تيانشان تورى
تيانشان تورى   ›   جاڭالىقتار   ›   ماڭىزدى حابارلار

پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك

«ىزدەنۋ» جۋرنالى باس شۋجي شي جينپيڭنىڭ ماڭىزدى ءسوزىن جاريالايدى

پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك

حالىق گازەتى باسماقالاسى

  شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. 7 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 13 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ تالقى كۋرسىندا سويلەگەن «پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك» اتتى ماڭىزدى ءسوزىن جاريالايدى.

  سوزدە مىنالار اتاپ كورسەتىلدى: ماركسيزمنىڭ جۇڭگوشالانۋىن، زامانالانۋىن ىلگەرىلەتۋ كەرەك. جۇڭگو كوممۋنيستىك پارتياسى نە ءۇشىن ىسكەر، جۇڭگوشا سوتسياليزم نە ءۇشىن جاقسى؟ بۇل، تۇپتەپ كەلگەندە، ماركسيزمنىڭ جارامدى بولعاندىعىنان. ماركسيزمنىڭ جارامدى بولاتىندىعى پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىندە ءارى ونى قولدانىپ امالياتقا جەتەكشىلىك ەتكەندىگىندە. زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، ەل باسقارۋ سىناعىنىڭ كۇشتىلىگى بۇرىن بولىپ كورمەگەن دارەجەدە، دۇنيە جۇزىندە 100 جىلدا بولماعان زور وزگەرىستىڭ تەرەڭدىگى، وزگەرۋى بۇرىن بولىپ كورمەگەن دارەجەدە بولىپ وتىر، ول جاۋاپ بەرۋگە ءتيىستى قىرۋار نازاريالىق جانە امالياتتىق تاقىرىپتاردى ورتاعا قويدى. ءبىز ءداۋىردىڭ زور اۋقىمىن ءداپ باسىپ يگەرىپ، ادامزات دامۋىنىڭ الدىڭعى لەگىندە باتىلدىقپەن ءجۇرىپ، حالىقتىڭ جۇرەك ۇنىنە زەر سالا قۇلاق ءتۇرىپ، رەال قاجەتكە جاۋاپ قاتىپ، يدەيانى ازات ەتۋگە، شىندىقتى ءىس جۇزىنەن ىزدەۋگە، تۋراشىلدىقتان اينىماي، جاڭالىق اشۋعا تاباندى بولىپ، ماركسيزمگە تاباندى بولۋ مەن ماركسيزمدى دامىتۋدى اناعۇرلىم جاقسى بىرلىككە كەلتىرىپ، ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەۋگە تاباندى بولىپ، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتىپ، ماركسيزمنىڭ ءتىپتى كوپ جۇڭگوشا ەرەكشەلىك، جۇڭگوشا ستيل، جۇڭگوشا ارىن ايگىلەۋىنە مۇمكىندىك جاساپ، ماركسيزمدى جۇڭگوشالاندىرۋدىڭ، زامانالاندىرۋدىڭ جاڭا تاراۋلارىن جالعاستى جازۋىمىز كەرەك.

  سوزدە مىنالار اتاپ كورسەتىلدى: قوعامنىڭ باستى قايشىلىعى مەن وزەكتى مىندەتىن دۇرىس يگەرۋ كەرەك. پارتيا مەن حالىق ىستەرىنىڭ دۇرىس باعدارمەن العا ىلگەرىلەي الۋ - الماۋى ءبىزدىڭ قوعامدىق باستى قايشىلىقتى ءدال تاني جانە يگەرە الۋ - الماۋىمىزعا، وزەكتى مىندەتتى تۇراقتاندىرا الۋ - الماۋىمىزعا بايلانىستى. پارتيا 18 - قۇرىلتايىنان بەرى عىلمي تالداۋ جاساۋ ارقىلى پارتيامىز ەلىمىز قوعامىنىڭ باستى قايشىلىعىنىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەندىگىن تانىپ جەتتى. بۇل پارتيامىزدىڭ ەلىمىز سوتسياليزمنىڭ العاشقى ساتىسىنداعى ۇزدىكسىز وزگەرگەن جاڭا ەرەكشەلىگىنە نەگىزدەلە وتىرىپ جاساعان كەلەلى ستراتەگيالىق تۇجىرىمى. بىزدە جالپى جاعداي كوزقاراسى بولۋى ءتيىس، ءتۇرلى قايشىلىقتاردى قانىق ءبىلۋىمىز، سونىمەن بىرگە باستى قايشىلىق پەن وزەكتى مىندەتتى مىقتاپ ارقاۋ ەتىپ، باستى قايشىلىق پەن قايشىلىقتىڭ باستى جاعىن الدىمەن شەشىپ، وسى ارقىلى باسقا قايشىلىقتاردىڭ شەشىلۋىن جەبەۋىمىز، تۇتاس تۇلعالىق ىلگەرىلەتۋ بارىسىندا تۇيىننەن قامال الۋدى جۇزەگە اسىرىپ، تۇيىننەن قامال الۋ ارقىلى ەكونوميكالىق، قوعامدىق دامۋ ورەسىنىڭ تۇتاس تۇلعالىق جوعارىلاۋىن جەبەپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ كۇرەس نىساناسىنا قاراي ۇزدىكسىز ىلگەرىلەۋىمىز كەرەك.

  سوزدە مىنالار اتاپ كورسەتىلدى: ستراتەگيالىق، تاكتيكالىق ماسەلەلەرگە باسا ءمان بەرۋ كەرەك. ستراتەگيالىق ماسەلە ءبىر ساياسي پارتيانىڭ، ءبىر مەملەكەتتىڭ ءتۇبىرلى ماسەلەسى. ءبىز ءىرى پارتيامىز، ءىرى ەلگە باسشىلىق ەتىپ وتىرمىز، ۇلى ءىس جۇرگىزىپ وتىرمىز، ستراتەگيالىق قاتەلىك وتكىزۋگە استە بولمايدى. باسشى كادرلار ستراتەگيالىق ويلاۋعا شەبەر بولۋ، ماسەلەگە ستراتەگيالىق جاقتان قاراۋعا، وي جۇگىرتۋگە شەبەر بولۋ كەرەك. دۇرىس ستراتەگيا دۇرىس تاكتيكا ارقىلى تياناقتاندىرۋدى قاجەت ەتەدى. تاكتيكا ستراتەگيانىڭ جەتەكشىلىگىندە ستراتەگياعا قىزمەت ەتەدى. ستراتەگيا مەن تاكتيكا ديالەكتيكالى بىرلىك قاتىناستا بولادى، ستراتەگيانىڭ تۇراقتىلىعى مەن تاكتيكانىڭ يكەمدىلىگىن ۇشتاستىرىپ، تۇرعىسى بيىك بولىپ، ءىستى شىنايى ىستەۋ كەرەك، باعىتتى مەڭگەرىپ، ءىرى ىستەردى يگەرىپ، ۇزاق بولاشاقتى كوزدەۋمەن بىرگە، قىزمەتتىڭ كىرىسۋ ءتۇيىنى مەن كۇش سالۋ ءتۇيىنىن دە دالمە - ءدال يگەرۋ، ويداعىداي يگەرۋ كەرەك، ۇلكەن ەسەپتى، جالپى ەسەپتى ەسەپتەۋمەن بىرگە، ۇساق ەسەپتى، جىڭىشكە ەسەپتى دە ەسەپتەۋ كەرەك. وڭىرلەر، تاراۋلار قىزمەت وي جەلىسىن، قىزمەت ورنالاستىرۋىن، ساياساتتىىق شارالاردى تۇراقتاندىرعاندا سانالى تۇردە پارتيانىڭ نازارياسىنا جانە لۋشيان، باعىت - ساياساتىنا تۋرالانىپ، اعاتتىقتاردى دەر كەزىندە دۇرىستاۋ، پارتيا ورتالىق كوميتەتى جاساعان ستراتەگيالىق شەشىمدى، ءسوز جوق، شارتسىز اتقارىپ، باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك.

  سوزدە مىنالار اتاپ كورسەتىلدى: پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋ كەرەك. جۇڭگو كوممۋنيستىك پارتياسى ءارقانداي مۇددە توبىنىڭ، ءارقانداي ۇقىق توبىنىڭ، ءارقانداي ەرەكشە ۇقىقتى جىكتىڭ مۇددەسىنە ەشقاشان ۋاكىلدىك ەتپەيدى. كىم ءۇشىن بيلىك جۇرگىزۋ، كىم ءۇشىن ۇقىق ىستەتۋ، كىمنىڭ مۇددەسىن كوزدەۋ سىندى وسى ءتۇبىرلى ماسەلەدە وي - سانامىز ەرەكشە سەرگەك بولۋى، تۇرعىمىز ەرەكشە بەرىك بولۋى كەرەك. بۇكىل پارتياداعى جولداستار اسقاق ءمورالدى ايگىلەپ، جالپىلىق ءمورالدى ساقتاپ، جەكە ءمورالدى قاتايتىپ، كىرشىكسىز ادام بولىپ، پاكتىكپەن جۇمىس ىستەپ، ءوزىنىڭ ەمەس، كوپتىڭ قامىن ويلاپ، ۇقىپتىلىقپەن ءوزىن باۋلىپ، پاك، كىرشىكسىز ساياسي قاسيەتىن ماڭگى ساقتاۋ كەرەك. وزىنە توڭكەرىس جاساۋدىڭ تەتىگى ماسەلەگە دۇرىس قاراۋ سانالىلىعى مەن پىشاقتىڭ ءدۇزىن وزىنە قاراتۋ باتىلدىعىنىڭ بولۋىندا. تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك.

  سوزدە مىنالار اتاپ كورسەتىلدى: پارتيا تاريحىن ۇيرەنۋ تاربيەسىنىڭ ۇدايىلانۋىن، باياندى بولۋىن ىلگەرىلەتۋ كەرەك. وسى رەتكى جالپى ءماجىلىستىڭ قارارى بۇكىل پارتيا ماتەرياليستىك تاريح كوزقاراسى مەن دۇرىس پارتيا تاريحى كوزقاراسىنا تاباندى بولىپ، پارتيانىڭ 100 جىلدىق كۇرەسىنەن ىلگەرى نە ءۇشىن تابىسقا جەتە العاندىعىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەكتىگىن باسا دارىپتەدى. بۇل التىنشى جالپى ءماجىلىس العا قويعان ماڭىزدى ساياسي مىندەت، ونى تياناقتاندىرۋدى ۇزدىكسىز ويداعىداي يگەرۋىمىز كەرەك. بۇكىل پارتيادا پارتيا تاريحىن ويداعىداي ۇيرەنۋدى، پارتيا تاريحىنان ويداعىداي پايدالانۋدى ىلگەرىلەتۋدە ءبىر رەتكى شوعىرلى ۇيرەنۋ تاربيەسى جەتكىلىكسىز، ءسوز جوق، پارتيا تاريحىن ۇيرەنۋ تاربيەسىن كۇندەلىكتى تۇرمىسقا توعىستىرىپ، ۇنەمى يگەرۋ كەرەك. بۇكىل پارتيا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ماڭىزدى ءتۇيىن ەتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ونان ارى ويداعىداي ورىنداپ، بۇكىل پارتياداعى جولداستاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاربيەلەپ جانە باستاپ، پارتيانىڭ جاسامپاز نازارياسىمەن بۇكىل پارتيانى اناعۇرلىم ويداعىداي قارۋلاندىرىپ، پارتيا ورتالىق كوميتەتىنىڭ شەشىمدەرىندەگى، ورنالاستىرۋلارىنداعى مىندەتتەردى تياناقتاندىرۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.