− باس شۋجيدىڭ ىزىمەن − شينجياڭ تاراۋى
6 - ايدىڭ 27 - كۇنى كەشتە ساياحاتشىلار قاشقار بايىرعى قالاسى كورىنىس وڭىرىندە سۋرەتكە تۇسۋدە. ءتۇن قاراڭعىلىعى ءتۇسىپ كەلەدى، الۋان ءتۇرلى شىراقتار بايىرعى قالانىڭ كوشە - كوشەسىن نۇرلاندىرعان كوركەم كورىنىس جۇرتتى ءتانتى ەتتى.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
□ شينحۋا اگەنتتىگىنىڭ تىلشىلەرى لي دادۇڭ، ليۋ حۇڭشيا، حى جۇن
شينجياڭ قىزمەتى پارتيا مەن مەملەكەت قىزمەتى جالپى جاعدايىندا ايرىقشا ماڭىزدى ستراتەگيالىق ورىنعا يە. پارتيا 18 - قۇرىلتايىنان بەرى باس شۋجي شي جينپيڭ شينجياڭدى ىشكەرىلەي ارالاپ قىزمەت تەكسەرىپ، 2 رەت ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ماڭىزدى ءسوز سويلەپ، ستراتەگيالىق جانە جالپى جاعداي بيىگىنەن جاڭا داۋىردەگى شينجياڭدى جونگە سالۋ جالپى جوباسىن العا قويدى.
باس شۋجي شي جينپيڭ نۇسقاعان بەتالىستى بويلاپ، شينجياڭ قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ۇزاق بولاشاقتىق شارا قاراستىرىپ، نەگىزدى بەكەمدەۋ امالدارىن قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىندى.
”قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولۋ كەرەك“
پارتيا 18 - قۇرىلتايىنان بەرى باس شۋجي شي جينپيڭ شينجياڭ قىزمەتىن ستراتەگيالىق جاقتان باعامدادى جانە جوسپارلادى. 2020 - جىلى 9 - ايدا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ: ”قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولۋ كەرەك“ دەپ باسا دارىپتەدى.
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. باس شۋجي شي جينپيڭ ەكونوميكالىق دامۋ مەن حالىق تۇرمىسىن جاقسارتۋدى شينجياڭدى ورنىقتىرۋداعى، شينجياڭنىڭ تىنىشتىعىن ساقتاۋداعى ستراتەگيالىق دەڭگەيگە كوتەرىپ، ”شينجياڭنىڭ قارىشتاپ دامۋىن مىزعىماستان جۇزەگە اسىرۋمەن بىرگە، ءسوز جوق، حالىق تۇرمىسىن جاقسارتۋدى، حالىق تىلەگىنە قول جەتكىزۋدى مىقتاپ ارقاۋ ەتە وتىرىپ ەكونوميكالىق دامۋدى ىلگەرىلەتۋ كەرەك“ دەپ اتاپ كورسەتىپ، ”دامۋدى يگەرۋ، حالىق تۇرمىسىنا تيىمدىلىك جەتكىزۋ ارقىلى بۇقارانىڭ ىستەيتىن ءىسى، تاباتىن تاپاۋاتى، ءۇمىتى بولۋىنا مۇمكىندىك جاساپ، پارتيانىڭ ءار ۇلت بۇقاراسى اراسىنداعى ۇيىستىرۋ قۋاتىن ۇزدىكسىز كۇشەيتۋ، وتاندى ءسۇيۋدىڭ، شينجياڭدى ءسۇيۋدىڭ وڭ ەنەرگياسىن ۇزدىكسىز مولايتۋ كەرەك“ دەپ باسا دارىپتەپ، ”ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتاننىڭ ۇلى شاڭىراعىنىڭ مەيىرىن شىنايى سەزىندىرۋ كەرەكتىگىن“ تالاپ ەتتى.
2014 - جىلى 4 - ايدا باس شۋجي شي جينپيڭ قاشقار ايماعى كونەءشار اۋدانى اياققى مانگان قىستاعىنا كەلىپ قىزمەت تەكسەرىپ، قىستاق تۇرعىنى ابدۇقيۇم روزىنىڭ ۇيىنە كىرىپ، اۋىلداستارمەن پارتيا ورتالىق كوميتەتىنىڭ حالىققا تيىمدىلىك جاساۋ ساياساتتارىنىڭ دايەكتىلەنۋى، تياناقتانۋى جونىندە ورتاق اڭگىمە ءوربىتتى.
”كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋدى جالعاستىرۋعا دەيىن وسى جىلداردا پارتيانىڭ جاقسى ساياساتتارى ءتاتتى جۇزىمدەي سامالاداي سامسىدى“، - دەدى ابدۇقيۇم، - ”قىستاقتا ۇيرەنۋ ميكرو ساباقحاناسى اشىلدى، جاقسى ساياسات شىعا قالسا، كوپشىلىك دەرەۋ كورىپ، ەستىپ بىلە الادى. بۇرىن ءبىزدىڭ بۇل جەر كەدەي قىستاق بولاتىن، قازىر كوپشىلىك باعىمشىلىقپەن، كوشەت ەگىمشىلىگىمەن شۇعىلدانىپ، بارلىق ادامعا ىستەيتىن جۇمىس، تاباتىن تابىس تابىلىپ، تۇرمىسىمىز كۇننەن - كۇنگە شالقي ءتۇستى“.
اياققى مانگان قىستاعىنىڭ وزگەرىسى شينجياڭنىڭ ەكونوميكالىق، قوعامدىق دامۋىنىڭ جانە حالىق تۇرمىسىنىڭ جاقسارۋىنىڭ شاعىن كورىنىسى سانالادى.
وڭتۇستىك شينجياڭداعى حوتان ايماعى، قاشقار ايماعى، اقسۋ ايماعى، قىزىلسۋ قىرعىز اۆتونوميالى وبلىسى سىندى 4 ايماق - وبلىس بۇرىن كەدەيلىكتەن ارىلتۋدان قامال الۋداعى ”ماشاقاتتى ءتۇيىن“ بولاتىن. شينجياڭ جەرگىلىكتى جاعدايعا قاراي ىستەپ، اۋىل - قىستاق بەيقۇت ءۇي ينجەنەرياسىن، اۋىل - قىستاق اۋىز سۋ حاۋىپسىزدىگى ينجەنەرياسىن اتقاردى؛ كەشەندى قوعامدىق قامتاماسىزداندىرۋ شارالارىن ەگجەي - تەگجەيلى تياناقتاندىرىپ، قامتاماسىزداندىرىلۋعا تيىستىلەرىن مۇمكىندىگىنشە قامتاماسىزداندىرۋدى جۇزەگە اسىردى؛ قونىس جاڭالاپ كوشىرۋدى، باسقا سالاعا ويىستىرىپ جۇمىستاندىرۋدى، كاسىپ سالاسى ارقىلى سۇيەمەلدەۋدى اتقاردى... حالىققا ءتيىمدى ءبىر قاتار شارالاردىڭ تياناقتانۋى، اتقارىلۋى وسى ءوڭىردىڭ بەت - بەينەسىن مۇلدە جاڭارتتى. 2021 - جىلى شينجياڭ كاسىپ سالاسىن دامىتۋ، جۇمىس ورىندارىنىڭ تۇراقتىلىعىن ساقتاۋ جانە جۇمىستاندىرۋ، كەشەندى قامتاماسىز ەتۋ، تومەنگى شەكتەن تۇسىرمەۋ سياقتى شارالار جاساپ، كەمەلدەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋمەن ءونىمدى ۇشتاستىردى. ءار الۋان شارالار شينجياڭداعى ءار ۇلت بۇقاراسىنىڭ دامۋعا بىرگە ۇمتىلعان ەكپىندى بەينەسىن كورسەتتى.
2012 - جىلدان 2021 - جىلعا دەيىن شينجياڭداعى قالا - قالاشىق تۇرعىندارىنىڭ جان باسىندىق قولداعى تابىسى 17 مىڭ 921 يۋاننان 37 مىڭ 642 يۋانعا، اۋىل - قىستاق تۇرعىندارىنىڭ جان باسىندىق قولداعى تابىسى 6394 يۋاننان 15 مىڭ 575 يۋانعا كوبەيدى؛ نەگىزدىك قۇرىلعىلار ۇزدىكسىز كەمەلدەنىپ، بارلىق ايماق، وبلىس، قالالار جوعارى جىلدامدىقتى تاس جول داۋىرىنە قادام تاستاپ، ازاماتتىق اۋەجايلاردىڭ قازىرگى جالپى سانى 24كە جەتتى؛ اۋىل - قالاشىق ەمحانالارى مەن قىستاق ەمدەۋ پۋنكتتەرىنىڭ ولشەمدەنۋ مولشەرى تۇگەلدەي ％100كە جەتتى؛ 2020 - جىلدىڭ سوڭىنا دەيىن شينجياڭداعى 3 ميلليون 89 مىڭ كەدەي حالىق تۇگەلدەي كەدەيلىكتەن ارىلىپ، 3666 كەدەي قىستاق تۇگەلدەي كەدەيلىك تىزىمىنەن شىقتى. توپ - توپ سان - سيفرلار شينجياڭنىڭ جاڭا داۋىردەگى دامۋىنىڭ نىق قادامىنا كۋا بولدى.
شينجياڭ ءوندىرىس - قۇرىلىس بيڭتۋانى − شينجياڭ قىزمەتىنىڭ باس نىساناسىن جۇزەگە اسىرۋدىڭ ستراتەگيالىق كۇشى. شينجياڭدا قىزمەت تەكسەرگەن كەزدە، باس شۋجي شي جينپيڭ بيڭتۋاندى ”شەكارانى تىنىشتاندىرىپ، شينجياڭدى بەكەمدەۋدىڭ ورنىقتىرعىشى، ءار ۇلت بۇقاراسىن ۇيىستىراتىن دومنا پەش، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايون“ ەتىپ شىن مانىندە قۇرىپ شىعۋدى تالاپ ەتتى.
باس شۋجي شي جينپيڭنىڭ ماڭىزدى نۇسقاۋىن تياناقتاندىرۋدا شينجياڭ ءوندىرىس - قۇرىلىس بيڭتۋانى دامۋداعى ولقىلىقتاردى تولىقتاۋدى، كاسىپ سالاسى تىزبەگىن ۇزارتۋدى ارقاۋ ەتىپ، بازار بولاشاعى بار، كولەمگە، ەكونوميكالىق تيىمدىلىككە يە، باياندى داميتىن ءبىر قىدىرۋ كەلەلى نىساندار جوسپارلاپ، اۋىل - قىستاقتى گۇلدەندىرۋ ستراتەگياسىن اتقارۋ مەن جوعارى ساپالى دامۋدى ىلگەرىلەتۋگە قوزعاۋشى كۇش ۇستەدى.
قوعام ورنىقتىلىعى مەن باياندى تىنىشتىق دامۋعا سۇيەنەدى، زاڭمەن باسقارۋعا دا ارقا سۇيەيدى. شينجياڭ ”ءبىر جاعىنان، سوققى بەرۋدى يگەرۋگە، ەندى ءبىر جاعىنان، ساقتانۋدى يگەرۋگە“ تاباندى بولىپ، زورلىقتى كۇش لاڭكەستىك قىلمىستارعا زاڭ بويىنشا قاتاڭ سوققى بەرۋمەن قاتار، قاينار كوزىنەن جونگە سالۋعا دا ءمان بەرىپ، ”زاڭمەن باسقارۋ ۇگىت لەكسياسىن نەگىزگى ساتىعا جەتكىزۋ“، ”مەملەكەت تۋى استىندا زاڭمەن باسقارۋدى سويلەۋ“، ”بازار كۇنىندە زاڭ جالپىلاستىرۋ“ سياقتى قيمىلداردى كەڭىنەن، ىشكەرىلەي ورىستەتتى. قازىر شينجياڭدا قاتارىنان 5 جىلدان استام ۋاقىتتان بەرى زورلىقتى كۇش لاڭكەستىك دەلوسى تۋىلماي، قىلمىستىق ىستەر، قوعام اماندىعى دەلولارىنىڭ سانى بارىنشا ازايدى.
”جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك“
شينجياڭ كوپ ۇلت شوعىرلى قونىستانعان ءوڭىر، ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى. شينجياڭدا قىزمەت تەكسەرگەن كەزدە، باس شۋجي شي جينپيڭ ”ۇلتتار ىنتىماعى دامۋدىڭ، العا باسۋدىڭ ىرگە تاسى“ دەپ قايتا - قايتا باسا دارىپتەگەن بولاتىن.
2014 - جىلى 5 - ايدا 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”جۇڭحۋا ۇلتى ورتاق تۇلعا تانىمى“ ماڭىزدى تۇجىرىمداماسىن ايقىن العا قويدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ تاعى ءبىر رەت بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك.
”90 - جىلداردىڭ تۇلەگى“، بويجەتكەن رۋقيام ءماتسايدى قۇربان اتاي اۋلەتىنىڭ 4 - ۇرپاعى، كەزىندە ەلىمىزدىڭ تۇڭعىش اۋياماتكاسى ”لياۋنيڭجياندا“ مىندەت وتەگەن. بۇگىنگى تاڭدا، قۇربان تۇلىم ەسكەرتكىش سارايىنىڭ ءتۇسىندىرۋشىسى بولعان ول قۇربان اتايدىڭ ”ەسەگىنە ءمىنىپ بەيجيڭگە بارماق بولعان“ اڭگىمەسىن ەسكەرتكىش سارايىنا كەلگەن توپ - توپ ەكسكۋرسيالاۋشىلارعا ايتىپ بەرەدى. ”باس شۋجي جۇڭحۋا ۇلتى ورتاق تۇلعا تانىمىن العا قويدى، بۇل مەنىڭ ۇلتتاردىڭ ۇلى ىنتىماعى تۋرالى اناعۇرلىم تەرەڭ تانىمعا يە بولۋىما مۇمكىندىك جاسادى، مەن يىعىمداعى جاۋاپكەرشىلىكتىڭ اناعۇرلىم سالماقتى ەكەندىگىن سەزىندىم. ءبىر بۋىننىڭ وزىنە ءتان بورىشى بولادى، ءبىز ۇلتتار ىنتىماعىن ۇرپاقتان - ۇرپاققا جالعاستىرا بەرۋىمىز كەرەك“، - دەيدى رۋقيام.
باس شۋجي شي جينپيڭنىڭ تاپسىرماسىن ەستە بەرىك ساقتاعان شينجياڭ ”حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ“ بويىنشا قىستاقتا تۇرۋ قىزمەتىن ۇزدىكسىز ورىستەتىپ، جىلىنا 70 مىڭنان استام كادردان 10 مىڭنان استام قىزمەت اترەتىن ۇيىمداستىرىپ ءار ۇلت بۇقاراسىنا تىعىز ارالاسۋعا، قيىن ماسەلەلەردى شەشۋگە، ناقتى ىستەر ىستەۋگە جىبەردى. سوڭعى جىلداردان بەرى شينجياڭداعى كادر - قىزمەتشىلەر ءار ۇلت بۇقاراسىمەن جۇپ قۇراپ، تۋىس بولىپ، وتباسىلاردى جالپى 170 ميلليون وتباسى رەتتەن استام ارالاپ جاعداي ۇعىستى. قازىر شينجياڭ مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن 103 ورىن، مەملەكەتتىك ۇلتتار ىنتىماعى، العاباسارلىعى تاربيە بازاسىنان 14ىن قۇرىپ شىقتى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتۋدى“ باسا دارىپتەدى.
”شينجياڭدى مادەنيەتپەن نارلەندىرۋ كوڭىل كوكجيەگىمىزگە ءنارلى شۋاق سيلادى. باس شۋجيدىڭ تالابى بىزگە جاڭا داۋىردەگى جۇڭگوشا سوتسياليستىك شينجياڭ قۇرۋدا مادەنيەتتىڭ جۇرەكتەردى توعىستىرۋ، رۋحتى سومداۋ، زەيىن - زەردەنى، كۇش - قۋاتتى ۇيىستىرۋ رولىن ساۋلەلەندىرۋگە اناعۇرلىم ءمان بەرۋ كەرەكتىگىن ءتىپتى دە تەرەڭ ۇعىندىردى“. اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىسى بىلاي دەدى: كەلەسى قادامدا ءبىز شينجياڭنىڭ ەرەكشەلىگىن ايگىلەيتىن، ءار ۇلت بۇقاراسى قارسى الاتىن تاڭداۋلى، سۇبەلى تۋىندىلاردان ءبىر توبىن تۇلعالاپ، شينجياڭدى مادەنيەتپەن نارلەندىرۋدىڭ ءار ۇلت بۇقاراسىنىڭ كوڭىل كوكجيەگىنە شىن مانىندە ”ءنارلى شۋاق“ شاشۋىنا مۇمكىندىك جاسايمىز.
كونەءشار اۋدانى توققۇزاق قالاشىعى سەنترلى باستاۋىش مەكتەبىنە كىرسەڭىز، رەتتى، ايناداي تازا مەكتەپ اۋلاسىندا كىتاپ وقىعان ۇندەر ساڭقىلداپ شىعىپ جاتقانىن بايقايسىز. مەكتەپ باستىعى اينۇر ابدۇقادىر بىلاي دەدى: ”باس شۋجي 2014 - جىلى قىزمەت تەكسەرە كەلگەندە، مەكتەبىمىزدە 410 وقۋشى بار ەدى، قازىر 1318گە كوبەيدى. بۇل جىلداردا ءبىز بۇكىل ەلدىڭ جەر - جەرىنەن وقىتۋشى ەنگىزىپ، وقىتۋشىلار قوسىنىمىزدى كەڭەيتتىك، تولىقتىردىق، جاقسارتتىق. ءبىز باس شۋجيدىڭ تاپسىرماسىن ءارقاشان ەستە بەرىك ساقتاپ، مادەنيەت ارقىلى ادام باۋلىپ، ءار ۇلت بالالارىنىڭ جۇرەگىنە كىشكەنتاي كەزدەرىنەن باستاپ ۇلتتار ىنتىماعىنىڭ ۇرىعىن سەبەمىز“.
”ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن تۇلعالاۋ كەرەك“
شەت - شەگىنە كوز جەتپەس قۇمدى شولدە كەرۋەن قوڭىراۋى سىڭعىرلايدى. شينجياڭ ەجەلگى جىبەك جولىنىڭ تاريحي داڭق - شۇعىلاسىن ارقالاپ، جاڭا داۋىردە دە شىت جاڭا تاريحي ورايمەن قاۋىشتى.
شينجياڭدا قىزمەت تەكسەرگەن كەزدە، باس شۋجي شي جينپيڭ بىلاي دەپ باسا دارىپتەدى: ”جىبەك جولى ەكونوميكالىق بەلدەۋىن قۇرۋدا شينجياڭنىڭ ەشكىم باسا المايتىن ورنى جانە رولى بار“، ”ءوزىنىڭ وڭىرلىك ەسىك اشۋ ستراتەگياسىن مەملەكەتتىك جىبەك جولى ەكونوميكالىق بەلدەۋى قۇرىلىسىمەن، باتىسقا ەسىك اشۋ جالپى تۇلعالىق ورنالاستىرۋىمەن توعىستىرۋى كەرەك“. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ“ تالابىن العا قويدى.
باس شۋجي شي جينپيڭنىڭ نۇسقاۋى بويىنشا، جاقىنعى جىلداردان بەرى شينجياڭ جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن جەدەل ىلگەرىلەتىپ، ىشكى - سىرتقى جاقتا بىرلەسە قيمىلدايتىن، شىعىس پەن باتىس قوس باعىتتا ءبىرىن - ءبىرى دەمەيتىن جوعارى دەڭگەيدەگى سىرتقا ەسىك اشۋ ارناسىن قالىپتاستىردى.
حالىقارالىق زات اينالىمى ءىرى ارناسىن ىركىلىسسىزدەندىردى. ءۇرىمجى حالىقارالىق قۇرلىقتىق پورت اۋماعى قۇرىلىسىن ءتۇيىندى تۇردە ىلگەرىلەتىپ، توراپتىق جانە تىرەكتىك ءتۇيىندى ىركىلىسسىزدەندىردى. ماڭىزدى تىرەكتىك ءتۇيىن قورعاس شەكارا وتكەلىندە شامامەن ءار 1.5 ساعاتتا ءبىر جۇڭگو − ەۆروپا كەزەكشى پويەزى مەملەكەت قاقپاسىنان باتىسقا شىعادى. وسىناۋ ”قۇرىش كەرۋەن“ الەمدىك كاسىپ سالاسى تىزبەگىنىڭ ”كۇرە تامىرىنا“ اينالدى.
جوعارى دەڭگەيدە ەسىك اشۋ ساياساتتارىن توعىستىردى. قاشقار كەشەندى قورعامالى باجى اۋماعىندا جۇك تولتىرا تيەلگەن كولىكتەر ارلى - بەرلى قايشالىسۋدا، ونىڭ ىرگەسىندەگى قاشقار حالىقارالىق اۆياتسيالىق جۇك تاسىمالى رايونى قۇرىلىسى نىسانىنىڭ جالپى تۇلعاسى دا پىشىندەلىپ ۇلگىردى. بولاشاقتا اۆياتسيالىق جۇك تاسىمالى مەن كەشەندى قورعامالى باجى اۋماعى ساياساتتاردىڭ قاباتتاسۋىن، ءوزارا توعىسۋىن جۇزەگە اسىرادى. ءۇرىمجى كەدەنىنىڭ ساندى مالىمەتتەرىندە كورسەتىلۋىنشە، بيىل الدىڭعى 5 ايدا قاشقار كەشەندى قورعامالى باجى اۋماعىنىڭ يمپورت - ەكسپورت سوماسى 4 ميلليارد 620 ميلليون يۋانعا جەتىپ، سايكەس مەزگىلدەگىدەن ％612.6 وسكەن.
شەكارا وتكەلى ەكونوميكالىق بەلدەۋىن كۇش سالا تۇلعالادى. شەكارا وتكەلدەرىنىڭ نەگىزدىك قۇرىلعىلارىن كەمەلدەندىرىپ، يمپورت - ەكسپورت كاسىپ سالالارىن جەتىلدىرىپ، شەكارا وتكەلدەرىنىڭ وزىندە ءوندىرۋدى، وڭدەۋدى، ەكسپورتقا شىعارۋدى ىلگەرىلەتكەن شينجياڭ ”ارنا ەكونوميكاسىنان“ ”كاسىپ سالاسى ەكونوميكاسىنا“، ”شەكارا وتكەلى ەكونوميكاسىنا“ بۇرىلىس جاساۋدى ورنىقتى قاداممەن ىلگەرىلەتۋدە.
”ءبىزدىڭ شينجياڭ جاقسى جەر، تيانشان الابى اسەم كورىنىس...“ باس شۋجي شي جينپيڭ نۇسقاعان باعىتتى بويلاپ، شينجياڭداعى ءار ۇلت پەرزەنتتەرى اناردىڭ دانىندەي تىعىز ۇيىسىپ، ءبىر نيەتپەن جاڭا داۋىردەگى شينجياڭنىڭ جوعارى ساپالى دامۋىنىڭ جاڭا كورىنىسىن كەسكىندەۋدە.
(شينحۋا اگەنتتىگىنىڭ 6 - ايدىڭ 28 - كۇنى ۇرىمجىدەن بەرگەن حابارى)
