تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭمەن كەزدەستى

قاتىستى جاقتارعا مەملەكەتتىك ساياسي كەڭەستىڭ ورىنباسار ءتوراعاسى دۇڭ جيانحۋاعا دەگەن سالەمىن جەتكىزۋدى تاپسىردى

  شينحۋا اگەنتتىگىنىڭ 6 - ايدىڭ 30 - كۇنى شياڭگاڭنان بەرگەن حابارى (تىلشىلەر جۋ جيچاي، چىن جيانشيڭ، سۋ ۋانميڭ). مەملەكەت ءتوراعاسى شي جينپيڭ 6 - ايدىڭ 30 - كۇنى تۇستەن كەيىن شياڭگاڭدا مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭمەن كەزدەستى.

  شي جينپيڭ بىلاي دەپ اتاپ كورسەتتى: ءسىز مەملەكەتتىك ساياسي كەڭەستىڭ ورىنباسار ءتوراعاسى مىندەتىن اتقارعاننان بەرى، مەملەكەتتىڭ وسىزاماندانۋ قۇرىلىسى مەن شياڭگاڭنىڭ گۇلدەنۋىنە، ورنىقتىلىعىنا بار زەيىن قۋاتىڭىزدى سارقا جۇمسادىڭىز، بۇل توتەنشە ارداقتاۋعا تاتيدى. ءسىزدىڭ جاڭادان تاعايىندالعان اكىمنىڭ جانە جاڭا كەزەكتى ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن بار كۇشپەن قولداپ، قوعامداعى ءار سالا قايراتكەرلەرىمەن بىرگە ”ءبىر ەل، ەكى ءتۇزىم“ امالياتىنىڭ ورنىقتى قاداممەن الىسقا جەتۋىنە تىڭ ۇلەس قوسۋىڭىزدى ءۇمىت ەتەمىن.

  لياڭ جىنيىڭ ءتوراعا شي جينپيڭنىڭ وعان كوڭىل بولگەندىگىنە جانە شابىتتاندىرعاندىعىنا العىس ايتىپ، شياڭگاڭ مەن مەملەكەت ءۇشىن بار كۇشىن سالىپ ۇزدىكسىز قىزمەت ەتەتىندىگىن ءبىلدىردى.

  ديڭ شۋەشياڭ، شيا باۋلۇڭ كەزدەسۋگە قاتىناستى.

  سول كۇنى شي جينپيڭ تاعى قاتىستى جاقتارعا شياڭگاڭداعى مەملەكەتتىك ساياسي كەڭەستىڭ ورىنباسار ءتوراعاسى دۇڭ جيانحۋاعا دەگەن سالەمىن جەتكىزۋدى ارناۋلى تاپسىردى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.