تيانشان تورى
تيانشان تورى   ›   جاڭالىقتار   ›   ماڭىزدى حابارلار

اسكەري ءبولىمنىڭ جالپى بەتتىك قۇرىلىسىن كۇشەيتىپ، بورىش اتقارۋ قابىلەتىن جوعارىلاتىپ، ”ءبىر ەل، ەكى ءتۇزىم“ امالياتىنىڭ شياڭگاڭدا ورنىقتى قاداممەن الىسقا جەتۋىن ىلگەرىلەتۋگە اناعۇرلىم زور ۇلەس قوسۋ كەرەك

شي جينپيڭ شياڭگاڭدا تۇراتىن اسكەري ءبولىمدى كوزدەن كەشىرگەندە بىلاي دەپ باسا دارىپتەدى

اسكەري ءبولىمنىڭ جالپى بەتتىك قۇرىلىسىن كۇشەيتىپ، بورىش اتقارۋ قابىلەتىن جوعارىلاتىپ، ”ءبىر ەل، ەكى ءتۇزىم“ امالياتىنىڭ شياڭگاڭدا ورنىقتى قاداممەن الىسقا جەتۋىن ىلگەرىلەتۋگە اناعۇرلىم زور ۇلەس قوسۋ كەرەك

  شينحۋا اگەنتتىگىنىڭ 7 - ايدىڭ 1 - كۇنى شياڭگاڭنان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 1 - كۇنى تۇستەن بۇرىن جۇڭگو حالىق ازاتتىق ارمياسىنىڭ شياڭگاڭدا تۇراتىن اسكەري ءبولىمىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان، شياڭگاڭدا تۇراتىن اسكەري بولىمدەگى بارلىق جولداستاردان شىنايى حال سۇرادى.

  تۇستەن بۇرىن ساعات 11دەن 30 مينۋت مولشەرىندە شي جينپيڭ شياڭگاڭدا تۇراتىن اسكەري ءبولىمنىڭ جۇڭحۋان كازارما وڭىرىنە كەلدى. قىزۋ شاپالاق ءۇنى ىشىندە شي جينپيڭ شياڭگاڭدا تۇراتىن اسكەري بولىمدەگى وفيتسەر - اسكەرلەردىڭ ۋاكىلدەرىن ىقىلاسپەن قابىلداپ، كوپشىلىكپەن ەستەلىك سۋرەتكە ءتۇستى.

  شي جينپيڭ بىلاي دەپ اتاپ كورسەتتى: شياڭگاڭ وتان قۇشاعىنا ورالعان 25 جىلدان بەرى، شياڭگاڭدا تۇراتىن اسكەري ءبولىم پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ”ءبىر ەل، ەكى ءتۇزىم“ باعىتىن جانە شياڭگاڭ ەرەكشە اكىمشىلىك رايونىنىڭ ءتۇبىرلى زاڭىن، اسكەر تۇرعىزۋ زاڭىن مۇقيات تياناقتاندىرىپ، قورعانىس ىستەرىن اتقارۋدى وزەك ەتكەن ءتۇرلى مىندەتتەردى تابىسپەن ورىندادى. اسىرەسە، شياڭگاڭ جاعدايىنىڭ جاقىنعى جىلدارداعى تەرەڭ، كۇردەلى وزگەرىسى الدىندا، شياڭگاڭدا تۇراتىن اسكەري ءبولىم ورتالىقتىڭ شياڭگاڭدى باسقارۋ قىزمەتىنىڭ كەلەلى جاعدايىنا پارمەندى قىزمەت وتەپ، شياڭگاڭنىڭ بىلىقپالىقتان تىنىشتىققا ءوتۋىن جۇزەگە اسىرۋ بارىسىندا ماڭىزدى رول اتقاردى.

  شي جينپيڭ بىلاي دەپ باسا دارىپتەدى: شياڭگاڭ تىنىشتىقتان گۇلدەنۋگە قادام تاستاۋدىڭ شەشۋشى كەزەڭىندە تۇر، شياڭگاڭدا تۇراتىن اسكەري ءبولىمنىڭ مىندەتى اۋىر، جاۋاپكەرشىلىگى كەلەلى. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، جاڭا جاعدايدى جانە مىندەت - تالاپتاردى يگەرىپ، اسكەري ءبولىمنىڭ جالپى بەتتىك قۇرىلىسىن كۇشەيتىپ، بورىش اتقارۋ قابىلەتىن جوعارىلاتىپ، مەملەكەت حاۋىپسىزدىگىن جانە شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن قورعاۋعا، ”ءبىر ەل، ەكى ءتۇزىم“ امالياتىنىڭ شياڭگاڭدا ورنىقتى قاداممەن الىسقا جەتۋىن ىلگەرىلەتۋگە اناعۇرلىم زور ۇلەس قوسۋ كەرەك.

  شۇي چيلياڭ قاتارلىلار قيمىلعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.