تيانشان تورى
تيانشان تورى   ›   جاڭالىقتار   ›   ءۇرىمجى

ءۇرىمجى قالاسى شانرۇن الەۋمەتتىك اۋماعى: ءدامدى تاعامداردان اۋىز ءتيىپ، ويىن - نومىرلەرىن تاماشالادى، كورشىلەر مەرەكەسى دۋمانعا بولەندى

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“ كورشىلەر ءدامدى تاعامداردان اۋىز ءتيىپ، ارقا - جارقا كەڭەستى. سۋرەتتى انار بۇلت - شينجياڭ گازەتىنىڭ ءتىلشىسى چين مەيحۋا تۇسىرگەن

  انار بۇلت \ شينجياڭ گازەتىنىڭ حابارى (حابارىن جازىپ، سۋرەتىن تۇسىرگەن چين مەيحۋا). الەۋمەتتىك اۋماقتىڭ تۇرعىنى شامشيدەن مامەت بار ونەرىن سالىپ قۋىرعان تورە تاباق تاۋىق ەتى قۋىرماشىن الىپ كەلدى، ما ميڭدى ءوز وتباسىنىڭ بەتكە باسار تاعامى جياۋماجيدى ورتاعا قويدى…7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعىندا تۇڭعىش رەتكى ”كورشىلەر مەرەكەسى“ وتكىزىلدى، ءار ۇلت بۇقاراسى تاماقتانا وتىرىپ كەڭەس قۇردى، ءدامدى تاعامنان لاززاتتانۋمەن قاتار، كورشىلەر ارا قارىم - قاتىناس تا نىعايا ءتۇستى.

  سول كۇنى، شانرۇن الەۋمەتتىك اۋماعىنداعى شارۋاشىلىق قۇرۋ بازارىندا، ءتىلشى پالاۋ، تورە تاباق تاۋىق ەتى قۋىرماشى، جياۋماجي، سامسا، قۋىرعان كوك بۇرىش، جالىندى وتتا قۋىرىلعان قۇيعان وكپە، سالقىن كەسپە سياقتى تاعامدار قويىلعان وننان ارتىق ۇستەلدى كوردى، ءاربىر تاعامعا دايىنداۋشىنىڭ اتى جازىلعان. شانشۇي لاندى الەۋمەتتىك اۋماعىنىڭ 50دەن ارتىق تۇرعىنى 36 ءتۇرلى ۇقساماعان قۋىرماش ءتۇرىن اكەلدى.

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“، تۇرعىندار ءدامدى تاعامداردان اۋىز ءتيىپ، اڭگىمە دۇكەنىن قۇرۋدا. انار بۇلت \ شينجياڭ گازەتىنىڭ ءتىلشىسى چين مەيحۋا تۇسىرگەن

  ”بۇگىن مەن دەمالدىم، سونىمەن ءوزىمىنىڭ ەڭ جاقسى جاسايتىن قۋىرماشىم تورە تاباق تاۋىق ەتى قۋىرماشىن دايىنداپ، كورشىلەر اۋىز ءتيسىن دەپ ارنايى الىپ كەلدىم“،- دەدى شامشيدەن مامەت. كورشىلەر مەرەكەسى كوپشىلىكتىڭ ءبىر اراعا باس قوسىپ، بىرگە تاماقتانىپ، بىرگە اڭگىمە دۇكەن قۇرۋىنا مۇمكىندىك جاراتىپ، جۇرەكتەردى جاقىنداتا ءتۇستى.

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“، تۇرعىندار ءدامدى تاعامداردان اۋىز ءتيىپ، اڭگىمەلەسۋدە. سۋرەتتى انار بۇلت/ شينجياڭ گازەتىنىڭ ءتىلشىسى چين مەيحۋا تۇسىرگەن

  ”مەنىڭ شانشۇي لاندى شاعىن رايونىنا قونىس تەپكەنىمە 3 جىل بولدى، كورشىلەر ارا قارىم - قاتىناس باستابىنداعى بەيتانىس كۇيدەن قازىرگى قويان - قولتىق ارالاسۋعا وزگەردى، وسى بارىستا ’الىستاعى تۋىستان جاقىنداعى كورشى ارتىق‘ دەگەن ناقىلدىڭ ءمانىن تولىق تۇسىنگەندەي بولدىم“،-دەدى الەۋمەتتىك اۋماقتىڭ تۇرعىنى پان دويان،-”شاعىن رايونىمىزدان ۇلتتار ىنتىماعىنىڭ قويۋ رايىن كورە الاسىز، اۋلادا كوپشىلىك ءبىر - بىرىمەن ىقىلاستى تۇردە امانداسادى، مەرەكە - مەيرامداردا ءبىر - بىرىنە ىقىلاستى تىلەكتەر ايتىپ تۇرادى“.

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“، تۇرعىندار ءبي بيلەۋدە. سۋرەتتى انار بۇلت \ شينجياڭ گازەتىنىڭ ءتىلشىسى چين مەيحۋا تۇسىرگەن

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان مالىسىندەگى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“، تۇرعىندار ويىن نومىرلەرىن تاماشالاۋدا. سۋرەتتى انار بۇلت \ شينجياڭ گازەتىنىڭ ءتىلشىسى چين مەيحۋا تۇسىرگەن

  قيمىل مايدانىندا ءدامدى - قۇجىرلار دايىندالۋمەن قاتار، شاعىن رايون ءبي اترەتى، مۋزيكا اسپاپ اۋەسكەرلەرىنىڭ ارنايى دايىنداعان ويىن نومىرلەرى دە قويىلدى.

  7 - ايدىڭ 2 - كۇنى، ءۇرىمجى قالاسى شۇيموگوۋ رايونى جىن - ان ءمالىسى شانرۇن الەۋمەتتىك اۋماعى وتكىزگەن ”كورشىلەر مەرەكەسىندە“ تۇرعىندار ءان شىرقاپ، بۇرالا بيگە باستى. سۋرەتتى انار بۇلت \ شينجياڭ گازەتىنىڭ ءتىلشىسى چين مەيحۋا تۇسىرگەن

  شانرۇن الەۋمەتتىك اۋماعى پارتكومىنىڭ شۋجيى ءراميلا تۇردى بىلاي دەدى: كورشىلەر مەرەكەسى ءدامدى تاعامداردى دانەكەر ەتىپ، ءار ۇلت تۇرعىندارىنىڭ ارالاسۋىن، ىشتەسۋىن، توعىسۋىن ىلگەرىلەتىپ، كورشىلەر اراسىنداعى ءوزارا كومەكتەسەتىن، ءوزارا سۇيىسپەنشىلىك ورناتقان ءداستۇرلى ءمورالدى اسقاقتاتىپ، ”ۇلتتار ىنتىماعىنىڭ بەرەكەلى شاڭىراعىنا“ اينالعان الەۋمەتتىك اۋماق رايىن قالىپتاستىردى.

«انار بۇلتتان» اۋدارىلدى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.