شينحۋا اگەنتتىگىنىڭ 7 - ايدىڭ 3 - كۇنى شياڭگاڭنان بەرگەن حابارى (ءتىلشى ۋي حۋا). ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ قۇراستىرعان «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمى 7 - ايدىڭ 3 - كۇنى شياڭگاڭدا تاراتىلدى.
ءتىلشى سول كۇنى شياڭگاڭنىڭ تۇڭلوۋانىنا ورنالاسقان شاڭ ۋ كىتاپ باسۋ سارايىندا «شي جينپيڭ ەل باسقارۋ جونىندە» 4 - تومىنىڭ كىتاپحانانىڭ كورمە تەرەزەسىنىڭ ىشىندە ءتىزۋلى تۇرعاندىعىن؛ ءبىرىنشى قاباتتاعى ”دۇكەن باستىعىنىڭ تانىستىرۋى“ باعاناسىندا بۇل كىتاپتىڭ ورتاداعى كورنەكتى ورىنعا قويىلعاندىعىن دا كوردى.
كىتاپحانانىڭ ەكىنشى قاباتىنداعى گۋمانيتارلىق سارايعا شىققاندا «شي جينپيڭ ەل باسقارۋ جونىندە» جەلىلەس كىتاپتارىنىڭ سورەگە قاتار - قاتار ءتىزىلىپ قويىلعاندىعىن كورۋگە بولادى، جاڭادان باسپادان شىققان 4 - تومنان سىرت، بۇرىن باسپادان شىققان 1 - توم، 2 - توم، 3 - توم دا بىردەي ءتىزىپ قويىلعان. بۇدان سىرت، تاعى «جىجياڭ جاڭا سوزدەرى»، «شي جينپيڭ ”ءبىر بەلدەۋ، ءبىر جول“ جونىندە» قاتارلى كىتاپتار وقىرمانداردىڭ تاڭداپ ساتىپ الۋىنا دايىنداپ قويىلعان.
«شي جينپيڭ ەل باسقارۋ جونىندە» 1 - تومىنان 3 - تومىنا دەيىن باسپادان شىققاننان بەرى، پارتيانىڭ جاسامپاز نازاريالارىن ۇگىتتەۋ، حالىقتىڭ كۇرەس امالياتىن تاسقىنداتۋ، جۇڭگونىڭ تاماشا وبرازىن ايگىلەۋ جاعىندا ماڭىزدى رول اتقاردى. «شي جينپيڭ ەل باسقارۋ جونىندە» 4 - تومىنا باس شۋجي شي جينپيڭنىڭ 2020 - جىلى 2 - ايدىڭ 3 - كۇنىنەن 2022 - جىلى 5 - ايدىڭ 10 - كۇنىنە دەيىنگى سوزدەرى، سۇحباتتارى، لەكسيالارى، ارناۋ سوزدەرى، نۇسقاۋلارى، قۇتتىقتاۋ حاتتارى سياقتى 109 شىعارماسى ەنگىزىلىپ، 21 ارناۋلى تاقىرىپقا بولىنگەن. وقىرمانداردىڭ وقۋىنا قولايلى بولۋ ءۇشىن، قۇراستىرۋ بارىسىندا قاجەتتى تۇسىندىرمەلەر جاسالعان. بۇل كىتاپقا تاعى باس شۋجي شي جينپيڭنىڭ 2020 - جىلى 1 - ايدان بەرگى 45 فوتوسۋرەتى كىرىستىرىلگەن.
حىپيڭ تۋشۋ شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باسالقاسى لي شياۋحۋا تانىستىرىپ بىلاي دەدى: «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمى جاي مۇقابالى جانە قاتتى مۇقابالى ەكى تۇردە باسىلىپ، تۇڭلوۋانعا، جۇڭحۋانعا جانە يوۋماديعا ورنالاسقان 3 كىتاپحانادا تۇڭعىش تاراتۋدى تاڭدادىق، ىلە - شالا شياڭگاڭداعى ءارقايسى ۇلكەن كىتاپحانالاردا كەڭىنەن قويىلىپ ساتىلادى. وتكىزىلۋ الدىندا تۇرعان شياڭگاڭ كىتاپ كورمەسىندە دە بۇل كىتاپ ءتۇيىندى تانىستىرىلادى.
