ما شيڭرۇي ءسوز سويلەدى، ەركىن تۇنياز باسقاردى، نۇرلان ءابىلماجىن، لي يفي قاتىناستى
6 - ايدىڭ 27 - كۇنى، اۆتونوميالى رايوننىڭ ساياحاتتى دامىتۋ جينالىسى قۇلجا قالاسىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 6 - ايدىڭ 27 - كۇنى قۇلجادان حابارلايدى. اۆتونوميالى رايوننىڭ ساياحاتتى دامىتۋ جينالىسى 6 - ايدىڭ 27 - كۇنى قۇلجا قالاسىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: باس شۋجي شي جينپيڭنىڭ مادەنيەت جانە ساياحات قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى ىلگەرىلەتۋ ستراتەگيالىق بيىگىندە تۇرىپ، سەنىمدى بەكەمدەپ، بەلسەنە ءىس تىندىرىپ، رايونىمىزدىڭ ساياحات كاسىبىن ەكونوميكانىڭ جوعارى ساپالى دامۋىنداعى تەبىندەپ كەلە جاتقان كاسىپ سالاسىنا، ءار ۇلت بۇقاراسىنىڭ كىرىستى ارتتىرىپ، بايۋىنداعى حالىققا تيىمدىلىك جەتكىزەتىن كاسىپ سالاسىنا جانە شينجياڭنىڭ ىنتىماقتى، ورنىقتى، جاراسىمدى، باقىتتى، ەكولوگياسى تاماشا ەكەندىگىن ايگىلەيتىن شولپان كاسىپ سالاسىنا اينالدىرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوننىڭ باسشىلارىنان نۇرلان ءابىلماجىن، لي يفي، مادەنيەت جانە ساياحات مينيسترلىگىنىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
ما شيڭرۇي سوزىندە شينجياڭنىڭ ساياحات بايلىعى مول، شوعىرلى، ساياحات كاسىبىنىڭ بولاشاعى نۇرلى بولعان باسىمدىعىنا تالداۋ جاساپ، شينجياڭنىڭ ساياحات كاسىبىنىڭ دامۋ ۇستانىمى، بايلىقتى اشۋ، ماركا جاراتۋ، قىزمەت وتەۋ ساپاسى، مادەنيەت پەن ساياحاتتى توعىستىرۋ، دارىندىلاردى باۋلۋ سياقتى جاقتارداعى جەتەرسىزدىكتەرىن اتاپ كورسەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، رايونىمىزدىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا قاراي ويىسۋىن ىلگەرىلەتۋدەگى 7 ءتۇرلى ءتۇيىندى قىزمەتتى العا قويدى. ءبىرىنشى، جۇيەلى جوسپارلاۋعا تاباندى بولىپ، بايلىقتى اشۋدى ويداعىداي ىستەۋ. ”ءبىر ءوس، ءبىر وزەك، ەكى شەڭبەر، ءۇش ءدالىز، ءتورت ەسىك، كوپ ءتۇيىن“ سىندى دامۋ ارناسىن جەدەل ورناتىپ، ساياحاتتىڭ جاڭا كاسىپ كۇيىن، جاڭا ۇلگىسىن، جاڭا ونىمدەرىن دامىتىپ، سارا نىسان قۇرىلىسى ينجەنەرياسىن اتقارىپ، دۇنيە جۇزىلىك دەڭگەيدەگى ءبىر توپ ساياحات كورىنىس ءوڭىرىن قۇرىپ، ساياحاتتىڭ كوپ ءتۇرلى كاسىپ كۇيىنىڭ توعىسا دامۋىن ىلگەرىلەتۋ كەرەك. ەكىنشى، ەسىك اشۋ تەبىنىن ارتتىرىپ، تۇتىنۋدىڭ كومەسكى كۇشىن تاسقىنداتۋ. ”ساياحاتشىلاردى شينجياڭعا كىرۋگە“ بەلسەنە باۋراپ، ولكە اتتاعان ۇيىرمە ساياحاتىن تارتىپپەن قالپىنا كەلتىرىپ، شينجياڭعا كومەكتەسەتىن ولكە، قالالارداعى ساياحاتشىلاردى شينجياڭعا جەتكىزۋدى زور كۇشپەن ىلگەرىلەتىپ، ”شينجياڭدىقتاردى شينجياڭدا ساياحاتتاۋعا“ شابىتتاندىرىپ، ساياحاتتىق تۇتىنۋ بازارىن جانداندىرىپ، ساياحات كاسىبى ارقىلى حالىققا تيىمدىلىك جەتكىزۋدى، حالىقتى بايىتۋدى ىلگەرىلەتۋ كەرەك. ءۇشىنشى، نەگىزدىك قۇرىلعىلاردى كەمەلدەندىرىپ، قىزمەت وتەۋ ساپاسىن جوعارىلاتۋ. ”تەز جەتىپ، اسىقپاي ساياحاتتاۋ“ جالپى وڭىرلىك ساياحات، قاتىناس جۇيەسىن ورناتىپ، ”پويەزبەن شينجياڭدى ساياحاتتاۋ“ ماركاسىن قالىپتاستىرىپ، تاس جول ”كورىنىس وڭىرلەرىن، كورىنىس تۇيىندەرىن تۇتاستىرۋدى“ ىلگەرىلەتىپ، اۆياتسيا اۋە جەلىسى تورىن اقاۋسىزداندىرىپ، ساياحات ”دارەتحانا توڭكەرىسىن“ ىلگەرىلەتىپ، ”ءبىر قول تەلەفونمەن شينجياڭدى ساياحاتتاۋدى“ ىلگەرىلەتىپ، سايكەستى قۇرىلعىلاردى ساپالىلاندىرىپ، قىزمەت وتەۋ قابىلەتىن جوعارىلاتىپ، بازار ءتارتىبىن ارناعا ءتۇسىرىپ، قالىڭ ساياحاتشىلاردىڭ قۋانىشپەن كەلۋىنە، كوڭىلدى ساياحاتتاۋىنا، قيماستىقپەن قايتۋىنا مۇمكىندىك جاساۋ كەرەك. ءتورتىنشى، بازار تۇلعالارىن زورايتىپ، دامۋ ورتاسىن ساپالىلاندىرۋ. ءبىر توپ ءىرى ساياحات باستاماشى كاسىپورىندارىن جەتىلدىرىپ، ورتا، شاعىن، ۇساق كاسىپورىندار مەن جاڭاشا ساياحاتتى دامىتۋ تۇلعالارىن سۇيەمەلدەپ، ءتۇرلى باسىمدىققا يە كاپيتالداردى شينجياڭعا قارجى قوسۋعا جەتەكتەپ، بەلگى سيپاتتى سارا نىسانداردان، ءىرى نىسانداردان، تاڭداۋلى مادەنيەت - ساياحات نىساندارىنان ءبىر توبىن ىرگە تەبۋگە باۋراۋ؛ مادەنيەت، ساياحات سالاسىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋ كەرەك. بەسىنشى، بازار جوسپارلاۋ - ساتۋدى كەڭەيتىپ، ساياحات ماركاسىن ايشىقتاۋ كەرەك. جوسپارلاۋ - ساتۋدى ءبىر تۇتاس جوسپارلاۋعا ءمان بەرىپ، جەلىلەس جوعارى دەڭگەيلى، حالىقارالانعان ۇگىت، جالپىلاستىرۋ قيمىلدارىن دەن قويا جوسپارلاپ، ”شينجياڭ جاقسى جەر“ تۇتاس تۇلعالىق وبرازىن ورناتۋ؛ دالمە - ءدال جوسپارلاۋ - ساتۋدى كورنەكتىلەندىرىپ، سۇرانىستى دالمە - ءدال سارالاپ، تاپسىرىستىق قىزمەت وتەپ، بازاردى كەڭەيتۋ؛ جوسپارلاۋ - ساتۋدا جاڭالىق اشۋعا شەبەر بولىپ، جالپىلىق اقپارات قۇرالدارىندا، جالپىلىق ينتەرنەتتە ساتۋ - جوسپارلاۋ مەحانيزمىن ورناتىپ، ارنا ءتاسىلىن كەڭەيتىپ، ساياحات جينالىسى، كورمەسى قيمىلىن جاڭالىق اشا وتىرىپ ويداعىداي وتكىزۋ كەرەك. التىنشى، مادەنيەت مازمۇنىن ىشكەرىلەي اشىپ، مادەنيەت پەن ساياحاتتىڭ توعىسپالى دامۋىن ىلگەرىلەتۋ. شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، كورىنىس وڭىرلەرىنىڭ مادەنيەت ءمانىن جوعارىلاتىپ، مادەنيەت پەن ساياحاتتى توعىستىراتىن سارا تۋىندى جاراتىپ، دۇنيە جۇزىلىك مۇرا باقشاسىن، مەملەكەتتىك ارحەولوگيا باقشاسىن قۇرۋدى بەلسەنە ءوتىنىش ەتىپ، مادەنيەت - ساياحات ماركاسىن كۇشەيتىپ، مادەنيەت پەن ساياحاتتى توعىستىرا دامىتۋدىڭ جاڭا كاسىپ كۇيىن جەتىلدىرۋ كەرەك. جەتىنشى، ساياحات كومەسكى كۇشىن اشىپ، جاڭا ارتۋ تۇيىندەرىن قالىپتاستىرۋ. قار - مۇز ساياحاتى ايگىلى ماركاسى ستراتەگياسىن اتقارىپ، دارالىق ەرەكشەلىككە يە جوعارى دەڭگەيلى ساياحاتتى ىلگەرىلەتۋ جونىندە ىزدەنىس جاساپ، ەكولوگيالىق ساياحاتتى لايىقتى دامىتىپ، جىبەك جولى ساياحاتىن بەلسەنە دامىتىپ، شينجياڭ ساياحاتىنىڭ اناعۇرلىم كوپ تانىسقىسىن قالىپتاستىرۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكوم مەن ۇكىمەت، اسىرەسە، پارتكوم مەن ۇكىمەتتىڭ ”ءبىرىنشى باسشىسى“ ايرىقشا ءمان بەرىپ، جۇيەلى جوسپارلاپ، ءىرى ساياحاتتى دامىتۋ ءتۇزىلىس - مەحانيزمىن كەمەلدەندىرىپ، ساياسات، قارجى، دارىندى سياقتى قامتاماسىزداندىرۋدى كۇشەيتۋ كەرەك. ”ەكىنى ءبىر تۇتاس جوسپارلاۋدى“ ويداعىداي يگەرىپ، ىندەتتەن ساقتانۋ - تىزگىندەۋدى زاڭ بويىنشا عىلمي، دالمە - ءدال ويداعىداي ىستەپ، ادامداردىڭ ىركىلىسسىزدىگىنە ەڭ جوعارى شەكتە كەپىلدىك ەتىپ، رايونىمىز ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىپ سالاسىنىڭ ورنالاسۋىن ساپالىلاندىرىپ، ساياحات ونىمدەرىمەن قامداۋدى بايىتىپ، مادەنيەت پەن ساياحاتتىڭ توعىسۋىن ىلگەرىلەتىپ، مادەنيەت پەن ساياحاتتىڭ سارا تۋىندىلارىن جاراتىپ، نەگىزدىك قۇرىلعىلاردى كەمەلدەندىرىپ، زەردەلى ساياحاتتى جەبەپ، قىزمەت وتەۋ ساپاسىن جوعارىلاتىپ، ىندەتتەن ساقتانۋ - تىزگىندەۋدى جانە ساياحات كاسىبىن دامىتۋدى جوعارى ونىمدىلىكپەن ءبىر تۇتاس جوسپارلاپ، مادەنيەت، ساياحات كاسىبىنىڭ دامۋ ونىمدىلىگى ارقىلى ەكونوميكا مەن قوعامنىڭ جوعارى ساپالى دامۋىن ىلگەرىلەتۋ كەرەك.
ماجىلىستە نارات ساياحات دەمالىس ءوڭىرى، ءۇرىمجى قالاسى ۇلكەن بازار كورىنىس اۋماعى، قاشقار قالاسى قاشقار بايىرعى قالا كورىنىس اۋماعى اسەر قالدىرۋ كوشەسى، ءۇرىمجى نانشان قار شاڭعى ساياحات دەمالىس ورنى، التاي قار شاڭعى ساياحات دەمالىس ورنى، ءۇرىمجى قالاسى تيانشان رايونى ۇلكەن بازار ساياحات سەيىل - سەرۋەن كوشەسى، قۇلجا قالاسى ليۋشيڭ كوشەسى تاريحي مادەنيەت كوشە ءوڭىرى، قۇلجا قالاسى جانە نىلقى اۋدانى سىندى مەملەكەت دارەجەلى 9 مادەنيەت - ساياحات ايگىلى ورنى ماڭدايشالىق استى؛ تۇتاس رايوننىڭ ساياحات قىزمەتى مالىمەتىن تىڭدادى؛ ىلە قازاق اۆتونوميالى وبلىسىنداعى، التاي ايماعىنداعى، قاشقار ايماعىنداعى جانە اۆتونوميالى رايوندىق دامۋ جانە رەفورما كوميتەتىندەگى، قاتىناس - تاسىمال مەڭگەرمەسىندەگى جاۋاپتى جولداستار پىكىر اۋىستىرىپ، لەبىز ءبىلدىردى.
ءماجىلىس كەزىندە ماجىلىسكە قاتىناسقاندار ىلەدەگى ءبىر ءبولىم مادەنيەت - ساياحات كورىنىس وڭىرلەرىن ارالاپ، تەكسەرۋ - زەرتتەۋ جۇرگىزدى.
ءماجىلىس تەلەۆيزور - تەلەفون ءماجىلىسى فورماسىندا ايماقتارعا، وبلىستارعا، قالالارعا، اۋداندارعا، قالالارعا، رايوندارعا دەيىن اشىلدى. چىن ۋيجۇن، ياڭ فاسىن، سۇن حۇڭمەي قاتارلىلار ماجىلىسكە قاتىناستى. ايماقتىق، وبلىستىق، قالالىق پارتكومداردىڭ جانە مادەنيەت، ساياحات تاراۋلارىنىڭ نەگىزگى جاۋاپتى جولداستارى، اۆتونوميالى رايونعا (ورتالىققا) توتە قاراستى مەكەمە - ورىنداردىڭ جاۋاپتى جولداستارى، شينجياڭعا كومەكتەسەتىن 19 ولكە، قالانىڭ الدىڭعى جاق قولباسشىلىق شتاپتارىنىڭ نەگىزگى جاۋاپتى جولداستارى، اۆتونوميالى رايوننىڭ قاتىستى ساياحات كاسىپتىك قوعامدارى مەن ءبىر ءبولىم مادەنيەت - ساياحات كاسىپورىندارىنداعى جاۋاپتى جولداستار، ت.ب نەگىزگى ءماجىلىس الاڭىندا ماجىلىسكە قاتىناستى.
