انار بۇلت \ شينجياڭ گازەتىنىڭ حابارى (ءتىلشى جاڭ ۋاندى، ەرىكتى ءتىلشى گۇلدار كۇنسان حابارلايدى). 6 - ايدىڭ 22 - كۇنى، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) دۇڭنانگوۋ قىستاعىنىڭ پارتيا ياچەيكاسى ايقىن، ءامينا، قىمبات قاتارلى 8 پارتيا مۇشەسىن ۇيىمداستىرىپ، ”اتتىلار“ ۇگىت - لەكسيا اترەتىن قۇرىپ، اتپەن دۇڭنانگوۋ قىستاعىن ارالاپ، ”پارتيا تۋى تيانشاندى نۇرلاندىردى، ادال جۇرەگىمىز پارتياعا ىنتىعادى، 1 - شىلدەنى قىزۋ قارسى الۋ، اۋەلگى ماقساتتى ۇمىتپاي، پارتياعا ىلەسۋ“ ۇگىت - لەكسيا قيمىلىن وزدىردى.
ۇگىت - لەكسيا اترەتى مالشىلارعا ۇگىت - لەكسيا جۇرگىزۋدە. سۋرەتتى دايىنداعان گۇلدار كۇنسان
5 - ايدىڭ سوڭىنان باستاپ، دۇڭنانگوۋ قىستاعىنىڭ مالشىلارى جايلاۋعا جول الىپ كوكباستاۋ، اقباستاۋ، لامجاپ سىندى ءۇش سايعا قاراي كوشەدى، مالشىلار قونىسىنىڭ بىتىراندى بولۋى، قاتىناستىڭ قولايسىزدىعى سياقتى ناقتى جاعدايلاردى ويلاستىرعان ۇگىت - لەكسيا اترەتىنىڭ مۇشەلەرى ۇگىت ماتەريالدارىن ارقالاپ، اتپەن 80 نەشە كيلومەتر جول باسىپ، پارتيانىڭ ءۇنىن ءار وتباسىنا جەتكىزدى.
