انار بۇلت \ شينجياڭ گازەتىنىڭ ءتىلشىسى ميھىرگۇل ناسىر 7 - ايدىڭ 3 - كۇنى ۇرىمجىدەن حابارلايدى. 7 - ايدىڭ 1 - كۇنى سالىق جيناۋ كاسىبىن شوعىرلاندىرۋ ۇلگىسىندە شينجياڭ بويىنشا ءبىر تۇتاس ءبىتىرۋ رەسمي تۇردە بۇكىل شينجياڭ كولەمىندە جالپىلاستىرىلىپ قولدانىلدى، بۇل سالىق ىستەرى بويىنشا تىركەۋ، تالون بەرۋ، مالىمدەۋ، تيىمدىلىك جاساۋ، جيناۋ، تۇراقتاندىرۋ سىندى 6 ۇلكەن كاسىپ سالاسىنا سايادى، جيىنى 120 ءتۇرلى كاسىپتى بۇكىل شينجياڭ بويىنشا ءبىر تۇتاس ءبىتىرۋ جۇزەگە استى.
”7 - ايدىڭ 1 - كۇنىنەن باستاپ سالىق تولەۋشىلەر، اقى تولەۋشىلەر ءوز ەركىمەن اۆتونوميالى رايوننىڭ، بيڭتۋاننىڭ كەزكەلگەن سالىق ىستەرىن بىتىرۋگە قىزمەت وتەۋ زالىنىڭ، سالىق ىستەرىن ءوزى ءبىتىرۋ تەرمينالىنىڭ 120 ءتۇرلى ءبىر تۇتاس ءبىتىرۋ كاسىبىن تاڭداپ، شينجياڭنىڭ سالىق جانە اقى كاسىبىندە 6 ۇلكەن بۇرىلىستى جۇزەگە اسىرۋدى پارمەندى ىلگەرىلەتتى“. اۆتونوميالى رايوندىق سالىق مەكەمەسى جيناۋ - باسقارۋ جانە عىلىم - تەحنيكانى دامىتۋ باسقارماسىنىڭ باستىعى گو پىڭحۇي تانىستىرىپ بىلاي دەدى: 6 ۇلكەن بۇرىلىس دەگەنىمىز قاراستى جەردە تەرەزەدە بىتىرۋدەن وڭىر اتتاپ ءبىر تۇتاس بىتىرۋگە بۇرىلىس جاساۋ، جەلىدەن تىس ەسىك الدىنا بارىپ بىتىرۋدەن جەلىدە دەربەس بىتىرۋگە بۇرىلىس جاساۋ، تاراۋلار بىتىراڭقى بىتىرۋدەن ارتقى تۇعىردا شوعىرلى بىتىرۋگە قاراي بۇرىلىس جاساۋ، تۇتاس بارىستىق جەلىدەن تىس اينالىمنان جەلىدە جانە جەلىدەن تىس كۇش جالعاۋعا بۇرىلىس جاساۋ، ءىس بىتىرۋدەن كەيىنگى حاۋىپ - قاتەرگە توتەپ بەرۋدەن ءىس ءبىتىرۋ بارىسىنداعى حاۋىپ - قاتەردەن ساقتانۋعا بۇرىلىس جاساۋ، بيڭتۋانعا قاراستى جەردىڭ ءبىر جاقتى ەتۋىن جاقىن ماڭداعى ورىندارعا مىندەتتەپ بىتىرۋگە بۇرىلىس جاساپ، جاقىن ماڭدا ءبىتىرۋ، ءبىر جولدا ءبىتىرۋ، شوعىرلى ءبىتىرۋ بولىپ تابىلادى.
بيىل جىل باسىنان بەرى، اۆتونوميالى رايوندىق سالىق مەكەمەسى ءۇرىمجى قالاسىندا الدىمەن سىناق رەتىندە بۇكىل شينجياڭدا ءبىر تۇتاس ءبىتىرۋدى جولعا قويدى. 3 اي سىناق تۇيىندەرىندە دالەلدەۋ ارقىلى ”بىرگە جيناۋ، بىرگە باسقارۋ، بىرگە تەكسەرۋ، بىرگە ۇگىتتەۋ، بىرگە قىزمەت وتەۋ“ سىندى جيناۋ - باسقارۋ قىزمەت وتەۋ جۇيەسى مەن ”جۇمىس ىستەرى بويىنشا قىزمەت وتەۋدى بىرلىككە كەلتىرۋ، باقىلاۋ - باسقارۋ ەرەجەسىن بىرلىككە كەلتىرۋ، اكىمشىلىك باعالاۋدى بىرلىككە كەلتىرۋ، اقىل - كەڭەس بەرۋدى، شاعىم ايتۋدى بىرلىككە كەلتىرۋ، جاقسى - ناشارىن باعالاۋدى بىرلىككە كەلتىرۋ“ سىندى زاڭ اتقارۋدى باقىلاۋ - باسقارۋ جۇيەسى بىرتىندەپ قالىپتاسىپ، نەگىزگى ساتى سالىق ورگاندارى مەن سالىق تولەۋشىلەردىڭ، اقى تولەۋشىلەردىڭ ”اۋىرتپالىعىن بىردەي جەڭىلدەتۋ“ ءونىمدى ىلگەرىلەتىلدى.
گو پىڭحۇي بىلاي دەدى: 7 - ايدىڭ 1 - كۇنىنەن باستاپ، 120 ءتۇرلى سالىق جيناۋ كاسىبى بۇكىل شينجياڭداعى 30 ايماق، وبلىس، قالانىڭ سالىق مەكەمەلەرىندە، 103 رايون، اۋداننىڭ سالىق مەكەمەلەرىندە، 159 سالىق بىتىرۋگە قىزمەت وتەۋ زالىندا، 1200دەن استام قىزمەت وتەۋ تەرەزەسىندە، 960 سالىق ىستەرىن ءوزى ءبىتىرۋ تەرمينالىندا بۇكىل شينجياڭ بويىنشا ءبىر تۇتاس ءبىتىرۋدى، بيڭتۋان مەن جەرگىلىكتى ورىندا ءبىر تۇتاس ءبىتىرۋدى جۇزەگە اسىردى.
