حالىق گازەتى ”شۋانياننىڭ“ اۆتورلى ماقالاسىن جاريالايدى
«جۇڭگو كوممۋنيستىك پارتياسى قانداي پارتيا، جۇڭگو كوممۋنيستىك پارتياسى نە ىستەيدى»
شينحۋا اگەنتتىگىنىڭ 6 - ايدىڭ 29 - كۇنى بەيجيڭنەن بەرگەن حابارى. 6 - ايدىڭ 30 - كۇنى باسپادان شىعاتىن حالىق گازەتى ”شۋانياننىڭ“ «جۇڭگو كوممۋنيستىك پارتياسى قانداي پارتيا، جۇڭگو كوممۋنيستىك پارتياسى نە ىستەيدى» دەگەن اۆتورلى ماقالاسىن جاريالايدى.
ماقالادا بىلاي دەلىندى: تاعى ءبىر 7 - اي كەلىپ، جۇڭگو كوممۋنيستىك پارتياسى 101 جىلدى ارتقا تاستادى. تاريح ۇزىننان - ۇزاققا سوزىلعان ۋاقىت وزەنى ىسپەتتى وتكەن كۇننەن بۋىرقانا اعىپ بۇگىنگە جەتىپ، تولقىن اتا بولاشاققا جوڭكىلىپ، الىس قيىر، تەرەڭ شىڭىراۋدان شىققان ماڭگىلىك سۇراۋلاردى شايقاپ - ەكشەپ جاتادى.
وتكەن مەن بولاشاقتىڭ توعىسىندا تۇرىپ، باس شۋجي شي جينپيڭ تەرەڭ ىقىلاسپەن بۇكىل پارتياعا مىنانى ەسكەرتتى: جاڭا داۋىردەگى العا باسۋ جورىعىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، ”قايدان كەلدىك، قايدا بارامىز“ دەگەن سۇراۋعا ويداعىداي جاۋاپ بەرىپ، جۇڭگو كوممۋنيستىك پارتياسى قانداي پارتيا، ول نە ىستەيدى دەگەن ءتۇبىرلى ماسەلەنى كوكەيگە مىقتاپ توقۋ كەرەك. بۇل جۇڭگو كوممۋنيستىك پارتياسىنىڭ تاريحي بورىشى مەن ارەكەت قۇنى تۋرالى ايقىن ۇندەۋ سانالادى، جاڭا داۋىردەگى جۇڭگو كوممۋنيستەرىنىڭ تەرەڭ تاريحي وزىندىك سەنىمىن، وسكەلەڭ تاريحي سانالىلىعىن، كۇشتى تاريحي ىرىقتىلىعىن ايگىلەيدى.
جۇڭگونى ءتۇسىنۋ ءۇشىن، ءسوز جوق، جۇڭگو كوممۋنيستىك پارتياسىن ءتۇسىنۋ كەرەك؛ جۇڭگو كوممۋنيستىك پارتياسىن تۇسىنگەندە عانا، جۇڭگونى وقىپ تۇسىنۋگە بولادى. «جۇڭگو كوممۋنيستىك پارتياسىنىڭ ۋستاۆىندا» باستالعان جەردەن - اق نەگىزگى وي اڭعارتىلىپ، بىلاي دەپ اتاپ كورسەتىلگەن: جۇڭگو كوممۋنيستىك پارتياسى − جۇڭگو جۇمىسشى تابىنىڭ ۇزدىك قوسىنى، سونىمەن بىرگە جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى، جۇڭگوشا سوتسياليزم ىستەرىنىڭ باسشىلىق ۇيتقىسى.
ماقالادا مىنالار اتاپ كورسەتىلدى: قايدان كەلگەنىمىزدى ءبىلىپ، قايدا باراتىنىمىز تۋرالى وي جۇگىرتكەندە عانا، قايدا كەتەتىنىمىزدى ايقىنداي الامىز. تاريح مىنانى دالەلدەدى ءارى ۇزدىكسىز دالەلدەي بەرەدى: جۇڭگو كوممۋنيستىك پارتياسى ماركسيزممەن قارۋلانعان كەمەڭگەر، ەڭ قالىڭ حالىقتىڭ مۇددەسىن قورعاۋشى، ادامزات قوعامىنىڭ دامۋ بەتالىسىنا جەتەكشىلىك ەتۋشى، ەڭ شۇعىلالى، ەڭ ادىلەتتى، ەڭ ايبىندى ىستەردىڭ كۇرەسكەرى.
ماقالادا بىلاي دەلىندى: 100 جىلدىق كەمەلىنە كەلگەن شاق، حالىقتىڭ ەپوسى. جۇڭگو كوممۋنيستىك پارتياسى حالىقتان شىققان، حالىققا ادال بولادى، حالىققا ءوزىن ارنايدى، مەيلى توڭكەرىس جاساسىن، قۇرىلىسپەن شۇعىلدانسىن، رەفورمانى يگەرسىن، الدە وتاندى قۇتقارسىن، وتاندى كوركەيتسىن، وتاندى قۇدىرەتتەندىرسىن، بارلىعىن دا حالىقتىڭ جاقسى تۇرمىس وتكىزۋى ءۇشىن ىستەيدى.
ماقالادا مىنالار اتاپ كورسەتىلدى: 100 جىلدىق توعىسۋدىڭ تاريحي كەزەڭىندە تۇرىپ، مەملەكەتتى قۇدىرەتتەندىرۋدىڭ، گۇلدەنۋدىڭ ايبىندى جورىعىنا قادام تاستاعان جاڭا داۋىردەگى جۇڭگو كوممۋنيستىك پارتياسى اناعۇرلىم تولىسىپ، اناعۇرلىم باتىل، اناعۇرلىم سەنىمدى بولا ءتۇستى. تالىقپاس تاباندىلىقپەن نازارىن ماڭگى الىسقا تاستاپ، ەكپىندەي ىلگەرىلەگەن قادامىن ماڭگى توقتاتپايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جۇڭگو كوممۋنيستىك پارتياسى مەن جۇڭگو حالقى اۋەلگى ماقسات پەن بورىشتى ەستە بەرىك ساقتاپ، بىرگە ىنتىماقتاسا كۇرەس جۇرگىزىپ، كۇش - قۋاتتى شوعىرلاندىرا وتىرىپ ءوز ءىسىن ويداعىداي ىستەپ، العا باسۋ جولىنداعى بارلىق ماشاقاتتى، قيىندىقتى، قاتەردى، كەدەرگىنى جەڭىپ، ءتىپتى دە ۇلى جەڭىسكە جانە داڭققا قول جەتكىزەتىندىگى داۋسىز.
