جۇڭگو مەن گۆيانانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن
شي جينپيڭ گۆيانانىڭ زۇڭتۇڭى اليمەن ءوزارا قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 27 - كۇنى گۆيانا سەلبەستىك رەسپۋبليكاسىنىڭ زۇڭتۇڭى اليمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 50 جىلدان بەرى جۇڭگو − گۆيانا قارىم - قاتىناسى باياندى دامىپ، ەكى جاقتىڭ ساياسي ءوزارا سەنىمدىلىگى كۇن سايىن تەرەڭدەپ، ناقتى ىستەر سەلبەستىگىنىڭ ناتيجەسى كورنەكتى بولدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ەكى ەل حالقى قيىندىقتى بىلەك بىرىكتىرە جەڭىپ، ءبىر - بىرىنە قارايلاسىپ، جۇڭگو − گۆيانا دوستىعىنىڭ جاڭا تاراۋىن جازدى. مەن جۇڭگو − گۆيانا قارىم - قاتىناسىنىڭ دامۋىنا ايرىقشا ءمان بەرەمىن، الي زۇڭتۇڭمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، جۇڭگو − گۆيانا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
الي مىنالاردى ءبىلدىردى: گۆيانا كارايب وڭىرىندەگى اعىلشىن ءتىلىن قولداناتىن ەلدەردە جۇڭگومەن ەڭ الدىمەن ديپلوماتيالىق قارىم - قاتىناس ورناتقان، ءبىر جۇڭگو ساياساتىن باتىل اتقارادى. 50 جىلدان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا تيىمدىلىك جاساپ، ءداستۇرلى دوستىق قارىم - قاتىناسى ۋاقىتتىڭ سىنىنان ءوتتى. گۆيانا گۆيانا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ەكى ەل دوستىعىن ۇزدىكسىز تەرەڭدەتۋدى قالايدى.
