شياڭگاڭداعى ءتۇرلى قيمىلداردى تابىسپەن اياقتاتىپ
شي جينپيڭ شياڭگاڭنان قايتتى
شينحۋا اگەنتتىگىنىڭ 7 - ايدىڭ 1 - كۇنى شياڭگاڭنان بەرگەن حابارى (تىلشىلەر چىن جيانشيڭ، ۋي حۋا). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شياڭگاڭداعى ءتۇرلى قيمىلداردى تابىسپەن اياقتاتىپ، 7 - ايدىڭ 1 - كۇنى تۇستە ارناۋلى پويەزبەن شياڭگاڭنان قايتتى.
شياڭگاڭداعى كەزىندە شي جينپيڭ شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناستى؛ جەكە - جەكە لياڭ جىنيىڭمەن، لينجىڭ يۋە - ىمەن، لي جياچاۋمەن، سونداي - اق شياڭگاڭ ەرەكشە اكىمشىلىك رايونىنىڭ اكىمشىلىك، زاڭ شىعارۋ، ءادىليا ورگاندارىنىڭ جاۋاپتىلارىمەن، شياڭگاڭنىڭ ءار سالا ۋاكىل، قايراتكەرلەرىمەن، شياڭگاڭ ءتارتىپ قوسىندارىنىڭ ۋاكىلدەرىمەن كەزدەستى؛ ورتالىقتىڭ شياڭگاڭدا تۇراتىن قۇرىلىمدارىنىڭ جانە جۇڭگو قارجىلاندىرعان نەگىزگى قۇرىلىمداردىڭ جاۋاپتىلارىنا امانداستى؛ شياڭگاڭدا تۇراتىن اسكەري ءبولىمدى كوزدەن كەشىردى؛ شياڭگاڭ عىلىم باقشاسىندا قىزمەت تەكسەرىپ، عىلمي زەرتتەۋ قىزمەتكەرلەرى، جاستار عىلىم - تەحنيكادا جاڭالىق اشۋ كاسىپورىندارىنىڭ ۋاكىلدەرى قاتارلىلارمەن ىقىلاسپەن اڭگىمەلەستى. شي جينپيڭ تاعى قۇتتىقتاۋ قيمىلىنا قاتىناسۋعا كەلگەن اۋمىن ەرەكشە اكىمشىلىك رايونىنىڭ اكىمى حى يچىڭمەن كەزدەستى.
جوعارى قارقىندى تەمىر جول شيجيۋلۇڭ ۆوكزالىندا شياڭگاڭنىڭ ءار سالا ۋاكىلدەرى جانە وسپىرىمدەر مەن بالالار قولدارىنداعى مەملەكەت تۋىن، ەرەكشە اكىمشىلىك رايوننىڭ رايون تۋىن جانە گۇلدەردى بۇلعاپ، شي جينپيڭدى ىستىق ىقىلاسپەن اتتاندىردى. كوپشىلىك «مەن جانە مەنىڭ وتانىم»، «شىعىس مەرۋەرتى» قاتارلى اندەردى شىرقادى، الاڭ دۋماندى دا مەيىرلى بولدى. شي جينپيڭ مەن حانىمى پىڭ لييۋان اتتاندىرا شىققان توپقا قول بۇلعاپ قوشتاستى.
ديڭ شۋەشياڭ، شۇي چيلياڭ، شىن يۋەيۋ، ۋاڭ ي، شيا باۋلۇڭ بىرگە شياڭگاڭنان اتتاندى.
