6 - ايدىڭ 26 - كۇنى ساياحاتشىلار لوپنۇر اۋدانىنىڭ لوپنۇرلىقتار قىستاعى كورىنىس وڭىرىندە تۇيە ءمىنىپ ءجۇر. جاقىنعى جىلداردان بەرى، وسى كورىنىس ءوڭىرى ساياحات نەگىزدىك قۇرىلعىلارىن ۇزدىكسىز كەمەلدەندىرىپ، ساياحاتشىلارعا ساپالى، جايلى قىزمەت وتەدى. بيىل جىل باسىنان بەرى، بۇل كورىنىس ءوڭىرى 43 مىڭ ادام - رەت ساياحاتشى قابىلدادى.
□ سۋرەتتى انار بۇلت \ شينجياڭ گازەتىنىڭ ءتىلشىسى حان لياڭ تۇسىرگەن
انار بۇلت \ شينجياڭ گازەتىنىڭ ءتىلشىسى رىن جياڭ
”كەلمەگەلى بىرنەشە جىل بولعان ەدى، بۇل ارانىڭ وزگەرىسى وتە زور ەكەن“، - دەدى كورلا قالاسىنىڭ تۇرعىنى حۋاڭ رۇيجۋان انحۇيداعى اتا مەكەنىنەن كەلگەن تۋىسىن ەرتىپ، لوپنۇر اۋدانى لوپنۇرلىقتار قىستاعى كورىنىس ءوڭىرىن ساياحاتتاعان كەزدە تەبىرەنە. كورىنىس ءوڭىرى ىشىندەگى ۇزاق عۇمىر داربازاسى، اعاش ءۇي جانە ”اڭشىلار ءۇيى“ سياقتى وتباسى كورۋ تۇيىندەرى ادامداردى قايران قالدىرادى.
دەڭگەيى جوعارىلاتىلىپ جاڭالانعان 43 نىسان ساياحاتشىلاردىڭ جاپپاي القاۋىنا يە بولدى. بۇل كورىنىس وڭىرىندە بيىل سالىنىپ بولاتىن قۇرىلىس نىساندارىنا جاڭادان كوبەيتىلگەن سەرۋەن كولىگى، بەلگى، كورسەتكىش تاقتا، كورىنىس ءوڭىرىنىڭ دىبىس ۇلعايتقىشى، شىراقتارى سياقتىلاردى قوسقاندا، ساياحاتشىلاردىڭ سەزىنۋ مولشەرى بارىنشا جوعارىلادى.
نەگىزدىك قۇرىلعىلاردى كەمەلدەندىرۋ، قىزمەت وتەۋ دەڭگەيىن جوعارىلاتۋ، بىرەگەي كورىنىس ءوڭىرىن قۇرۋ... جۇڭگوداعى ساياحات بايلىعىنىڭ ءتۇرى ەڭ تولىق، جوعارى ساپالى ساياحات بايلىعىنىڭ سانى ەڭ كوپ، ساياحات بايلىعىن اشۋدىڭ كومەسكى كۇشى ەڭ زور ولكە - رايون رەتىندە، شينجياڭ ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحاتتىق قاتتى بولشەكتەردى اناعۇرلىم بەكەمدەپ، جۇمساق بولشەكتەردى اناعۇرلىم جايلى، اناعۇرلىم جاناسىمدى ۇستاپ، اناعۇرلىم اشىق كۇيدە جەر جۇزىندەگى ساياحاتشىلاردى كۇتىپ الدى.
اۋلالارىن تازالاپ، قوناقتاردى كۇتىپ الدى
اۆتوكولىكتەر اعىلىپ، ادامدار قايشالىسادى.
ءار جىلى اشىلاتىن گۇلدەر ۇقساس بولعانىمەن، ءار جىلعى ”جولدار“ ۇقسامايدى. مايتاۋ − كۇشار تاس جولى بويىنداعى ساياحات نەگىزدىك قۇرىلعىلارىنىڭ، قىزمەت وتەۋ دەڭگەيىنىڭ جىل سايىن جوعارىلاۋى − جىل سايىن ”ۇقساماۋدىڭ“ ءتۇبىرلى سەبەبى.
جۋىق جىلداردان بەرى، كۇشار قالاسى مايتاۋ − كۇشار تاس جولىنىڭ كۇشارداعى بولىگىنىڭ بويىنداعى نەگىزدىك قۇرىلعىلار قۇرىلىسىن كۇشەيتىپ، جالپى 60 ميلليون يۋاننان استام قارجى قوستى. ”بيىل اۆتوكولىك قاتىناۋدى قالپىنا كەلتىرۋدەن بۇرىن ءبىز ءارقايسى تاراۋلارمەن بىرلەسىپ، لەنيا بويىنداعى نەگىزدىك قۇرىلعىلاردى ونان ارى كەمەلدەندىرىپ، دارەجەسىن وسىردىك“، - دەدى كۇشار قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى سو شان - ۋ.
”شينجياڭنىڭ ساياحاتىن اناعۇرلىم ويداعىداي، اناعۇرلىم تەز دامىتۋ ءۇشىن، نەگىزدىك قۇرىلعىلاردىڭ دارەجەسىن ونان ارى ءوسىرىپ جاڭالاۋدى جانە يقۋاتىن كەمەلدەندىرۋدى كۇشەيتۋگە تۋرا كەلەدى“ دەپ قارادى تۇڭچىڭ زەرتتەۋ ورنىنىڭ باس اعا زەرتتەرمەنى چىڭ چاۋگۇڭ.اۋلالارىن تازالاپ، قوناقتاردى كۇتىپ الدى. مەيماندوس شينجياڭ ساياحات نەگىزدىك قۇرىلعىلارىنىڭ دەڭگەيىن جىل سايىن جوعارىلاتۋدا.
التاي ايماعى ساياحات نەگىزدىك قۇرىلعىلارىن ۇزدىكسىز كەمەلدەندىردى، اسىرەسە، كۇشتى شوعىرلاندىرىپ قاناس كورىنىس ءوڭىرىن ءتۇيىن ەتكەن ساياحات نەگىزدىك قۇرىلعىلارىنىڭ دارەجەسىن ءوسىرۋدى، جاڭالاۋدى ىلگەرىلەتىپ، 10 تۇردەگى 43 نىسان قۇرىلىسىن ورىندادى، جالپى 270 ميلليون يۋان قارجى قوستى، تۇراقتى مۇلىككە 766 ميلليون يۋان قارجى قوسۋعا جەتەكتەدى. بۇگىنگى كۇندە قاناس قاتارلى كورىنىس وڭىرلەرىنىڭ قىزمەت وتەۋ ساپاسى، ساياحات دارەتحانالارى ورتاسى، جول - قاتىناستىڭ دارەجەسىن ءوسىرۋ سياقتى جاقتارداعى ونىمدىلىگى كورنەكتى بولدى. 2018 - جىلدان قازىرگە دەيىن، جەرگىلىكتى ورىننىڭ ساۋداگەر شاقىرىپ قارجى ەنگىزۋ، ارناۋلى زايوم، قارجى قۇراۋ، قارىز اقشا بەرۋ ارقىلى قوسقان قارجىسى 10 ميلليارد يۋانعا تاياپ، ساياحات كاسىبىنىڭ جوعارى ساپالى دامۋىنا بەرىك نەگىز قالادى.
بايىنعولين موڭعۇل اۆتونوميالى وبلىسى ساياحات نىسان قۇرىلىسىن جەدەلدەتىپ، ساياحاتتىڭ جاڭا كۇيىن اشتى. 2018 - جىلدان 2021 - جىلعا دەيىن، باعراش كولى كورىنىس ءوڭىرىنىڭ دارەجەسىن ءوسىرۋ، كۇنەس كورىنىس ءوڭىرىنىڭ نەگىزدىك قۇرىلعىلارى سياقتى 69 جاڭادان سالىنعان، سالىنىپ جاتقان نىساندى ورىنداۋدى اتقارىپ، 37 زاپاس نىساننىڭ العاشقى مەرزىمدىك قىزمەتىن ىلگەرىلەتىپ، جيىنى 8 ميلليارد 362 ميلليون يۋان قارجى قوسۋدى ورىندادى، ءارقايسى اۋدان، قالالار ءبىر ميلليارد 718 ميلليون يۋان قارجى قوسىپ، 18 مادەنيەت - ساياحات نىسانىن سالىپ، ”جىبەك جولىنداعى تاۋ - سۋلار، كورىكتى بايىنعولين وبلىسى“ سىندى ساياحات وبرازىن ايگىلەدى. ”نىساندى يگەرگەندىك دامۋدى يگەرگەندىك، نىساندى كوزدەۋ بولاشاقتى كوزدەگەندىك، نىسان قۇرىلىسى بايىنعولين وبلىسىنىڭ مادەنيەت - ساياحات كاسىبىنىڭ جوعارى ساپالى دامۋىن كۇشتى تىرەكپەن قامدايدى“، - دەدى بايىنعولين وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى يۇي شۋيىڭ.
”13 - بەسجىلدىق“ كەزىندە شينجياڭ ساياحات نەگىزدىك قۇرىلعىلارىنا ۇسىنىلىمدى ۇزدىكسىز ارتتىرىپ، بۇكىل رايون اتقارعان ساياحات نەگىزدىك قۇرىلعىلارى جانە الەۋمەتتىك قىزمەت وتەۋ قۇرىلعىلارى قۇرىلىس نىسانى 141گە جەتىپ، ءتۇيىندى ساياحاتتاپ باراتىن جەرلەردىڭ نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى ۇزدىكسىز كەمەلدەنىپ، ءبىرشاما كۇشتى باۋراۋ قۋاتىنا يە بىرەگەي كورىنىس وڭىرلەرى ۇزدىكسىز كوبەيىپ، ساياحات كاسىپ سالاسىنىڭ دامۋ ساپاسى مەن ونىمدىلىگى كورنەكتى جوعارىلادى.
سەنىمدى بەكەمدەپ، تىرەكتى كۇشەيتتى
”قاشقار، ءبىز كەلدىك“! 6 - ايدىڭ 20 - كۇنى، قاشقار پويەز ۆوكزالىنان ساياحاتشىلاردىڭ الاقايلاعان داۋىستارى ەستىلدى − 2 - توپتاعى 2022 ”10 مىڭ ادام قاشقاردى ساياحاتتاۋ“ ارناۋلى پويەزىنىڭ 132 ساياحاتشىسى قاشقارعا جەتتى. وسىدان ءبىر كۇن بۇرىن قاشقار العاشقى توپتاعى 923 ساياحاتشىنى قارسى العان بولاتىن.
6 - ايدىڭ باسىندا شينجياڭ ەكونوميكانىڭ ورنىقتى ارتۋىن ىلگەرىلەتۋدىڭ ءبىر قىدىرۋ ساياساتتىق شاراسىن العا قويىپ، ساياحات كاسىبىنىڭ جاندانۋىن جەدەل ىلگەرىلەتۋدى ورتاعا قويدى، اۆتونوميالى رايون جەر - جەردى ”ساياحاتشىلاردى شينجياڭعا باۋراۋ“ سيلىق قوسىمشا قاراجات ساياساتىن شىعارۋعا ىنتالاندىرىپ، جەر - جەردىڭ شينجياڭعا كومەكتەسۋ الدىڭعى جاق قولباسشىلىق شتاپتارىن ”ساياحاتشىلاردى شينجياڭعا جىبەرۋ“ قيمىلىن ورىستەتۋگە شابىتتاندىرىپ، شينجياڭ سىرتىنداعى ساياحاتشىلاردى باۋرادى. جەر - جەر ارت - ارتىنان ءبىرسىپىرا تيىمدىلىك شارالارىن، ياعني ەسىك بەلەتتە تيىمدىلىك جاساۋ، تۇسەلحانا قوسىمشا قاراجاتىن بەرۋ سياقتى ءتۇرلى - ءتۇستى شارالاردى شىعاردى.
پايدالى ىستەر ۇزدىكسىز قاباتتاسىپ، شينجياڭنىڭ ساياحات كاسىبىن اناعۇرلىم جانداندىردى. 6 - ايدىڭ 17 - كۇنى 2022 - جىلعى ”جىجياڭ مەن شينجياڭدى سۇيەمىن“ اياسىنداعى ”كورىكتى جىجياڭ − شينجياڭ“ 100 ۇيىرمە، 10 مىڭ ادام ساياحاتى بويىنشا اقسۋعا كەلەتىن تۇڭعىش ۇيىرمەنىڭ شينجياڭعا كومەكتەسۋ ماقساتىنداعى 2 ارناۋلى پويەزى 2000نان استام جىجياڭدىق ساياحاتشىنى الىپ اقسۋ قالاسىنا، كۇشار قالاسىنا جەتتى، ساياحاتشىلار وسى ارادا 4 كۇندىك تاماشا ساياحات ساپارىن وتكەرەدى. 6 - ايدان بەرى ۇشاق جالداپ ساياحاتتاۋشىلار قاشقار، ىلە سياقتى جەرلەرگە ۇزدىكسىز كەلىپ جاتىر. ”قاشقارعا ساياحات بيىل قاتتى قىزىپ تۇر“، - دەدى قاشقار شييۇي جيڭديان ساياحات شەكتى سەرىكتەستىگىنىڭ جاۋاپتىسى باي يىنفىڭ.
جازعى دەمالىستىڭ كەلۋىنە ىلەسە، شينجياڭنىڭ ساياحاتى جەدەل جانداندى. تۇڭچىڭ ساياحاتىنىڭ 6 - ايدا جاريالاعان «”وقۋ ءبىتىرىپ ساياحاتتاۋ ماۋسىمىنداعى“ تۇتىنۋ جاعدايىنان مالىمەتتە» كورسەتىلۋىنشە، شينجياڭ ساياحاتىنىڭ جازعى دەمالىستاعى قىزۋ ورلەۋى ۇزدىكسىز كوتەرىلەدى ەكەن. مۇنىڭ ىشىندە ءۇرىمجى ”2000 - جىلداردىڭ تۇلەكتەرى“ ساياحاتتاپ باراتىن نىسانالى جەرلەرىن قاتارعا تۇرعىزعانداعى الدىڭعى وندىقتان ورنىقتى ورىن الىپ، ”وقۋ ءبىتىرۋ ماۋسىمىنداعى“ جازعى دەمالىستا قىزۋ ورلەۋى ەڭ تەز جوعارىلاعان ساياحات نىسانالى جەرىنە اينالعان.
جەر - جەر جانە ءار دارەجەلى مادەنيەت - ساياحات تاراۋلارى بازاردى ارناعا ءتۇسىرىپ، قىزمەت وتەۋ دەڭگەيىن جوعارىلاتىپ، ساياحاتتى دامىتۋ ورتاسىن ساپالىلاندىرىپ، ”وزىندىك قابىلەتىن“ كۇش سالا جەتىلدىردى. مىسالى، التاي ايماعى ينتەرنەت جەلىسىندە جانە ينتەرنەت جەلىسىنەن تىسقارىدا شاقىرىپ اكەلۋ، سىرتقا شىعارۋ سياقتى تاسىلدەردەن پايدالانىپ، ساياحات جەتەكشىسى شەبەرلىگى، قىزمەت وتەۋ سالتى، قارىم - قاتىناس جاساۋ شەبەرلىگى سياقتىلاردى ارقاۋ ەتىپ ءتۇرلى باۋلۋ كۋرستارىنان 500دەن استام رەت اشىپ، ساياحات كاسىبىمەن شۇعىلداناتىنداردىڭ قىزمەت وتەۋ دەڭگەيىن ءونىمدى جوعارىلاتتى.
6 - ايدىڭ اياعىندا جالپى بەتتىك دارەجەسى وسىرىلگەن ”شينجياڭدى ساياحاتتاۋ“ زەردەلى ساياحات قىزمەت وتەۋ تۇعىرى شىت جاڭا ينتەرنەت جەلىسىنە شىعارىلادى، قازىر بۇكىل شينجياڭنىڭ ساياحاتقا ساياتىن 34 مىڭنان استام ينفورماتسياسىن جيناقتاۋ جانە ەنگىزۋ قىزمەتى ىستەلىپ بولىپ، كورىنىس ءوڭىرى، مەيمانحانا \ حالىقتىق تۇسەلحانا، ساياحات جوباسى سياقتى مازمۇنداردى قامتىدى. قازىرگە دەيىن ”شينجياڭدى ساياحاتتاۋدىڭ“ جۇمىس جۇرگىزۋ سەلبەستىگى بۇكىل شينجياڭداعى ％96.3تىك 3A دارەجەلى جانە ونان جوعارى كورىنىس ءوڭىرىن تۇگەل قامتىپ، تۇعىر ارقىلى ساياحاتشىلار كورىنىس ءوڭىرىنىڭ ەسىك بەلەتىنە الدىن الا تاپسىرىس بەرۋ، كورىنىس ءوڭىرىن تاماشالاۋعا جەتەكشىلىك ەتۋ، دىبىستى ءتۇسىندىرۋ، قوناقجايعا الدىن الا تاپسىرىس بەرۋ، شاعىم ايتۋ سياقتى كوپ ءتۇرلى قىزمەت وتەۋدەن يگىلىكتەنە الادى.
ءىش پەن سىرتقا ەسىك اشۋ ومىرشەڭدىك كۇشتى قاۋلاتتى
وسى كۇندەردە ليان يانۋي رەسەيدەگى جانە ورتا ازيا مەملەكەتتەرىندەگى سەلبەسكەن سەرىكتەرىمەن حابارلاسۋمەن ءار كۇنى تاڭعى ساعات 2 − 3تە ارەڭ دەمالىپ ءجۇر. ”7 - ايدا شينجياڭ ءۇرىمجى − الماتى، ءۇرىمجى − بىشكەك، ءۇرىمجى − دۋشانبە 3 حالىقارالىق اۋە جولى قاتىناس لەنياسىن قالپىنا كەلتىرەدى، ولاردىڭ بارلىعى شينجياڭعا كەلىپ دامۋ ورايىن قاراستىرۋدى ويلاسىپ وتىر“، - دەيدى ليان يانۋي. ليان يانۋي شينجياڭ جىبەك جولى يوۋحاۋ حالىقارالىق ساياحات سەرىكتەستىگىنىڭ جاۋاپتىسى، جىبەك جولى حالىقارالىق ەمدەۋ - ساياحات بىرلەستىگىنىڭ باس حاتشىسى، بۇرىن تالاي رەت ورتا ازيا جانە رەسەي ساياحاتشىلارىن شينجياڭعا كەلىپ ساياحاتتاۋعا، دەنساۋلىق كۇتىمدەۋگە ۇيىمداستىرعان.
”ىندەت جاعدايى ءالى اياقتاماعانىمەن، الايدا ورايدى مىقتى يگەرىپ، الدىن الا ورنالاستىرۋ جاساۋ كەرەك“، - دەيدى ليان يانۋي. بيىل 3 - ايدا ول قاتىستى تاراۋلارعا ساياحات سەرىكتەستىگىنىڭ شەكارادان شىعىپ ساياحاتتاۋ كاسىبىن اشۋدى ءوتىنىش ەتكەن بولاتىن، شەتەلدەگى ساۋداگەرلەردىڭ قىزۋ ىنتاسى وعان مول سەنىم سيلادى.
شينجياڭنىڭ وڭىرلىك باسىمدىعى ايقىن، جىبەك جولى ەكونوميكالىق بەلدەۋىنىڭ وزەكتى رايونى سانالادى، ءىش پەن سىرتقا ەسىك اشۋدى جالپى بەتتىك كەڭەيتۋ شينجياڭ ساياحات كاسىپ سالاسىنىڭ دامۋىندا تەرەڭ ءمان الادى. ىندەت جاعدايىنىڭ ىقپالىنا ۇشىراعاندىقتان، شەكارادان شىعىپ ساياحاتتاۋ بازارى كەدەرگىگە ۇشىراعانىمەن، ساياحاتتىڭ قاجەتى ەشقاشان جويىلمايدى. چىڭ چاۋگۇڭ بىلاي دەپ قارادى: شينجياڭنىڭ ساياحات كاسىبى جونىنەن ايتقاندا، بۇل دا كۇش - قۋات جيناۋدىڭ ورايى. شينجياڭداعى ساياحات كاسىبىمەن شۇعىلداناتىندار ءوزىنىڭ كاسىپتىك قابىلەتىن ۇزدىكسىز جوعارىلاتۋى كەرەك، ساياحات قۇرىلىمدارى جاڭا ساياحات ونىمدەرىن ساپالىلاندىرۋى جانە زەرتتەپ اشۋى قاجەت، الدا - جالدا ساياساتتا پايدالى ىستەر بولا قالسا نەمەسە ورتا مۇمكىندىگى بولا قالسا، اناعۇرلىم ءساتتى جۇمىس جۇرگىزە الاتىن، ءتىپتى دە كوپ كومەسكى قابىلەتىن ساۋلەلەندىرە الاتىن بولادى.
”ساياحات ەكونوميكاسى ءبىر ءتۇرلى تيپتىك اشىق تۇردەگى ەكونوميكا. ءبىر رايوننىڭ اشىق بولۋى قاي - قاشان دا، ەڭ الدىمەن، ساياحات كاسىبىنەن باستالادى؛ ءبىر رايوننىڭ گۇلدەنۋى دە ساياحات كاسىبىنىڭ پارمەندى تىرەك بولۋىنان ايرىلا المايدى“دەپ قارادى شيەچىڭ زەرتتەۋ ورنى ستراتەگيالىق زەرتتەۋ ورتالىعىنىڭ مەڭگەرۋشىسى پىڭ حان.
جۋىق جىلداردان بەرى شينجياڭ ساياحات كاسىبىنىڭ ىشكە اشىق بولۋى ۇقساس قوماقتى ناتيجە جاراتتى: شينجياڭ ىركەس - تىركەس جۇڭگو ساياحات توبىمەن، حۋاچياۋچىڭ توبىمەن، جۇڭچيڭلۇي جارنا مەڭگەرۋ جارنا شەكتى سەرىكتەستىگىمەن ساياحات نىسانى سەلبەستىگى جانە قارجى قوسۋ كەلىسىمىنە قول قويىسىپ، جيڭدۇڭ توبى، تۇڭچىڭ توبى، الاديڭ توبى سياقتى ءبىر توپ ءىرى كاسىپورىندارمەن ستراتەگيالىق سەلبەستىك كەلىسىمىنە قول قويىسىپ، ەلەۋلى نىساندار ۇزدىكسىز تياناقتانىپ، شينجياڭ ساياحات كاسىبىنىڭ نەگىزى اناعۇرلىم بەكەمدەلدى.
