تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ شياڭگاڭ عىلىم باقشاسىندا قىزمەت تەكسەردى

  6 - ايدىڭ 30 - كۇنى تۇستەن كەيىن مەملەكەت ءتوراعاسى شي جينپيڭ شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىنىڭ سەرىك بولۋىندا، شياڭگاڭ عىلىم باقشاسىنا كەلىپ قىزمەت تەكسەردى. سۋرەتتە: شي جينپيڭ شياڭگاڭ نەرۆ السىرەۋ سيپاتتى اۋرۋلار ورتالىعىندا قىزمەت تەكسەردى.

  □سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

  شينحۋا اگەنتتىگىنىڭ 6 - ايدىڭ 30 - كۇنى شياڭگاڭنان بەرگەن حابارى (تىلشىلەر جۋ جيچاي، چىن جيانشيڭ، جاۋ بو). 6 - ايدىڭ 30 - كۇنى تۇستەن كەيىن مەملەكەت ءتوراعاسى شي جينپيڭ شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىنىڭ سەرىك بولۋىندا، شياڭگاڭ عىلىم باقشاسىنا كەلىپ قىزمەت تەكسەرىپ، شياڭگاڭداعى جۇڭگو عىلىم اكادەمياسىنىڭ اكادەميكتەرى، جۇڭگو ينجەنەريا اكادەمياسىنىڭ اكادەميكتەرى جانە عىلمي زەرتتەۋ قىزمەتكەرلەرى، جاستار عىلىم - تەحنيكادا جاڭالىق اشۋ كاسىپورىندارىنىڭ ۋاكىلدەرى قاتارلىلارمەن ىقىلاسپەن پىكىر اۋىستىردى.

  شياڭگاڭ عىلىم باقشاسى شياڭگاڭداعى ەڭ ۇلكەن عىلىم - تەحنيكا زەرتتەۋ - اشۋ جانە كاسىپورىن جەتىلدىرۋ بازاسى، قازىر 1100 نەشە كاسىپورىن جانە 17 مىڭنان استام عىلىم - تەحنيكادا جاڭالىق اشۋ قىزمەتكەرى بار، ەل ءىشى - سىرتىنداعى كوپتەگەن تانىمالى عىلمي زەرتتەۋ قۇرىلىمدارىن جانە جوعارى مەكتەپتەردى ىرگە تەۋىپ، تاجىريبەحانا قۇرۋعا باۋراپ وتىر. عىلىم باقشاسى كورمە زالىندا شي جينپيڭ شياڭگاڭنىڭ عىلىم - تەحنيكادا جاڭالىق اشا دامۋى، شىنجىن − شياڭگاڭ عىلىم - تەحنيكادا جاڭالىق اشا دامۋ ىقپالداستىعى، شياڭگاڭ عىلىم باقشاسىنىڭ دامۋى سياقتى جاعدايلار جونىندەگى تانىستىرۋدى تىڭداپ، شياڭگاڭنىڭ ۋاكىلدىك سيپاتتى عىلىم - تەحنيكادا جاڭالىق اشۋشى كاسىپورىندار كورمەسىن كوردى. شي جينپيڭ بىلاي دەپ اتاپ كورسەتتى: تاياۋ جىلداردان بەرى، ورتالىقتىڭ قولداۋىندا شياڭگاڭ ءوز ابزالدىلىعىن ساۋلەلەندىرىپ، نەگىزدىك زەرتتەۋ، دارىندى باۋلۋ، عىلىم - تەحنيكادا جاڭالىق اشۋ كاسىپ سالاسىن دامىتۋ سياقتى جاقتاردا جان سۇيىندىرەتىن ناتيجەلەرگە قول جەتكىزدى. ەرەكشە اكىمشىلىك رايون ۇكىمەتى ءداۋىردىڭ دامۋ اۋقىمىن يگەرىپ، عىلىم - تەحنيكادا جاڭالىق اشا دامۋعا قولداۋ كورسەتۋدى اناعۇرلىم كورنەكتى ورىنعا قويىپ، عىلىم - تەحنيكادا جاڭالىق اشۋدىڭ تىرەكتىلىك جانە جەتەكشىلىك رولىن اناعۇرلىم ويداعىداي ساۋلەلەندىرۋ كەرەك.

  شي جينپيڭ شياڭگاڭ نەرۆ السىرەۋ سيپاتتى اۋرۋلار ورتالىعىنا كەلىپ، ورتالىق زەرتتەۋ ۇجىمىنىڭ التسگەيمەر اۋرۋىنا دياگنوز قويۋ، ەمدەۋ سياقتى جاقتاردا قول جەتكىزگەن ناتيجەلەرىن تىڭداپ، كوپشىلىكتى كۇش ۇستىنە كۇش قوسىپ، قامال الىپ، قيىندىقتى جەڭۋ بارىسىندا ۇزدىكتىككە تالپىنىپ، دۇنيە ءجۇزى اعىنىنا جەتەكشىلىك ەتەتىن اناعۇرلىم كوپ عىلىم - تەحنيكا جەتىستىكتەرىن جاراتۋعا ىنتالاندىردى.

  وسىدان كەيىن شي جينپيڭ شياڭگاڭداعى ەكى اكادەميانىڭ اكادەميكتەرى، عىلمي زەرتتەۋ قىزمەتكەرلەرى، جاستار عىلىم - تەحنيكادا جاڭالىق اشۋ كاسىپورىندار ۋاكىلدەرى قاتارلىلارمەن ىقىلاسپەن اڭگىمەلەستى. ول بىلاي دەپ باسا دارىپتەدى: مەملەكەت عىلىم - تەحنيكادا جاڭالىق اشۋ قىزمەتىنە وسكەلەڭ ءمان بەرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقاردى. مەملەكەت شياڭگاڭنىڭ حالىقارالىق عىلىم - تەحنيكادا جاڭالىق اشۋ ورتالىعىن قۇرۋىن قولداۋدى ”14 - بەسجىلدىق“ جوباعا ەنگىزىپ، شياڭگاڭنان وتە جوعارى ءۇمىت كۇتىپ وتىر. شياڭگاڭنىڭ ءوز ابزالدىلىعىن ساۋلەلەندىرىپ، الەمدىك جاڭالىق اشۋ بايلىعىن توپتاپ، گۋاڭدۇڭ − شياڭگاڭ − اۋمىن ۇلكەن شىعاناق رايونىمەن، ىشكى ولكەدەگى قالالارمەن جاراسىم تاۋىپ، ءوندىرىس - وقىتۋ - زەرتتەۋدە جاڭالىق اشۋ سەلبەستىگىن كۇشەيتىپ، الەمدىك عىلىم - تەحنيكادا جاڭالىق اشۋدىڭ بيىك بەلەسىن كۇش سالا قۇرۋىن ءۇمىت ەتەمىن. شياڭگاڭنىڭ عىلىم - تەحنيكا قىزمەتكەرلەرى ەلىمىزدىڭ دامۋعا جاڭالىق اشۋ ارقىلى دەم بەرۋ ستراتەگياسىن اتقارۋداعى، جاڭاشىل مەملەكەت قۇرۋداعى ماڭىزدى كۇش. كوپشىلىكتىڭ وتاندى ءسۇيۋ، شياڭگاڭدى ءسۇيۋ ءداستۇرىن ۇزدىكسىز اسقاقتاتىپ، جاڭالىق اشۋ سەنىمىن بەكەمدەپ، دۇنيە ءجۇزى عىلىم - تەحنيكاسىنىڭ الدىڭعى لەگىن كوزدەپ، مەملەكەتتىڭ كەلەلى ستراتەگيالىق قاجەتىمەن بەلسەنە ءتۇيىلىسىپ، شەشۋشى، وزەكتى تەحنيكالاردان كۇش سالا قامال الىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋ ءۇشىن ۇلەس قوسۋلارىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: جاستار تۇتاس قوعامداعى ومىرشەڭدىك كۇشكە ەڭ باي، جاسامپازدىق جاراتۋعا ەڭ يە شوعىر ءارى عىلىم - تەحنيكادا جاڭالىق اشا دامۋدى ىلگەرىلەتەتىن جالىندى كۇش. جاستاردىڭ جولىن اشىپ، اناعۇرلىم زور دامۋ كەڭىستىگىن ازىرلەپ، جاستاردىڭ جاڭالىق اشۋ، شارۋاشىلىق قۇرۋ كۇرەسكەرلىك ومىرىندە ءوزىن ايگىلەپ، ارمانىن ورىنداۋىن قولداۋ كەرەك.

  ديڭ شۋەشياڭ، شۇي چيلياڭ، شىن يۋەيۋە، ۋاڭ ي، شيا باۋلۇڭ قيمىلعا قاتىناستى.

  سول كۇنى تۇستەن كەيىن ءتوراعا شي جينپيڭنىڭ حانىمى پىڭ لييۋان شياڭگاڭ شيجيۋ مادەنيەت رايونىنا ورنالاسقان تەاتر ورتالىعىنا كەلىپ، مادەنيەت رايونىنىڭ نەگىزگى جاعدايى مەن دامۋ بارىسىن ۇعىستى، شايحانا تەاترحاناسىنا، جاتتىعۋ زالىنا كىرىپ، يۋەجۇي ءۇزىندى تەاترىنىڭ سوڭعى ماشىعىن جانە شياڭگاڭ تيانلاي دۇنحۋاڭ وركەسترىنىڭ جاتتىعۋىن كورىپ، ”كونسەرت وتە تارتىمدى بولدى، جۇڭحۋا مادەنيەتىنىڭ باۋرامدىلىعىن ايگىلەدى“ دەپ القادى.

  ورتالىق 2 - قاباتىنىڭ زالىندا جاس ەرىكتى قىزمەتكەرلەر ءداستۇرلى قاعاز كوركەمونەرى سياقتى مادەنيەت جاسامپازدىعى ونىمدەرىن جاساپ جاتقان - دى. پىڭ لييۋان كوپشىلىكپەن ىقىلاسپەن اڭگىمەلەستى ءارى جاساۋ جۇمىسىنا ات سالىستى، شياڭگاڭدىق جاس ۇرپاقتاردى جۇڭحۋانىڭ تاڭداۋلى ءداستۇرلى مادەنيەتىن ىشكەرىلەي تۇسىنۋگە جانە جالعاستىرۋعا، اسقاقتاتۋعا ىنتالاندىردى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.