شينحۋا اگەنتتىگىنىڭ 7 - ايدىڭ 1 - كۇنى شياڭگاڭنان بەرگەن حابارى (تىلشىلەر جۋ جيچاي، سۋ شياۋ). مەملەكەت ءتوراعاسى شي جينپيڭ 7 - ايدىڭ 1 - كۇنى تۇستەن بۇرىن شياڭگاڭدا ەندى عانا مىندەتكە وتىرعان شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەستى.
شي جينپيڭ لي جياچاۋدىڭ شياڭگاڭ ەرەكشە اكىمشىلىك رايونىنىڭ 6 - رەتكى اكىمى بولىپ تاعايىندالعاندىعىن قۇتتىقتادى. ول بىلاي دەپ اتاپ كورسەتتى: مەيلى ”ءبىر ەل، ەكى ءتۇزىم“ امالياتى، الدە شياڭگاڭنىڭ دامۋى بولسىن، 25 جىل وتكەننەن كەيىنگى قازىرگى كۇندە تۇگەلدەي جاڭا تاريحي باستامادا تۇر، قالىڭ قالا تۇرعىندارى سىزدەن جانە جاڭا كەزەكتى ەرەكشە اكىمشىلىك رايونى ۇكىمەتىنەن زور ءۇمىت كۇتىپ وتىر. سىزدەن اكىمنىڭ نەگىزگى زاڭدىق ءتۇزىم جاۋاپكەرشىلىگىن اتقارىپ، ەرەكشە اكىمشىلىك رايون ۇكىمەتىن باستاپ ”ءبىر ەل، ەكى ءتۇزىم“ باعىتى مەن ءتۇبىرلى زاڭدى جاپپاي دالمە - ءدال دايەكتىلەندىرىپ، تياناقتاندىرىپ، شياڭگاڭداعى ءار سالا قايراتكەرلەردى ىنتىماقتاستىرىپ، ناقتى ىستەر ىستەپ، العا ۇمتىلىپ، شياڭگاڭنىڭ بىلىقپالىقتان تىنىشتىققا ءوتىپ، تىنىشتىقتان گۇلدەنۋگە بەت الۋىن ىلگەرىلەتىپ، شياڭگاڭنىڭ ”ءبىر ەل، ەكى ءتۇزىم“ امالياتىنىڭ جاڭا تاراۋىن ۇزدىكسىز جازۋدى ءۇمىت ەتەمىن. ورتالىق ءسىز بەن جاڭا كەزەكتى ەرەكشە اكىمشىلىك رايونى ۇكىمەتىنىڭ بيلىكتى زاڭ بويىنشا جۇرگىزۋىن بار كۇشپەن قولدايدى. ءبىز سىزگە جانە جاڭا كەزەكتى ەرەكشە اكىمشىلىك رايون ۇكىمەتىنە تولىق سەنىمدەمىز، شياڭگاڭنىڭ بولاشاعىنا تولىق سەنىمدەمىز.
لي جياچاۋ ءتوراعا شي جينپيڭ مەن ورتالىق ۇكىمەتتىڭ سەنىم ارتقاندىعىنا العىس ايتتى. ول مىنالاردى ءبىلدىردى: مەن جاۋاپكەرشىلىگىمنىڭ اۋىر ەكەندىگىن تەرەڭ بىلەمىن، الداعى جەردە بار كۇشىمدى سالىپ، ەرەكشە اكىمشىلىك رايون ۇكىمەتىن باستاپ، تىڭعىلىقتى قىزمەت ىستەپ، بيلىك جۇرگىزۋدە جاڭا بەينە ايگىلەپ، دامۋدىڭ جاڭا تاراۋىن جازامىن، ءتوراعا شي جينپيڭ الاڭسىز بولىڭىز.
وسىدان كەيىن شي جينپيڭ لي جياچاۋدىڭ سەرىك بولۋىندا شياڭگاڭ ەرەكشە اكىمشىلىك رايونىنىڭ جاڭادان تاعايىندالعان اكىمشىلىك، زاڭ شىعارۋ، ءادىليا ورگاندارىنداعى جاۋاپتىلارمەن كەزدەستى.
ديڭ شۋەشياڭ، شۇي چيلياڭ، شىن يۋەيۋە، ۋاڭ ي، شيا باۋلۇڭ قاتىستى كەزدەسۋگە قاتىناستى.
