تيانشان تورى
تيانشان تورى   ›   جاڭالىقتار   ›   ماڭىزدى حابارلار

ينتەرنەت قاتارلى ءتۇرلى ارنالار ارقىلى حالىقتىڭ قاجەتىن بىلۋگە، حالىقتان اقىل سۇراۋعا شەبەر بولىپ، حالىق ۇنىنە اناعۇرلىم ويداعىداي قۇلاق ءتۇرىپ، حالىق رايىنا قۇرمەت ەتىپ، حالىق تىلەگىنە ۇيلەسۋ كەرەك

شي جينپيڭ ينتەرنەت قولدانۋشىلاردىڭ پارتيا 20 - قۇرىلتايىنا قاتىستى قىزمەتتەر جونىندەگى پىكىر - ۇسىنىستارىن زەرتتەۋ، قابىلداۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

ينتەرنەت قاتارلى ءتۇرلى ارنالار ارقىلى حالىقتىڭ قاجەتىن بىلۋگە، حالىقتان اقىل سۇراۋعا شەبەر بولىپ، حالىق ۇنىنە اناعۇرلىم ويداعىداي قۇلاق ءتۇرىپ، حالىق رايىنا قۇرمەت ەتىپ، حالىق تىلەگىنە ۇيلەسۋ كەرەك

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ينتەرنەت قولدانۋشىلاردىڭ پارتيا 20 - قۇرىلتايىنا قاتىستى قىزمەتتەر جونىندەگى پىكىر - ۇسىنىستارىن زەرتتەۋ، قابىلداۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: پارتيانىڭ 20 - قۇرىلتايى پارتيا مەن مەملەكەتتىڭ ساياسي ومىرىندەگى ءىرى ءىس. پارتيانىڭ مەملەكەتتىك قۇرىلتايىنا قاتىستى قىزمەتتەردى ارقاۋ ەتىپ ينتەرنەتتە پىكىر جيناۋ بۇكىل پارتيانىڭ، بۇكىل قوعامنىڭ مەملەكەتتىڭ دامۋىنا، ۇلتتىڭ گۇلدەنۋىنە كەڭەس بەرىپ، ءجون سىلتەۋىنىڭ ءونىمدى تاسىلدەرىنىڭ ءبىرى، سونداي - اق جالپى بارىستىق حالىق دەموكراتياسىنىڭ جاندى بەينەلەنۋى. بۇل رەتكى قيمىلعا قالىڭ كادر - بۇقارا ىستىق ىقىلاسپەن نازار اۋدارىپ، بەلسەنە ات سالىسىپ، كوپتەگەن سىندارلى پىكىر جانە ۇسىنىس بەردى، قاتىستى جاقتار مۇقيات زەرتتەپ، تولىق قابىلداۋ كەرەك. وسى رەتكى قيمىلدىڭ تابىستى ءادىسىن قورىتىندىلاپ، جاڭا جاعدايداعى بۇقارالىق لۋشيانمەن ويداعىداي ءجۇرىپ، ينتەرنەت قاتارلى ءتۇرلى ارنالار ارقىلى حالىقتىڭ قاجەتىن بىلۋگە، حالىقتان اقىل سۇراۋعا شەبەر بولىپ، حالىق ۇنىنە اناعۇرلىم ويداعىداي قۇلاق ءتۇرىپ، حالىق رايىنا قۇرمەت ەتىپ، حالىق تىلەگىنە ۇيلەسىپ، پارتيا مەن مەملەكەتتىڭ ءتۇرلى قىزمەتتەرىن اناعۇرلىم ويداعىداي ىستەۋ كەرەك.

  باس شۋجي شي جينپيڭنىڭ بيىل 2 - ايداعى ماڭىزدى نۇسقاۋىنىڭ رۋحىنا ساي، پارتيا 20 - قۇرىلتايىنا قاتىستى قىزمەتتەر جونىندە ينتەرنەتتە پىكىر جيناۋ قيمىلى 4 - ايدىڭ 15 - كۇنىنەن 5 - ايدىڭ 16 - كۇنىنە دەيىن ورىستەتىلدى، حالىق گازەتىنە، شينحۋا اگەنتتىگىنە، ورتالىق راديو - تەلەۆيزيا باس ستانسياسىنا قاراستى رەسمي سايتتار، اقپاراتتىق كليەنتتەر جانە ”ۇيرەنۋدە قۋاتتى ەل“ ۇيرەنۋ تۇعىرى جەكە - جەكە ارناۋلى ستون اشىپ، بۇكىل قوعامنىڭ پىكىر - ۇسىنىسىن تىڭدادى. قيمىلعا قالىڭ حالىق بۇقاراسى كەڭىنەن نازار اۋدارىپ جانە ات سالىستى، ينتەرنەت قولدانۋشىلاردان جالپى 8 ميلليون 542 مىڭنان استام ۇسىنىس قابىلدانىپ، پارتيا 20 - قۇرىلتايىنا قاتىستى قىزمەتتەر ءۇشىن پايدالى دايەك ۇسىنىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.