شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. 6 - ايدىڭ 30 - كۇنى مەملەكەت ءتوراعاسى شي جينپيڭ فەرديناند رومۋلاندەز ماركوسقا حات جولداپ، ونىڭ فيليپپين رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: تاياۋدا مەن سىزبەن تەلەفوندا سويلەسىپ، جۇڭگو مەن فيليپپين ەكى ەلدىڭ تاتۋ كورشىلىك دوستىققا تاباندى بولۋى، قول ۇستاسىپ بىرگە دامۋى جونىندە ماڭىزدى ورتاق تانىمعا كەلدىك. مەن ماركوس زۇڭتۇڭمەن بىرگە ەكى ەل قارىم - قاتىناسىنىڭ دامۋ ۇلكەن بەتالىسىن ستراتەگيالىق بيىكتەن جانە ۇزاق بولاشاقتىق تۇرعىدان ويداعىداي يگەرىپ، جاڭا مەزگىلدەگى جۇڭگو - فيليپپين دوستىق سەلبەستىگىنىڭ ۇلكەن ىستەرىن جالعاستىرىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.