تيانشان تورى
تيانشان تورى   ›   جاڭالىقتار   ›   شينجياڭ حابارلارى

”1 - شىلدەگە“ تارتۋ! ولار مىنە وسىلاي پارتياعا ءوز كوڭىلدەرىن ءبىلدىردى

  بيىل جۇڭگو كوممۋنيستىك پارتياسى قۇرىلعاندىعىنىڭ 101 جىلدىعى، ءارى پارتيانىڭ 20 - قۇرىلتايى اشىلاتىن جىل. ”1 - شىلدە“ پارتيا قۇرۋ مەرەكەسى قارساڭىندا، شينجياڭداعى كوپتەگەن جەرلەردىڭ ساياسي - زاڭ ورىندارى جاپپاي، ءار الۋان فورماداعى، باي مازمۇندى تاقىرىپتىق قيمىلدار وتكىزدى.

  6 - ايدىڭ 28 - كۇنى تۇستەن كەيىن، شينجياڭ شەكارادان كىرىپ - شىعۋ، شەكارالىق قورعانىس تەكسەرۋ باس پۋنكتى ”پارتيانىڭ 20 - قۇرىلتايىن شاتتىقپەن قارسى الايىق . ادال نيەتپەن اماندىققا كەپىلدىك ەتەمىز، ون مىڭ شاقىرىمدىق شەكارادا نارت قىزىل پارتيا تۋى جەلبىرەيدى“ اتىنداعى وزات تيپتەردىڭ تاقىرىپتىق بايانداما قيمىلىن وزدىردى. ”ۇلگى كورسەتۋ ورنىن قۇرۋ، مەملەكەت قاقپاسىندا ىندەتكە قارسى اتتانۋ، شەكارانى كۇشەيتىپ، قورعانىستى بەكەمدەۋ، حالىق ءۇشىن قىزمەت وتەۋ، قاجىرلىلىقپەن كاسىپ جاراتۋ ، تىنباي كۇرەس جاساۋ“ 6 تاراۋىن ارقاۋ ەتىپ، جەتەكشىلىك ەتىپ بايانداۋ، مەلودراما ويناۋ، مۋزيكانىڭ سۇيەمەلدەۋىندە مانەرلەپ وقۋ، ولەڭ، سۋرەت، ءان، ءبيدى ۇشتاستىرعان كوركەمونەر تۇرلەرى ارقىلى، مەملەكەت قاقپاسى شەكاراسىنىڭ حيكايالارىن بايانداپ، وتان ءۇشىن شەكارانى قورعاۋداي تەرەڭ سۇيىسپەنشىلىكتەرىن ايگىلەدى.

  6 - ايدىڭ 27 - كۇنى تۇستەن بۇرىن، قۇلجا قالالىق قوعام حاۋىپسىزدىك مەكەمەسى ينتەرنەت حاۋىپسىزدىگى ۇلكەن اترەتىنىڭ پارتيا ياچەيكاسى ايەل ينتەرنەت ساقشىلارىن ۇيىمداستىرىپ قيما سۋرەت جانە سۋرەت تۋىندىلارى ارقىلى وتانعا دەگەن قىزۋ سۇيىسپەنشىلىكتەرىن بەينەلەدى.

  6 - ايدىڭ 28 - كۇنى، شينجياڭ شەكارادان كىرىپ - شىعۋ، شەكارالىق قورعانىس تەكسەرۋ باس پۋنكتى بۇراتالا موڭعۇل اۆتونوميالى وبلىستىق شەكارا باسقارۋ تارماق اترەتى بۇراتالا شەكارا باسقارۋ ۇلكەن اترەتىنىڭ ۇتىنبۇلاق شەكارالىق ساقشى بولىمشەسى قاراستى اۋماقتاعى امەريكا جيھانگەرلىگىنە قارسى تۇرىپ، چاۋشيانعا كومەك بەرۋگە قاتىناسقان ساقا پارتيا مۇشەسى ۋ زورۇڭ، 50 جىلدىق پارتيالىق ستاجى بار ساقا پارتيا مۇشەسى جيا دى، بۇراتالا قالاسىنىڭ 10 يگى ادامىنىڭ ءبىرى مىڭگىندى بۇراتالا قالاسى گىندىن جاڭا قىستاعىنا كەلىپ، جاڭا پارتيالى حالىق ساقشىلارىنا اۋەلگى ماقساتقا قاتىستى حيكايالاردى، جۋىق جىلداردان بەرگى تۋعان جەردەگى وزگەرىستەردى اڭگىمەلەپ بەرۋگە ۇسىنىس ەتتى.

  6 - ايدىڭ 28 - كۇنى، شينجياڭ شەكارادان كىرىپ - شىعۋ، شەكارالىق قورعانىس تەكسەرۋ باس پۋنكتى بۇراتالا وبلىسى شەكارا باسقارۋ تارماق اترەتى بۇراتالا شەكارا باسقارۋ ۇلكەن اترەتىنىڭ چىندەل شەكارالىق ساقشى بولىمشەسىنىڭ بوردى شەكارالىق ساقشى ىستەر پۋنكتىنىڭ حالىق ساقشىلارى مەن شەكارانى قورعاۋشىلارى شارلاۋ ارەدىگىندە، شارلاۋ جولىنىڭ بويىنداعى تاستاردان پارتيا تۋىن ءتىزىپ، پارتيانىڭ 101 جاسقا كەلگەن تۋعان كۇنىنە تارتۋ ۇسىندى.

(انار بۇلت \ شينجياڭ زاڭ گازەتىنىڭ ءتىلشىسى لي شۇيچۇن، ەرىكتى ءتىلشى پان ياجۇن، جيە زىلۇڭ، ۋ چىنلۇڭ، لۋ شىڭلەي)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.