تيانشان تورى - شينجياڭ گازەتىنىڭ حابارى (ٴتىلشى گى يوۋجۇن حابارلايدى). 7 - ايدىڭ 1 ـ كۇنى، شيامىن قالاسى مەن جەمسارى اۋدانىنىڭ ”شينجياڭدى مادەنيەتپەن نارلەندىرۋ“ ينجەنەرياسىن سەلبەسىپ ىلگەرىلەتۋ كەلىسىمىنە قول قويۋ، كومەك بەرۋ سالتى جەمسارى اۋدانىندا وتكىزىلدى.
7 ـ ايدىڭ 1 ـ كۇنى، شيامىن قالاسى مەن جەمسارى اۋدانىنىڭ ”شينجياڭدى مادەنيەتپەن نارلەندىرۋ“ ينجەنەرياسىن سەلبەسىپ ىلگەرىلەتۋ كەلىسىمىنە قول قويۋ، كومەك بەرۋ سالتى جەمسارى اۋدانىندا وتكىزىلدى. سۋرەتتى تيانشان تورى - شينجياڭ گازەتىنىڭ ٴتىلشىسى گى يوۋجۇن تۇسىرگەن
جەمسارى اۋدانى — شيامىن قالاسى باعىتتامالى كومەكتەسەتىن اۋدان، ولاردىڭ ءبىرى ”تەڭىز جىبەك جولىنداعى“ مەرۋەرت، ءبىرى ”قۇرلىق جىبەك جولىنداعى“ جاۋھار سانالادى، ەكى جەردىڭ ارالاسۋى، ىشتەسۋى، توعىسۋى قويۋ. فۋجيان شيامىنداعى گۋلاڭيۇي ارالى — ”تەڭىز جىبەك جولىنداعى“ جۇڭگو مەن باتىس مادەنيەت توعىسۋىنىڭ ماڭىزدى تەرەزەسى، 2017 ـ جىلى ”دۇنيە جۇزىلىك مۇراعاتتار تىزىمدىگىنە“ ەنگىزىلگەن. جەمسارى اۋدانىنىڭ بەيتىڭ بايىرعى قالاسىنىڭ ەسكى جۇرتى دۇنيە جۇزىلىك مادەنيەت مۇراسى ”جىبەك جولى: چاڭ - ان — تيانشان ٴدالىزىنىڭ جول تورابى“ رەتىندە شينجياڭداعى تۇڭعىش توپتاعى 6 ورىنداعى مۇراعاتتار ٴتۇيىنىنىڭ ٴبىرى، 2014 – جىلى ”دۇنيە جۇزىلىك مۇراعاتتار تىزىمدىگىنە“ ەنگىزىلگەن. 2019 ـ جىلى 7 ـ ايدىڭ 18 ـ كۇنى شيامىن قالاسى گۋلاڭيۇي ارالى تاريحي حالىقارالىق الەۋمەتتىك اۋماعى مەن جەمسارى اۋدانى بەيتىڭ بايىرعى قالاسى ەسكى جۇرتى ”دوستىق دۇنيە جۇزىلىك مادەنيەت مۇراعاتتارى ورنى (ٴتۇيىنى) “ بولىپ قوسىلدى. وسى رەت ەكى جاق ”دوستىق دۇنيە جۇزىلىك مادەنيەت مۇراعاتتار“ بويىنشا سەلبەستىكتى تەرەڭدەتۋ كەلىسىمىنە قول قويىپ، دۇنيە جۇزىلىك مادەنيەت مۇراعاتتارىن قورعاۋ، تاقىرىپتىق زەرتتەۋ، دارىندىلاردى تاربيەلەۋ، ساياحات بايلىعىن تانىستىرۋ، قىزمەتكەرلەر بارىس ـ كەلىسى سياقتى جاقتاردا اناعۇرلىم تىعىز بايلانىس ورناتىپ، باعىتتامالى كومەكتەسىپ قۇرۋ قىزمەتىن ونان ارى تەرەڭدەتەدى.
سول كۇنى شيامىن راديو - تەلەۆيزيا توبى مەن جەمسارى اۋدانى ستراتەگيالىق سەلبەستىك كەلىسىمىنە قول قويدى. ەكى جاق جەمسارى اۋدانىنىڭ ەرەكشە مادەنيەت ـ ساياحات ماركاسىن قول ۇستاسا سومداپ، مادەنيەت ـ ساياحات كاسىبىن زورايتادى، كۇشەيتەدى. بۇدان سىرت، ەكى جەردەگى مۇراجاي سياقتى ورىندار دا سەلبەسىپ بىرگە قۇرۋ كەلىسىمىنە قول قويدى، ەكى جاق وزدەرىنىڭ مادەنيەت باسىمدىلىعىن بەلسەنە اشىپ، كورمە، وقۋ ـ اعارتۋ، مادەنيەت جاسامپازدىعىن اشۋ، مادەني ەسكەرتكىشتەردى ينفورماتسيالاندىرۋ، قىزمەتكەرلەر اۋىس ـ كۇيىسى سياقتى جان ـ جاقتى سەلبەستىكتى ورىستەتىپ، مادەنيەت ەسكەرتكىشتەرى مۇراجايى بايلىعىنان ورتاق يگىلىكتەنۋدى جانە ۇيلەسىمدى پايدالانۋدى جەبەيدى.
ەكى جاق ”دوستىق دۇنيە جۇزىلىك مادەنيەت مۇراعاتتارى “ بويىنشا سەلبەستىكتى تەرەڭدەتۋ كەلىسىمىنە قول قويدى. سۋرەتتى تيانشان تورى - شينجياڭ گازەتىنىڭ ٴتىلشىسى گى يوۋجۇن تۇسىرگەن
شيامىن قالالىق پارتكوم ۇگىت ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى شاڭ گۋانجۇن بىلاي دەدى: ەكى جەردىڭ تىنباي قۇلشىنىس جاساۋى ارقىلى جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ جانە ونى جاڭالىق اشا دامىتۋ بورىشى مەن جاۋاپكەرشىلىگىن بىرگە ارقالاپ، ”شينجياڭدى مادەنيەتپەن نارلەندىرۋ“ ينجەنەرياسىن ۇزدىكسىز ىلگەرىلەتۋدە بەلسەندى ونىمدىلىككە قول جەتكىزىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋگە سەنىمىمىز كامىل.
شيامىن راديو - تەلەۆيزيا توبى، شيامىن مەملەكەتتىك ساۋدا جارنا مەڭگەرۋ توبى شەكتى سەرىكتەستىگى جەمسارى اۋدانىنا جەكە - جەكە اقپاراتتىق تىلشىلىك ىستەۋ - رەداكسيالاۋ جانە ۇگىت - تاربيە جابدىقتارىن تارتۋ ەتتى. سۋرەتتى تيانشان تورى - شينجياڭ گازەتىنىڭ ٴتىلشىسى گى يوۋجۇن تۇسىرگەن
جەمسارى اۋداندىق پارتكومنىڭ شۋجيى پان سۋحۋا بىلاي دەدى: جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، شيامىن قالاسى جەمسارى اۋدانىنا حالىق تۇرمىسى قۇرىلىسى، كاسىپ سالاسىن دامىتۋ سياقتى جاقتاردا زور كۇشپەن قولداۋ كورسەتىپ، كورنەكتى ونىمدىلىككە قول جەتكىزدى. جەمسارى اۋدانى وسى رەتكى كەلىسىمگە قول قويۋدى وراي ەتىپ، جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرگى تاماشا تاجىريبەلەردى، ادىستەردى ىشكەرىلەي قورىتىندىلاپ، ەكى جەردىڭ اۋىس ـ كۇيىستى كۇشەيتۋىن، سەلبەستىكتى قويۋلاتۋىن، سۇيىسپەنشىلىكتى كۇشەيتۋىن ونان ارى جەبەپ، ناقتى ٴىس ىستەۋ، ناقتى ونىمدىلىككە قول جەتكىزۋ ارقىلى شينجياڭعا باعىتتامالى كومەكتەسۋ قىزمەتىندە ۇزدىكسىز تىڭ ىلگەرىلەۋشىلىككە قول جەتكىزۋدى بىرگە ىلگەرىلەتىپ، ”شينجياڭدى مادەنيەتپەن نارلەندىرۋ“ ينجەنەرياسىنىڭ ىشكەرىلەي اتقارىلۋىن تىڭعىلىقتى ىلگەرىلەتەدى.
اۋدارعان: قادىر ماقان
