− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شياڭگاڭنىڭ دامۋىنا كوڭىل بولگەندىگى جونىندە ەستەلىك
□ شينحۋا اگەنتتىگىنىڭ ءتىلشىسى
جايناعان كۇن، اشىق اسپان استىندا، التىن زىجيڭ الاڭىندا، بەس جۇلدىزدى نارت قىزىل تۋ جەلبىرەپ، ۆيكتوريا پورتىنىڭ ەكى جاعالاۋى سالتاناتتى دا دۋماندى بەينەگە شومدى.
2022 - جىلى 7 - ايدىڭ 1 - كۇنى، شياڭگاڭ ەرەكشە مانگە يە تاعى ءبىر كۇندى − وتان قۇشاعىنا ورالعاندىعىنىڭ 25 جىلدىعىن ەسكە الۋ كۇنىن قارسى الماق.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شياڭگاڭنىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى. بۇل حابار شياڭگاڭداعى ءار سالانى ءبىر جەلپىنتىپ تاستادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جالپى جاعداي بيىگىنەن باستان - اياق شياڭگاڭنىڭ دامۋىنا جانە شياڭگاڭدىق باۋىرلاستاردىڭ قۇت - ىرىسىنا كوڭىل ءبولىپ، باستان - اياق شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن ويلاپ، ءبىرسىپىرا ستراتەگيالىق شەشىمدەر جانە كەلەلى ورنالاستىرۋلار جاساپ، ”ءبىر ەل، ەكى ءتۇزىمنىڭ“ شياڭگاڭداعى تابىستى امالياتىن ۇزدىكسىز ىلگەرىلەتىپ، شياڭگاڭدى وتانمەن بىرگە ۇلى گۇلدەنۋگە قادام تاستاۋدىڭ ايبىندى تاراۋىن جازۋعا جەتەكتەدى.
( 1 )
جۋجياڭ وزەنىنىڭ تەڭىزگە قۇيار ساعاسى، ليڭديڭياڭ ايدىنىندا تولقىن ءبىر كوتەرىلىپ، ءبىر باسىلىپ، تاريح پەن رەالدىق وسى ارادا تاسىپ - تولقىپ جاتتى −
180 نەشە جىلدىڭ الدىندا، جۇڭگونىڭ تاياۋ زامان تاريحى وسى جەردە قورلىقپەن باستالدى. يمپەرياليزمنىڭ بەرىك كەمە، كۇشتى زەڭبىرەكتەرىنىڭ تەگەۋرىنى استىندا، شياڭگاڭ وتان قۇشاعىنان ايىرىلۋعا ءماجبۇر بولدى.
25 جىلدىڭ الدىندا، بەس جۇلدىزدى قىزىل تۋ وسى جەردە باياۋ كوتەرىلىپ، ايبىندى «ەرىكتىلەر مارشى» شياڭجياڭ اسپانىندا جاڭعىردى. جۇڭگو ۇكىمەتى شياڭگاڭعا يەلىك ۇقىعىن جۇرگىزۋدى قالپىنا كەلتىرىپ، شياڭگاڭ وتان قۇشاعىندا دامۋدىڭ جاڭا كەزەڭىن قارسى الدى.
2018 - جىلى 10 - ايدىڭ 23 - كۇنى، دۇنيە ءجۇزى بويىنشا تەڭىز اتتاعان ەڭ ۇزىن كوپىر شياڭگاڭ − جۋحاي − اۋمىن كوپىرى وسى جەردە اشىلدى.
باس شۋجي شي جينپيڭ ارنايى وسىندا كەلىپ، كوپىردىڭ اشىلعاندىعىن ءوزى جاريالادى. باس شۋجي كولىككە ءمىنىپ كوپىردى بويلاپ شولىپ شىعىپ، ارالعا شىعىپ الىسقا كوز تاستاپ، ايرىقشا تولقىپ: ”بۇل − ارمان ورىندالعان كوپىر، جۇرەكتەستىكتىڭ كوپىرى، وزىنە سەنىمنىڭ كوپىرى، گۇلدەنۋدىڭ كوپىرى“، - دەدى.
دۇنيە ءجۇزى بويىنشا كوپتەگەن بىرىنشىلىكتەردى جاراتقان ”مەملەكەتتىڭ ماڭىزدى قۇرالى“ شياڭگاڭ مەن ىشكى ءوڭىردى اناعۇرلىم تىعىز بايلانىستىردى.
جاڭا داۋىرگە وتكەندە، شياڭگاڭنىڭ دامۋىن قايتكەندە جۇڭحۋا ۇلتىنىڭ ۇلى گۇلدەنۋىنىڭ ايبىندى جورىعىنا اناعۇرلىم ويداعىداي توعىستىرۋعا بولادى، بۇل باس شۋجي شي جينپيڭ ءاردايىم وي جۇگىرتىپ كەلە جاتقان ماڭىزدى تاقىرىپ.
پارتيا 18 - قۇرىلتايى جابىلىپ كوپ وتپەي 2012 - جىلى 11 - ايدىڭ 29 - كۇنى، باس شۋجي شي جينپيڭ «گۇلدەنۋ جولى» كورمەسىن ەكسكۋرسيالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى دەگەن ماڭىزدى تۇجىرىمداماسىن العا قويدى.
ءبىر ايعا جەتپەيتىن ۋاقىتتا 2012 - جىلى 12 - ايدىڭ 20 - كۇنى، باس شۋجي شي جينپيڭ شياڭگاڭ ەرەكشە اكىمشىلىك رايونىنىڭ سول كەزدەگى اكىمى لياڭ جىنيىڭمەن كەزدەسكەندە شىن جۇرەكتەن شىققان مىنا سوزدەرمەن شياڭگاڭنىڭ وتاننىڭ دامۋىمەن تاعدىرلاس ەكەندىگى جايلى كۇرەس لوگيكاسىن اشىپ كورسەتتى −
”مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭحۋا ۇلتىنىڭ تاياۋ زاماننان بەرگى ەڭ ۇلكەن ارمانى دەگەن ەدىم. مەن شياڭگاڭداعى قالىڭ باۋىرلاستار دا وسىنى كوكسەيدى دەپ سەنەمىن. كۇشتى ۇلتتىق نامىس جانە ماقتانىش سەزىمىنە يە قالىڭ شياڭگاڭدىق باۋىرلاستاردىڭ، ءسوز جوق، بۇكىل ەل حالقىمەن بىرگە جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇش قوساتىندىعىنا دا سەنەمىن“.
2018 - جىلى 11 - ايدىڭ 12 - كۇنى، شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساعاندىعىنىڭ، ەسىك اشقاندىعىنىڭ 40 جىلدىعىن قۇتتىقتاۋ ساپار ۇيىرمەسىندەگىلەرمەن كەزدەسكەندە باس شۋجي شي جينپيڭ تەرەڭ سەزىممەن بىلاي دەدى: ”مەن فۋجياندا، جىجياڭدا، شاڭحايدا قىزمەت ىستەگەن كەزدە ىشكى ءوڭىردىڭ شياڭگاڭمەن، اۋمىنمەن كوپتەگەن سەلبەستىك نىساندارىن تىكەلەي جوسپارلادىم جانە ىلگەرىلەتتىم. 2007 - جىلى ورتالىققا قىزمەتكە كەلگەن سوڭ شياڭگاڭ، اۋمىن قىزمەتىنە جاۋاپتى بولىپ، وسى جاعىنداعى جاعدايمەن جان - جاقتى تانىسىپ شىقتىم. بۇل بارىستا مەن كوپتەگەن شياڭگاڭدىق، اۋمىندىق دوستارمەن تانىستىم“.
”جۇڭگوشا سوتسياليزم جاڭا داۋىرگە ءوتتى، بۇل مەملەكەتتىڭ رەفورما جاساۋ، ەسىك اشۋ جانە ’ءبىر ەل، ەكى ءتۇزىم‘ ىستەرىنىڭ دە جاڭا داۋىرگە وتكەندىگىن بىلدىرەدى“.
”شياڭگاڭ، اۋمىن ءۇشىن ’ءبىر ەل، ەكى ءتۇزىم‘ ەڭ ۇلكەن باسىمدىق سانالادى، مەملەكەتتىڭ رەفورما جاساۋى، ەسىك اشۋى ەڭ ۇلكەن ساحنا، ’ءبىر بەلدەۋ، ءبىر جولدى‘ بىرگە قۇرۋ، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالاردىڭ اتقارىلۋى جاڭا كەلەلى وراي بولىپ تابىلادى“.
باس شۋجي شي جينپيڭنىڭ كوڭىل بولۋىندە، ىلگەرىلەتۋىندە، ءبىرسىپىرا كەلەلى مەملەكەتتىك ستراتەگيالار مەن ساياسات - شارالار ىركەس - تىركەس جاريالانىپ، شياڭگاڭنىڭ دامۋىنا تاپتىرماس وراي، سارقىلماس قوزعاۋشى كۇش، كەڭ ءورىس ازىرلەدى.
جۇرتتىڭ انىق ەسىندە 5 جىلدىڭ الدىندا، شياڭگاڭنىڭ وتان قۇشاعىنا ورالعاندىعىنىڭ 20 جىلدىعى قارساڭىندا باس شۋجي شي جينپيڭ شياڭگاڭعا بارىپ كوزدەن كەشىردى. سول كەزدە شياڭگاڭ − جۋحاي − اۋمىن كوپىرىنىڭ قۇرىلىسى قاۋىرت جۇرگىزىلىپ جاتقان ەدى. باس شۋجي كوپىردىڭ شياڭگاڭ بولىگىندەگى قۇرىلىس ورنىنا كەلىپ، ينجەنەريانىڭ ىلگەرىلەۋ جاعدايى جونىندە قىزمەت تەكسەردى. وسىدان سوڭ ول تاعى شياڭگاڭ حالىقارالىق اۋەجايىنىڭ ءۇشىنشى ۇشۋ جولاعى قۇرىلىسىنىڭ جاعدايى جونىندە قىزمەت تەكسەردى.
باس شۋجي قۇتتىقتاۋ قيمىلىنا قاتىناسۋعا كەلگەن اۋمىن ەرەكشە اكىمشىلىك رايونىنىڭ سول كەزدەگى اكىمى سۇي شى - انمەن كەزدەسكەندە، قامقور كوڭىلمەن: ”كەمەمەن كەلدىڭىز بە؟“ دەپ سۇرادى. سۇي شى - ان: ”سولاي، كەمەمەن كەلۋگە ءبىر ساعاتتان ارتىق ۋاقىت كەتتى“ دەپ جاۋاپ بەردى. باس شۋجي: ”شياڭگاڭ − جۋحاي − اۋمىن كوپىرى سالىنىپ بىتكەن سوڭ، جول جارتى ساعاتقا قىسقارادى“، - دەدى.
قىزمەت تەكسەرۋ بارىسىندا، باس شۋجي شي جينپيڭ 2 ۇلكەن ينجەنەريانى تۇراقتاندىردى: شياڭگاڭ − جۋحاي − اۋمىن كوپىرى ورتالىقتىڭ شياڭگاڭ، اۋمىن جانە جۋجياڭ اتىراۋى ءوڭىرىنىڭ اناعۇرلىم ويداعىداي دامۋىنا قولداۋ كورسەتۋىنىڭ ماڭىزدى شاراسى، ”ءبىر ەل، ەكى ءتۇزىم“ استىنداعى گۋاڭدۇڭنىڭ، شياڭگاڭنىڭ، اۋمىننىڭ تىعىز سەلبەستىگىنىڭ ماڭىزدى جەتىستىگى؛ ورتالىقتىڭ شياڭگاڭ اۋەجايىنىڭ ءۇشىنشى ۇشۋ جولاعىن سالۋىنا قولداۋ كورسەتۋى شياڭگاڭنىڭ حالىقارالىق اۋە قاتىناسى تورابى ورنىن بەكەمدەۋىنە، جالپى تۇلعالىق باسەكەلىك قابىلەتىن ساقتاۋى مەن جوعارىلاتۋىنا قولداۋ كورسەتۋ ءۇشىن بولىپ تابىلادى.
ءدال سول جولى شياڭگاڭعا بارعان كەزدە باس شۋجي شي جينپيڭ «گۋاڭدۇڭ − شياڭگاڭ − اۋمىن سەلبەستىگىن تەرەڭدەتىپ، ۇلكەن شىعاناق رايونى قۇرىلىسىن ىلگەرىلەتۋ جونىندەگى جۇلگەلىك كەلىسىمنىڭ» جاسالۋىنا كۋا بولىپ، حالىقارالىق ماڭداي الدى شىعاناق رايونىن جانە الەمدىك دەڭگەيدەگى قالالار شوعىرىن تۇلعالاۋعا ايبىندى جوبا كەسكىندەدى.
2018 - جىلى 5 - ايدا، باس شۋجي شي جينپيڭ ورتالىق كوميتەت ساياسي بيۋروسىنىڭ تۇراقتى كوميتەت ءماجىلىسىن جانە ورتالىق كوميتەت ساياسي بيۋروسىنىڭ ءماجىلىسىن ىلگەرىندى - كەيىندى باسقارىپ اشىپ، گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ دامۋ جوباسى باعدارلاماسىن قارادى.
قوس باعىتتا قارجى قوسۋدى جەبەپ، ساۋدانىڭ قولايلى بولۋىن ىلگەرىلەتۋدەن جاڭاشا سەلبەستىك ۇلگىسىن ورناتىپ، كوپ نەگىزدى سەلبەستىك تۇعىرىن قۇرۋعا، ونان ۇلكەن شىعاناق رايونىن ويداعىداي قۇرۋدىڭ شەشۋشى تەتىگى جاڭالىق اشۋدا ەكەندىگىن باسا دارىپتەۋگە دەيىن، باس شۋجي شي جينپيڭ گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىن ىلگەرىلەتۋ جونىندە ءبىرسىپىرا ماڭىزدى نۇسقاۋ بەرىپ، بەكىتۋ جازىپ، شياڭگاڭنىڭ مەملەكەتتىڭ وسىناۋ كەلەلى ستراتەگيالىق ورنالاستىرۋىنا اناعۇرلىم ويداعىداي توعىسۋى ءۇشىن ىقىلاستى ءۇمىت العا قويدى.
چيانحاي شىنجىن − شياڭگاڭ وسى زامانعى قىزمەت وتەۋ كاسىبى سەلبەستىك رايونىنان لوماجوۋ حىتاۋ وڭىرىندەگى شياڭگاڭ − شىنجىن جاڭالىق اشۋ جانە عىلىم - تەحنيكا باقشاسىنا دەيىن؛ شياڭگاڭ دارىندىلارىنىڭ گۋاڭدۇڭ − شياڭگاڭ − اۋمىن ۇلكەن شىعاناق رايونىنداعى ىشكى ءوڭىر قالالارىندا قارجى قوسۋ جانە كاسىپپەن شۇعىلدانۋ شەكتەۋلەرىن بىرتىندەپ بوساتۋدان ۇلكەن شىعاناق رايونىندا ”شەكارا اتتاعان قارجىلىق باسقارۋ“ كاسىبىن تۇيىندە سىناق ەتۋدى باستاۋعا دەيىن... 5 جىلدان بەرى گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ دامۋى ”جەدەل ىلگەرىلەۋ پەرنەسىن“ باسىپ، گۇلدەنىپ، كوركەيە تۇسكەن دامۋ اۋقىمىن كورسەتىپ، شياڭگاڭ دامۋىنىڭ جاڭا قوزعاۋشى قۋاتىن ەڭ زور دەڭگەيدە تۋىنداتتى.
مەملەكەتتىڭ ”13 - بەسجىلدىق“ جانە ”14 - بەسجىلدىق“ جوبا باعدارلاماسىنداعى شياڭگاڭ، اۋمىن ارناۋلى تاراۋىن پاراقتاساڭىز ورتالىقتىڭ شياڭگاڭ جونىندە ايقىن ورىن بەلگىلەۋى مەن عىلمي جوباسىنىڭ قاعاز بەتىندە ايشىقتالعاندىعىن بايقايسىز.
10 جىلدا «چيانحاي شىنجىن − شياڭگاڭ وسى زامانعى قىزمەت وتەۋ كاسىبى سەلبەستىك رايونىنىڭ رەفورما جاساۋىن، ەسىك اشۋىن جاپپاي تەرەڭدەتۋ جوباسى» سياقتىلار جاريالاندى؛ ”شاڭحاي − شياڭگاڭ قور بيرجالارى بايلانىسى“، ”شىنجىن − شياڭگاڭ قور بيرجالارى بايلانىسى“، ”باعالى قاعاز بازارلارى بايلانىسى“ قاتارلىلار ىركەس - تىركەس جولعا قويىلدى؛ شياڭگاڭ 6 - كەزەكتى ”ءبىر بەلدەۋ، ءبىر جول“ جوعارى دارەجەلىلەر تالقى مىنبەرىن تابىستى وتكىزىپ، ازيا نەگىزدىك قۇرىلعىلارعا قارجى قوسۋ بانكەسىنە قوسىلدى...
مەملەكەت دامۋىنىڭ ايبىندى شىعىس جەلىمەن دەر شاعىندا تۇرعان شياڭگاڭ بۇرىن بولماعان دامۋ ورايىن قارسى الىپ، ”شياڭگاڭ جاقسى بولسا، مەملەكەت جاقسى بولاتىن؛ مەملەكەت جاقسى بولسا، شياڭگاڭ ءتىپتى دە جاقسى بولاتىن“ اناعۇرلىم كوپ تاماشا حيكايا جازۋدا.
”شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتى بولۋىن ساقتاپ، شياڭگاڭنىڭ، اۋمىننىڭ مەملەكەت دامۋىنىڭ كەلەلى جاعدايىنا اناعۇرلىم ويداعىداي توعىسۋىن قولداپ جانە ىلگەرىلەتىپ، شياڭگاڭدىق، اۋمىندىق باۋىرلاستارعا ۇلتتى گۇلدەندىرۋدىڭ تاريحي جاۋاپكەرشىلىگىن وتان حالقىمەن تەڭ ارقالاتۋىمىز، وتاننىڭ گۇلدەنۋ مەن قۇدىرەتتەنۋ ۇلى داڭقىنان وتان حالقىمەن تەڭ يگىلىكتەندىرۋىمىز كەرەك“. باس شۋجي شي جينپيڭ ەكى ەرەكشە اكىمشىلىك رايوننىڭ جاڭا داۋىردەگى رەفورما جاساۋعا، ەسىك اشۋعا ات سالىسۋى، مەملەكەت دامۋىنىڭ كەلەلى جاعدايىنا توعىسۋى جونىندە تەرەڭ ىقىلاسپەن تاپسىرما بەرىپ، شىنايى تىلەك ءبىلدىردى.
(2)
”شياڭگانىڭ دامۋى ءارقاشان مەنىڭ كوكەيىمنەن كەتپەيدى“. 2017 - جىلى شياڭگاڭنىڭ وتان قۇشاعىنا ورالعاندىعىنىڭ 20 جىلدىعى قارساڭىندا باس شۋجي شي جينپيڭ تەرەڭ سۇيىسپەنشىلىككە تولى سوزدەرمەن 3 كۇندىك شياڭگاڭ ساپارىن باستادى.
”بۇل جولعى ساپارىمنىڭ باستى ءۇش ماقساتى بار. ءبىرىنشىسى، تىلەك ايتۋ؛ ەكىنشىسى، قولداۋ كورسەتۋ؛ ءۇشىنشىسى، بولاشاقتىڭ جوسپارىن جاساۋ“. اۋەجايدا تىلشىلەر الدىندا باس شۋجي شي جينپيڭ شياڭگاڭنىڭ دامۋىنا ايرىقشا نازا اۋداراتىندىعىن شىنايى جەتكىزدى.
شياڭگاڭداعى كەزىندە باس شۋجي شي جينپيڭ ماڭىزدى سەلبەستىك كەلىسىمىنىڭ جاسالۋىنا كۋا بولىپ، ماڭىزدى نەگىزدىك قۇرىلعىلار جونىندە قىزمەت تەكسەرىپ، ءار سالا قايراتكەرلەرىنىڭ ۋاكىلدەرىمەن كەزدەسىپ، شىزى تاۋىنىڭ ەتەگىندەگى جاڭا دامۋدى، وزگەرىستى ءتول سەزىممەن سەزىندى، سونداي - اق ”شىعىس مەرۋەرتىنىڭ“ باياندى تىنىشتىعىنىڭ ءتۇبىرلى شاراسى جونىندە ۇزدىكسىز وي جۇگىرتتى.
شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتىندا، باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”دامۋ − ماڭگىلىك باستى تاقىرىپ، شياڭگاڭنىڭ تابان تىرەر تياناعى، سونىمەن بىرگە شياڭگاڭداعى ءتۇرلى ماسەلەلەردى شەشۋدىڭ التىن كىلتى“. ول كوپشىلىكتى ”باستى كۇش - قايراتتى قۇرىلىسپەن شۇعىلدانۋعا، دامۋدى جوسپارلاۋعا شوعىرلاندىرۋعا“ ىنتالاندىردى.
وتان قۇشاعىنا ورالعان شياڭگاڭ جۇڭحۋا ۇلتى ۇلى گۇلدەنۋىنىڭ ايبىندى جورىعىنا تەرەڭ توعىسىپ، قارىشتاپ دامۋدى قارسى الىپ، ءدۇيىم جۇرتقا ءمالىم ناتيجەگە قول جەتكىزدى.
وتان قۇشاعىنا ورالعان 25 جىلدان بەرى شياڭگاڭ ەرەكشە اكىمشىلىك رايونى گۇلدەنۋدى، ورنىقتىلىقتى ساقتادى، 1997 - جىلدان 2021 - جىلعا دەيىن، شياڭگاڭنىڭ جەرگىلىكتى ءوندىرىس جالپى ءونىم قۇنى جىلىنا ورتا ەسەپپەن ％7. 2 ارتىپ، جان باسىندىق GDP ءبىر ەسەلەندى.
وتان قۇشاعىنا ورالعان 25 جىلدان بەرى ورتالىقتىڭ پارمەندى قولداۋىندا، شياڭگاڭ ازيا فينانس داعدارىسى، سارس ىندەتى، حالىقارالىق فينانس داعدارىسى سياقتىلاردىڭ سوققىسىنا ءساتتى توتەپ بەرىپ، حالىقارالىق فينانىس، تەڭىز تاسىمالى، ساۋدا ورتالىعىندىق ورنى بەكەمدەلىپ، عىلىم - تەحنيكادا جاڭالىق اشۋ، مادەنيەت - كوركەمونەر سياقتى ءتۇرلى ىستەر قارىشتاپ دامىدى.
”كەزەڭدەر مەن شىڭداردا كوپ بوگەت بار دەمەي، ءىرى - ۇساق ىستەردىڭ بارلىعىنا سۇيسىپەنشىلىكپەن قاراۋ كەرەك“. دامۋدىڭ ماقساتى، تۇپتەپ كەلگەندە، حالىقتىڭ باقىتى مەن ساۋ - سالاماتتىعى ءۇشىن بولىپ تابىلادى.
باس شۋجي شي جينپيڭ شياڭگاڭدىق باۋىرلاستاردىڭ حالىق تۇرمىسىنداعى ىستىق - سۋىعىن ءار قاشان كوكەيىندە ساقتاپ، شياڭگاڭنىڭ ەكونوميكانى دامىتۋىنا، حالىق تۇرمىسىن جاقسارتۋىنا بار كۇشپەن قولداۋ كورسەتىپ، دامۋ جەتىستىكتەرىنەن شياڭگاڭ قالا تۇرعىندارىن اناعۇرلىم كوپ يگىلىكتەندىرۋدى جەبەدى.
2008 - جىلى، سول كەزدەگى مەملەكەتتىڭ ورىنباسار ءتوراعاسى شي جينپيڭ شياڭگاڭعا كەلىپ قىزمەت تەكسەرىپ، قاربالاس ساپار ورنالاستىرۋىنان ارنايى ۋاقىت شىعارىپ قاراپايىم الەۋمەتتىك اۋماقتارعا، تۇرعىندار ۇيىنە بارىپ، شياڭگاڭداعى قاراپايىم قالا تۇرعىندارىنىڭ تۇرمىسىن ۇعىسىپ، باۋىرلاستاردىڭ جۇرەك ۇنىنە قۇلاق تۇرگەنىن جۇرت ۇمىتپاق ەمەس. ول: ”ءبارىمىز شياڭگاڭ تۇرعىندارىنىڭ تۇرمىسىنا ايرىقشا كوڭىل بولەمىز، سوندىقتان ءسىزدىڭ ءۇيىڭىزدى كورىپ قايتۋعا كەلدىك“، - دەگەن ەدى.
5 جىلدىڭ الدىندا شياڭگاڭدا قىزمەت تەكسەرىپ جۇرگەن باس شۋجي شي جينپيڭگە 10 جاستاعى لي ۋىنجى 11 جاستاعى سەرىگى لۋ رۇيحۇيمەن بىرگە گۋاڭدۇڭ وپەراسىنىڭ كلاسسيكالىق تۋىندىسى «كۇلگىن تۇيرەۋىش ەستەلىگىنەن» ءۇزىندى ورىنداپ بەردى. باس شۋجي ولاردىڭ جاس بولسا دا، جەتكىزە ورىنداعاندىعىن القادى ءارى بالالاردىڭ كىشكەنتاي قولدارىنان ۇستاپ تۇرىپ: ”جۇڭگونىڭ تاڭداۋلى ءداستۇرلى مادەنيەتىن جالعاستىرا بەرۋ كەرەك، بۇل بالالارعا قاراپ، ۇلكەن ءۇمىت بايقادىم“، - دەدى.
قازىر لي ۋىنجىنىڭ بويى ءوسىپ، ەرجەتكەن. ول سول جىلى شي جينپيڭ اتايعا ويىن قويىپ بەرگەن كەزدەگى تەاتر كيىمىن الىپ شىقتى، كۇلگىن استارعا قىزىل، كوك ءتۇستى دوڭگەلەك گۇلدەر كەستەلەنگەن جامىلعى رەتتى بۇكتەلىپتى. ول بۇل تەاتر كيىمى تار كەلىپ كيۋگە كەلمەي قالعانىمەن، شي جينپيڭ اتايدىڭ سول كەزدەگى ىنتالاندىرۋى ونىڭ ءوسىپ - جەتىلۋىنە ءار قاشان سەرىك بولىپ، ونىڭ گۋاڭدۇڭ وپەراسىندا ونەر كورسەتۋدە ۇزدىكسىز ىلگەرىلەۋشىلىككە قول جەتكىزۋىنە كۋا بولىپ كەلە جاتقاندىعىن ايتتى.
”ورەندەر كوڭىلدى ەرجەتۋدى ءۇمىت ەتەدى، جاستار قابىلەتتەرىن ايگىلەۋدى ءۇمىت ەتەدى، ورتا جاستاعىلار ىستەرى ءساتتى بولۋىن ءۇمىت ەتەدى، قاريالار ءومىرىنىڭ سوڭعى كەزدەرىن الاڭسىز وتكىزۋدى ءۇمىت ەتەدى، وسىنىڭ ءبارى دامۋ ارقىلى جۇزەگە اسادى“.
”ادامدى نەگىز ەتىپ، قيىندىقتان قۇتقارىپ، قيىنشىلىعىن شەشىپ، قالا تۇرعىندارى نازار اۋدارىپ وتىرعان ەكونوميكا، حالىق تۇرمىسى جاعىنداعى كورنەكتى ماسەلەلەردى كۇش سالا شەشىپ، جۇرتشىلىقتىڭ تابىس سەزىمى مەن باقىت سەزىمىن شىن مانىندە جوعارىلاتۋ كەرەك“.
”تاربيەلەۋگە ءمان بەرىپ، جەتەكتەۋدى كۇشەيتىپ، جاستار مەن وسپىرىمدەرگە وتانشىلدىق تاربيەنى قۇلشىنا كۇشەيتىپ، جاستار مەن وسپىرىمدەردىڭ اقاۋسىز ەرجەتۋىنە كوڭىل ءبولۋ، قولداۋ كورسەتۋ، كومەكتەسۋ كەرەك“.
...
باس شۋجي شي جينپيڭ 7 ميلليوننان استام شياڭگاڭدىق باۋىرلاستاردىڭ حالىق تۇرمىسىن، قۇت - ىرىسىن ءاردايىم ويلاپ، ءبىر قىدىرۋ ماڭىزدى نۇسقاۋ بەردى. جەر - جەر، تاراۋلار باعىتتامالىلىعى كۇشتى، جارامدىلىعى جوعارى شارالاردى شىعارىپ، شياڭگاڭدىق باۋىرلاستارعا شىن مانىندەگى تيىمدىلىك اكەلدى.
شياڭگاڭدىقتاردىڭ، اۋمىندىقتاردىڭ ىشكى وڭىرلەردە جۇمىستانۋى ءۇشىن ماقۇلدىق ءبىتىرۋى كەرەكتىگى سىندى تالاپتى جاپپاي كۇشىنەن قالدىردى؛ ىشكى وڭىرلەردە جۇمىستانعان شياڭگاڭدىقتار، اۋمىندىقتار تۇرعىن ءۇي الەۋمەتتىك قورىن تاپسىرىپ، ىشكى ءوڭىر تۇرعىندارىمەن بىردەي مامىلەدەن يگىلىكتەنە الادى؛ ىشكى وڭىرلەردە تۇراتىن ءارى تولىمدىلىققا ۇيلەسەتىن شياڭگاڭدىق تۇرعىنداردىڭ قونىستانۋ كۋالىگىن الۋ ءوتىنىشىن بەرۋىنە بولادى، ىشكى وڭىرلەردەگى تۇرعان جەرىندە زاڭ بويىنشا 3 ءتۇرلى ۇقىقتان، 6 ءتۇرلى نەگىزگى الەۋمەتتىك قىزمەت وتەۋدەن جانە 9 ءتۇرلى قولايلىلىقتان يگىلىكتەنەدى، بۇل جۇمىستاندىرۋ، ءبىلىم بەرۋ، ەمدەۋ، ساياحات، فينانس سياقتى كاتەگوريالاردى قامتيدى...
وتاننان كەلگەن قولداۋ باتىل دا پارمەندى بولدى.
جاڭا تيپتى ايدارشا ۆيرۋس وكپە قابىنۋ ىندەتى شياڭگاڭعا سوققى جاساعاندا، باس شۋجي شي جينپيڭ باستان - اياق قام جەپ، ورتالىق ۇكىمەتتىڭ قاتىستى تاراۋلارىنىڭ بارلىق قاجەتتى شارالاردى قولدانىپ، شياڭگاڭ ەرەكشە اكىمشىلىك رايونىنىڭ ىندەتكە قارسى اتتانۋىن بار كۇشپەن قولداۋىنا تالاي رەت ايقىن نۇسقاۋ بەردى.
”وزىمىزگە سەنەمىز، شياڭگاڭعا سەنەمىز، مەملەكەتكە سەنەمىز“، ”بار ىقىلاستى قۇرىلىس جۇرگىزۋگە شوعىرلاندىرىپ، بار زەيىنمەن دامۋدى كوزدەپ، ءبىر نيەتپەن سەلبەسىپ، ىنتىماقتاسا كۇرەس جۇرگىزسەك، ءسوزسىز، شياڭگاڭنىڭ اناعۇرلىم كوركەم بولاشاعىن اشا الامىز“، باس شۋجي شي جينپيڭنىڭ سوزدەرى ادامدارعا مەيىرىمدىلىك پەن قۋات بەرىپ، شياڭگاڭدى بەتالىستى بەكەمدەپ، ءار ءتۇرلى بەيمازالىقتى جويىپ، نازاردى دامۋ سىندى ”ەڭسە كوتەرۋ نەگىزىنە“ شوعىرلاندىرۋعا باستادى.
(3)
شياڭگاڭنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن ءتۇزىمىن ءالى دە كەمەلدەندىرۋ كەرەك، مەملەكەت تاريحى، ۇلت مادەنيەتى جونىندەگى تاربيەنى، ۇگىتتى كۇشەيتۋگە تۋرا كەلەدى، قوعامنىڭ كەيبىر كەلەلى ساياسي، زاڭ ماسەلەلەرىندەگى ورتاق تانىمى ءالى دە كەمشىل، ەكونوميكالىق دامۋى دا ءبىرتالاي سىن - سايىستارعا ءدوپ كەلىپ وتىر، ءداستۇرلى باسىمدىقتارى سالىستىرمالى تۇردە السىرەپ، جاڭا ەكونوميكالىق ارتۋ ءتۇيىنى ءالى قالىپتاسقان جوق، تۇرعىن ءۇي سياقتى حالىق تۇرمىسى ماسەلەلەرى ءبىرشاما كورنەكتى... شياڭگاڭ دامۋ بارىسىندا دا تالاي بوگەتكە تاپ بولدى.
قايتكەندە بوگەتتەردەن ءوتىپ، شياڭگاڭنىڭ ءتۇرلى ىستەرىنىڭ ۇزدىكسىز العا دامۋىن ىلگەرىلەتۋگە بولادى؟ باس شۋجي شي جينپيڭ بۇعان بىلاي دەپ ايقىن جاۋاپ بەردى: ”تۇپتەپ كەلگەندە، بەتالىستان بۇلجىماي، قادامدى نىق باسىپ، ’ءبىر ەل، ەكى ءتۇزىم‘ باعىتىن جان - جاقتى، دالمە - ءدال ءتۇسىنۋ جانە دايەكتىلەندىرۋ كەرەك“.
2017 - جىلى 7 - ايدا شياڭگاڭدى كوزدەن كەشىرگەن كەزدە، باس شۋجي شي جينپيڭ ەرەكشە اكىمشىلىك رايونىنىڭ جاڭادان تاعايىندالعان اكىمشىلىك، زاڭ شىعارۋ، ءادىليا ورگاندارىنىڭ جاۋاپتىلارىمەن كەزدەسكەندە تەرەڭ ماعىنالى تاپسىرما بەردى −
”’ءبىر ەل، ەكى ءتۇزىم‘ بۇرىنعىلار ىستەپ كورمەگەن تىڭ باستاما، مەيلى ’ءبىر ەل، ەكى ءتۇزىم‘ باعىتىن جاپپاي، دالمە - ءدال دايەكتىلەندىرۋ، تياناقتاندىرۋ بولسىن، الدە ەكونوميكا، حالىق تۇرمىسى جاعىندا ۇزاق ۋاقىت قوردالانعان قايشىلىقتار مەن قيىندىقتاردى ناقتى شەشۋ بولسىن، مەيلى جاستار مەن وسپىرىمدەرگە مەملەكەت تاريحى، مادەنيەتى تاربيەسىن كۇشەيتۋ بولسىن، الدە ’شياڭگاڭ تاۋەلسىزدىگى‘ قيمىلدارىنا زاڭ بويىنشا سوققى بەرىپ جانە شاۋجايلاپ، شياڭگاڭنىڭ قوعامدىق كەلەلى جاعدايىنىڭ ورنىقتىلىعىن قورعاۋ بولسىن، بارلىعى كوپشىلىكتىڭ قيىندىققا قارسى اتتانىپ، بەلسەنە ىسكەرلىك كورسەتۋىن قاجەت ەتەدى“.
شياڭگاڭنىڭ دامۋى بارىسىندا ءدوپ كەلگەن الۋان ءتۇرلى ماسەلەنى ويداعىداي شەشۋدىڭ ءتۇبىرلى تياناعى كەيبىر كەلەلى ماسەلەلەر جونىندەگى تانىمدى ايقىنداۋ.
”’ءبىر ەل‘ − تامىر، تامىر تەرەڭ بولعاندا عانا، جاپىراق قاۋلاپ وسە الادى؛ ’ءبىر ەل‘ − ءتۇپ نەگىز، ءتۇپ نەگىز بەكەم بولعاندا عانا، بۇتاق كوكتەپ گۇلدەنەدى“، ”وتانىمىزدىڭ گۇلدەنىپ - كوركەيۋى − شياڭگاڭنىڭ داۋىلدى تولقىندارعا قارسى تۇرىپ، سىن - سايىستاردى جەڭۋ سەنىمىنىڭ تياناعى، سونداي - اق شياڭگاڭنىڭ دامۋدىڭ جاڭا جول بەتالىسىن قاراستىرۋىنىڭ، دامۋدىڭ جاڭا قوزعاۋشى كۇشىن تابۋىنىڭ، دامۋدىڭ جاڭا ءورىسىن اشۋىنىڭ ورايى“، ”مەملەكەت جاقسى بولسا، شياڭگاڭ ءتىپتى دە جاقسى بولادى“...
باس شۋجي شي جينپيڭنىڭ ءبىرسىپىرا ماڭىزدى نۇسقاۋى ونىڭ شياڭگاڭدىق باۋىرلاستار ءۇشىن دامۋدى كوزدەپ، بولاشاق اشۋداعى شىن ىقىلاستى سۇيىسپەنشىلىگىن كورسەتتى.
2019 - جىلى ىشكى - سىرتقى كۇردەلى فاكتورلاردىڭ ىقپالىنا ۇشىراعاندىقتان، شياڭگاڭدا ۇزاق ۋاقىت ءومىر سۇرگەن، قوردالانعان تەرەڭ قاتپارلى قايشىلىقتار ”ەرەجەنى وزگەرتۋدەن تۋىنداعان نارازىلىق دۇربەلەڭ“ شوعىرلى تۇردە اشىققا شىقتى. شياڭگاڭ وتان قۇشاعىنا ورالعاننان بەرگى ەڭ قاتاڭ جاعدايعا تاپ بولدى.
سول جىلى 11 - ايدىڭ 4 - كۇنى شاڭحايدا 2 - كەزەكتى جۇڭگو حالىقارالىق يمپورت كورمەسىنە قاتىناسقان شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىمەن كەزدەسكەندە باس شۋجي شي جينپيڭ بىلاي دەپ اتاپ كورسەتتى: زورلىقتى كۇشتى، دۇربەلەڭدى تيىپ، ءتارتىپتى قالپىنا كەلتىرۋ − ”شياڭگاڭنىڭ كەزەكتەگى ەڭ ماڭىزدى مىندەتى“. ”زورلىقتى كۇش ارەكەتتەرىن زاڭ بويىنشا تيۋ جانە جازالاۋ − شياڭگاڭداعى قالىڭ جۇرتشىلىقتىڭ قۇت - ىرىسىن قورعاعاندىق، بۇدان بۇلجىماۋ كەرەك“.
شياڭگاڭنىڭ بولاشاق تاعدىرىنا ساياتىن، ”ءبىر ەل، ەكى ءتۇزىم“ باعىتى مەن ءتۇبىرلى زاڭنىڭ جاپپاي، دالمە - ءدال دايەكتىلەندىرىلۋ - دايەكتىلەندىرىلمەۋىنە ساياتىن كەلەلى تاريحي ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق بولاشاقتى كوزدەپ، ەرەن ساياسي پاراساتىمەن جانە عالامات ساياسي باتىلدىقپەن ”ءبىر ەل، ەكى ءتۇزىم“ باعىتىن بۇلجىماستان، جاپپاي ءارى دالمە - ءدال دايەكتىلەندىرىپ، شياڭگاڭنىڭ ۇزاق ۋاقىت گۇلدەنۋىنە، ورنىقتىلىعىنا شىنايى كەپىلدىك ەتۋ ءۇشىن جول باستاپ، باعدار بەلگىلەپ، سوڭعى شەشىم قابىلدادى.
”سوڭعى بىرنەشە ايدان بەرى شياڭگاڭ جاعدايى كوپشىلىكتى الاڭداتتى. جاراسىمدى، ورنىقتى ورتا بولماسا، تىنىش ءومىر، شات - شادىمان تىرشىلىك ەتەتىن مەكەن قايدان بولسىن! شياڭگاڭنىڭ جاقسى بولا بەرۋىن، شياڭگاڭدىق باۋىرلاستاردىڭ جاقسى بولا بەرۋىن شىنايى ءۇمىت ەتەمىن“. 2020 - جىلعى جاڭا جىلدى قۇتتىقتاۋ سوزىندە، باس شۋجي شي جينپيڭ تەبىرەنىسپەن بىلاي دەدى: ”شياڭگاڭنىڭ گۇلدەنۋى، ورنىقتىلىعى شياڭگاڭدىق باۋىرلاستاردىڭ ارمانى ءارى وتان حالقىنىڭ تىلەگى“.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كەلەلى رەال ماڭىزى مەن تەرەڭ تاريحي ماڭىزى بار ءبىرسىپىرا شارالار شىعارىلىپ، شياڭگاڭنىڭ كوز الداعى قيىنشىلىقتى جەڭۋىنە، باياندى تىنىشتىقتى جۇزەگە اسىرۋىنا بەرىك تۇزىمدىك قامتاماسىزدىق ازىرلەدى.
شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعايتىن زاڭ - تۇزىمدەرى مەن اتقارۋ مەحانيزمىن قۇرىپ، اقاۋسىزداندىرىپ، شياڭگاڭعا قاتىستى مەملەكەت حاۋىپسىزدىگى زاڭىن جاساپ، اتقارىپ، ”ءبىر زاڭمەن شياڭجياڭدى تىنىشتاندىرۋدى“ جۇزەگە اسىرۋدان شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋگە، ”وتانشىلدار شياڭگاڭدى باسقارۋ“ پرينسيبىن تياناقتاندىرۋعا دەيىن... ساياسي جاقتاعى بىلىقپالىقتى وڭالتىپ، دۇرىستىققا ورالتۋ شياڭگاڭنىڭ تاماشا ساياساتپەن شەبەرلىكپەن جونگە سالۋىنىڭ جاڭا جاعدايىن اشىپ، شياڭگاڭداعى ءار سالانىڭ زەيىن - زەردەنى شوعىرلاندىرىپ تەرەڭ قاتپارلى قايشىلىقتار مەن ماسەلەلەردى شەشۋىنە نەگىزگى شارت - جاعداي ازىرلەدى.
بوران - شاشىندى باستان كەشىرگەن شياڭگاڭ تىڭ تاريحي باستاماعا شىقتى.
2022 - جىلى 5 - ايدىڭ 30 - كۇنى، بەيجيڭ دياۋيۇيتاي مەملەكەتتىك قوناق ءۇيى، كۇن شايداي اشىق. باس شۋجي شي جينپيڭ وسى ارادا جاڭادان سايلانعان ءارى ورتالىق ۇكىمەتتىڭ تاعايىنداۋىنان وتكەن شياڭگاڭ ەرەكشە اكىمشىلىك رايونىنىڭ 6 - رەتكى اكىمى لي جياچاۋمەن ىقىلاسپەن كەزدەستى.
”ورتالىق ۇكىمەتتىڭ، شياڭگاڭ ەرەكشە اكىمشىلىك رايونى ۇكىمەتىنىڭ جانە قوعامنىڭ ءار سالاسىنىڭ بىرگە قۇلشىنۋىندا، شياڭگاڭ بىلىقپالىقتان تىنىشتىققا ءوتۋدىڭ كەلەلى بۇرىلىسىن جۇزەگە اسىرىپ، تىنىشتىقتان گۇلدەنۋگە قادام تاستاۋدىڭ شەشۋشى كەزەڭىندە تۇر. مەن جاڭا كەزەكتى ەرەكشە اكىمشىلىك رايونى ۇكىمەتىنىڭ اكىمشىلىك جۇرگىزۋىنىڭ، ءسوز جوق، جاڭا بەينە كورسەتىپ، شياڭگاڭ دامۋىنىڭ، ءسوز جوق، جاڭا تاراۋ اشاتىندىعىنا كامىل سەنەمىن“، - دەدى باس شۋجي شي جينپيڭ.
(4)
2021 - جىلى 5 - ايدا تيانۋىن 1 - ءنومىرلى بارلاۋ اسپابى مارسقا ءساتتى قوندى، قوندىرعىشتىڭ سىرتقى قابات تۇعىرىنا ورنالاستىرىلعان ”مارس فوتو اپپاراتىن“ شياڭگاڭ جاراتىلىستىق عىلىمدار داشۋەسى ۇجىمى زەرتتەپ اشقان؛ ايدى بارلاۋ ينجەنەرياسى چاڭ - ى 3 - ءنومىرلى، چاڭ - ى 4 - ءنومىرلىنىڭ مىندەتىندە شياڭگاڭ عىلمي زەرتتەۋشىلەرى ىشكى وڭىرلەردەگى ماماندارمەن بىرگە ”فوتو اپپارات باعىتتاۋىش جۇيەسىن“ زەرتتەپ جاسادى...
جۇڭگولىقتاردىڭ ۇلى ارمانىندا شياڭگاڭدىق باۋىرلاستاردىڭ ماڭىزدى ۇلەسى بار .
2017 - جىلى 6 - ايدا شياڭگاڭداعى جۇڭگو عىلىم اكادەمياسىنىڭ، جۇڭگو ينجەنەريا اكادەمياسىنىڭ 24 اكادەميگى باس شۋجي شي جينپيڭگە حات جازىپ، وتاننىڭ ءۇمىتىن اقتاۋداي كوكەي تەستى تىلەكتەرى مەن عىلىم - تەحنيكانى دامىتۋ، جاڭالىق اشۋ سىندى وراسان زور ىنتا - ىقىلاسىن بەينەلەدى.
باس شۋجي شي جينپيڭ ايرىقشا ءمان بەرىپ، ماڭىزدى نۇسقاۋ جاساپ، شياڭگاڭنىڭ ىشكى وڭىرلەرمەن عىلىم - تەحنيكا سەلبەستىگىن كۇشەيتۋدى جەبەپ، شياڭگاڭدى حالىقارالىق عىلىم - تەحنيكادا جاڭالىق اشۋ ورتالىعى ەتۋدى قولداپ، شياڭگاڭ عىلىم - تەحنيكا سالاسىنىڭ عىلىم - تەحنيكادا قۋاتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا كۇش قوسۋىن قولداۋدى باسا دارىپتەدى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن تياناقتاندىرىپ، قاتىستى تاراۋلار دەرەۋ ورنالاستىرۋ جاساپ، باعىتتامالى شارالاردى العا قويىپ، ءىس جۇزىندىك ماسەلەلەردى شەشىپ، ىشكى وڭىرلەر مەن شياڭگاڭنىڭ عىلىم - تەحنيكا سەلبەستىگىن كەڭەيتۋگە جانە تەرەڭدەتۋگە دەم بەردى.
سان كەمە كوتەرىپ جەلكەنىن، جەلدەي ەسىپ بارادى، بارادى زىمىراپ بەتكە الىپ، كوك جيەك جاعانى.
جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋدىڭ جاڭا جورىعىندا، جۇڭحۋا ۇلتىنىڭ ۇلى گۇلدەنۋىن كەرى قايتارۋعا بولمايتىن تاريحي بارىستا شياڭگاڭنىڭ قاتىناسپاۋىنا بولمايدى، سونداي - اق قاتىناسپاي قالمايدى.
باس شۋجي شي جينپيڭ بىلاي دەپ اتاپ كورسەتتى: ”شياڭگاڭدىق باۋىرلاستاردىڭ وتاندى ءسۇيۋ، شياڭگاڭدى ءسۇيۋ، تالىقپاي تالپىنۋ، ايانباي العا ۇمتىلۋ، يكەمدىلىكپەن جاعدايعا سايكەسۋ رۋحى شياڭگاڭنىڭ تابىسقا جەتۋىنىڭ تەتىگى“. ”شياڭگاڭنىڭ دامۋىنا ات سالىسۋداي كەڭ ساحنادا، مەملەكەتتىڭ دامۋىمەن توعىسۋ سىندى ءداۋىر اعىمىندا قالىڭ شياڭگاڭدىق باۋىرلاستار بۇرىن - سوڭدى بولماعان قىزۋ ىنتا - ىقىلاسپەن وزدەرىنىڭ اقىل - پاراساتىن جانە كۇش - قۋاتىن ارناۋدا.
2018 - جىلى 10 - ايدىڭ 24 - كۇنى باس شۋجي شي جينپيڭ گۋاڭدۇڭ ەركىن ساۋدا سىناق رايونىنىڭ شىنجىن چيانحاي شىكوۋ شاعىن رايونىنا بارىپ قىزمەت تەكسەردى. ”چيانحاي تاسىنىڭ“ جانىندا تۇرىپ، چيانحايدا شارۋاشىلىق قۇرعان شياڭگاڭدىق جاس گو ۋيچياڭمەن كەزدەستى.
”ول كەزدە مەن ءبىراز ابىرجىدىم، پۋتۇڭحۋام دا تىم شىركىن - اي ەمەس ەدى، تۇتىعا سويلەپ ءجۇرىپ ءوزىمدى تانىستىردىم. باس شۋجي ىقىلاسپەن قولىمنان ۇستاپ، مەنىڭ تولىق جاعدايىمدى سۇراستىردى. باس شۋجيدىڭ شابىتتاندىرۋى مەنى ەرەكشە جەلپىندىردى، ءوزىمنىڭ ىشكى وڭىردە شارۋاشىلىق قۇرۋ بەكىمىمدى ونان ارى بەكەمدەدى“. سول كەزدەگى كورىنىس گو ۋيچياڭنىڭ ءالى ەسىندە.
بۇگىنگى كۇندە گو ۋيچياڭنىڭ شارۋاشىلىق قۇرۋ ۇجىمى 20 نەشە پاتەنت ۇقىعىنا ءوتىنىش ەتتى ءارى مەملەكەتتىڭ جوعارى، جاڭا تەحنيكا كاسىپورىندارىنىڭ مويىنداۋىنا يە بولىپ، 4 ءتۇرلى ۇقساماعان ءونىم شىعارىپ، 2021 - جىلى ساتۋ سوماسى 10 ميلليون يۋاننان اسىپ، سەرىكتەستىكتىڭ دامۋى تەز دامۋ ارناسىنا ءوتتى.
جاستار گۇلدەنسە، مەملەكەت گۇلدەنەدى، جاستار قۇدىرەتتەنسە، مەملەكەت قۇدىرەتتەنەدى. جاستار تەك شياڭگاڭنىڭ ءۇمىتى مەن بولاشاعى عانا ەمەس ءارى مەملەكەتتى كوركەيتۋدىڭ جاڭا قانى.
شياڭگاڭ ”وسپىرىمدەر ساقشى حابارلارىنىڭ“ مۇشەسى گو حۇڭشي ۇمىتىلماس ەستەلىكتى قاستەرلەپ ساقتاپتى.
2017 - جىلى 6 - ايدىڭ 30 - كۇنى شياڭگاڭدا قىزمەتتى كوزدەن كەشىرگەن باس شۋجي شي جينپيڭ شينجيە يۋانلاڭ رايونىنداعى شياڭگاڭ وسپىرىمدەر ساقشى حابارلارى ماڭگىلىك قيمىل ورتالىعىنا بارىپ، جاتتىعۋعا قاتىناسىپ جاتقان شياڭگاڭدىق جاستار مەن وسپىرىمدەرگە امانداستى. كەلەسى جىلى گو حۇڭشي مەن كىشكەنتاي سەرىكتەرى كوكتەم مەرەكەسىن قۇتتىقتاۋ كارتچكاسىن ءوز قولدارىمەن جاساپ، باس شۋجي شي جينپيڭگە مەرەكەلىك تىلەكتەرىن بەينەلەدى، ”ءتوراعا شي جينپيڭنىڭ قاربالاستىق ىشىندە ۋاقىت شىعارىپ، بىزگە ءوز قولىمەن جاۋاپ حات قايتاراتىندىعىن ويلاماعان ەدىم“.
باس شۋجي شي جينپيڭ حاتىندا بىلاي دەدى: ”وتان مەن شياڭگاڭنىڭ بولاشاعى جاس ۇرپاقتارعا اماناتتالعان. سەندەردەن سان مىڭ كىتاپ وقىپ، سان مىڭ شاقىرىم جول باسىپ، تاريحتى كوبىرەك ۇيرەنىپ، مەملەكەت جاعدايىنان كوبىرەك حاباردار بولىپ، وي ورىستەرىڭدى كەڭەيتىپ، بىلىمدەرىڭدى مولايتىپ، قابىلەتتەرىڭدى شىڭداپ، ەرتەرەك دارىندى بولىپ، ءىس جۇزىندىك ارەكەتتەرىڭمەن شياڭگاڭعا قىزمەت وتەپ، مەملەكەتتىڭ ءۇمىتىن اقتاۋلارىڭدى ءۇمىت ەتەمىن“.
جۇڭگونىڭ بايتاق دالاسىنا كوز جىبەرسەڭىز، شياڭگاڭ جاستارىنىڭ ومىرلىك ارماندارىن ورىنداۋ ورايى تولاسسىز جارىققا شىعۋدا: گۋاڭدۇڭ − شياڭگاڭ − اۋمىن ۇلكەن شىعاناق رايونى جاستاردى جۇمىستاندىرۋ جوسپارى، چيانحاي شىنجىن − شياڭگاڭ جاستار ارمانى جۇمىس الاڭى، شياڭگاڭدىق، اۋمىندىق جاستاردىڭ ءار دارەجەلى جاڭالىق اشۋ، شارۋاشىلىق قۇرۋ بازاسى، ورتالىقتىڭ شياڭگاڭدىق جاستارعا تيىمدىلىك جاسايتىن 8 تارماعى، ەرەكشە رايوننىڭ جاس ۇكىمەت قىزمەتكەرلەرىن بىرلەسكەن مەملەكەتتەر قۇرىلىمىنا باستاۋىش دارەجەلى كاسىبي قىزمەتكەرى مىندەتىن وتەۋگە جىبەرۋ...
جاس بۋىندار ىركەس - تىركەس ءار سالا، ءار كاسىپتىڭ جالىندى قوسىنىنا اينالۋدا: ۇلكەن شىعاناق رايونىنىڭ ىشىندەگى 9 قالانىڭ اربىرىندە شياڭگاڭدىق جاستاردىڭ ارمانعا تالپىنۋ ىزدەرى قالدى، ولار جەكە ارماندارىن مەملەكەت ارمانىمەن، ۇلت ارمانىمەن توعىستىرىپ، وتانمەن بىرگە، شياڭگاڭمەن بىرگە كۇرەس جاساپ، بىرگە ەسەيىپ - ەرجەتۋدە.
”وزىنە سەنۋ وتە ماڭىزدى، ەمىن - ەركىن ارمانعا قۇلاش سەرمەۋ كەرەك، سوندا عانا ارمان - تىلەكتەردىڭ ءبارى رەالدىققا اينالادى“. 5 جىلدىڭ الدىندا باس شۋجي شي جينپيڭ وسى ءبىر شياڭگاڭ انىمەن شياڭگاڭ قالا حالقىنا سالەم ايتىپ، تاماشا بولاشاق تىلەگەن بولاتىن.
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى. بۇگىنگى جۇڭگو ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، ەكىنشى 100 جىلدىق كۇرەس نىساناسىنا ارشىندى قادام تاستاۋدا، ”14 - بەسجىلدىق“ جوبا مەن 2035 - جىلعا دەيىنگى ۇزاق بولاشاقتىق نىسانا باعدارلاماسى جۇڭگونىڭ دامۋ ۇلى جوباسىن ايقىن سۇلبالاپ بەردى. جاڭا داۋىردەگى ”ءبىر ەل، ەكى ءتۇزىمنىڭ“ تابىستى امالياتى − وسىنداعى ەڭ ايشىقتى ورنەك سانالاتىندىعى داۋسىز.
وتان قۇشاعىنا ورالعاندىعىنىڭ 25 جىلدىعىن قارسى العان شياڭگاڭ تىڭ تاريح پاراعىن اشتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا، قالىڭ شياڭگاڭدىق باۋىرلاستار ءبىر نيەتپەن ىنتىماقتاسىپ، بىرگە كۇرەس جاساسا، ساياسيى دەموكراتيالى، زاڭمەن باسقارۋى اقاۋسىز، ەركىن، ەسىك اشقان، سيىسىمدى، جاراسىمدى، گۇلدەنگەن، ورنىقتى، وتاندى كوكەيدە ساقتاعان، دۇنيە جۇزىنە بەت العان شياڭگاڭ، ءسوز جوق، دۇنيە ءجۇزى حالقىنىڭ الدىنا ءتىپتى دە جاقسى بەينەمەن ايگىلەنەدى، ”ءبىر ەل، ەكى ءتۇزىمنىڭ“ شياڭگاڭداعى امالياتى، ءسوز جوق، ءتىپتى دە زور تابىسقا قول جەتكىزەتىن بولادى!
(شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى)
