تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى

ني يۋەفىڭ، ۋاڭ جىڭپۋ، شاۋكەت يمىن، ليان يمين، حى جۇڭيوۋ قيمىلعا قاتىناستى

  انار بۇلت \ شينجياڭ گازەتىنىڭ ءتىلشىسى لياڭ ليحۋا 6 - ايدىڭ 30 - كۇنى شىجياجۋاڭنان حابارلايدى. 6 - ايدىڭ 29 - كۇنىنەن 30 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ حىبەيدا ۇيرەنۋدە، تەكسەرۋدە بولدى. حىبەي ولكەلىك پارتكومنىڭ شۋجيى ني يۋەفىڭ، حىبەي ولكەلىك پارتكومنىڭ ورىنباسار شۋجيى، ولكە باستىعى ۋاڭ جىڭپۋ، حىبەي ولكەلىك پارتكومنىڭ ورىنباسار شۋجيى، باس حاتشى ليان يمين، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قيمىلعا قاتىناستى.

  6 - ايدىڭ 29 - كۇنى تۇستەن كەيىن ني يۋەفىڭ، ۋاڭ جىڭپۋ شاۋكەت يمىن جانە ونىڭ ساپارلاستارىمەن قىزمەتتىك كەڭەس وتكىزدى. 6 - ايدىڭ 30 - كۇنى تۇستەن بۇرىن حىبەي ولكەسى . شينجياڭ ۇيعۇر اۆتونوميالى رايونى اڭگىمە ءماجىلىسى وتكىزىلدى.

  ني يۋەفىڭ اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىنىڭ حىبەيعا كەلگەندىگىن قارسى الاتىندىعىن ءبىلدىرىپ، شينجياڭنىڭ ۇزاق ۋاقىتتان بەرى حىبەيدىڭ قىزمەتىنە قولداۋ كورسەتىپ جانە كومەكتەسىپ كەلگەندىگىنە العىس ايتتى. ول بىلاي دەدى: شينجياڭعا باعىتتامالى كومەكتەسۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاساعان كەلەلى شەشىمى مەن ورنالاستىرۋى، حىبەي ولكەلىك پارتكوم مەن ولكەلىك ۇكىمەت باس شۋجي شي جينپيڭنىڭ شينجياڭ قىزمەتى جونىندەگى ماڭىزدى پايىمداۋلارى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ ساپاسى مەن دەڭگەيىن ۇزدىكسىز جوعارىلاتىپ، كومەك قابىلداۋشى وڭىرلەردىڭ ەكونوميكاسىنىڭ دامۋىنا، قوعامىنىڭ ورنىقتىلىعىنا جانە حالىق تۇرمىسىنىڭ جاقسارۋىنا بەلسەنە دەم بەردى. ءبىز شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، ”14 - بەسجىلدىق“ شينجياڭعا كومەكتەسۋ جوباسىن دەن قويا ۇيىمداستىرىپ، ويداعىداي اتقارىپ، ءتۇيىندى نىسان قۇرىلىسى، حالىق تۇرمىسىن قامتاماسىزداندىرۋ، دارىندىلاردى باۋلۋ، مادەنيەت اۋىس - كۇيىسى سياقتى جاقتاردا قولداۋ تەبىنىن ارتتىرىپ، شينجياڭعا باعىتتامالى كومەكتەسۋ قىزمەتىنەن قۇلشىنا ۇزدىك ناتيجە شىعارىپ، حىبەي - شينجياڭ سەلبەستىگىنىڭ جاڭا جاعدايىن قول ۇستاسا اشامىز.

  شاۋكەت يمىن حىبەي ولكەسىنىڭ ۇزاق ۋاقىتتان بەرى شينجياڭدى بارىنشا قولداپ جانە قالتقىسىز كومەك كورسەتىپ كەلگەنىنە شىنايى العىس ايتتى. ول بىلاي دەدى: حىبەي ولكەلىك پارتكوم مەن ولكەلىك ۇكىمەت شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، بەيجيڭ، تيانجين، حىبەيدى سايكەستى دامىتۋ، شيۇڭ - ان جاڭا رايونىنىڭ جوبا قۇرىلىسى سياقتى كەلەلى مەملەكەت ستراتەگيالارىنىڭ اتقارىلۋىن بار كۇشپەن ىلگەرىلەتىپ، جوعارى ساپالى دامۋ بارىسىندا كىسىنى جالت قاراتارلىقتاي تىڭ تابىستارعا قول جەتكىزدى. شاۋكەت يمىن حىبەي مەن شينجياڭ ەكى ولكە، رايوننىڭ جاڭا باستامادا سەلبەستىك سالاسىن ۇزدىكسىز كەڭەيتىپ، سەلبەستىك ءمانىن تەرەڭدەتىپ، سەلبەستىك فورماسىندا جاڭالىق اشۋىن؛ ەكى جاقتاعى كادرلار مەن دارىندىلاردىڭ اۋىس - كۇيىسىن، بايلانىسىن، سەلبەستىگىن تەرەڭ ىلگەرىلەتىپ، شينجياڭعا كومەككە باراتىن دارىندىلاردى تاڭداپ جىبەرۋدىڭ ۇدايىلانعان مەحانيزمىن كەمەلدەندىرۋىن؛ ەكى جاقتىڭ ىشتەسۋىن، ارالاسۋىن، توعىسۋىن ۇزدىكسىز كۇشەيتىپ، شينجياڭدى مادەنيەتپەن نارلەندىرۋ ينجەنەرياسىنىڭ ناقتاپ تياناقتانۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەپ، ىشكەرىلەي سەلبەسۋ بارىسىندا ورتاق العا باسۋدى، ورتاق ءوسۋدى جۇزەگە اسىرۋىن ۇسىنىس ەتتى.

  اڭگىمە ماجىلىستە بايىنعولين موڭعۇل اۆتونوميالى وبلىستىق حالىق ۇكىمەتى جەكە - جەكە حىبەي ولكەلىك مادەنيەت، ساياحات مەڭگەرمەسىمەن، وقۋ - اعارتۋ مەڭگەرمەسىمەن، دەنساۋلىق ساقتاۋ، سالاماتتىق كوميتەتىمەن جۇلگەلىك كەلىسىمگە قول قويدى، شينجياڭ عىلىم - تەحنيكا شۋەيۋانى حۋابەي جاراتىلىستىق عىلىم داشۋەسىمەن، حىبەي مەديتسينا داشۋەسىمەن باعىتتامالى كومەكتەسۋ كەلىسىمىنە قول قويدى.

  حىبەيداعى كەزدە اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى شيۇڭ - ان جاڭا رايونى، يۋەرىنتاڭ سالاماتتىق، مادەنيەت، عىلىم - تەحنيكا كاسىپ سالاسى باقشاسى، جىڭديڭ اۋدانى تايۋانجۋاڭ قىستاعى، جۇڭگو (حىبەي) ەركىن ساۋدا سىناق رايونى جىڭديڭ رايونى سياقتى جەرلەردى ەكسكۋرسيالاپ، تەكسەرۋ - زەرتتەۋ جۇرگىزىپ، شينجياڭعا كومەككە باراتىن كادرلاردىڭ، دارىندىلاردىڭ ۋاكىلدەرىمەن اڭگىمە ءماجىلىس وتكىزدى.

  حىبەي ولكەسىنىڭ باسشىلارىنان يۋان تۇڭلي، جاڭ مەيجى، شى چيڭشۋاڭ، يان پىڭچىڭ، گاۋ يۇنشياۋ، لياڭ تيانگىڭ، ران ۋانشياڭ، ۋاڭ باۋشان، اۆتونوميالى رايون مەن بيڭتۋاننىڭ باسشىلارىنان جاڭ جۋ، جاروللا يسامدىن، سۇن حۇڭمەي، ياۋ شينمين قاتارلىلار قيمىلعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.