شي جينپيڭ حۋبەي ۋحاندا قىزمەت تەكسەرگەندە بىلاي دەپ باسا دارىپتەدى
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
6 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىندا قىزمەت تەكسەردى. سۋرەتتە: 6 - ايدىڭ 28 - كۇنى تۇستەن كەيىن شي جينپيڭ ۋحان حۋاگۇڭ لازەر ينجەنەرياسى شەكتى جاۋاپكەرشىلىك سەرىكتەستىگى سەحىنىڭ ۇلكەن عيماراتى الدىندا كاسىپورىننىڭ جۇمىسشى - قىزمەتكەرلەرىمەن ىقىلاسپەن پىكىر اۋىستىرۋدا.
□ سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
6 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسىنىڭ ۋحان قالاسىندا قىزمەت تەكسەردى. سۋرەتتە: 6 - ايدىڭ 28 - كۇنى تۇستەن كەيىن شي جينپيڭ دۇڭحۋ جوعارى، جاڭا تەحنيكالىق اشۋ رايونىنىڭ زوليڭ ءمالىسى جىيۋان الەۋمەتتىك اۋماعىنىڭ پارتيا مۇشەلەرىنە، بۇقاراعا قىزمەت وتەۋ ورتالىعىندا الەۋمەتتىك اۋماق قىزمەتكەرلەرىنەن پارتيا قۇرىلىسى ارقىلى نەگىزگى ساتى الەۋمەتتىك اۋماعىن باسقارۋعا جەتەكشىلىك ەتۋ جانە حالىققا قولايلى قىزمەت وتەۋ سياقتى جاعدايلاردى ۇعىستى ءارى ءىس بىتىرۋگە كەلگەن قارتتارمەن ىقىلاسپەن اڭگىمەلەستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 6 - ايدىڭ 29 - كۇنى ۋحاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 28 - كۇنى حۋبەي ولكەسىنىڭ ۋحان قالاسىندا قىزمەت تەكسەرگەندە بىلاي دەپ باسا دارىپتەدى: عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ − مەملەكەتتىڭ قۇدىرەتتەنۋىنىڭ، كوركەيۋىنىڭ نەگىزى، حاۋىپسىزدىگىنىڭ ءتۇيىنى. ءبىز جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ دەربەستىگىن، ءوزىن - ءوزى باسقارۋىن، حاۋىپسىزدىگىن ۇزدىكسىز جوعارىلاتىپ، اناعۇرلىم كوپ جاڭا تەحنيكالاردى، جاڭا كاسىپ سالالارىن تۋىنداتىپ، ەكونوميكالىق دامۋدىڭ جاڭا سالالارىن، جاڭا جارىس جولدارىن اشىپ، حالىقارالىق باسەكەدە جاڭا باسىمدىق قالىپتاستىرۋىمىز كەرەك.
6 - ايدىڭ 28 - كۇنى تۇستەن كەيىن شي جينپيڭ حۋبەي ولكەلىك پارتكومنىڭ شۋجيى ۋاڭ مىڭحۇيدىڭ، ولكە باستىعى ۋاڭ جۇڭليننىڭ سەرىك بولۋىندا ۋحاننىڭ كاسىپورىندارىن، الەۋمەتتىك اۋماقتارىن ىشكەرىلەي ارالاپ، تەكسەرۋ - زەرتتەۋ جۇرگىزدى.
شي جينپيڭ الدىمەن ۋحان حۋاگۇڭ لازەر ينجەنەرياسى شەكتى جاۋاپكەرشىلىك سەرىكتەستىگىنە كەلىپ قىزمەت تەكسەردى. كاسىپورىننىڭ زەرتتەۋ - اشۋ جالپىلىق ۇلكەن عيماراتىندا شي جينپيڭ حۋبەي ولكەسىنىڭ فوتو ەلەكترون ينفورماتسياسى كاسىپ سالاسىن دامىتۋ جانە وزەكتى تەحنيكالاردان قامال الۋ جاعدايىنان جاساعان تانىستىرۋىن تىڭداپ، چيپ كاسىپ سالاسىنىڭ جاڭالىق اشۋ جەتىستىگى كورمەسىن زەر سالا كوردى. شي جينپيڭ بىلاي دەپ اتاپ كورسەتتى: فوتو ەلەكترون ينفورماتسياسى كاسىپ سالاسى − كەڭ كولەمدە قولدانىلاتىن ستراتەگيالىق جوعارى تەحنيكالى كاسىپ سالاسى ءارى ەلىمىزدىڭ الدىمەن قامال الۋدى جۇزەگە اسىرۋ شارتىن ازىرلەگەن جوعارى تەحنيكالى كاسىپ سالاسى. حۋبەي ۋحانداعى دۇڭحۋ جاڭا تەحنيكا اشۋ رايونى فوتو ەلەكترون ينفورماتسياسى كاسىپ سالاسىندا ەلدەن ەرەك ارتىقشىلىققا يە. تەحنيكانى زەرتتەۋ - اشۋدان قامال الۋدى كۇشەيتىپ، دەربەس ءبىلىم مەنشىگى ۇقىعىنا يە اناعۇرلىم كوپ وزەكتى تەحنيكانى يگەرىپ، جاڭالىق اشۋ تىزبەگىن ۇزدىكسىز ۇزارتىپ، كاسىپ سالاسى تىزبەگىن كەمەلدەندىرىپ، ەلىمىزدىڭ فوتو ەلەكترون كاسىپ سالاسىنىڭ جەدەل دامۋىن ىلگەرىلەتۋ ءۇشىن اناعۇرلىم زور ۇلەس قوسۋ كەرەك. ەلىمىزدىڭ دامۋىنا، كۇشەيۋىنە ىلەسە، ”القىمداعان“ شەشۋشى، وزەكتى تەحنيكالاردان قامال الۋ كەزەك كۇتتىرمەيتىن ىسكە اينالدى، ءسوز جوق، ماسەلەنى باعدار ەتۋدەن جازباي، جاڭاشا بۇكىل مەملەكەتتىك ءتۇزىلىس ابزالدىلىعىن ساۋلەلەندىرىپ، رۋحتى سەرپىلتىپ، قايراتقا ءمىنىپ، جىگەرلەنە العا تارتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ كەرەك.
شي جينپيڭ ىلگەرىندى - كەيىندى كاسىپورىننىڭ لازەر عىلىم - تەحنيكا سارايىنا، جارتىلاي وتكىزگىش تاقتاي لازەر زەردەلى جابدىق ءوندىرىس سەحىنا بارىپ، لازەر تەحنيكاسى كاسىپ سالاسىندا قولدانىلاتىن كورمە ونىمدەرىن كوردى. شي جينپيڭ بىلاي دەپ باسا دارىپتەدى: جوعارى ورەلى جاساۋ − ەكونوميكانىڭ جوعارى ساپالى دامۋىنىڭ ماڭىزدى تىرەگى. ەلىمىزدىڭ جاساۋ كاسىبىنىڭ تيبىن جاڭالاپ، دارەجەسىن ءوسىرۋىن ىلگەرىلەتىپ، جاساۋ كاسىبىندە قۋاتتى ەل قۇرۋدا، ءسوز جوق، تەحنيكانى زەرتتەۋ - اشۋدى كۇشەيتىپ، وتاندىق ونىمدەردىڭ ورىن باسۋ مولشەرىن جوعارىلاتىپ، عىلىم - تەحنيكانىڭ جان تامىرىن ءوز قولىمىزدا ۇستايتىن بولساق، مەملەكەت سوندا عانا ناعىز قۇدىرەتتەنەدى.
سەح ۇلكەن عيماراتىنىڭ الدىندا شي جينپيڭ كاسىپورىننىڭ جۇمىسشى - قىزمەتكەرلەرىمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: ەلىمىز − دۇنيە جۇزىندەگى 2 - ۇلكەن ەكونوميكالىق تۇلعا، الايدا تاعى كوپتەگەن ولقىلىقتار بار، ءىشىنارا كاسىپ سالالارىنىڭ نەگىزى ءالى دە تىم بەكەم ەمەس، ىشكەرىلەي دامۋدا، ءسوز جوق، جاڭالىق اشۋعا سۇيەنۋگە تۋرا كەلەدى. جاپپاي سوتسياليستىك وسىزاماندانعان مەملەكەت قۇرۋدا، ەكىنشى 100 جىلدىق كۇرەس نىساناسىن جۇزەگە اسىرۋدا جاڭالىق اشۋ شەشۋشى فاكتور سانالادى. پارتيا ورتالىق كوميتەتى عىلىم - تەحنيكادا جاڭالىق اشۋعا وسكەلەڭ ءمان بەرىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن جانە دامۋعا جاڭالىق اشۋ ارقىلى دەم بەرۋ ستراتەگياسىن اتقاردى. ەگەر ءبىزدىڭ ءاربىر قالامىز، ءاربىر جوعارى، جاڭا تەحنيكالىق اشۋ رايوندارىمىز، ءاربىر عىلىم - تەحنيكا كاسىپورىندارىمىز، ءاربىر عىلمي زەرتتەۋ قىزمەتكەرلەرىمىز تۇگەلدەي مەملەكەت تۇراقتاندىرعان دامۋ بەتالىسىن توڭىرەكتەي وتىرىپ عىلىم - تەحنيكادا جاڭالىق اشۋدى تىڭعىلىقتى ىلگەرىلەتەتىن بولسا، وندا ءبىز بەلگىلەنگەن نىسانانى، ءسوزسىز، جۇزەگە اسىراتىن بولامىز. ءبىزدىڭ وسى ۇرپاق ادامدارىمىز وسى داڭقتى بورىشتى، ءسوز جوق، ارقالاۋى كەرەك. عىلىم - تەحنيكادا جاڭالىق اشۋ، بىرىنشىدەن، ۇسىنىلىمعا سۇيەنەدى، ەكىنشىدەن، دارىندىلارعا سۇيەنەدى. وسى اراعا ءبىر قىدىرۋ ەگەي دارىندىلاردىڭ توپتالعاندىعىن، كوپشىلىكتىڭ بارلىعى وتە جاس، ومىرشەڭدىككە تولى ەكەندىگىن كورىپ قاباعات قۋاندىم. پارتيا ورتالىق كوميتەتى عىلىم - تەحنيكا دارىندىلارىنىڭ جەتىلۋىنە ەرەكشە كوڭىل بولەدى، ءار دارەجەلى پارتكومدار مەن ۇكىمەتتەر مۇمكىندىكتىڭ بارىنشا عىلىم - تەحنيكادا جاڭالىق اشۋعا پايدالى ءتۇزىلىس - مەحانيزمدى جانە قىزمەت، تۇرمىس ورتاسىن جاراتىپ، عىلىم - تەحنيكا قىزمەتكەرلەرىنىڭ وتان مەن حالىق ءۇشىن ۇلەس قوسۋىنا مۇمكىندىك جاساۋ كەرەك. كوپشىلىكتىڭ ۇزدىكسىز قۇلشىنىپ، اناعۇرلىم زور ناتيجەگە قول جەتكىزۋىن ءۇمىت ەتەمىن.
شي جينپيڭ، وسىدان سوڭ، دۇڭحۋ جوعارى، جاڭا تەحنيكالىق اشۋ رايونىنىڭ زوليڭ ءمالىسى جىيۋان الەۋمەتتىك اۋماعىنا بارىپ قىزمەت تەكسەردى. بۇل الەۋمەتتىك اۋماق مەملەكەت مەنشىگىندەگى ءبىر كاسىپورىننىڭ لاشىقتى ءوڭىردى جاڭالاپ، ءبىر تۇتاس سالعان شاعىن اۋماعى، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، 5 دارەجە كوتەرمەگە الىپ، كەپىلدىك ەتۋ ءتۇزىمىن قاتاڭ تياناقتاندىرىپ، قىزمەت ورنىنا قايتا ورالىپ، جۇمىستى قالپىنا كەلتىرۋ مەن ساقتانۋ - تىزگىندەۋدى، باسقارۋدى ءوزارا ۇشتاستىرعان الەۋمەتتىك اۋماقتىڭ ورنىقتىلىعىن قامتاماسىز ەتۋ جۇيەسىن قالىپتاستىرىپ، تۇرعىنداردىڭ تۇرمىسىنىڭ، قىزمەتىنىڭ قالىپقا ءتۇسۋىن ءتارتىپتى ىلگەرىلەتتى. حۋبەي ولكەسىنىڭ ىندەتتەن ساقتانۋ - تىزگىندەۋدى ۇدايىلاندىرۋ جانە ىندەتتەن كەيىن الەۋمەتتىك اۋماقتى باسقارۋ جاعدايىنان جاساعان تانىستىرۋىن تىڭداعاننان كەيىن، شي جينپيڭ بىلاي دەپ باسا دارىپتەدى: 2020 - جىلى ۋحاندى قورعاۋ شايقاسى جەڭىسكە جەتكەننەن بەرى، ۋحان وسى 2 جىلدا تاعى تالاي رەت توپتالۋ سيپاتىنداعى ىندەتكە جولىققانىمەن، تەز ارادا تىزگىندەدى، زور قايتا بەلەڭ بەرۋ تۋىلمادى. ۋحان قالاسى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن جاقسى ىستەدى، تاجىريبەسىن قورىتىندىلاۋعا تاتيدى. اماليات پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋ باعىت - ساياساتىنىڭ دۇرىس، ءونىمدى ەكەندىگىن، ءسوز جوق، تيتتەي دە بۇلجىماستان تاباندى بولۋ كەرەكتىگىن دالەلدەدى.
شي جينپيڭ ەرىكتى قىزمەت وتەۋ قوناق بولمەسىنە بارىپ، الەۋمەتتىك اۋماق قىزمەتكەرلەرىنەن، تومەنگە تۇسكەن پارتيا مۇشەلەرىنەن، كادرلاردان، ەرىكتىلەردەن نەگىزگى ساتىنىڭ ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اينالىم جاعدايىن ۇعىسىپ، ولاردى ساقتانۋ - تىزگىندەۋ ءبىرىنشى شەبىنىڭ قورشاۋىن بەكەمدەپ، تۇرعىندارعا الاڭسىز، بەرەكەلى تۇرمىس ورتاسىن جاراتۋعا ىنتالاندىردى. شي جينپيڭ الەۋمەتتىك اۋماقتى ارالاپ كورىپ، الەۋمەتتىك اۋماقتىڭ حالىققا قولايلى حىسۋاننان ۇلگى الۋ سياقتى ىندەتتەن ساقتانۋ - تىزگىندەۋدى ۇدايىلاندىرۋ شارالارىن تۇراقتاندىردى. شي جينپيڭ بىلاي دەپ باسا دارىپتەدى: ىندەتكە توتەپ بەرۋ كۇرەسىندە مەيلى شۇعىل جاعدايعا توتەپ بەرۋ بويىنشا ساقتانۋ - تىزگىندەۋ، الدە ىندەتتەن ساقتانۋ - تىزگىندەۋدى ۇدايىلاندىرۋ بولسىن، الەۋمەتتىك اۋماق ەرەكشە ماڭىزدى رول اتقاردى. جالپىلاي العاندا، ەرتە بايقاۋعا، جىلدام ءبىر جاقتى ەتۋگە سۇيەنۋ، قالىڭ حالىق بۇقاراسىنىڭ ەل بىرلىگى بەرىك قامالىنا سۇيەنۋ، الەۋمەتتىك اۋماق سىندى وسى ماڭىزدى نەگىزگە سۇيەنۋ كەرەك. الەۋمەتتىك اۋماقتىڭ ساقتانۋ - تىزگىندەۋدى ۇدايىلاندىرۋ شاراسىن كەمەلدەندىرىپ، ىندەت بايقالعاننان كەيىن، ءسوز جوق، باتىل ىسكە كىرىسۋ كەرەك، ەكى ۇداي بولۋعا بولمايدى، عىلمي دا قاتاڭ ساقتانۋ - تىزگىندەۋ شاراسىن قولدانىپ، عىلمي ساقتانۋ - تىزگىندەۋ، دالمە - ءدال ساقتانۋ - تىزگىندەۋ ورەسىن جوعارىلاتىپ، الەۋمەتتىك اۋماق سىندى وسى قورعانىس شەبىن باتىل ساقتاۋ كەرەك.
جىيۋان الەۋمەتتىك اۋماعى قارتتانۋداعى كورنەكتى ماسەلەلەردى توڭىرەكتەي وتىرىپ، قارتتاردى كۇتۋ قىزمەت وتەۋى ۇلگىسىندە جاڭالىق اشىپ، ۇيدە بولۋدى نەگىز، الەۋمەتتىك اۋماقتى سۇيەنىش، قۇرىلىمدى تولىقتاما ەتكەن، ەمدەۋ - كۇتىمدەۋدى ءوزارا ۇشتاستىرعان قارتتاردى كۇتۋ قىزمەت وتەۋى ۇلگىسىن ورناتتى. الەۋمەتتىك اۋماقتىڭ پارتيا مۇشەلەرىنە، بۇقاراعا قىزمەت وتەۋ ورتالىعىندا شي جينپيڭ الەۋمەتتىك اۋماق قىزمەتكەرلەرىنەن پارتيا قۇرىلىسى ارقىلى نەگىزگى ساتى الەۋمەتتىك اۋماعىن باسقارۋعا جەتەكشىلىك ەتۋ جانە حالىققا قولايلى قىزمەت وتەۋ سياقتى جاعدايلاردى ۇعىستى ءارى ءىس بىتىرۋگە كەلگەن قارتتارمەن ىقىلاسپەن اڭگىمەلەسىپ، ولاردىڭ وتباسى جاعدايىن تاپتەشتەي سۇرادى. شي جينپيڭ بىلاي دەپ اتاپ كورسەتتى: الەۋمەتتىك اۋماق − قالانى باسقارۋ جۇيەسىنىڭ نەگىزگى بىرلىگى. ەلىمىزدىڭ مەملەكەتتى باسقارۋ جۇيەسىنىڭ ءبىر ابزالدىلىعى قالا، اۋىلداردىڭ الەۋمەتتىك اۋماعى نەگىزىن بەكەمدەۋ بولىپ تابىلادى. الەۋمەتتىك اۋماق پارتيا ۇيىمى قۇرىلىسىن كۇشەيتىپ، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن نىعايتىپ، پارتيا ۇيىمىنىڭ الەۋمەتتىك اۋماقتى باسقارۋداعى باسشىلىق رولىن اناعۇرلىم ويداعىداي ساۋلەلەندىرۋ، پارتيا مۇشەلەرىنىڭ اۆانگارد ونەگەلىك رولىن اناعۇرلىم ويداعىداي ساۋلەلەندىرۋ كەرەك. اناعۇرلىم كوپ بايلىقتى الەۋمەتتىك اۋماققا ءتۇسىرىپ، قىزمەت كۇشىن تولىقتىرىپ، يفورماتسيالاندىرۋ قۇرىلىسىن كۇشەيتىپ، شۇعىل جاعدايعا توتەپ بەرۋ بويىنشا اڭىس قايتارۋ قۋاتى مەن باسقارۋ، قىزمەت وتەۋ ورەسىن جوعارىلاتىپ، قالانىڭ نەگىزگى ساتىنى باسقارۋ نەگىزىن نىعايتۋ كەرەك.
الەۋمەتتىك اۋماقتىڭ شاعىن الاڭىندا كادرلار مەن بۇقارا تۇس - تۇستان قاۋمالاي كەلىپ، باس شۋجيگە الاقايلاي امانداستى. شي جينپيڭ ىقىلاستى تۇردە كوپشىلىككە بىلاي دەدى: مەن ۋحان حالقىن كوكەيىمدە ساقتاپ كەلەمىن، 2 جىل وتكەندە ۋحان سىندى وسى قاھارمان قالاعا كوپشىلىكتى كورگەلى تاعى كەلىپ وتىرمىن. ىندەت تۋىلعاننان بەرى، قالىڭ الەۋمەتتىك اۋماق قىزمەتكەرلەرى ساقتانۋ - تىزگىندەۋ ءبىرىنشى شەبىن ۇزاق ۋاقىت باتىل ساقتاپ، قىرۋار كۇردەلى دە قىم - قۋىت ناقتى قىزمەتتەردى ۇستىنە الىپ، الەۋمەتتىك اۋماق تۇرعىندارىنا شىن پەيىلدەرىمەن قىزمەت وتەپ، ەرەكشە جاپا شەكتى، ەڭبەگى وشپەيدى. بۇل ارادا مەن كوپشىلىكتەن ءارى بۇكىل ەلدەگى قالىڭ الەۋمەتتىك اۋماق قىزمەتكەرلەرىنەن شىنايى حال سۇرايمىن.
شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى − ءبىر رەتكى ۇلكەن سىناق. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتالاي بەلەڭ بەرۋدەن ساقتانۋعا تاباندى بولىپ، يكەمدى نولگە تۇسىرۋگە تاباندى بولىپ، ساقتانۋ - تىزگىندەۋ شاراسىن ۋاقىتقا، جاعدايعا قاراي ۇزدىكسىز رەتتەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادىق. ەلىمىزدىڭ حالىق سانى جيناقتىق سانى ۇلكەن، ەگەردە ”توپتىق يممۋنيتەتتەۋ“، ”بەيعامدىققا سالىنۋداي“ ساقتانۋ - تىزگىندەۋ ساياساتىن جۇرگىزسەك، زاردابىن ويلاۋ قيىنعا سوعادى. ءبىزدىڭ يكەمدى نولگە ءتۇسىرۋ ساياساتىن اتقارۋىمىزدى پارتيا ورتالىق كوميتەتى پارتيانىڭ سيپاتىن، باس ماقساتىن نەگىزگە الىپ، ەلىمىزدىڭ مەملەكەت جاعدايىن نەگىزگە الىپ تۇراقتاندىرعان، ەكونوميكالىق دامۋ ۋاقىتشا ءبىراز ىقپالعا ۇشىراسا دا، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا زيان جەتكىزۋگە بولمايدى، اسىرەسە، قارتتاردى، بالالاردى ويداعىداي قورعاۋ كەرەك. ەگەردە جالپى ەسەپ سوقساق، ءبىزدىڭ ساقتانۋ - تىزگىندەۋ شارامىز ەڭ ارزان، ونىمدىلىگى ەڭ جاقسى. بىزدە جۇڭگو كوممۋنيستىك پارتياسىنىڭ باسشىلىعى، الەۋمەتتىك اۋماق سىندى وسى ماڭىزدى نەگىزگى ساتى نەگىزى تۇرعاندا، يكەمدى نولگە ءتۇسىرۋ ساياساتىن ەڭ سوڭعى جەڭىسكە جەتكەنشە اتقارۋعا بىزدە قابىلەت تە، ناقتى قۋات تا بار.
شي جينپيڭ بىلاي دەپ اتاپ كورسەتتى: كەزەكتە ىندەت ءالى اياقتاعان جوق، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىسىمى ءالى دە وتە اۋىر. تاباندىلىق − جەڭىس. بەيعامدىققا سالىنۋ يدەياسىن، شايقاستان جالىعۋ كوڭىل كۇيىن، بوساڭسۋ پيعىلىن جويىپ، ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋ كەرەك، سونىمەن بىرگە ەكونوميكانىڭ ورنىقتى، اقاۋسىز دامۋىن مۇمكىندىكتىڭ بارىنشا ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر حالىق بۇقاراسىنىڭ ءىس جۇزىندىك قيىنشىلىعىن شەشۋگە امالدىڭ بارىنشا كومەكتەسىپ، ەكونوميكانىڭ دامۋى مەن حالىق بۇقاراسىنىڭ ءوندىرىس، تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋ كەرەك. بىزدە ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ويداعىداي جوسپارلاپ، بيىل ەلىمىزدىڭ ەكونوميكالىق دامۋدا ءبىرشاما جاقسى دەڭگەيگە جەتۋىنە قول جەتكىزەتىن سەنىم بار.
ديڭ شۋەشياڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
