− باس شۋجي شي جينپيڭنىڭ 100 جىلدىق ۇلى پارتيانىڭ وزىنە - ءوزى توڭكەرىس جاساۋىن ىلگەرىلەتۋىنە جەتەكشىلىك ەتكەندىگى جونىندە ەستەلىك
□ شينحۋا اگەنتتىگىنىڭ تىلشىلەرى
”تاريحى وسىنشاما ۇزاق، كولەمى وسىنشاما ۇلكەن، بيلىك جۇرگىزۋ ۋاقىتى وسىنشاما ۇزاق پارتيامىز تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ ءوتتى“؟
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ 2 - رەتكى جالپى جيىنىندا باس شۋجي شي جينپيڭ بۇعان اسقاق جاۋاپ بەردى −
”ماۋ زىدۇڭ جولداس يان - انداعى جەر تولەدە مۇنىڭ ءبىرىنشى جاۋابىن بەرگەن بولاتىن، ياعني ’تەك حالىق ۇكىمەتتى باقىلاعاندا عانا، ۇكىمەت بوساڭسي المايدى‘. 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز مۇنىڭ تاعى ەكىنشى جاۋابىن بەردى، ياعني وزىنە - ءوزى توڭكەرىس جاساۋ“.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن پارتيانىڭ توڭكەرىستىك شىنىعۋدى ۇزدىكسىز كۇشەيتۋىنە جەتەكشىلىك ەتىپ، 100 جىلدىق ۇلى پارتيانىڭ وزىنە - ءوزى توڭكەرىس جاسايتىن جاڭا دەڭگەيىن اشتى.
بۇگىنگى تاڭدا، ”باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە - ءوزى توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا“ بولۋدى مۇرات ەتىپ، ميلليارد جۇڭحۋا پەرزەنتتەرىن باستاپ ۇلى گۇلدەنۋ جورىعىندا ەكپىندەي ىلگەرىلەۋدە.
سەرگەك تاريحي سانالىلىق −
”وزىنە - ءوزى توڭكەرىس جاساۋعا باتىل بولۋ − پارتيامىزدىڭ ەڭ ايقىن قاسيەتى ءارى پارتيامىزدىڭ ەڭ ۇلكەن ابزالدىلىعى“
2021 - جىلى 9 - ايدا پارتيا قۇرىلعاندىعىنىڭ 100 جىلدىعى تۇسىندا، باس شۋجي شي جينپيڭ شانبەيدەگى سارى توپىراقتى ۇستىرتكە كەلدى.
300 نەشە جىلدىڭ الدىندا، ميڭ پاتشالىعىنىڭ سوڭعى كەزىندە شارۋالار كوتەرىلىسى وسى جەردە بۇرق ەتىپ، العاشىندا جەڭىسكە جەتىپ، سوڭىنان جەڭىلىسپەن تىنعان ەدى. 70 نەشە جىلدىڭ الدىندا ماۋ زىدۇڭ جولداس وسى تاريح تۋرالى قايىرىلا تولعاناتىن «جياشىن جىلدارىنداعى شارۋالار كوتەرىلىسىنىڭ 300 جىلدىعىن ەسكە الۋ» اتتى شىعارمانى يان - انداعى ستيل دۇرىستاۋ قوزعالىسىنىڭ حۇجاتى ەتىپ، بۇكىل پارتياداعى كادرلاردىڭ وقۋىن جانە ودان ساباق الۋىن تالاپ ەتتى.
پارتيانىڭ 100 جىلدىق تاريحىنا قايىرىلا قاراپ، باس شۋجي شي جينپيڭ بىلاي دەپ ايرىقشا تولقىدى: ”جيڭگاڭشاننان شانبەيگە دەيىن، شانبەيدەن شيبايپوعا دەيىن، ودان قايتىپ بەيجيڭگە دەيىن جول بويى ەمتيحان تاپسىردى“، ”جۇڭگو توڭكەرىسىنىڭ، ءسوز جوق، جەڭىسكە جەتەتىندىگىنىڭ جاۋابىن وسى ارادان تابۋعا بولادى“.
ءارقاشان ”ەمتيحان تاپسىراتىن“ نيەتتە بولىپ، وزىنە - ءوزى توڭكەرىس جاساۋعا باتىل بولۋ − 100 جىلدىق ۇلى پارتيانىڭ قاجىماي - تالماي كۇرەس جۇرگىزۋ ارقىلى شىڭداعان ايقىن قاسيەتى.
”مەن ۇنەمى تاريح پەريودى دەگەن ماسەلەنى ايتىپ كەلەمىن، بۇل، شىنىندا، ەلىمىز تاريحىنداعى فەودالدىق پاتشالىقتار قاشىپ قۇتىلا الماعان تاعدىر جازمىشى بولدى“.
پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا، تاريحتاعى ءارقايسى فەودالدىق پاتشالىقتاردىڭ شارىقتاي گۇلدەنۋدەن قۇلدىراۋعا بەت الۋىنان، ءار جولعى شارۋالار كوتەرىلىسىنىڭ العاشىندا جەڭىسكە جەتىپ، سوڭىنان جەڭىلىسپەن تىنۋىنا دەيىن، ونان سوۆەت وداعىنىڭ ىدىراپ، سوۆەت وداعى كومپارتياسىنىڭ بيلىك باسىنان قۇلاۋىنا، شىعىس ەۆروپاداعى شۇعىل وزگەرىسكە دەيىن، باس شۋجي شي جينپيڭ ەجەلدەن بۇگىنگە، جۇڭگودان شەتەلگە دەيىنگى تىنىشتىق - بىلىقپالىق، گۇلدەنۋ - قۇلدىراۋ قالدىرعان تاقىرىپقا جىنتىكتەي تالداۋ جاساپ، ونىڭ ءتۇبىرلى سەبەبىنىڭ ”ءوز ماسەلەسىن شەشە الماۋىندا“ ەكەندىگىن تەرەڭىنەن اتاپ كورسەتتى.
تاريحتى اينا ەتكەندە گۇلدەنۋ مەن قۇلدىراۋدىڭ سەبەبىن بىلۋگە بولادى.
وزىندەگى ماسەلەنى شەشىپ، تاريح پەريودىنان اتتاپ ءوتۋ ءۇشىن، جۇڭگو كوممۋنيستىك پارتياسى باستان - اياق پارتيا قۇرىلىسىن ۇلى ينجەنەريا ەتىپ ىلگەرىلەتىپ، وزىنە - ءوزى ۇزدىكسىز توڭكەرىس جۇرگىزدى.
ۇلتتى گۇلدەندىرۋدىڭ ۇلى ءىسى شەشۋشى ساتكە قادام تاستاعان ساتتە، دۇنيە جۇزىندە 100 جىلدا بولماعان وزگەرىس جەدەل قۇبىلىپ، ”ءتورت ۇلكەن سىناق“ قاتاڭ دا كۇردەلى، ”ءتورت ءتۇرلى حاۋىپ“ شيەلەنىستى دە تەرەڭ بولىپ، پارتيا مەن مەملەكەت ىستەرى تاعى ءبىر رەت گۇلدەنۋ مەن قۇلدىراۋدىڭ، تابىسقا جەتۋ مەن ساتسىزدىككە ۇشىراۋدىڭ ماڭىزدى وتكەلىنە ءدوپ كەلدى.
قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلادى. تاريح پەريودىنان قالاي اتتاپ ءوتۋ تۋرالى وي جۇگىرتۋ باستان - اياق باس شۋجي شي جينپيڭنىڭ كوكەيىنەن كەتپەدى.
2015 - جىلى 5 - ايدا ورتالىقتىڭ بىرلىكساپ قىزمەتى ماجىلىسىندە، باس شۋجي شي جينپيڭ ايبىندى ۇنمەن بىلاي دەپ اتاپ كورسەتتى: ”سوناۋ جىلدارداعى ’جەر تولەدەگى اڭگىمەدە‘ ايتىلعان ماسەلە تۇبەگەيلى شەشىلدى مە؟ بالكىم، ءالى شەشىلە قويعان جوق. كەيبىر باسشى كادرلار باقىلاۋدان قورقىپ، باقىلانۋدى قالاماي، ۇنەمى بىرەۋدىڭ باقىلاۋىندا جۇرسە ەركىن بولا المايتىنداي، ءىس ىستەگەندە قولايسىز بولاتىنداي سەزىنەدى“.
باس شۋجي شي جينپيڭ باتىل ۇنمەن: ”جاڭا داۋىردە پارتيانىڭ وزىنە - ءوزى توڭكەرىس جاساۋىن تەرەڭدەتۋ كەرەك“، - دەدى.
وزىنە - ءوزى توڭكەرىس جاساۋعا باتىل بولۋ ”پارتيامىزدىڭ ەڭ ايقىن قاسيەتى“ ەكەندىگىن ايقىنداۋدان جاڭا داۋىردەگى پارتيا قۇرىلىسىندا ”پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋدى نەگىزگى جەلى ەتۋدى“ العا قويۋعا دەيىن؛ ”وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ“ سىندى ”ەكى توڭكەرىس“ ماڭىزدى تۇجىرىمداماسىن العا قويۋدان پارتيا قۇرىلىسىنىڭ جاڭا ۇلى ينجەنەرياسىنىڭ ”4 ۇلىداعى“ شەشۋشى رولىن كورنەكتىلەندىرە باسا دارىپتەۋگە دەيىن...
باس شۋجي شي جينپيڭ ءبىر قىدىرۋ ماڭىزدى نازاريالار العا قويىپ، ءبىر قىدىرۋ ەلەۋلى ورنالاستىرۋلار جاساپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋدىڭ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋدىڭ زاڭدىلىعى جونىندەگى تانىمدى ۇزدىكسىز تەرەڭدەتتى.
تەرەڭ تاريحي سانالىلىق مىعىم تاريحي ىرىقتىلىققا جالعاستى.
جاڭا داۋىردەگى جۇڭگو كوممۋنيستەرى ”ۇزاق بارىستا شىڭدالۋ“ رۋحىمەن ءوزىن - ءوزى كىرشىكسىزدەندىرەتىن ”ەلدەن ەرەك ونەرگە“ جاتىلىپ، پارتيانىڭ، مەملەكەتتىڭ، اسكەري ءبولىمنىڭ ىشىندە ورىن تەپكەن اۋىر كومەسكى قاتەرلەردى جويىپ، حالىق بۇقاراسىمەن ەتەنە بايلانىستى ساقتايتىن، حالىق شىن جۇرەكتەن قولدايتىن تاريحي ىرىقتىلىققا قول جەتكىزدى، بۇكىل پارتيا وسكەلەڭ ىنتىماق پەن بىرلىككە كەلگەن، ءداۋىردىڭ الدىڭعى لەگىندە جۇرەتىن، حالىقتى باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن تاريحي ىرىقتىلىققا قول جەتكىزدى.
2022 - جىلى 2 - ايدىڭ 4 - كۇنى بەيجيڭ قىسقى وليمپيادا سپورت جارىسىنىڭ باستالۋ سالتى كۇنى ارگەنتينانىڭ زۇڭتۇڭى فەرناندەز جۇڭگو كوممۋنيستىك پارتياسىنىڭ تاريحى كورمە سارايىنا ارنايى كەلىپ ەكسكۋرسيالادى.
2 كۇننەن كەيىن باس شۋجي شي جينپيڭمەن ديدارلاسقاندا فەرناندەز ەكسكۋرسيالاعان كەزدە العان اسەرىن سويلەگەندە: ”مەن جۇڭگو كوممۋنيستىك پارتياسىنىڭ جۇڭگو حالقى ءۇشىن ىستەگەن بارلىق ىسىنە جانە قول جەتكىزگەن ۇلى تابىسىنا اسقاق قۇرمەت بىلدىرەمىن“، - دەدى.
باس شۋجي شي جينپيڭ: ”حالىق ءۇشىن قىزمەت ىستەۋدە ءبىزدىڭ ءوز مۇددەمىز بولمايدى“، - دەپ جاۋاپ قاتتى.
جۇڭحۋا وركەنيەتىنىڭ قۇنارلى توپىراعىنا تامىر تارتقان، عىلمي نازاريامەن قارۋلانعان پرولەتاريات تابىنىڭ ساياسي پارتياسى رەتىندە، ءوز مۇددەسى بولماۋ جۇرەكتىلىكپەن وزىنە - ءوزى توڭكەرىس جاساۋدىڭ سەنىمى، مۇرات - سەنىمدى بەكەمدەۋ وزىنە - ءوزى توڭكەرىس جاساۋدىڭ قىزىل گەنى، عىلمي نازاريامەن قارۋلانۋ وزىنە - ءوزى شەبەرلىكپەن توڭكەرىس جاساۋدىڭ يدەيالىق جەتەكشىلىگى، بارلىعىندا حالىق ءۇشىن ىستەۋ وزىنە - ءوزى توڭكەرىس جاساۋعا باتىل بولۋدىڭ قوزعاۋشى كۇش قاينارى، گۇلدەنۋ ۇلى ءىسىن ارقالاۋ وزىنە - ءوزى جالعاستىرا توڭكەرىس جاساۋدىڭ بورىشى مەن جاۋاپكەرشىلىگى سانالادى.
19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە، باس شۋجي شي جينپيڭ نىق سەنىممەن ءۇن قاتتى:
”100 جىلدان بەرى پارتيا سىرتىندا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، پارتيا ىشىندە پارتيانى جاپپاي قاتاڭ باسقارۋعا، وزىنە - ءوزى توڭكەرىس جاساۋدى ىلگەرىلەتۋگە سۇيەنىپ، باتىلدىقپەن اقيقاتقا تاباندى بولىپ، قاتەلىكتەردى تۇزەتىپ، باتىلدىقپەن پىشاق ءدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى“.
تۇبەگەيلى توڭكەرىس جاساۋ رۋحى −
”پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن جوعارىلاتۋ قابىلەتىن ۇزدىكسىز كۇشەيتتى“
شيبايپو، ”ەكى بولسىننىڭ“ العاش العا قويىلعان جەرى، ”بەيجيڭگە بارىپ ەمتيحان تاپسىرۋعا“ اتتانعان جەر.
2013 - جىلى 7 - ايدا پارتيانىڭ بۇقارالىق لۋشيان تاربيەسى - امالياتتىق قيمىلى باستالىپ كوپ وتپەي، باس شۋجي شي جينپيڭ وسىندا كەلىپ، سوناۋ جىلدارى قىركۇيەك ءماجىلىسى اشىلعان قاراپايىم تام ۇيدە نەگىزگى ساتى كادرلارىنىڭ، قارت پارتيا مۇشەلەرىنىڭ جانە بۇقارانىڭ ۋاكىلدەرىمەن القا - قوتان وتىرىپ اڭگىمەلەستى.
جەرگىلىكتى ورىنداعى ءبىر كادر: ”بۇقارانىڭ تۇرمىسى بىرتىندەپ جاقسارىپ كەلەدى، نە ءۇشىن ولاردىڭ بىزبەن ارالىعىن كەرىسىنشە الشاقتاعانداي سەزىنەمىز“؟ - دەدى.
كوپشىلىكتىڭ ءسوزىن تىڭداعان سوڭ، باس شۋجي بىلاي دەپ اتاپ كورسەتتى: ”60 نەشە جىل ۋاقىت ءوتتى، ءبىراق ءبىز ءدوپ كەلگەن سىن - سايىستار مەن ماسەلەلەر ءالى دە قاتاڭ، كۇردەلى بولىپ وتىر، دەمەك، پارتيا ءدوپ كەلگەن ’ەمتيحان تاپسىرۋ‘ ءالى اياقتالعان جوق“.
ستيل ماسەلەسىنىڭ شەشۋشى سيپاتىن، نەگىزدىك سيپاتىن تەرەڭ يگەرگەن باس شۋجي شي جينپيڭ ستيل قۇرىلىسىن ”حالىقتىڭ قالاۋ - قالاماۋىنا ساياتىن، پارتيانىڭ بۇقارالىق نەگىزىن بەلگىلەيتىن“ بيىككە قويىپ، جوعارى ارقىلى تومەنگە جەتەكشىلىك ەتىپ، جاقسىلىقتى ماقتاپ، جاماندىقتى داتتادى.
ۇكىمەت اقشاسىمەن ءىشىپ - جەۋ سياقتى ناقتى ماسەلەلەردەن باستاپ يگەرىپ، ايكۇلشە، قياق كۇرىش سياقتى ”ۇساق ىستەردەن“ باستاپ تەكسەرىپ، تارتىپكە قايشىلىق جاساعانداردى، ءسوز جوق، تەكسەرىپ، ”داستارقانداعى ىسىراپشىلدىقتى“ تەجەپ، ”اۆتوكولىككە قاتىستى شىرىكتەسۋدى“ رەتتەپ، جونگە سالىپ، ”ساۋىقحانالارداعى بۇرىس ستيلدەردى“ تۇزەتتى... ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرىپ، قاتاڭ تارتىپپەن ستيلدى رەتكە سالىپ، وزىنە - ءوزى توڭكەرىس جاساۋدىڭ ءونىمدى جولدارىن بايىتتى.
”ءتورت ءتۇرلى بۇرىس ستيل“ الاستالىپ، جاڭا ستيل جارىققا شىقتى.
پارتيا تۋى كەدەيلىكتەن ارىلتۋدان قامال الۋدىڭ ءبىرىنشى شەبىندە، ىندەتكە قارسى اتتانۋدىڭ شايقاس شەبىندە، جەر سىلكىنىسىنە قارسى اتتانىپ، اپاتتان قۇتقارۋ مايدانىندا اسقاق جەلبىرەدى... بۇقارا قۋانىشپەن: ”سوۆەتتىك رايون كادرلارىنىڭ تاماشا ستيلى قايتا ورالدى“! - دەدى.
ستيل پارتيانىڭ وبرازىنا سايادى، شىرىكتەسۋ پارتيانىڭ ورگانيزمىن شىرىتەدى.
2012 - جىلى 11 - ايدىڭ 15 - كۇنى، حالىق سارايىنىڭ شىعىس زالى. جۇڭگولىق، شەتەلدىك تىلشىلەر الدىندا پارتيا ىشىندە ورىن تەپكەن شىرىكتەسۋ ماسەلەسى جايىندا جاڭا عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ ايقىن پوزيتسيا ءبىلدىردى: ”بۇكىل پارتيا، ءسوز جوق، ساق، سەرگەك بولۋى كەرەك“.
قىسقا عانا 20 نەشە كۇندە 18 - كەزەكتى ورتالىق كوميتەتتىڭ كانديدات مۇشەسى بولىپ سايلانعانىنا ايعا دا تولماعان سىچۋان ولكەلىك پارتكومنىڭ ورىنباسار شۋجيى لي چۇنچىڭ تەكسەرۋگە الىنىپ، پارتيا 18 - قۇرىلتايىنان كەيىن وماقاسقان ”العاشقى جولبارىس“ بولدى.
شىرىكتەسۋگە قارسى تۇرۋدىڭ سەرپىنى بۇرىن بولماعان كۇرەسى باستالدى.
شىرىكتەسۋ بيلىكتى ەڭ وڭاي اۋدارىپ تاستايدى، شىرىكتەسۋگە قارسى تۇرۋ وزىنە - ءوزى مەيلىنشە ءۇزىلدى - كەسىلدى توڭكەرىس جاساۋدى قاجەت ەتەدى.
جوۋ يۇڭكاڭ، بو شيلاي، سۇن جىڭساي، ليڭ جيحۋا قاتارلى ءبىر توپ ”ۇلكەن جولبارىستاردى“ تەكسەرىپ، ءبىر جاقتى ەتىپ، ”جەمقور شىبىنداردى“، ”وبىر تىشقانداردى“، ”جەگى قۇرتتاردى“ تازالادى... ”جولبارىس“ پەن ”شىبىندى“ قوسا سوقتى، ەشكىم دە قىلمىسىنان قاشىپ قۇتىلاتىن ”ولىمنەن كەشىرۋ جارلىعىنا“ يە بولا المادى، ەشكىم دە ”ەرەكشە ۇقىقتى پاتشا“ بولا المادى.
”جاعداي ءالى دە قاتاڭنان“ ”ءالى دە، قاتاڭ، كۇردەلىگە“، ونان ”ۇستەم تەگەۋرىن قالىپتاسۋ ۇستىندە“گە دەيىن، ونان ارى ”ۇستەم جەڭىسكە قول جەتكىزۋگە“ دەيىن، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى نىق قاداممەن العا ىلگەرىلەدى. بوران - شاشىندا اسقار تاۋداي مىزعىماي تۇرىپ، ارقا سۇيەر تىرەك بولدى.
شىرىكتەسۋگە قارسى تۇرۋ سىندى ”جەڭىلىستى كوتەرمەيتىن ءارى استە جەڭىلۋگە بولمايتىن كەلەلى ساياسي كۇرەس“ الدىندا، باس شۋجي شي جينپيڭ تاريحي اۋىر مىندەتتى ىرىقتىلىقپەن ارقالاپ، تاۋدا جولبارىس بار ەكەنىن بىلە تۇرا، تاۋعا قاراي اتتانعان قايتپاس باتىلدىقپەن پارتيانىڭ بەكىمىنە، ارميانىڭ بەكىمىنە، حالىقتىڭ تىلەگىنە قول جەتكىزدى.
2017 - جىلى 10 - ايدا پارتيا 19 - قۇرىلتايىندا ماقۇلدانعان 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسىندا بىلاي دەپ ايقىن اتاپ كورسەتىلدى: ”پارتيانىڭ ءتارتىپ تەكسەرۋ قىزمەتىندە قول جەتكەن ناتيجەلەر، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ايقىن تۋ ۇستاۋىنىڭ، بەرىك تۇرعىسىنىڭ، قايسار ەرىك - جىگەر قاسيەتىنىڭ، باتىل، پارمەندى باسشىلىعىنىڭ ارقاسى“.
وسى رەتكى جينالىستا، ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ“ پارتيا ۋستاۆىنا جازىلدى. بۇكىل پارتيادا ۇيتقى، پارتيا ورتالىق كوميتەتىندە بەدەل بولدى. ”ەكىنى تۇراقتاندىرۋ“ وزىنە - ءوزى توڭكەرىس جاساۋعا پارمەندى ساياسي قامتاماسىزدىق ازىرلەدى.
چينليڭ − ەلىمىزدىڭ ماڭىزدى ەكولوگيالىق حاۋىپسىزدىك قالتقىسى. چينليڭ تاۋىنىڭ سولتۇستىك باۋرايىندا زاڭعا قايشى سالىنعان ساياجايلاردىڭ ۇزدىكسىز جارىققا شىعۋى جونىندە، باس شۋجي شي جينپيڭ 4 جىلدان استام ۋاقىتتا 6 رەت ماڭىزدى نۇسقاۋ بەرىپ، بەكىتۋ جازسا دا، كەيبىر لاۋازىمدىلار ”كورىنىستە قولداعانسىپ، كومەسكىدە كەرىسىنشە ىستەپ“، قايتا - قايتا تيىم سالىنسا دا زاڭعا قايشى سالىنعان قۇرىلىستاردىڭ توقتاماۋىنا اپارىپ سوقتى.
بۇل جونىندە باس شۋجي شي جينپيڭ ”ەڭ اۋەلى، ساياسي تارتىپتەن باستاپ تەكسەرۋدى“ تالاپ ەتىپ، اقىرى بۇل تەرىس ستيل، بۇرىس سالتتى ءونىمدى تەجەدى.
جاراتىلىستىق ەكولوگياعا قاتىستى ءبىر ماسەلەدەن ساياسي ەكولوگيا ماسەلەسى اشىققا شىقتى.
شەشۋشى ساتتە الدىعا شىقپاي، ماڭىزدى قىزمەت ورنىندا تىرەك بولماي، پارتيا مۇشەلەرىنىڭ جاي بۇقارادان ايىرماشىلىعى بولمادى؛ پارتيادا بولعانىمەن پارتيانىڭ ءسوزىن سويلەمەي، پارتيادا بولعانىمەن پارتيانى سۇيمەي، ءتىپتى، پارتيا مۇشەسى ەكەنىن ايتۋدان ارلاندى؛ پارتيا ىشىندە ”ساياسيدى دارىپتەۋ“ از ايتىلاتىن بولدى، ساياسي تۇرمىسقا ەلەۋسىز قارالدى، نەمقۇرايدى قارالدى...
باس شۋجي شي جينپيڭ پارتيا ىشىندە ورىن تەپكەن بارلىق ماسەلەلەردىڭ ماندىك جاقتان تۇگەلدەي ساياسي ماسەلە ەكەندىگىن تەرەڭ باعامداپ، پارتيانى جاپپاي قاتاڭ باسقارۋعا، ەڭ الدىمەن ساياسي جاقتان قاراۋدى تالاپ ەتىپ، پارتيانى باسقارۋدىڭ، پارتيانى جونگە سالۋدىڭ كەڭ، بوس، ءالسىز كۇيدەن قاتاڭ، تىعىز، بەرىك بولۋعا ءوتۋىن ىلگەرىلەتتى.
پارتيا ورتالىق كوميتەتى ءار جىلى ”بەس ۇلكەن باسشىلىق القانىڭ“ قىزمەتىنەن مالىمەت جانە ورتالىق كوميتەت شۋجيچۋىنىڭ قىزمەتىنەن بايانداما تىڭداعاندا، باس شۋجي شي جينپيڭ ورتالىقتاعى ءبىر قىدىرۋ ەڭ جوعارى قۇرىلىمدارعا ءوزى تىكەلەي جاۋاپتى بولىپ، پارتيانىڭ رەفورمانى تەرەڭدەتۋ، مەملەكەتتى زاڭمەن باسقارۋ، ەكونوميكا سياقتى كەلەلى قىزمەتتەرىنە باسشىلىعىن جاپپاي كۇشەيتتى... پارتيا ورتالىق كوميتەتى ورتاداعى قولباسشىلىق شاتىرىنداعى ”باس قولباسشىعا“ اينالىپ، سوعىس ارباسى، ات، زەڭبىرەكتەردىڭ ءارقايسىسى ءوز ارتىقشىلىقتارىن ساۋلەلەندىرىپ، ءبىر شاحمات تاسىنىڭ جالپى جاعدايى ايقىندالدى.
2017 - جىلى 8 - ايدىڭ 30 - كۇنى ورتالىقتىڭ 18 - كەزەكتى شارلاۋى تولىق تابىسپەن اياقتالدى، بۇل ءبىر كەزەك مىندەت وتەۋ مەرزىمىندە ورتالىقتىڭ شارلاۋىمەن جاپپاي قامتۋدىڭ پارتيا تاريحىندا تۇڭعىش رەت جۇزەگە اسىرىلعاندىعىن كورسەتتى.
جاپپاي قامتۋ شىنداپ كىرىسەتىن، قيىندىقتارمەن ايقاساتىن نيەتتى ايگىلەدى، ونان دا ماڭىزدىسى، پارتيانى تۇزىممەن باسقارۋدىڭ پاراساتىن ايگىلەدى.
ءار كەزەك شارلاۋ اياقتاعاننان كەيىن، باس شۋجي شي جينپيڭ شارلاۋ مالىمەتىن ەگجەي - تەگجەيلى وقىپ شىعىپ، شارلاۋدا بايقالعان ماسەلەلەرگە باعالاۋ جاساپ، شارلاۋ قىزمەتىنىڭ ۇزدىكسىز تەرەڭدەۋىن ىلگەرىلەتتى.
ورتالىقتىڭ 18 - كەزەكتى شارلاۋ، ىزدەنىس جاساۋى بويىنشا ارناۋلى شارلاۋ ورىستەتۋىنەن، ”يكەمدى ۇلگىدەگى“ شارلاۋدى سىناق تۇيىنىندە ورىستەتۋدەن، ”قايتا قاداعالاۋدى“ العاش رەت ورىستەتۋدەن كەيىن، ورتالىقتىڭ 19 - كەزەكتى شارلاۋى ”ءبىرىنشى باسشى“ مەن شەشۋشى ازشىلىقتى ءجىتى قاداعالاپ، حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەردى ءجىتى قاداعالاپ، تەگەۋرىندى ايبار كورسەتۋدىڭ، سەسكەندىرۋدى ۇدايى ساقتاۋدىڭ ايقىن سيگنالىن ۇزدىكسىز شىعاردى.
شارلاۋدى، باقىلاۋدى قامتىعان ”تورتپەن جاپپاي قامتىعان“ ۇقىقتى باقىلاۋ ارناسى بىرتىندەپ قالىپتاسىپ، پارتيانىڭ ءتارتىپ تەكسەرۋى جانە مەملەكەتتىڭ باقىلاۋ - تەكسەرۋ ءتۇزىلىسى رەفورماسى ۇزدىكسىز تەرەڭدەپ، پارتيا ىشىندەگى زاڭ ەرەجە، ءتۇزىم جۇيەسى اناعۇرلىم اقاۋسىزداندى... ۇلى وزىنە - ءوزى توڭكەرىس جاساۋدى ىلگەرىلەتۋدىڭ ”ءتورت ارقالىق، سەگىز تىرەۋى“ ءتۇزىم ساتىسىندا بەكەمدەلدى.
وزىنە - ءوزى توڭكەرىس جاساۋدا تۇزىمدىك قامتاماسىزدىققا سۇيەنۋمەن بىرگە، يدەيالىق قۇرىلىسقا دا سۇيەنۋ كەرەك.
پارتيا 19 - قۇرىلتايى جابىلعاننان كەيىن كوپ وتپەي، باس شۋجي شي جينپيڭ جاڭا كەزەك ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ جۇڭگو كوممۋنيستىك پارتياسى 1 - قۇرىلتايىنىڭ جۇرتى مەن جياشيڭ نانحۋ كولىندەگى قىزىل قايىققا ىززەتپەن قاراپ، ارمان باستالعان جەردە بۇكىل پارتياعا ”اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەسۋ“ ۇلى ۇندەۋىن تاستادى.
پارتيا قۇرىلعاندىعىنىڭ 100 جىلدىعى قارساڭىندا، باس شۋجي شي جينپيڭ جۇڭگو كوممۋنيستىك پارتياسى تاريحى كورمە سارايىنىڭ قىزىل زالىنا بارىپ، نارت قىزىل جۇڭگو كوممۋنيستىك پارتياسىنىڭ پارتيا تۋىنا قاراپ تۇرىپ، وڭ جۇدىرىعىن كوتەرىپ، پارتيالى باسشى جولداستاردى باستاپ پارتياعا كىرۋ سەرتىن قايتالاي ەسكە ءتۇسىردى.
ۋاقىت پەن كەڭىستىك اۋىسىپ، 100 جىلدى كەسىپ ءوتتى، اۋەلگى ماقساتتى بەكەمدەپ، بورىشتى الاۋلاتتى.
يان - انداعى باۋتاشان تاۋىنىڭ ەتەگىندەگى توڭكەرىستىڭ بايىرعى جۇرتىنان تايحاڭشان تاۋىنىڭ تۇكپىرىندەگى توڭكەرىستىك بازاعا دەيىن؛ يۇيدۋحى وزەنىنىڭ جاعالاۋىنداعى قىزىل ارميانىڭ ۇزاق جورىققا جينالىپ اتتانعان جەرىنەن دابيەشان تاۋىنداعى حۋبەي − حىنان − انحۇي سوۆەت رايونى ورتالىق قالاسىنداعى توڭكەرىستىك مۇراجايعا دەيىن... باس شۋجي شي جينپيڭ ”جۇڭگونىڭ توڭكەرىستىك جورىق جولىن بويلاپ اۋەلگى ماقساتتى شىڭداپ“، بۇكىل پارتيانىڭ مۇرات الاۋىن جاعىپ، سەنىم نۇرىن جارقىراتتى.
باس شۋجي شي جينپيڭنىڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتۋىندە، پارتيا ىشىندەگى تالاي رەتكى شوعىرلى تاربيەلەر قالىڭ پارتيالى كادرلاردى كالتسي تولىقتاپ الۋەتتەندىرىپ، يدەيالىق قۇرىلىستى پارتيانىڭ نەگىزدىك قۇرىلىسى ەتىپ، وزىنە - ءوزى توڭكەرىس جاساۋدى شىڭاپ، يدەيا قارۋىن قايرادى.
سالتتى دۇرىستاپ، ءتارتىپتى قاتايتىپ، ەرەجە جاساپ، ءتۇزىم ورناتىپ، ءتۇبىردى بەكەمدەپ، نەگىزدى جەتىلدىردى، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدىڭ ”كەشەندى شاراسىن“ شىعارىپ، جاڭا داۋىردەگى پارتيانىڭ وزىنە - ءوزى توڭكەرىس جاساۋ ۇلى امالياتىن جۇزەگە اسىردى.
اينىماس ”ەمتيحان تاپسىرۋ“ بەينەسى −
”’ەمتيحان تاپسىراتىن‘ سەرگەكتىكپەن جانە تاباندىلىقپەن جاڭا ءداۋىر ساۋالناماسىنا ويداعىداي جاۋاپ بەردى“
2021 - جىلدىڭ ەڭ سوڭعى كۇنى، بەيجيڭ جۇڭنانحاي.
كونە جىلدى اتتاندىرىپ، جاڭا جىلدى قارسى العان ساتتە، 100 جىلدىق ۇلى پارتيانىڭ داڭقتى شاقتارىنا قايرىلا قاراپ، شىت جاڭا سالىنعان كەڭ داڭعىلعا كوز جىبەرگەن، باس شۋجي شي جينپيڭ جاڭا جىلدى قۇتتىقتاۋ سوزىندە: ”ءبىز تەك وزىمىزگە ءوزىمىز توڭكەرىس جاساۋعا باتىل بولعاندا عانا، تاريحي ىرىقتىلىققا قول جەتكىزە الامىز“، - دەپ ۇندەۋ تاستادى.
سونان ءبىر ايدان استام ۋاقىتتىڭ الدىندا پارتيانىڭ ءۇشىنشى تاريحي قارارى ”وزىنە - ءوزى توڭكەرىس جاساۋعا باتىل بولۋدى“ 100 جىلدىق كۇرەستىڭ 10 تاريحي تاجىريبەسىنىڭ بىرەۋى ەتىپ، ”ءسوز جوق، بارىنشا قاستەرلەۋدى، ۇزاق ۋاقىت تاباندى بولۋدى ءارى جاڭا ءداۋىر امالياتىندا ۇزدىكسىز بايىتۋدى جانە دامىتۋدى“ تالاپ ەتتى.
”ەمتيحان تاپسىرۋ“ ماڭگى توقتامايدى، وزىنە - ءوزى توڭكەرىس جاساۋ ماڭگى جالعاسادى.
الەمگە كوز جىبەرسەك، عاسىرلىق ىندەت جاعدايىندا دۇنيە ءجۇزىنىڭ دامۋى جاڭا اۋمالى - توكپەلى وزگەرىس مەزگىلىنە ءوتتى. اناعۇرلىم ورنىقسىز، تۇراقسىز سىرتقى ورتادا ”جۇڭگو ءنومىرلى“ الىپ كەمەنىڭ رولىن قالاي ۇستاپ تولقىن جارا ورنىقتى قاداممەن الىسقا جەتۋ كەرەك؟
ەل ىشىنە نازار سالساق، سۇرانىستىڭ كەمەيۋى، قامداۋدىڭ سوققىسى، مەجەنىڭ السىرەۋى سىندى 3 قابات قىسىم الدىندا، جۇڭگو ەكونوميكاسىنىڭ قيىندىقتان ءوتىپ، بيىكتەن اسىپ، ورنىقتىلىق بارىسىندا ىلگەرىلەۋىنە قالاي جەتەكشىلىك ەتۋ كەرەك؟ جاڭا تيپتى ايدارشا ۆيرۋس وكپە قابىنۋ ىندەتىنىڭ ءالسىن - ءالى قايتا تۋىلۋى قانداي جاڭا شارالاردى، ناقتى شارالاردى، باتىل شارالاردى شىعارۋدى قاجەت ەتەدى؟ كەدەيلىكتى ازايتۋ كەرەمەتىن جاراتۋدان كەيىن، اۋىل - قىستاقتى گۇلدەندىرۋدىڭ جاڭا كارتيناسىن قالاي كەستەلەۋ كەرەك؟
ءوز بويىمىزعا باعامداي قاراساق، پارتيا ىشىندە ورىن تەپكەن يدەيا كىرشىكسىز بولماۋ، ساياسيدا كىرشىكسىز بولماۋ، ۇيىمدىق جاقتا كىرشىكسىز بولماۋ، ستيلدە كىرشىكسىز بولماۋ سياقتى كورنەكتى ماسەلەلەر ءالى تۇبىرىنەن شەشىلگەن جوق، ”ساياسي ميكروبتار“ ءالى دە كومەسكىدە وسۋدە، كەرەناۋ شىرىكتەسۋ مەن ناشار ستيل قايتادان قايىرىلا سوعا ما؟
جاڭا ”ەمتيحان تاپسىرۋ“ جولىندا باس شۋجي شي جينپيڭ بۇكىل پارتياعا ايقىن بەتالىس كورسەتتى: ”پارتيامىز باستان - اياق ءداۋىر اعىمىنىڭ ەڭ الدىڭعى لەگىندە تۇرسا، قامال الۋدىڭ، قيىندىقتى ەڭسەرۋدىڭ ەڭ الدىڭعى شەبىندە تۇرسا، ەڭ كەڭ حالىق بۇقاراسىنىڭ اراسىندا تۇرسا بولعانى، ماڭگى جەڭىمپاز ورىندا تۇراتىندىعى ءشۇباسىز“.
تاريحتىڭ العا ىلگەرىلەۋ لوگيكاسىندا العا ىلگەرىلەپ، ءداۋىردىڭ دامۋ اعىمىندا دامۋ، بۇل جۇڭگو كوممۋنيستىك پارتياسىنىڭ ۇزدىكسىز جەڭىستەن - جەڭىسكە جەتىپ، تابىسقا جەتۋىنىڭ سىرى.
”ءبىز ەگەر قۇلاقتى تىعىنداپ، كوزدى جۇمىپ 3 اي وتىرساق، دۇنيە جۇزىنەن ءبىرتالاي ارتتا قالۋىمىز مۇمكىن“. وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالاسى ماماندارى ۋاكىلدەرىمەن بولعان ءبىر رەتكى اڭگىمە ماجىلىستە باس شۋجي شي جينپيڭ وسىلاي دەپ ىقىلاسپەن تاپسىردى.
وزىق ماركسيزمدىك ساياسي پارتيا تۋىلا سالا تولىسپايدى، قايتا ۇزدىكسىز وزىنە - ءوزى توڭكەرىس جاساۋ بارىسىندا شىڭدالىپ جەتىلەدى. بۇرىن وزىق بولسا، بۇگىن دە وزىق بولادى دەگەندىك ەمەس، بۇگىن وزىق بولسا، ماڭگى وزىق بولادى دەگەندى دە بىلدىرمەيدى.
سوعىس جىلدارىندا يان - انعا ساپارلاعاننان كەيىن حۋاڭ يانپەي تەبىرەنىپ: ”مەنىڭ قاراۋىمشا، جۇڭگو كوممۋنيستىك پارتياسى دوستاردىڭ ەڭ قۇندى رۋحى ۇزدىكسىز جاقسارۋعا، ۇزدىكسىز ىلگەرىلەۋگە تالپىنۋ، وسىنداي رۋح تولىق ساۋلەلەنسە، بولاشاقتاعى ءۇمىتى شەكسىز“ دەگەن بولاتىن.
”ءبىز ءدوپ كەلەتىن حاۋىپ - قاتەرلەر، سىن - سايىستار بارعان سايىن كۇردەلىلەسە تۇسەدى، ءتىپتى، ويعا دا كەلمەيتىن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل، كەم دەگەندە، ءبىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىمىزدىڭ جالپى بارىسىمەن بايلانىسىپ جاتادى“، ”مىندەت اۋىرلاسقان سايىن، حاۋىپ - قاتەر، سىن - سايىستار زورايعان سايىن، وزىنە - ءوزى توڭكەرىس جاساۋ رۋحىن سولعۇرلىم ساۋلەلەندىرۋ كەرەك“، باس شۋجي شي جينپيڭ ۇزاق العا ىلگەرىلەۋ جولى جونىندە توتەنشە سەرگەك تانىمعا يە.
جاڭا جورىقتا ءتۇرلى جاپا - ماشاقات، قيىنشىلىق، حاۋىپ - قاتەر، كەدەرگى، اساۋ اعىن، قاتەرلى قايراڭ الدىندا، بۇكىل پارتيا جوعارى مەن تومەن بولىپ وزىنە - ءوزى تۇبەگەيلى توڭكەرىس جاساۋ رۋحىن اسقاقتاتىپ، جاسامپازدىق قۋاتتى، ۇيىستىرۋ قۋاتىن، جاۋىنگەرلىك قۋاتتى ۇزدىكسىز كۇشەيتكەندە عانا، ەڭ قيىن ماسەلەگە اۋىز سالاتىن، ەڭ اۋىر جۇكتى كوتەرەتىن، ەڭ كۇردەلى ىستەردى ءبىر جاقتى ەتەتىن قابىلەتكە يە بولىپ، داعدارىستان جاڭا وراي جەتىلدىرىپ، وزگەرىس بارىسىندا جاڭا جاعداي اشا الادى.
تەك ”ەكىنى قورعاۋدى“ ۇزدىكسىز پارتيانىڭ ەڭ جوعارى ساياسي پرينسيبى مەن ءتۇبىرلى ساياسي قاعيداسى ەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسقاندا عانا، بۇكىل پارتيانىڭ، بۇكىل ەلدىڭ كۇشىن اناعۇرلىم ىنتىماقتاستىرىپ، ۇلتتىڭ گۇلدەنۋىنىڭ تەلەگەي ۇلى كۇشىن ۇيىستىرۋعا بولادى.
ءبىر ساياسي پارتيا ءۇشىن، ەڭ قيىنى سان وزگەرىستى باستان كەشىرسە دە اۋەلگى ماقساتتى وزگەرتپەۋ، تالاي ىستىق - سۋىقتى باستان وتكىزسە دە اۋەلگى قاسيەتىن باياعىسىنداي ساقتاۋ.
2022 - جىلعى مەملەكەتتىك ەكى ءماجىلىس كەزىندە جياڭسۋدىڭ جىنجياڭىنان كەلگەن مەملەكەتتىك حالىق قۇرىلتايىنىڭ ۋاكىلى نيە يۇڭپيڭ ءبىر ەرەكشە تەلەفون قابىلدادى.
تەلەفوننىڭ انا باسىندا 80 نەشە جاستاعى قاريا سۇي رۇڭحاي: ”سەن ءبىزدىڭ جىنجياڭنىڭ ۋاكىلىسىڭ، مەن سەن ارقىلى باس شۋجيگە ءسىز بۇكىل ەل حالقىنىڭ باقىت جۇلدىزىسىز. وسى جىلداردا كوممۋنيستىك پارتيامىزدىڭ حالىق بۇقاراسىنىڭ اراسىنداعى بەدەلى قايتىپ ورالدى دەگەندى ايتقىم كەلەدى“، - دەدى.
ادامداردىڭ ءالى ەسىندە، 2014 - جىلى 12 - ايدىڭ 13 - كۇنى باس شۋجي شي جينپيڭ جىنجياڭدا قىزمەت تەكسەرگەندە سۇي رۇڭحاي كوپتىڭ الدىنا قىسىلا ءجۇرىپ شىعىپ، باس شۋجيدىڭ قولىن مىقتاپ ۇستاپ: ”ءسىز شىرىكتەسكەن ەلەمەنتتەردىڭ قاس جاۋىسىز، بۇكىل ەل حالقىنىڭ باقىت جۇلدىزىسىز!“ دەگەن بولاتىن.
قاريانىڭ شىن ىقىلاستى تەبىرەنىسى ميللياردتاعان جۇڭگو حالقىنىڭ شىنايى قولداۋىنا ۋاكىلدىك ەتتى.
”ءداۋىر − ەمتيحان الۋشى، ءبىز − ەمتيحان تاپسىرۋشى، حالىق − ەمتيحان تەكسەرۋشى“. ءبىر پارتيا ۇزاق ۋاقىت بيلىك جۇرگىزە الۋ - الماۋدا، باستىسى، حالىق بۇقاراسىمەن بايلانىسىنا، حالىق بۇقاراسىنىڭ قولداعان - قولداماعاندىعىنا، رازى بولعان - بولماعاندىعىنا قاراۋ كەرەك.
”حالىق بۇقاراسىنىڭ ەڭ كەكتەنەتىنى شىرىكتەسۋ، ءبىز، ءسوز جوق، حالىق تىلەگىنە ۇيلەسۋىمىز كەرەك“، ءسوز جوق، ”جولبارىس سوعۋدى“، ”شىبىن قاعۋدى“، ”تۇلكى اۋلاۋدى“ توقتاتپاۋىمىز كەرەك دەگەندى ەستە بەرىك ساقتادى؛ ”حالىق بۇقاراسى نەگە قارسى تۇرسا، نەگە كەكتەنسە، ءبىز سونان باتىل ساقتانۋىمىز جانە وعان سوققى بەرۋىمىز“، ءسوز جوق، نايزا ۇشىن حالىق جەك كورگەن، حالىقتىڭ مۇددەسىنە زيان سالعان ارەكەت، ستيل اتاۋلىعا كەزەۋىمىز كەرەك دەگەندى امالياتتا ايگىلەدى...
باس شۋجي شي جينپيڭ اتاپ كورسەتكەندەي، ”پارتيا مۇشەلەرىنىڭ، كادرلاردىڭ اۋەلگى ماقساتىنىڭ وزگەرگەن - وزگەرمەگەندىگىنە، بورىشىن ەستە بەرىك ساقتاعان - ساقتاماعاندىعىنا بۇقارا باعا بەرەدى، اماليات سىننان وتكىزەدى. ءبىزدىڭ ەسىكتى جاۋىپ الىپ وزىمىزگە توڭكەرىس جاساۋىمىزعا بولمايدى“.
شانبەيدىڭ جەر كەپەسىنەن تۋىلعان ”حالىقتىڭ باقىلاۋىنان“ ۇزاق ۋاقىت بيلىك جۇرگىزۋدى تياناق ەتىپ ورتاعا قويعان ”وزىنە - ءوزى توڭكەرىس جاساۋعا“ دەيىن تاريحتىڭ پەريودىنان اتتاپ ءوتۋدىڭ ەكى جاۋابى ءوزارا نۇر - شۇعىلا شاشىپ، ”حالىقتىڭ قۇپتاۋ - قۇپتاماۋى − پارتيانىڭ ءومىر ءسۇرۋى مەن قۇرىپ - جوعالۋىنا سايادى!“ دەگەن بىردەي اقيقاتتى ساۋلە شاشتىردى.
ءبىز ”حالىقتىڭ مۇددەسى ۇشىن جاقسىعا تاباندى بولىپ، حالىقتىڭ مۇددەسى ءۇشىن قاتەنى تۇزەتسەك“ بولعانى، پارتيامىزدىڭ ىستەرى، ءسوز جوق، ءتىپتى دە گۇلدەنىپ، ماڭگى وركەندەيدى.
اسىپ كوكتەن كولبەگەن ءداۋ كۇنلۇن، ەلدىڭ مىزعىماس تىرەگى بولعان وسى شىڭ.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى باستان - اياق حالىقپەن بىرگە ويلاپ، بىرگە ىستەپ، ۇلى وزىنە - ءوزى توڭكەرىس جاساۋمەن ۇلى قوعامدىق توڭكەرىسكە جەتەكشىلىك ەتىپ، ۇلى قوعامدىق توڭكەرىس ارقىلى ۇلى وزىنە - ءوزى توڭكەرىس جاساۋدى جەبەپ، ميللياردتاعان جۇڭگو حالقىن ىنتىماقتاستىرىپ، باستاپ، جاڭا داۋىردە، جاڭا جورىقتا ءتىپتى دە ۇلى جەڭىس پەن داڭققا قول جەتكىزەتىندىگى ءسوزسىز.
(تىلشىلەر جاڭ شياۋسۇڭ، جۋ جيچاي، ديڭ شياۋشي، حۋاڭ يۋە، گاۋ لەي، سۇن شاۋلۇڭ، جاڭ يان)
(شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى)
