حالىق گازەتى اۆتورلى ماقالا جاريالايدى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى. حالىق گازەتى 6 - ايدىڭ 29 - كۇنى «شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى» اتتى اۆتورلى ماقالا جاريالايدى.
ماقالادا بىلاي دەلىنگەن: ۋاقىت ايالسىز سىرعىپ، زامان بىلىنبەي زىمىراپ ءوتىپ جاتىر. شياڭگاڭنىڭ وتان قۇشاعىنا ورالعانىنا 25 جىل بولدى. 25 جىلدان بەرى شياڭگاڭ وتانعا سۇيەنىپ، دۇنيە جۇزىنە بەت الىپ، ونان ارى جاڭالىق اشىپ، ءوزىنىڭ وسىزاماندانعان كەلبەتىن ۇزدىكسىز سومدادى. كوپتەگەن بوران - شاشىن، سىن - سايىستاردى باستان كەشىرگەنىمەن، ”ءبىر ەل، ەكى ءتۇزىمنىڭ“ شياڭگاڭداعى امالياتى دۇيىم جۇرت مويىنداعان تابىسقا قول جەتكىزدى.
”شياڭگاڭنىڭ وتان قۇشاعىنا ورالعان 20 نەشە جىلدىق وزگەشە بارىسى مىنانى تولىق دالەلدەدى: ’ءبىر ەل، ەكى ءتۇزىمدى‘ اتقارۋ مەملەكەتتىڭ ءتۇبىرلى مۇددەسىن قورعاۋعا ءتيىمدى، شياڭگاڭنىڭ ءتۇبىرلى مۇددەسىن قورعاۋعا ءتيىمدى، قالىڭ شياڭگاڭدىق باۋىرلاستاردىڭ ءتۇبىرلى مۇددەسىن قورعاۋعا ءتيىمدى“.
”شياڭگاڭ، اۋمىن جونىنەن’ءبىر ەل، ەكى ءتۇزىم‘ − ەڭ ۇلكەن ابزالدىلىق، مەملەكەتتىڭ رەفورما جاساۋى، ەسىك اشۋى ەڭ ۇلكەن ساحنا، ’ءبىر بەلدەۋ، ءبىر جولدى‘ بىرگە قۇرۋ، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالاردىڭ اتقارىلۋى جاڭا كەلەلى وراي بولىپ تابىلادى“.
”وتانىمىز شياڭگاڭنىڭ، اۋمىننىڭ گۇلدەنىپ - كوركەيۋىن، ورنىقتىلىعىن ءارقاشان كوكەيدەن شىعارعان ەمەس. تەك ءبىر نيەتپەن كۇش بىرىكتىرىپ، بىرگە قۇلشىنعاندا عانا، ’ءبىر ەل، ەكى ءتۇزىم‘ نىق قاداممەن الىسقا جەتە الادى“.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى باس شۋجي شي جينپيڭ ستراتەگيالىق جانە جالپى جاعداي بيىگىندە تۇرىپ، شياڭگاڭ قىزمەتى جونىندە ءبىرسىپىرا ماڭىزدى ءسوز سويلەپ، ءبىرسىپىرا ماڭىزدى نۇسقاۋ بەرىپ، بەكىتۋ جاساپ، ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
بۇگىنگى شياڭگاڭدا ”وتانشىلدار شياڭگاڭدى باسقارۋ“ جاعدايى ونان ارى بەكەمدەلدى، زاڭمەن باسقارۋ جانە شارۋاشىلىق - ساۋدا ورتاسى ونان ارى ساپالىلاندى، قوعامدىق راي ونان ارى جاراسىمدى بولدى، شياڭگاڭدى ۇزاق ۋاقىت مازالاعان ءار ءتۇرلى تەرەڭ قاتپارلى قايشىلىقتار مەن ماسەلەلەردى ءونىمدى شەشۋگە ءتىپتى دە شارت - جاعداي ازىرلەندى.
ماقالا 4 بولىككە بولىنگەن: ”شياڭگاڭنىڭ وتان قۇشاعىنا ورالۋى جۇڭحۋا ۇلتى تاريحىنان وشپەس ورىن العان بولاشاقتىق ۇلى ءىس، شياڭگاڭ سودان باستاپ وتانمەن بىرگە داميتىن، ماڭگى بولىنبەيتىن داڭعىل جولعا ءتۇستى“؛ ”’ءبىر ەل‘ − تامىر، تامىر تەرەڭ بولعاندا عانا، جاپىراق قاۋلاپ وسە الادى؛ ’ءبىر ەل‘ − ءتۇپ نەگىز، ءتۇپ نەگىز بەكەم بولعاندا عانا، بۇتاق كوكتەپ گۇلدەنەدى“؛ ”’ءبىر ەل، ەكى ءتۇزىم‘ امالياتىنىڭ ورنىقتى قاداممەن الىسقا جەتۋىنە شىنايى كەپىلدىك ەتۋ ءۇشىن، ءسوز جوق، ’وتانشىلدار شياڭگاڭدى باسقارۋعا‘ باستان - اياق تاباندى بولۋ كەرەك“؛ ”شياڭگاڭنىڭ، اۋمىننىڭ مەملەكەت دامۋىنىڭ كەلەلى جاعدايىمەن توعىسۋى − ’ءبىر ەل، ەكى ءتۇزىمنىڭ‘ تيەسىلى ءمانى، رەفورما جاساۋدىڭ، ەسىك اشۋدىڭ داۋىرلىك تالابى، سونداي - اق شياڭگاڭنىڭ، اۋمىننىڭ دامۋدىڭ جاڭا جولىنا ىزدەنىس جاساۋىنىڭ، دامۋدىڭ جاڭا ءورىسىن اشۋىنىڭ، دامۋدىڭ جاڭا قوزعاۋشى قۋاتىن ۇستەۋىنىڭ وبيەكتيۆتىك تالابى“.
ماقالادا مىنالار اتاپ كورسەتىلدى: بۇگىنگى تاڭدا، شياڭگاڭ تاعى دا جاڭا تاريحي باستامادا تۇر. ءبىز تەك اۋەلگى ماقساتتى ۇمىتپاي، ”ءبىر ەل، ەكى ءتۇزىمنىڭ“ ءتۇبىرلى باس ماقساتىن باستاي - اياق ەستە بەرىك ساقتاپ، ”ءبىر ەل، ەكى ءتۇزىمنىڭ“ دۇرىس بەتالىسىنا باستان - اياق تاباندى بولىپ، ناقتى ءىس تىندىرىپ، ىسكەرلىك كورسەتىپ، ءورىس اشا العا ىلگەرىلەسەك، ”ءبىر ەل، ەكى ءتۇزىمنىڭ“ شياڭگاڭ ەرەكشە اكىمشىلىك رايونىنداعى امالياتى، ءسوز جوق، ۇزدىكسىز اناعۇرلىم زور تابىسقا قول جەتكىزىپ، شياڭگاڭ سىندى جارقىراعان مەرۋەرت، ءسوز جوق، اناعۇرلىم كوز تارتارلىق نۇر شاشاتىن بولادى!
