□ انار بۇلت \ شينجياڭ گازەتىنىڭ ءتىلشىسى گى يۋجۇن
بيىل جىل باسىندا 31 جاستاعى حان يۋە ءوزىنىڭ ۋيشينىنا: ياۋجانزىنى تانىستىرۋشى حان يۋە دەگەن ەرەكشە ءبىر ات قويدى.
جوعارى مەكتەپ ءبىتىرىپ اۋىلعا قايتىپ اۋىل - قىستاق ساياحات كاسىبىمەن اينالىسقاننان قازىر قىستاقتا قۇرىلعان شينجياڭ فىڭي مادەنيەت - ساياحات ىستەرىن دامىتۋ شەكتى سەرىكتەستىگىنىڭ ورىنباسار باس ديرەكتورى بولعان اراداعى 4 جىل ۋاقىتتى حان يۋە تابىستى ءارى كوڭىلدى وتكىزدىم دەپ بىلەدى.
”اۋىل - قىستاقتى گۇلدەندىرۋ ستراتەگياسىنىڭ ىشكەرىلەي اتقارىلۋى ءبىز سياقتى جوعارى مەكتەپ ءبىتىرىپ اۋىلىنا قايتقان وقۋشىلاردى ءوزىن ايگىلەۋ ورايىنا يە ەتتى. اۋىل - قىستاق سىندى دارقان دالادا مەن ءوزىمدى ۇزدىكسىز ەسەيىپ، تابىسقا جەتكەندەي سەزىندىم“، - دەدى حان يۋە.
2018 - جىلى حان يۋە شينجياڭ داشۋەسىنەن وقۋ تاۋىسقان. ول كەزدە اۋىلى شونجى اۋدانى بانجيەگوۋ قالاشىعىنىڭ ياۋجانزى قىستاعى اۋىل - قىستاق جالپى وڭىرلىك ساياحاتىن زور كۇشپەن دامىتۋدا ەدى. سونىمەن حان يۋە اۋىلدا تۇراقتاپ قالادى.
حان يۋە بىلاي دەدى: وسى بىرنەشە جىلدا ياۋجانزى قىستاعى جاسىل ورگانيكالى ەگىمشىلىكتى زور كۇشپەن دامىتىپ، كورىكتى اۋىل - قىستاق قۇرىلىسىن ىلگەرىلەتىپ، كونە قىستاقتىڭ مەشەۋلىكتەن قۇتىلعان تىڭ تىرشىلىك تىنىسى مەن ومىرشەڭدىك قۋاتىن قاۋلاتتى. ياۋجانزى قىستاعى جالپى وڭىرلىك ساياحاتتى دامىتۋ ساياساتى ورايىنان پايدالانىپ، جانبۇلاق كورىنىس رايونىنا سۇيەنىپ، ورگانيكالى اۋىل شارۋاشىلىعى بازاسىن تايانىش ەتىپ، اۋىل شارۋاشىلىعى مەن ساياحاتتىڭ ىشكەرىلەي توعىسۋىن ىلگەرىلەتىپ، سەيىل - سەرۋەن اۋىل شارۋاشىلىعى مەن اۋىل - قىستاق ساياحات كاسىبىن قۇنتتاپ، ساپالىلاندىرىپ، ورگانيكالى وزىندىك ەرەكشەلىكتەگى قىستاق ايگىلى ماركاسىن كۇش سالا قالىپتاستىردى.
حان يۋە اۋىلىنا قايتقان كەلەسى جىلى قىستاقتان شينجياڭ فىڭي مادەنيەت - ساياحات ىستەرىن دامىتۋ شەكتى سەرىكتەستىگى قۇرىلدى. سەرىكتەستىك ىلگەرىندى - كەيىندى 20 ميلليون يۋاننان استام قارجى شىعارىپ مادەنيەت - ساياحات قىزمەت وتەۋ ورتالىعى، اۋىل - قىستاقتى گۇلدەندىرۋ جاتتىعۋ بازاسى، قىستاق تاريح سارايى، ءبيداي مۇراجايى، ءدامدى تاعامجاي الاڭى، ءبيداي اتىزى باقشاسى، ورگانيكالى اۋىل شارۋاشىلىق ونىمدەرى زاۆودىن تاماشالاۋ ءتۇيىنى جانە حالىقتىق تۇسەلحانا سياقتى ساياحات قۇرىلعىلارى مەن ساياحات كورىنىس تۇيىندەرىن قۇردى. حان يۋە سەرىكتەستىكتىڭ مادەنيەت - ساياحات قىزمەت وتەۋ ورتالىعى اس - سۋ ءبولىمىنىڭ ديرەكتورى بولىپ تاعايىندالدى.
”اۋىلدا قالىپ كاسىپتەنىپ، قىستاقتىڭ دامۋ تاماشا بولاشاعىن كوردىم“، - دەدى حان يۋە. بيىل جىل باسىندا حان يۋە جەر - جەردەگى ”ينتەرنەت تانىلمالىلارىن“ قىستاققا كەلىپ قىستاقتى تانىستىرۋعا ۇيىمداستىرۋ، مادەنيەت - ساياحات ۇگىت قيمىلدارىن ورىستەتۋ، جاڭا كورىنىس تۇيىندەرىن تۇلعالاۋ سياقتى جۇمىستار جۇرگىزدى، ونىڭ ءار قيلى ويلارى قىستاقتىڭ ساياحات كاسىبىن دامىتۋعا دەم بەردى. بيىل 1 - ايدان 5 - ايعا دەيىن ياۋجانزى قىستاعىنىڭ ساياحات كاسىبى كىرىسى 3 ميلليون يۋاننان استى.
جاسىل ورگانيكالى ءبيداي ءونىمى ءۇرتىس نەشە جىل ءتۇسىمدى بولدى، مانەرلەۋ سەحىنان ۇننىڭ ءيىسى اڭقىدى، اۋىل - قىستاقتىڭ جالپى وڭىرلىك ساياحاتى جانداندى، اسحانالار مەن حالىقتىق تۇسەلحانالار ساياحاتشىلارعا لىق تولدى، جاسىل كاسىپ سالالارىنىڭ بىرىنەن سوڭ ءبىرى شىعۋى ياۋجانزى قىستاعىنىڭ كوللەكتيۆ شارۋاشىلىعىن ۇزدىكسىز جەتىلدىرىپ، قىستاق تۇرعىندارىنىڭ كىرىسىن ورنىقتى ارتتىردى. اۋىلىنداعى وزگەرىستەردى كورگەن حان يۋە ءوزىن توتەنشە باقىتتى سەزىندى.
”جاسىل دامۋدى ويداعىداي يگەرۋ، اۋىل - قىستاق ساياحاتى جۇمىسىن جاقسى ىستەۋ، 3 كاسىپتى توعىستىرۋ ’كەشەندى شاراسىن‘ ويداعىداي اتقارۋ، ياۋجانزى قىستاعى تۋرالى تاماشا اڭگىمەلەر ءالى تۇگەمەيدى“، - دەدى حان يۋە تولىق سەنىممەن.
