايدا، شينجياڭ كوپتەگەن ساياحات ارناۋلى پويەزى، جالداما ۇشاق سياقتى ساياحات ۇيىرمەلەرىن قارسى الدى. 6 ـ ايدىڭ 6 ـ كۇنى قاشقار 60 ساياحاتشى وتىرعان شاندۇڭنىڭ شينجياڭعا كومەكتەسۋ جالداما ۇشاعىن قارسى الدى. 6 ـ ايدىڭ 9 ـ كۇنى، جىجياڭ سياقتى جەرلەردەن كەلگەن 131 ساياحاتشى شيندۇڭفاڭ تەز ارناۋلى پويەزىنە وتىرىپ، تيانشاننىڭ تۇستىگى مەن تەرىستىگىنە بارىپ، وڭتۇستىك، سولتۇستىك شينجياڭنىڭ ۇلكەن اينالما ساياحاتىن سەزىندى. 6 ـ ايدىڭ 17 ـ كۇنى، جىجياڭ قاتارلى جەرلەردىڭ 2000 نان استام ساياحاتشىسى وتىرعان ”كوركەم جىجياڭ جانە شينجياڭ“ ٴجۇز ۇيىرمە، 10 مىڭ ادام اقسۋدى ساياحاتتاۋ 1000 ادامدىق ارناۋلى پويەزى اقسۋعا جەتتى. 6 ـ ايدىڭ 19 ـ كۇنى، قاشقار گۋاڭدۇڭ قاتارلى جەرلەردەن كەلگەن 923 ساياحاتشى وتىرعان ”10 مىڭ ادام قاشقاردى ساياحاتتاۋ“ تۇڭعىش ساياحات ارناۋلى پويەزىن قارسى الدى ... ”6 ـ ايدىڭ 20 ـ كۇنىنە دەيىن، ٴبىز جياڭسۋ، حۋبەي، حۋنان قاتارلى جەرلەردىڭ 500 دەن استام ساياحاتشىسىن قابىلدادىق“، ـ دەدى ٴۇرىمجى قالالىق دوسايجياچي حالىقارالىق ساياحات سەرىكتەستىگىنىڭ باس ديرەكتورى ي حىيۇي.
سونىمەن بىرگە، شينجياڭنىڭ جەر ـ جەرى قابىلداعان ٴوز اۆتوكولىگىمەن ساياحاتتاپ جۇرگەن ساياحاتشىلار دا كۇن سايىن كوبەيدى. ”مايتاۋ − كۇشار تاس جولىندا 6 ـ ايدىڭ 10 ـ كۇنى اۆتوكولىك قاتىنادى، ەكىنشى كۇنى جەلى بويىنداعى كورىنىس وڭىرلەرىنىڭ ساياحاتشى قابىلداۋ مولشەرى ەسەلەپ ارتتى، ساياحاتشىلاردىڭ كوبى ٴوز اۆتوكولىگىمەن كەلگەندەر“، ـ دەدى نارات ساياحات كورىنىس ٴوڭىرى ساياحاتتى دامىتۋ، باسقارۋ مەكەمەسىنىڭ ورىنباسار باستىعى چى حۋا.
”ساياحات +“ جونىندە ىشكەرىلەي ىزدەنىس جاسادى
سوڭعى جىلدارى شينجياڭ ”ساياحات +“دى توعىسپالى دامىتۋدى دا ۇزدىكسىز ىلگەرىلەتىپ، ساياحاتتى دامىتۋدىڭ نەگىزىن بەكەمدەپ، ساياحات سايكەستى نىسان قۇرىلىستارىن جەدەلدەتىپ، ”ساياحات + اۆياتسيا“، ”ساياحات + تەمىر جول“،”ساياحات + تاس جول“، ”ساياحات + حابارلاسۋ“،”ساياحات + اۋا رايى“ سياقتى ونىمدەردى جاراتتى.
2020 ـ جىلدان بەرى، شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسى ٴارقايسى اۆياتسيا سەرىكتەستىكتەرىمەن سەلبەستىكتى كۇشەيتىپ، تارماق جەلىلەردىڭ، اينالما جەلىلەردىڭ جانە ساياحات اۆياتسيا جەلىلەرىنىڭ اشىلۋىن ىلگەرىلەتتى. ”ٴبىز ساياحات سەرىكتەستىكتەرىمەن بىرلەسىپ 2 كۇندىك ساياحات، 3 كۇندىك ساياحات سياقتى ونىمدەردى شىعاردىق. 6 ـ ايدىڭ 22 ـ كۇنى اقسۋ − قارامايلى − التاي ساياحات جەلىسى اشىلدى. كەلەسى قادامدا ٴبىز ٴتىپتى دە كوپ ’ساياحات + اۆياتسيا‘ ونىمدەرىن شىعارۋدى جوسپارلاپ وتىرمىز“، ـ دەدى حۋاشيا اۆياتسيا شەكتى جارنا سەرىكتەستىگى شينجياڭ رايونىنىڭ جاۋاپتىسى يۋان شياۋيۇڭ.
سوڭعى جىلدارى شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسى جۇڭگو تەمىر جولى ٴۇرىمجى مەكەمەسى توبىمەن دە سەلبەسىپ، ”پويەزگە وتىرىپ شينجياڭدى ساياحاتتاۋ“، شيندۇڭفاڭ تەز پويەزىنىڭ ساۋلەتتى ساياحات ارناۋلى پويەزى سياقتى ونىمدەردى شىعارىپ، ”ساياحات + تەمىر جول“ ونىمدەرىمەن قامداۋدى بايىتتى.
سونىمەن بىرگە، شينجياڭداعى ٴارقايسى ايماق، وبلىس، قالالار دا ساياحات كاسىبىن ماڭىزدى ستراتەگيالىق تىرەكتى كاسىپ رەتىندە قاراستىرىپ، ارناۋلى قارجى شىعارىپ، مادەنيەت - ساياحات امبەباپ تۇلعاسى سياقتى ٴىرى نىسانداردىڭ تياناقتانۋىن ىلگەرىلەتتى. 2020 ـ جىلدان بەرى، قارامايلى قالاسىنىڭ ورقى رايونى ”باتىس بولەكتەگى ۋجىن قالاشىعىن“ قۇرۋدى جەدەلدەتىپ، ساياحات حالىقتىق تۇسەلحانالارى، اۋىل ـ قىستاق سالت ـ ساناسى، ٴوز اۆتوكولىگىمەن ساياحاتتاۋ لاگەرى ٴبىر تۇلعالانعان اۋىل ـ قىستاقتى گۇلدەندىرۋ نىسانىن قۇردى.
”’باتىس بولەكتەگى ۋجىن قالاشىعى‘ نىسانى ٴبىزدىڭ ’ساياحات +‘ دى ىلگەرىلەتۋدەگى يگىلىكتى ىزدەنىسىمىز سانالادى، جەرگىلىكتى ورىندى 3000 نان استام جۇمىس ورنىمەن قامداپ، ’ساياحات + ٴوز اۆتوكولىگىمەن ساياحاتتاۋدىڭ‘ توعىسپالى دامۋىن جەبەدى. بۇدان سىرت، ’ساياحات + اۆياتسيانىڭ‘ دامۋىن ىلگەرىلەتۋ ٴۇشىن، ٴبىز ورقى − قاناس، ورقى − نارات سىندى 2 اۋە جەلىسىن اشتىق“، ـ دەدى ورقى رايوندىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ باستىعى شۇي ۋيدي.
”ساياحات +“دى توعىسپالى دامىتۋ جونىندە ىزدەنىس جاساۋ بارىسىندا، شينجياڭ ساياحات نەگىزدىك قۇرىلعى قۇرىلىسىن ۇزدىكسىز كەمەلدەندىردى. ”گۇييۋان تيانجۇي . تاعلاق قىستاعى“ كورىنىس ٴوڭىرى − اقسۋ مادەنيەت، ساياحاتتى دامىتۋ توبىنىڭ ونسۋ اۋدانىندا قۇرعان اۋىل ـ قىستاق ساياحات كورىنىس ٴوڭىرى. 2020 ـ جىلى 9 ـ ايدا، وسى كورىنىس ٴوڭىرى ساياحاتشىلارعا قىزمەت وتەۋ ورتالىعىنىڭ نىسان قۇرىلىسىن ىلگەرىلەتىپ، جۇلدىزدى تۇندەگى شاتىر، اعاش ٴۇي، پويەز حالىقتىق تۇسەلحاناسى، ۇشاق بولمەسى اسحاناسى، گۇل تەڭىزىن تاماشالاۋ، بۇلت ىشىندە سەيىلدەۋ سايران باقشاسى سياقتى ەرەكشە نىسانداردى ەنگىزىپ، توڭىرەگىندەگى 200 دەن استام قىستاق تۇرعىنىن جۇمىسقا ورنالاستىردى.
بۇدان سىرت، شينجياڭ ”ٴۇشتىڭ قيىن بولۋ، ٴبىر ىركىلىسسىز بولماۋ“ ماسەلەسىن شەشۋگە كۇش سالىپ، اۆتوكولىك توقتاتۋ الاڭى، ساياحات دارەتحاناسى، ماي قۇيۋ پۋنكتى سياقتى قۇرىلىستاردى جەدەلدەتىپ، جىبەك جولى بايىرعى جولى، كورىنىس جولى قۇرىلىسىن باستاپ، شينجياڭدىقتاردىڭ شينجياڭدى، جەرگىلىكتى ادامداردىڭ ٴوز جەرىن ساياحاتتاۋىن ىلگەرىلەتىپ، ٴوز اۆتوكولىگىمەن ساياحاتتاۋ، قالا ماڭىنا ساياحاتتاۋ، قىسقا ارالىقتى ساياحات، اۋىل ـ قىستاق ساياحاتى سياقتىلاردىڭ دامۋىن جەبەدى. (ۋاڭ سىچاۋ)
«شينحۋا تورىنان» اۋدارىلدى
اۋدارعان: قادىر ماقان
