تيانشان تورى   ›   ۇيرەنۋ   ›   شولۋ

«جۇڭگو كوممۋنيستىك پارتياسى دەگەن نە؟ نە ىستەيدى دەگەن ءتۇبىرلى ماسەلەنى ەستە بەرىك ساقتاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندەگى شوعىرلى ۇيرەنۋ تاربيەسىن تىڭعىلىقتى ورىستەتكەندىگى جونىندە شولۋ»

حالىق گازەتى اۆتورلى ماقالا جاريالادى

«جۇڭگو كوممۋنيستىك پارتياسى دەگەن نە؟ نە ىستەيدى دەگەن ءتۇبىرلى ماسەلەنى ەستە بەرىك ساقتاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندەگى شوعىرلى ۇيرەنۋ تاربيەسىن تىڭعىلىقتى ورىستەتكەندىگى جونىندە شولۋ»

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. حالىق گازەتى 6 - ايدىڭ 27 - كۇنى «جۇڭگو كوممۋنيستىك پارتياسى دەگەن نە؟ نە ىستەيدى دەگەن ءتۇبىرلى ماسەلەنى ەستە بەرىك ساقتاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا ىشىندەگى شوعىرلى ۇيرەنۋ تاربيەسىن تىڭعىلىقتى ورىستەتكەندىگى جونىندە شولۋ» اتتى اۆتورلى ماقالا جاريالادى.

  ماقالادا بىلاي دەلىندى: جۇڭگو كوممۋنيستەرى ۇيرەنۋگە سۇيەنە وتىرىپ بۇگىنگى كۇنگە جەتتى، ۇيرەنۋگە سۇيەنە وتىرىپ كەلەشەككە بەت الاتىنى دا داۋسىز.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ بۇقارالىق لۋشيان تاربيەسى − امالياتتىق قيمىلى، ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسى، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ تاقىرىپتىق تاربيەسى، پارتيا تاريحىن ۇيرەنۋ تاربيەسى سياقتى پارتيا ىشىندەگى 5 رەتكى شوعىرلى ۇيرەنۋ تاربيەسىن ىلگەرىندى - كەيىندى ورنالاستىرىپ، ورىستەتتى، تىعىزدىعى، سەرپىنىنىڭ كۇشتىلىگى، ونىمدىلىگىنىڭ كورنەكتى بولۋى 100 جىلدىق پارتيا تاريحىندا دا كوپ كەزدەسپەيدى.

  باس شۋجي شي جينپيڭ بىلاي دەپ اتاپ كورسەتتى : ”پارتيا 18 - قۇرىلتايىنان بەرى، ءبىز ىلگەرىندى - كەيىندى ءبىر قىدىرۋ شوعىرلى ۇيرەنۋ - تاربيە قيمىلىن ورىستەتتىك، مۇنداعى ماڭىزدى ماقسات − بۇكىل پارتيانى جۇڭگو كوممۋنيستىك پارتياسى دەگەن نە؟ نە ىستەيدى دەگەن ءتۇبىرلى ماسەلەنى ەستە بەرىك ساقتاۋعا، پارتيانىڭ حالىقپەن ەتەنە بايلانىسىن باستان - اياق ساقتاۋعا تاربيەلەۋ، جەتەكتەۋ“.

  وسى ءتۇبىرلى ماسەلەنى مىقتاپ ارقاۋ ەتىپ، جاڭا جاعداي، جاڭا مىندەت، جاڭا سىن - سايىستارعا بەتپە - بەت كەلىپ، پارتيا 18 - قۇرىلتايىنان بەرگى 5 رەتكى شوعىرلى ۇيرەنۋ تاربيەسى تامىرلاس بولىپ، رەتىمەن ورىستەتىلىپ، ءوزارا تىعىز قابىسىپ، ساتىلار بويىنشا تەرەڭدەدى:

  − 2013 - جىلى 6 - ايدان باستاپ، حالىق ءۇشىن ناقتى ىستەر ىستەۋ، پاك - كىرشىكسىز بولۋ باستى مازمۇن ەتىلگەن، پارتيانىڭ بۇقارالىق لۋشيان تاربيەسى − امالياتتىق قيمىلى جوعارىدان تومەنگە قاراي 2 توپقا ءبولىنىپ ورىستەتىلدى؛

  − 2015 - جىلدان باستاپ، ”ءوزىن باۋلۋدا قاتاڭ بولۋ، ۇقىق ىستەتۋدە قاتاڭ بولۋ، تارتىپكە بويسۇنۋدا قاتاڭ بولۋ، ءىس ىستەۋدە شىنايى بولۋ، ناتيجە شىعارۋدا شىنايى بولۋ، ادام بولۋدا شىنايى بولۋ“ تالابىن ارقاۋ ەتىپ، ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسى اۋدان، باسقارما دارەجەلىدەن جوعارى باسشى كادرلار اراسىندا ورىستەتىلىپ، پارتيانىڭ بۇقارالىق لۋشيان تاربيەسى − امالياتتىق قيمىلىنىڭ ۇزدىكسىز كەڭەيۋىن، تەرەڭدەۋىن ىلگەرىلەتتى؛

  − 2016 - جىلدان باستاپ، ”پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ“ ۇيرەنۋ تاربيەسى جالپى پارتيا مۇشەلەرى اراسىندا ورىستەتىلىپ، پارتيا ىشىندەگى تاربيە ”شەشۋشى ازشىلىقتان“ قالىڭ پارتيا مۇشەلەرىنە دەيىن كەڭەيىپ، شوعىرلى تاربيەدەن ۇنەمىلىك تاربيەگە قاراي كەڭەيدى؛

  − 2019 - جىلى 5 - ايدىڭ سوڭىنان باستاپ، بۇكىل پارتيادا ” اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ“ باستى تالاپ، اۋدان، باسقارما دارەجەلىدەن جوعارى باسشى كادرلار ءتۇيىن ەتىلە وتىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلدى؛

  − 2021 - جىلدان باستاپ، پارتيا تاريحىن ۇيرەنۋ تاربيەسى بۇكىل پارتيادا ورىستەتىلىپ، تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋدى ورىنداۋ تالاپ ەتىلىپ، بۇكىل پارتياداعى جولداستاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاربيەلەدى، جەتەكتەدى.

  5 رەتكى شوعىرلى ۇيرەنۋ تاربيەسىنىڭ ءار رەتكىسى نازاريامەن قارۋلانۋدىڭ ماڭىزدى ساباقحاناسى، ءار رەتكىسى وزىنە توڭكەرىس جاساۋدىڭ جاندى امالياتى، ءار رەتكىسى زەيىن - زەردەنى، كۇش - قۋاتتى شوعىرلاندىرۋدىڭ ەكپىندى دابىلى بولدى.

  ماقالادا بىلاي دەپ اتاپ كورسەتىلدى: اۋەلگى ماقسات بولاتتاي بەرىك، سەنىم تاۋداي اسقاق. پارتيانىڭ ءار دارەجەلى ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسى سىندى ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن ىشكەرىلەي ۇيرەنىپ، قالىڭ پارتيا مۇشەلەرى، كادرلار ۇيرەنۋ ورلەۋىندە جان - جاقتى، تەرەڭ ساياسي تاربيە الىپ، يدەيالىق جاقتان شىڭدالىپ، رۋحاني جاقتان سىننان ءوتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بۇكىل پارتيا باستان - اياق ءبىر تۇتاس يدەيا، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاپ، ”قۇرىشتاي بەرىك“ ىنتىماقتاسىپ، پارتيا مەن حالىق ىستەرىنىڭ بارىنشا دامۋىن، بارىنشا العا باسۋىن ىلگەرىلەتتى.

  ماقالا 4 بولىككە بولىنگەن: نازاريامەن قارۋلانۋدى كۇشەيتۋ − ”پارتيانىڭ بۇرىنعى كەزەك شوعىرلى تاربيە قيمىلدارىنىڭ بارلىعى يدەيالىق تاربيەنى باستاما ەتىپ، ۇيرەنۋ تەرەڭ بولماۋ، يدەيا بىرلىككە كەلمەۋ، ارەكەت ىلەسە الماۋ ماسەلەلەرىن كۇش سالا شەشىپ، ۇزبەي كۇش سالۋمەن بىرگە، شوعىرلى كۇش سالىپ، بۇكىل پارتيانىڭ يدەيادا بىرلىككە كەلۋىن، ساياسيدا ىنتىماقتى بولۋىن، ارەكەتتە بىركەلكى بولۋىن ىلگەرىلەتتى“؛ ساياسي قابىلەتتى جوعارىلاتۋ − ”تۋى ايقىن تۇردە ساياسيدى دارىپتەۋ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ پارتيانىڭ جانى ءارى پارتيامىزدىڭ 100 جىلدىق ءىرى پارتياعا اينالۋىنىڭ، عاسىرلىق ۇلى ءىس جاراتۋىنىڭ شەشۋشى تياناعى“؛ وزىنە توڭكەرىس جاساۋدى ىلگەرىلەتۋ − ”جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى وسى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، وزىنە توڭكەرىس جۇرگىزۋگە باتىل بولىپ، پارتيانى ءتىپتى دە قۋاتتى، پارمەندى ەتىپ قۇرۋ كەرەك“؛ اۋەلگى ماقسات، بورىشتى ماڭگى ساقتاۋ − ”ءبىزدىڭ كەمەمىز حالىق بۇقاراسى سىندى الىپ تەڭىزدە ءجۇزىپ كەلەدى، سۋ قايىقتى كوتەرە الاتىنىن، قايىقتى اۋدارا دا الاتىنىن قاي - قاشان دا ەستە بەرىك ساقتاۋ كەرەك، ماڭگى حالىق تىلەگىنەن ايرىلىپ قالۋعا بولمايدى“.

  ماقالادا مىنالار اتاپ كورسەتىلدى: جاڭا ەمتيحان تاپسىرۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز بۇرىن بولماعان تاريحي ىرىقتىلىق رۋح، تاريحي جاسامپازدىق رۋح قاۋلاتىپ، حالىقتى ىنتىماقتاستىرىپ، باستاپ، توتەنشە بەرىك سەنىممەن جاڭا داۋىردەگى جۇڭگونىڭ دامۋىنىڭ ۇلى تاريحىن جازۋدا. ءبىز تەك جۇڭگو كوممۋنيستىك پارتياسى دەگەن نە؟ نە ىستەيدى دەگەن ءتۇبىرلى ماسەلەنى باستان - اياق ەستە بەرىك ساقتاپ، پارتيانىڭ حالىقپەن ەتەنە بايلانىسىن باستان - اياق ساقتاپ، پارتيا قۇرۋ ۇلى رۋحىن زور كۇشپەن اسقاقتاتىپ، كەشەگى ازاپتى كۇندەر مەن شۇعىلالى شاقتاردى ەستەن شىعارماي، بۇگىنگى بورىش پەن مىندەتكە ادال بولىپ، ەرتەڭگى ۇلى ارماندى ورىندايتىن بولساق، ءبىزدىڭ ىستەرىمىز، ءسوز جوق، بارعان سايىن كوركەيىپ، جولىمىز، ءسوز جوق، بارعان سايىن كەڭەيە تۇسەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.