− اۆتونوميالى رايوننىڭ ساياحاتتى دامىتۋ جينالىسى رايونىمىزداعى ساياحاتپەن اينالىسۋشىلاردى جىگەرلەندىردى
□ انار بۇلت \ شينجياڭ گازەتىنىڭ تىلشىلەرى رىن جياڭ، جاڭ شياۋمي، ياۋ گاڭ، ءھابيبا
اۆتونوميالى رايوننىڭ ساياحاتتى دامىتۋ جينالىسى سەنىمدى بەكەمدەپ، بەلسەنە ءىس تىندىرىپ، رايونىمىزدىڭ ساياحات كاسىبىن ەكونوميكانىڭ جوعارى ساپالى دامۋىنداعى تەبىندەپ كەلە جاتقان كاسىپ سالاسىنا، ءار ۇلت بۇقاراسىنىڭ كىرىستى ارتتىرىپ، بايۋىنداعى حالىققا تيىمدىلىك جەتكىزەتىن كاسىپ سالاسىنا جانە شينجياڭنىڭ ىنتىماقتى، ورنىقتى، جاراسىمدى، باقىتتى، ەكولوگياسى تاماشا ەكەندىگىن ايگىلەيتىن شولپان كاسىپ سالاسىنا اينالدىرۋدى ايقىن العا قويدى. شينجياڭداعى ساياحاتپەن شۇعىلدانۋشىلار ايرىقشا شابىتتانىپ، بارىنشا جەلپىنىپ، جاپپاي مىنانى ءبىلدىردى: جينالىس − جينالۋ دابىلى، جۇمىلۋ بۇيرىعى بولدى، قايراتتانا ءىس تىندىرىپ، شينجياڭنىڭ ساياحات كاسىبىنىڭ قايتا اتتانۋىنا ءوز ۇلەسىمىزدى قوسامىز.
شينجياڭ ساياحات كورىنىس ءوڭىرى (ءتۇيىنى) قوعامىنىڭ باس حاتشىسى لي لەي بىلاي دەدى: ساياحات ۋنيۆەرسال كاسىپ سالاسى، ەكونوميكانى ارتۋعا جەتەكتەيتىن ماڭىزدى قوزعاۋشى كۇش، بۇقارانىڭ جاپپاي قارسى الۋىنا بولەنگەن، كەڭ بۇقارالىق نەگىزى بار تەبىندەپ كەلە جاتقان كاسىپ سالاسى. شينجياڭنىڭ ساياحات بايلىعى توتەنشە مول، ساياحات كاسىبىنىڭ بولاشاعى نۇرلى، كوپشىلىك بولاشاقتاعى شينجياڭنىڭ ساياحات كاسىبىنىڭ ارىنداي العا تارتاتىندىعىنا تولىق سەنىمدى. ءبىز ساياحات ونىمدەرى مەن قىزمەت وتەۋ، قامداۋ جۇيەسىن ۇزدىكسىز كەمەلدەندىرىپ، اناعۇرلىم باي دا ساپالى ساياحات سەزىنىسىن ازىرلەپ، ساياحات بازارىن گۇلدەندىرىپ، ساياحاتتىڭ جەتەكتەۋ رولىن ساۋلەلەندىرىپ، ”ءبىر كاسىپتى كوركەيتۋ ارقىلى سان كاسىپتى گۇلدەندىرۋدەي“ قوردالاندىرۋ اسەرىن جارىققا شىعارامىز.
”ءتۇرلى ءتيىمدى ساياساتتاردىڭ جەتەكتەۋىندە جەر - جەردىڭ ساياحات بازارى جاندانىپ كەلەدى، جۇرت ۇيلەرىنەن الىسقا شىعىپ، ۇلتتىق سالت - سانانى سەزىنەتىن، تۇزدە تاماقتانىپ، دالادا تۇنەيتىن، سەرۋەن قۇرىپ، سالقىندايتىن بولدى... ولار ساپاردىڭ قىزىعىنان ءلاززاتتانۋدا“. تۇرپان قالالىق مادەنيەت، دەنە تاربيە جانە ساياحات مەكەمەسى پارتيا باسشىلىق گرۋپپاسىنىڭ شۋجيى ان جينچياڭ بىلاي دەدى: جينالىس ساياحات كاسىبىن دامىتۋىمىزعا باعدارناما ازىرلەدى، تۇرپان تاريحي مادەنيەت، جاراتىلىستىق بايلىق، ۇلتتىق سالت - سانا بايلىعىن اناعۇرلىم ىشكەرىلەي كادەگە جاراتىپ، مادەنيەت پەن ساياحاتتىڭ توعىسۋىن تۇتاس وڭىرلىك ساياحات وي جەلىسىمەن ىلگەرىلەتىپ، ەرەكشە سارا كورىنىس ءوڭىرى قۇرىلىسى، اۋىل - قىستاق ساياحاتىن دامىتۋ سياقتىلاردى توڭىرەكتەي وتىرىپ، تۇرپاندى تۇتاس وڭىرلىك ساياحاتتان ۇلگى كورسەتۋ ءوڭىرى، دۇنيە ءجۇزى ساياحاتىنداعى نىسانالى جەر ەتىپ تۇلعالاپ، ساياحات كاسىبىنىڭ تۇرپان ەكونوميكاسىنىڭ دامۋىنداعى ورنىن اناعۇرلىم ماڭىزدى ەتەدى.
مەملەكەتتىك 5A دارەجەلى كورىنىس ءوڭىرىن قۇرۋدان باستاعان قاراجون كورىنىس ءوڭىرى ەگىنشى - مالشىلاردى ساياحات كاسىبىمەن اينالىسۋعا قابىلداۋعا ەرەكشە ءمان بەردى، كورىنىس ءوڭىرى قازىر 300دەن استام ەگىنشى - مالشىنى جۇمىسقا الدى. ”ءبىز شينجياڭداعى ساياحات كاسىبى زور دامۋىنىڭ ورايىنا سۇيەنىپ، كورىنىس ءوڭىرىنىڭ زور دامۋىن جۇزەگە اسىرامىز، سونىمەن بىرگە ەگىنشى - مالشىلاردىڭ كىرىستەرىن ارتتىرىپ، بايۋىنا كومەكتەسۋدى ماڭىزدى قىزمەت رەتىندە يگەرەمىز. قازىر كورىنىس ءوڭىرىمىز ءبىر توپ نىساندى جوبالاپ، سالىپ جاتىر، كەلەر جىلى نىسان سالىنىپ بولعاننان كەيىن، 1000نان استام ادامدى ىستەتىپ، اناعۇرلىم كوپ ەگىنشى - مالشىنىڭ ساياحات كاسىبى دامۋىنىڭ پايداسىنان يگىلىكتەنۋىنە مۇمكىندىك جاسايمىز“، - دەدى شينجياڭ قاراجون قارجى قوسۋ، شەكتى جارنا سەرىكتەستىگىنىڭ ورىنباسار باس ديرەكتورى ۋ فىڭلي.
”ءبىز ەسەلەي قۇلشىنىپ، ساياحات كاسىپ سالاسىن زور كۇشپەن دامىتىپ، اناعۇرلىم كوپ بۇقارانى ساياحات جەتىستىكتەرىنەن يگىلىكتەندىرىپ، ساياحات كاسىبىن ناعىز حالىقتى بايىتاتىن كاسىپ سالاسىنا اينالدىرامىز“. قاشقار ايماقتىق مادەنيەت، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ليۋ حۇي بىلاي دەدى: بۇدان كەيىن قاشقار ايماعى اۋىل - قىستاقتى گۇلدەندىرۋ ستراتەگياسىمەن ۇشتاستىرىپ، اۋىل - قىستاق ساياحاتى مەن دەمالىس ونىمدەرىن زور كۇشپەن دامىتىپ، جۇمىستاندىرۋ تىزبەگىن ۇزارتىپ، پايداسىن ورتاق يگىلىكتەنۋ مەحانيزمىن ورناتىپ، ەگىنشى - مالشىلاردى اۋىل - قىستاق ساياحاتىن اشۋعا ات سالىسۋعا جەتەكتەپ، ونىڭ پايداسىنىڭ ۇزاق ۋاقىت ۇزدىكسىز ارتۋىن جۇزەگە اسىرامىز.
بايىنعولين موڭعۇل اۆتونوميالى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى (مادەني ەسكەرتكىش جانە مۇراجاي مەكەمەسى) پارتيا باسشىلىق گرۋپپاسىنىڭ شۋجيى يۇي شۋيىڭ بىلاي دەدى: بايىنعولين وبلىسى ساياحاتتى دامىتۋ جينالىسىن وراي ەتىپ، ءوزىنىڭ ءىس جۇزىندىگىمەن ۇشتاستىرىپ، ”ءبىر ورتالىق، ءۇش ۇيىرمە“ جوباسى بويىنشا ساياحات سارا جول جەلىسىن تۇلعالاپ، تاماشا كورىنىس ءوڭىرىن قۇرىپ، مادەنيەت پەن ساياحاتتىڭ توعىسپالى دامۋىن ىشكەرىلەي ىلگەرىلەتىپ، قىزمەت وتەۋ ورەسىن شىن مانىندە جوعارىلاتىپ، ساياحات كاسىبىن شينجياڭ وبرازىن ايگىلەيتىن تانىسقى ەتىپ تۇلعالاپ شىعادى.
ساياحات كاسىبىنىڭ گۇلدەنىپ دامۋى قامداۋ مەن قاجەتسىنۋ سىندى ەكى جاعىنا بىردەي كۇش سالۋدى قاجەت ەتەدى. نارات كورىنىس ءوڭىرىن باسقارۋ كوميتەتىنىڭ ورىنباسار مەڭگەرۋشىسى ياڭ چۋانجۇن بازار قاجەتىنىڭ وزگەرىسىن يگەرىپ، تۇتىنۋدىڭ جاڭا اۋقىمىنا تىعىز ىلەسىپ، سانى مەن كولەمىنە ۇمتىلۋدان ساپاسى مەن قاسيەتىنە ۇمتىلۋعا بۇرىلىس جاسايتىندىقتارىن ءبىلدىرىپ، بىلاي دەدى: ”ءبىز ماركا قۇرىلىسىن تۇتقا ەتىپ، كورىنىس وڭىرىندە مادەنيەتتىڭ ىشكى ءمانىن اشۋدى بەلسەنە ىلگەرىلەتىپ، ساپاسىن جوعارىلاتىپ، ونىمدىلىگىن ارتتىرۋ ارقىلى تيبىن وزگەرتىپ، دارەجەسىن جوعارىلاتۋدى ىلگەرىلەتىپ، سەيىل - سەرۋەن ونىمدەرى جۇيەسىن بايىتىپ، ءداستۇرلى ارالاۋ ساياحاتى مەن سەيىل - سەرۋەن ساياحاتىن قاتار ىلگەرىلەتىپ، ناراتتى ءتورت ماۋسىمدىق، تۇتاس وڭىرلىك ساياحاتتىڭ نىسانالى جەرىنە جەدەل اينالدىرامىز“.
”ساياحاتتى دامىتۋ جينالىسى شينجياڭ ساياحات كاسىبى جوعارى ساپالى دامۋىنىڭ العا ىلگەرىلەۋ دابىلىن قاعىپ، ءبىزدىڭ بۇدان كەيىنگى ساياحات كاسىبىن دامىتۋىمىزعا ارەكەت جول كارتاسىن ايقىنداپ بەردى“. ونسۋ اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى يە في بىلاي دەدى: ”ءبىز شينجياڭدى مادەنيەتپەن نارلەندىرۋ ينجەنەرياسى مەن شينجياڭدى ساياحاتپەن كوركەيتۋ ستراتەگياسىن ىشكەرىلەي اتقارىپ، ەرەكشە مادەنيەتتىڭ جانە ساياحات كاسىپ سالاسىنىڭ وزەكتى باسەكەلىك قۋاتىن ۇزدىكسىز جوعارىلاتىپ، ساياحات الەۋمەتتىك قىزمەت وتەۋىنىڭ باياندى مەحانيزمىن كەمەلدەندىرىپ، ساياحات كاسىپ سالاسى بەلدەۋىن قۇرۋدى ىلگەرىلەتىپ، ساياحات نەگىزدىك قۇرىلعىلارى قۇرىلىسى سەرپىنىن ارتتىرىپ، ساياحات ماركاسىنىڭ دەڭگەيىن كوتەرۋ ينجەنەرياسىن زور كۇشپەن اتقارىپ، ءبىر توپ مادەنيەت - ساياحات ونىمدەرىن ءتۇيىندى تۇردە تۇلعالاپ، ونسۋعا كەلگەن ساياحاتشىلارعا تۇتاس وڭىرلىك ساياحاتتىڭ تارتىمدىلىعىن سەزىندىرەمىز“.
