شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ قاتىناستى ءارى ماڭىزدى ءسوز سويلەدى
7 - ايدىڭ 1 - كۇنى تۇستەن بۇرىن، شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى شياڭگاڭ ءماجىلىس - كورمە ورتالىعىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن
7 - ايدىڭ 1 - كۇنى تۇستەن بۇرىن، شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى شياڭگاڭ ءماجىلىس - كورمە ورتالىعىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. سۋرەتتە: شي جينپيڭ سەرت بەرۋدى باقىلادى، شياڭگاڭ ەرەكشە اكىمشىلىك رايونىنىڭ 6 - رەتكى اكىمى لي جياچاۋ سەرت بەرىپ، مىندەتكە وتىردى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 7 - ايدىڭ 1 - كۇنى شياڭگاڭنان بەرگەن حابارى (تىلشىلەر چىن جيانشيڭ، جۋ جيچاي، جاۋ بو). شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى 7 - ايدىڭ 1 - كۇنى تۇستەن بۇرىن شياڭگاڭ ءماجىلىس - كورمە ورتالىعىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: 25 جىلدان بەرى وتاننىڭ بار كۇشپەن قولداۋىندا، شياڭگاڭ ەرەكشە اكىمشىلىك رايونى ۇكىمەتى مەن قوعامداعى ءار سالانىڭ تىزە قوسا قۇلشىنۋىندا، ”ءبىر ەل، ەكى ءتۇزىم“ امالياتى شياڭگاڭدا دۇنيە ءجۇزىن مويىنداتقان تابىسقا قول جەتكىزدى. ”ءبىر ەل، ەكى ءتۇزىم“ امالياتتىڭ تالاي مارتە سىناعىنان ءوتىپ، مەملەكەتتىڭ، ۇلتتىڭ ءتۇبىرلى مۇددەسىنە ۇيلەسىپ، شياڭگاڭنىڭ، اۋمىننىڭ ءتۇبىرلى مۇددەسىنە ۇيلەسىپ، ءبىر ميلليارد 400 ميلليوننان استام وتان حالقىنىڭ بار كۇشپەن قولداۋىنا يە بولدى، شياڭگاڭدىق، اۋمىندىق تۇرعىنداردىڭ ءبىر نيەتتى قولداۋىنا يە بولدى، حالىقارالىق قوعامنىڭ دا جالپى بەتتىك قوستاۋىنا يە بولدى. مۇنداي جاقسى ءتۇزىمدى وزگەرتۋگە ەشقانداي سەبەپ جوق، ءسوز جوق، ۇزاق ۋاقىت تاباندى بولۋ كەرەك.
جيىن زالىنىڭ بەينەسى سالتاناتتى دا مەرەيلى بولدى. ءتوراعالار مىنبەسىندە جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە شياڭگاڭ ەرەكشە اكىمشىلىك رايونىنىڭ رايون تۋى ايرىقشا كوز تارتىپ تۇر. شي جينپيڭ مەن حانىمى پىڭ لييۋان شياڭگاڭ ەرەكشە اكىمشىلىك رايونىنىڭ 6 - رەتكى اكىمى لي جياچاۋ مەن حانىمى لين ليچاننىڭ سەرىك بولۋىندا جيىن زالىنا كىرگەندە بۇكىل زالداعىلار ورىندارىنان تۇرىپ، قىزۋ شاپالاق سوقتى.
تۇستەن بۇرىن ساعات 10 شاماسىندا قۇتتىقتاۋ جينالىسى جانە مىندەتكە وتىرۋ سالتى باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى.
شي جينپيڭ ءتوراعالار مىنبەسىنە شىعىپ سەرت بەرۋدى باقىلادى. لي جياچاۋ الدىمەن سەرت بەرىپ مىندەتكە وتىردى، ول جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە شياڭگاڭ ەرەكشە اكىمشىلىك رايونىنىڭ رايون تۋى الدىندا تۇرىپ، وڭ قولىن كوتەرىپ، شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ بەلگىلەمەسى بويىنشا ايبىنمەن سەرت بەردى.
ىلە - شالا شي جينپيڭنىڭ سەرت بەرۋدى باقىلاۋىندا شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ نەگىزگى ءمانساپتىلارى لي جياچاۋدىڭ باستاۋىندا سەرت بەرىپ، مىندەتكە وتىردى.
وسىدان كەيىن لي جياچاۋدىڭ سەرت بەرۋدى باقىلاۋىندا شياڭگاڭ ەرەكشە اكىمشىلىك رايونى اكىمشىلىك كەڭەسىنىڭ مۇشەلەرى سەرت بەرىپ، مىندەتكە وتىردى.
قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن بارلىق شياڭگاڭدىق تۇرعىندارعا ىقىلاستى سالەم جولداپ، جاڭادان مىندەتكە وتىرعان شياڭگاڭ ەرەكشە اكىمشىلىك رايونىنىڭ 6 - رەتكى اكىمى لي جياچاۋدى جانە 6 - كەزەكتى ۇكىمەتتىڭ نەگىزگى ءمانساپتىلارىن، اكىمشىلىك كەڭەسىنىڭ مۇشەلەرىن قىزۋ قۇتتىقتاپ، ”ءبىر ەل، ەكى ءتۇزىم“ ىستەرىن قولداعان، شياڭگاڭنىڭ گۇلدەنۋىن، ورنىقتىلىعىن قولداعان ەل ءىشى - سىرتىنداعى باۋىرلاستارعا جانە حالىقاراداعى دوستارعا شىنايى العىس ايتتى.
شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ 5000 جىلدان استام وركەنيەت تاريحىندا حۋاشيا اتا - بابالارىمىزدىڭ ليڭنان سىندى وسى توپىراقتا قاجىرلى ەڭبەك ەتكەندىگى ەستەلىككە الىنعان. اپين سوعىسىنان كەيىنگى جۇڭگو تاياۋ زامان تاريحىندا شياڭگاڭدى ءبولىپ بەرۋگە ءماجبۇر بولۋ نامىسى ەستەلىككە الىنعان، اسىرەسە، جۇڭحۋا ۇل - قىزدارىنىڭ ەلدى جويىلۋدان قۇتقارىپ قالۋ جولىنداعى كۇرەستەرى ەستەلىككە الىنعان. جۇڭگو كوممۋنيستىك پارتياسىنىڭ حالىقتى ىنتىماقتاستىرىپ، باستاپ جۇرگىزگەن ايبىنى اسقاق 100 جىلدىق كۇرەس تاريحىندا شياڭگاڭدىق باۋىرلاستار قوسقان وزگەشە دە ماڭىزدى ۇلەستەرى ەستەلىككە الىنعان. تاريحتان بەرى، شياڭگاڭدىق باۋىرلاستار باستان - اياق وتانمەن قيىن - قىستاۋدى بىرگە وتكەرىپ، ەتەنە تامىرلاسىپ جاتتى.
شي جينپيڭ بىلاي دەپ باسا دارىپتەدى: ”ءبىر ەل، ەكى ءتۇزىمنىڭ“ ءتۇبىرلى ماقساتى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاۋ. ورتالىق ۇكىمەت ىستەگەن ىستەردىڭ بارلىعى مەملەكەتتىڭ جاقسى بولۋى ءۇشىن، شياڭگاڭنىڭ، اۋمىننىڭ جاقسى بولۋى ءۇشىن، شياڭگاڭدىق، اۋمىندىق باۋىرلاستاردىڭ جاقسى بولۋى ءۇشىن. ”ءبىر ەل، ەكى ءتۇزىم“ امالياتتىڭ تالاي مارتە سىناعىنان ءوتىپ، مەملەكەتتىڭ، ۇلتتىڭ ءتۇبىرلى مۇددەسىنە ۇيلەسىپ، شياڭگاڭنىڭ، اۋمىننىڭ ءتۇبىرلى مۇددەسىنە ۇيلەسىپ، ءبىر ميلليارد 400 ميلليوننان استام وتان حالقىنىڭ بار كۇشپەن قولداۋىنا يە بولدى، شياڭگاڭدىق، اۋمىندىق تۇرعىنداردىڭ ءبىر نيەتتى قولداۋىنا يە بولدى، حالىقارالىق قوعامنىڭ دا جالپى بەتتىك قوستاۋىنا يە بولدى. مۇنداي جاقسى ءتۇزىمدى وزگەرتۋگە ەشقانداي سەبەپ جوق، ءسوز جوق، ۇزاق ۋاقىت تاباندى بولۋ كەرەك.
شي جينپيڭ بىلاي دەپ اتاپ كورسەتتى: ”ءبىر ەل، ەكى ءتۇزىمنىڭ“ شياڭگاڭداعى ۇلان - اسىر امالياتى بىزگە وتە كوپ باعالى تاجىريبەلەر بەردى، كوپتەگەن تەرەڭ ويلار دا سالدى. ”ءبىر ەل، ەكى ءتۇزىمنىڭ“ امالياتتىق زاڭدىلىعىن تەرەڭ تۇسىنگەندە جانە دۇرىس يگەرگەندە عانا، ”ءبىر ەل، ەكى ءتۇزىم“ ىستەرىنىڭ باستان - اياق دۇرىس بەتالىستى بويلاپ، ورنىقتى قاداممەن الىسقا جەتۋىنە شىنايى كەپىلدىك ەتۋگە بولادى.
ءبىرىنشى، ءسوز جوق، ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ كەرەك. ”ءبىر ەل، ەكى ءتۇزىم“ باعىتى كەمەلدى جۇيە. مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ”ءبىر ەل، ەكى ءتۇزىم“ باعىتىنىڭ ەڭ جوعارى پرينسيبى، وسى العى شارتتا شياڭگاڭ، اۋمىن اسىلگى كاپيتاليزم ءتۇزىمىن ۇزاق ۋاقىت وزگەرتپەي ساقتاپ، وسكەلەڭ اۆتونوميا ۇقىعىنان يگىلىكتەنەدى. ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ شياڭگاڭعا، اۋمىنعا شەكسىز كەڭ دامۋ كەڭىستىگىن جاراتادى. ”ءبىر ەل“ پرينسيبى قانشا بەرىك بولسا، ”ەكى ءتۇزىم“ ابزالدىلىعى سونشا كورنەكتىلەنەدى.
ەكىنشى، ءسوز جوق، ورتالىقتىڭ جاپپاي باسقارۋ ۇقىعى مەن ەرەكشە اكىمشىلىك رايونىنىڭ وسكەلەڭ اۆتونوميا ۇقىعىن قامتاماسىز ەتۋدىڭ بىرلىگىنە تاباندى بولۋ كەرەك. ورتالىق ۇكىمەت ەرەكشە اكىمشىلىك رايوندى جاپپاي باسقارۋ ۇقىعىنا يە، بۇل ەرەكشە اكىمشىلىك رايونىنىڭ وسكەلەڭ اۆتونوميا ۇقىعىنىڭ قاينارى، سونىمەن بىرگە ورتالىق ەرەكشە اكىمشىلىك رايونىنىڭ وسكەلەڭ اۆتونوميا ۇقىعىنان زاڭ بويىنشا يگىلىكتەنۋىنە تولىق قۇرمەت ەتەدى جانە ونى باتىل قورعايدى. ورتالىقتىڭ جاپپاي باسقارۋ ۇقىعىن تياناقتاندىرۋ مەن ەرەكشە اكىمشىلىك رايونىنىڭ وسكەلەڭ اۆتونوميا ۇقىعىن قامتاماسىز ەتۋ ءبىر تۇتاس ۇشتاسقان، وسى جاعىن ورىنداعاندا عانا، ەرەكشە اكىمشىلىك رايونىن ويداعىداي باسقارۋعا بولادى.
ءۇشىنشى، ءسوز جوق، ”وتانشىلدار شياڭگاڭدى باسقارۋدى“ تياناقتاندىرۋ كەرەك. بيلىك، ءسوز جوق، وتانشىلداردىڭ قولىندا بولۋى كەرەك، بۇل دۇنيە جۇزىندە جالپى بەتتىك قولدانىلاتىن ساياسي قاعيدا. شياڭگاڭ ەرەكشە اكىمشىلىك رايونىن باسقارۋ ۇقىعىن وتانشىلداردىڭ قولىندا بەرىك ۇستاتۋ شياڭگاڭنىڭ باياندى تىنىشتىعىنا كەپىلدىك ەتۋدىڭ قاجەتتى تالابى، ەشقاشان دا مىزعۋعا بولمايدى. باسقارۋ ۇقىعىن جاقسى قورعاۋدىڭ ءوزى شياڭگاڭنىڭ گۇلدەنۋىن، ورنىقتىلىعىن قورعاعاندىق، 7 ميلليوننان استام شياڭگاڭدىق تۇرعىننىڭ ءتول مۇددەسىن قورعاعاندىق.
ءتورتىنشى، ءسوز جوق، شياڭگاڭنىڭ ەرەكشە ورنى مەن ابزالدىلىعىن ساقتاۋ كەرەك. وتانعا ارقا سۇيەۋ، دۇنيە جۇزىمەن ۇلاسۋ شياڭگاڭنىڭ وزگەشە كورنەكتى ابزالدىلىعى. ورتالىق ۇكىمەت شياڭگاڭنىڭ ەرەكشە ورنى مەن ابزالدىلىعىن ۇزاق ۋاقىت ساقتاۋىن، حالىقارالىق فينانس، تەڭىز تاسىمالى، ساۋدا ورتالىعى ورنىن بەكەمدەۋىن، ەركىن، اشىق، ولشەمدى شارۋاشىلىق - ساۋدا ورتاسىن قورعاۋىن، جالپىلىق زاڭ ءتۇزىمىن ساقتاۋىن، ىركىلىسسىز قولايلى حالىقارالىق بايلانىسىن كەڭەيتۋىن بۇكىلدەي قولدايدى. جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي ۇردىسىندە شياڭگاڭنىڭ ەلەۋلى ۇلەس قوساتىندىعى ءسوزسىز.
شي جينپيڭ شياڭگاڭ ەرەكشە اكىمشىلىك رايونىنىڭ جاڭا كەزەكتى ۇكىمەتى مەن قوعامداعى ءار سالا قايراتكەلەرىنە مىناداي 4 ءۇمىتتى العا قويدى: ءبىرىنشى، باسقارۋ ورەسىن كۇش سالا جوعارىلاتىپ، ابزال ساياسات ارقىلى تاماشا باسقارۋ جاڭا كەلبەتىن ايگىلەۋ. ەكىنشى، دامۋ قوزعاۋشى قۋاتىن ۇزدىكسىز نىعايتىپ، شياڭگاڭ قوعامىندا قوردالانعان وراسان زور جاسامپازدىق قۋات پەن دامۋ ومىرشەڭدىك كۇشىن تولىق شىعارۋ. ءۇشىنشى، حالىق تۇرمىسىنداعى ۋايىمدى، قيىنشىلىقتى شىنايى ارىلتىپ، دامۋ جەتىستىكتەرىمەن جالپى قالا تۇرعىندارىن اناعۇرلىم كوپ، اناعۇرلىم ءادىل يگىلىكتەندىرۋ. ءتورتىنشى، جاراسىمدىلىقتى، ورنىقتىلىقتى تىزە قوسا قورعاپ، اناعۇرلىم تاماشا تۇرمىستى بىرگە جاراتۋ.
شي جينپيڭ بىلاي دەپ باسا دارىپتەدى: جاستارعا وتە - موتە كوڭىل ءبولۋ، قامقورلىق جاساۋ كەرەك. جاس وسپىرىمدەردى مەملەكەت پەن دۇنيە ءجۇزى دامۋىنىڭ اۋقىمىن تەرەڭدەي تانىپ، ۇلتتىق ماقتانىش سەزىمى مەن قوجايىن تانىمىن كۇشەيتۋگە جەتەكتەۋ كەرەك. قالىڭ جاستاردىڭ ءبىلىم الۋدا، جۇمىستانۋدا، شارۋاشىلىق قۇرۋدا، مال - مۇلىك ساتىپ الۋدا ءدوپ كەلگەن ءىس جۇزىندىك قيىنشىلىقتارىن شەشۋىنە كومەكتەسىپ، ولاردىڭ ەسەيۋىنە، دارىندى بولۋىنا ءتىپتى دە كوپ وراي جاراتۋ كەرەك. ءاربىر شياڭگاڭدىق جاستىڭ تاماشا شياڭگاڭ قۇرۋدىڭ قاتارىنا قوسىلىپ، لاۋلاعان جاستىق كوكتەمدەرىمەن تاماشا ءومىر جىرىن جازۋلارىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە ءوتتى. ”ءبىر ەل، ەكى ءتۇزىمنىڭ“ شياڭگاڭداعى تابىستى امالياتىن ىلگەرىلەتۋ وسى تاريحي ءۇردىستىڭ ماڭىزدى قۇرامداس بولىگى. ءبىز ۇلى وتاننىڭ تاباندى قولداۋى باردا، ”ءبىر ەل، ەكى ءتۇزىم“ باعىتىنىڭ بەرىك قامتاماسىزدىعى باردا، ەلىمىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىنىڭ جاڭا جورىعىندا شياڭگاڭنىڭ، ءسوز جوق، ءتىپتى دە زور شۇعىلا جاراتاتىندىعىنا، ءسوز جوق، وتان حالقىمەن بىرگە جۇڭحۋا ۇلتىنىڭ ۇلى گۇلدەنۋىنىڭ داڭقىنان بىرگە يگىلىكتەنەتىندىگىنە كامىل سەنەمىز.
لي جياچاۋ ارناۋ سوزىندە مىنالاردى ءبىلدىردى: شياڭگاڭ ەرەكشە اكىمشىلىك رايونىنىڭ 6 - رەتكى اكىمى رەتىندە، مەن شەكسىز داڭق سەزىندىم، جاۋاپكەرشىلىگىمنىڭ كەلەلى ەكەندىگىن دە تەرەڭ ءبىلدىم. مەن باسقارۋ ۇجىمىن باستاپ، بار كۇشىمدى سالىپ، شياڭگاڭ قوعامىنىڭ ءار سالاسىن ىنتىماقتاستىرىپ، ”ءبىر ەل، ەكى ءتۇزىم“، ”شياڭگاڭدىقتار شياڭگاڭدى باسقارۋ“، وسكەلەڭ اۆتونوميا باعىتىن جالپى بەتتىك، دۇرىس دايەكتىلەندىرىپ، نەگىزگى زاڭ مەن ءتۇبىرلى زاڭ تۇراقتاندىرعان ەرەكشە اكىمشىلىك رايونىنىڭ نەگىزگى زاڭدىق ءتارتىبىن قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، شياڭگاڭنىڭ ۇزاق ۋاقىت بويى گۇلدەنۋىنە، ورنىقتى بولۋىنا شىنايى كەپىلدىك ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ۇلەس قوسامىن.
ديڭ شۋەشياڭ، شۇي چيلياڭ، شىن يۋەيۋە، ۋاڭ ي، شيا باۋلۇڭ قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.
مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭ، اۋمىن ەرەكشە اكىمشىلىك رايونىنىڭ اكىمى حى يچىڭ، شياڭگاڭ ەرەكشە اكىمشىلىك رايونىنىڭ الدىڭعى رەتكى اكىمى لينجىڭ يۋە - ى، سونداي - اق شياڭگاڭنىڭ ءار سالا ۋاكىلدەرى مەن ەرەكشە ۇسىنىس ەتىلگەن سيلى قوناقتاردا قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.
