تيانشان تورى
تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىزىل كۇردەكتى ەرىكتىلەر اتىزعا بارىپ، ديقانداردىڭ جيىن - تەرىنىنە كومەكتەسىپ، مەيىرگە بولەدى

  جۋىردا، اۋات اۋدانىندا ەگىلگەن سيىر بۇرشاق ىركەس - تىركەس پىسىپ، جيىن - تەرىن كەزىنە ءوتتى، سيىر بۇرشاق تەرۋ اياق الىسىن جەدەلدەتىپ، ەگىنشىلەردىڭ كىرىسىن ارتتىرۋ ءۇشىن، 6 - ايدىڭ 22 - كۇنى، اۋات اۋداندىق قازىنا مەكەمەسىنىڭ تامتوعىراق قالاشىعى ۇستىڭگى ارال قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق ەكى كوميتەتىمەن بىرلەسىپ، ديقاندارعا كومەكتەسىپ سيىر بۇرشاق تەرۋ سىندى ەرىكتى قىزمەت وتەۋ قيمىلىن ورىستەتتى.

  قيمىلدا، ەرىكتىلەر اتىز باسىنا ىشكەرىلەي بارىپ، قىزمەتتى ءبولىسىپ الىپ، سەلبەسىپ ىستەپ، تاماشا سايكەستى، كەيبىرى قىستاق تۇرعىندارىنا كومەكتەسىپ سيىر بۇرشاق تەردى، كەيبىرى تەرىپ العان جاس سيىر بۇرشاقتاردى بۋىپ جينادى، اتىز باسىندا مول ءونىم الۋدىڭ قاربالاستىعى كورىلدى.

  اۋات اۋدانى تامتوعىراق قالاشىعى ۇستىڭگى ارال قىستاعىنىڭ تۇرعىنى پاتام ءراشيت: ”بيىل 6 مۋ جەرگە سيىر بۇرشاق ەكتىم، ءتۇسىمى مەن ءوسۋى ەرەكشە جاقسى، الايدا جيىن - تەرىنگە ەڭبەككۇش تاپشى بولدى، قىستاقتا تۇراتىن قىزمەت اترەتى مەن قىستاق كادرلارى جاعدايدى ۇعىسقاننان كەيىن، ەرىكتى قىزمەت وتەۋ اترەتىن باستاپ كەلىپ، سيىر بۇرشاق تەرىسىپ، پارتيا مەن ۇكىمەتتىڭ قامقورلىعىن سەزىندىردى. ولارعا العىسىم شەكسىز“،- دەدى. (اۋات اۋداندىق توعىسپالى مەديا ورتالىعىنىڭ ەرىكتى ءتىلشىسى گو شيمەي)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.