شي جينپيڭ جاۋاپ حات قايتارىپ استىق ەگەتىن ءىرى شارۋالاردى جىگەرلەندىردى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
جاۋاپ حات
شۇي سۇڭشياڭ جولداس:
سالەمەتسىز بە! حاتىڭىزدى تاپسىرىپ الدىم، انحۇيدىڭ تايحىسىنداعى استىق ەگۋ شەبەرى بولعان ءوزىڭىز ەسىمدە. ۇيلەرىڭىز ەككەن ءبيدايدان مول ءونىم العاندارىڭىزدى، ۇرپاقتارىڭىزدىڭ دا سىزبەن بىرگە ەگىن شارۋاشىلىعىمەن شۇعىلدانعاندىعىن ەستىپ توتەنشە قۋاندىم.
استىعىڭ بولسا كوڭىلىڭ توق بولادى. استىق وندىرىسىنە باسا نازار اۋدارىپ كەلەمىن، نەگىزگى ساتىدا تەكسەرۋ - زەرتتەۋ جۇرگىزگەن كەزدە دە ۇنەمى اتىز باسىنا بارىپ كورەتىنمىن. وسىناۋ جىلداردا پارتيا ورتالىق كوميتەتى استىق وندىرىسىنە قولداۋ كورسەتەتىن ءبىرسىپىرا ساياسات - شارالاردى شىعاردى، بۇل جۇڭگولىقتاردىڭ كەسەسىن قاي - قاشان دا ءوز قولىندا مىقتى ۇستاۋىنا، استىق ەگەتىن ديقانداردىڭ اقشا تابۋىنا، ناقتى يگىلىككە كەنەلۋىنە، تۇرمىسىنىڭ بارعان سايىن جاقسارا تۇسۋىنە مۇمكىندىك جاساۋ ءۇشىن بولىپ تابىلادى. استىق ەگەتىن ءىرى شارۋالاردىڭ كولەمدى تيجارات جۇرگىزۋ باسىمدىعىن ساۋلەلەندىرىپ، وسى زامانعى اۋىل شارۋاشىلىعى عىلىم - تەحنيكاسىنان بەلسەنە پايدالانىپ، قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسۋىن ءۇمىت ەتەمىن.
مەنىڭ اتىمنان اۋىلداستارعا سالەم ايتىڭىز!
شي جينپيڭ
2022 - جىلى 6 - ايدىڭ 27 - كۇنى
(شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 27 - كۇنى انحۇي ولكەسىنىڭ تايحى اۋدانىنداعى استىق ەگەتىن ءىرى شارۋا شۇي سۇڭشياڭعا جاۋاپ حات قايتارىپ، جەرگىلىكتى ورىنداعى اۋىلداستارعا سالەم جولداپ، بۇكىل ەلدەگى استىق ەگەتىن ءىرى شارۋالارعا ىقىلاستى ءۇمىت ارتتى.
شي جينپيڭ جاۋاپ حاتىندا بىلاي دەدى: انحۇيدىڭ تايحىسىنداعى استىق ەگۋ شەبەرى بولعان ءوزىڭىز ەسىمدە. ۇيلەرىڭىز ەككەن ءبيدايدان مول ءونىم العاندارىڭىزدى، ۇرپاقتارىڭىزدىڭ دا سىزبەن بىرگە ەگىن شارۋاشىلىعىمەن شۇعىلدانعاندىعىن ەستىپ توتەنشە قۋاندىم.
شي جينپيڭ بىلاي دەپ اتاپ كورسەتتى: استىعىڭ بولسا، كوڭىلىڭ توق بولادى. استىق وندىرىسىنە باسا نازار اۋدارىپ كەلەمىن، نەگىزگى ساتىدا تەكسەرۋ - زەرتتەۋ جۇرگىزگەن كەزدە دە ۇنەمى اتىز باسىنا بارىپ كورەتىنمىن. وسىناۋ جىلداردا پارتيا ورتالىق كوميتەتى استىق وندىرىسىنە قولداۋ كورسەتەتىن ءبىرسىپىرا ساياسات - شارالاردى شىعاردى، بۇل جۇڭگولىقتاردىڭ كەسەسىن قاي - قاشان دا ءوز قولىندا مىقتى ۇستاۋىنا، استىق ەگەتىن ديقانداردىڭ اقشا تابۋىنا، ناقتى يگىلىككە كەنەلۋىنە، تۇرمىستارىنىڭ بارعان سايىن جاقسارا تۇسۋىنە مۇمكىندىك جاساۋ ءۇشىن بولىپ تابىلادى. استىق ەگەتىن ءىرى شارۋالاردىڭ كولەمدى تيجارات جۇرگىزۋ باسىمدىعىن ساۋلەلەندىرىپ، وسى زامانعى اۋىل شارۋاشىلىعى عىلىم - تەحنيكاسىنان بەلسەنە پايدالانىپ، قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسۋىن ءۇمىت ەتەمىن.
شۇي سۇڭشياڭ − انحۇي ولكەسى فۋياڭ قالاسى تايحى اۋدانى جيۋشيان قالاشىعى جاڭحۋاي قىستاعىنىڭ ديقانى، اۋىل شارۋاشىلىعى عىلىم - تەحنيكاسىن بار زەيىنىمەن ۇڭىلە زەرتتەپ كەلەدى، 2010 - جىلى باستاماشىلدىقپەن اۋىل شارۋاشىلىعى ەگىمشىلىك كاسىپتىك سەلبەستىك كووپەراتيۆىن قۇرىپ، جەرگىلىكتى ورىنداعى استىق ەگەتىن ءىرى شارۋاعا بىرتىندەپ اينالدى، مەملەكەتتىك ەڭبەك ەرى، استىق ەگۋدىڭ مەملەكەتتىك ۇلگىسى سياقتى داڭقتى اتاقتارعا يە بولعان. 2011 - جىلى 4 - ايدا شي جينپيڭ جاڭحۋاي قىستاعىندا قىزمەت تەكسەرگەندە ودان جانە اۋىلداستاردان ءبيداي ەگۋ جاعدايىن ۇعىسقان بولاتىن. جۋىقتا شۇي سۇڭشياڭ باس شۋجي شي جينپيڭگە حات جازىپ، 10 نەشە جىلدان بەرى استىق وندىرىسىمەن شۇعىلدانىپ، بۇقارانىڭ كەدەيلىكتەن ارىلۋىنا كومەكتەسكەندىگى سياقتى جاعدايلار مەن اسەرىنەن مالىمەت بەرىپ، اۋىل شارۋاشىلىعىن زەرتتەۋ - اشۋ، جالپىلاستىرۋ قىزمەتىن ۇزدىكسىز ويداعىداي ىستەپ، ءتىپتى دە كوپ ديقاندى استىقتى كوپتەپ ەگۋگە، جاقسى استىق ەگۋگە جەتەكتەۋ بەكىمىن ءبىلدىردى.
