تيانشان تورى
تيانشان تورى   ›   جاڭالىقتار   ›   ساياحات

شينجياڭ ساياحاتىن جوعارى ساپالى دامىتۋ ”قورى“ شىعاندادى

— رايونىمىزداعى مەكەمە - ورىندار ناقتى شارا شىعارىپ، اۆتونوميالى رايوننىڭ ساياحاتتى دامىتۋ جينالىسىنىڭ رۋحىن تياناقتاندىردى

انار بۇلت \ شينجياڭ گازەتىنىڭ تىلشىلەرى

  اۆتونوميالى رايوننىڭ ساياحاتتى دامىتۋ جينالىسى اشىلىپ، شينجياڭ ساياحاتى جونىندە ”قايتالاي اتتانىسقا كەلتىرۋ“ دابىلى قاعىلدى. جينالىستىڭ ورنالاستىرۋلارىن تياناقتاندىرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋ ءۇشىن، جۋىقتان بەرى جەر - جەر تۇس - تۇستان تيىمدىلىك جاساۋ قيمىلدارىن شىعارىپ، ساياحات بازارىنىڭ قاۋىرت ورلەۋىن كوتەردى، ۇزاق ۋاقىتتان بەرى باسىلىپ قالعان ساياحات جونىندەگى سۇرانىس بىرتىندەپ شىعا باستادى. سونىمەن بىرگە رايونىمىزداعى ءارقايسى مەكەمە - ورىندار، تاراۋلار قايراتتى تاسقىنداتىپ، جاعدايعا قاراي ورگە باسىپ، ساياحات كاسىبىنىڭ اقاۋسىز دامۋىن، جوعارى ساپالى دامۋىن ىلگەرىلەتۋگە دەم بەردى.

اۆتونوميالى رايوندىق مادەنيەت جانە ساياحات مەڭگەرمەسى: قىزمەت ارناۋلى گرۋپپاسىن قۇرىپ، قيىن ماسەلەلەردى شەشىپ، ولقىلىقتاردى تولىقتادى

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن بىلاي دەدى: مادەنيەت جانە ساياحات مەڭگەرمەسى جينالىستىڭ رۋحىن دايەكتىلەندىرۋدى، تياناقتاندىرۋدى اتقارۋ جوباسى مەن ءتۇيىندى مىندەتتەردى ءبولۋ شاراسىن اقىلداسىپ شىعاردى. بايلىقتى اشۋ جەتكىلىكسىز بولۋ سياقتى 7 جاقتاعى ماسەلەگە تۋرالاپ، 7 قىزمەت ارناۋلى گرۋپپاسىن قۇرىپ، قيىن ماسەلەلەردى شەشۋ تەبىنىن ارتتىردى. ساياحات بازارىن ورنالاستىرۋ ءماجىلىسىن، كاسىپورىنداردىڭ قيىنشىلىقتى شەشۋىنە كومەكتەسۋدى ىلگەرىلەتۋ ءماجىلىسىن اشىپ، «اۆتونوميالى رايوننىڭ ساياحاتتى دامىتۋ جينالىسىنىڭ رۋحىن دايەكتىلەندىرىپ، ساياحات بازارى ءتارتىبىن اناعۇرلىم كۇشەيتۋ جانە ارناعا ءتۇسىرۋ قىزمەتى جونىندەگى حابارلاندىرۋدى» باسىپ تاراتىپ، 3 دارەجە بىرلەسىپ اشىق جانە جاسىرىن تەكسەرۋ جۇرگىزۋ، جەتەكشىلىك ەتۋ، تەكسەرۋ - زەرتتەۋ مەحانيزمىن ورناتتى. ”كۇلىمدەگەن شينجياڭ“ قيمىلىن ورىستەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساياحاتشىلارعا قىزمەت وتەۋ ساپاسى مەن دەڭگەيىن جاپپاي جوعارىلاتتى. ۇيىرمە ۇيىمداستىرىپ 18 - كەزەكتى جۇڭگو (شىنجىن) حالىقارالىق مادەنيەت كاسىپ سالاسى كورمە - ساۋدا جارمەڭكەسى، 2022 - جىلعى جۇڭگو حالىقارالىق ساياحات ساۋدا جارمەڭكەسى سياقتىلارعا قاتىناسىپ، ”جەلەگىڭدى اش − شينجياڭ جاقسى جەر“ 5 ولكە، 10 قالادا ارالاپ ويىن قويۋ، تانىستىرۋ، كورمە اشۋ قيمىلىن ۇيىمداستىرىپ ورىستەتىپ، ۇگىتتەۋ، تانىستىرۋ تەبىنىن اناعۇرلىم ارتتىردى. 2022 - جىلعى ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالار كورمەسىن وتكىزىپ، مادەنيەت پەن ساياحاتتىڭ توعىسا دامۋىن جەبەدى. ساۋداگەر شاقىرىپ قارجى ەنگىزۋ نىسان قويماسىن قۇرىپ، ”شينجياڭعا ساياحات“ تۇعىرىنا دەم بەرۋ، دارەجەسىن جوعارىلاتۋ قۇرىلىسىن جەدەلدەتىپ، زەردەلى ساياحات اشۋدى، ىسكە قوسىلۋىن ىلگەرىلەتتى. مادەنيەت جانە ساياحات قىزمەتىن سايكەستىرۋگە باسشىلىق ەتۋ مەحانيزمىن ورناتىپ، اقاۋسىزداندىرىپ، مۇشە ورىنداردىڭ قىزمەت جاۋاپكەرشىلىگىن اشالاپ، جان - جاقتى سايكەستىرۋ، كاسىپتىك جەتەكشىلىك ەتۋ، بازار باقىلاپ - باسقارۋ جانە ۇگىتتەۋ، تانىستىرۋ تەبىنىن ارتتىرىپ، ساياحاتتىڭ جوعارى ساپالى دامۋىن ىلگەرىلەتتى.

اۆتونوميالى رايوندىق قاتىناس - تاسىمال مەڭگەرمەسى: ”تەز بارىپ، اسقپاي ساياحاتتاۋ“ جول توراپ قۇرىلىسىن جەدەلدەتتى

  اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احمەت بىلاي دەدى: ساياحاتتى قاۋىرت دامىتۋدا قاتىناس - تاسىمالدى باستى ورىنعا قويۋ كەرەك. بيىل S254 جەلىسىنىڭ لوپنۇر − چەرشەن تاس جولى، G315 جەلىسىنىڭ نيە − لوپ 1 - دارەجەلى تاس جولى سياقتى نىسانداردا اۆتوكولىكتىڭ قاتىناۋىنا بايلانىستى رايونىمىزدىڭ قاتىناس تورابى ونان ارى كەمەلدەنىپ، ساياحاتشىلاردىڭ جولاۋشىلاۋى ءتىپتى دە قولايلى بولدى. الداعى جەردە ”تەز بارىپ، اسىقپاي ساياحاتتاۋ“ جول تورابى قۇرىلىسى جەدەلدەتىلىپ، 3A دارەجەلىدەن جوعارى ساياحات كورىنىس ءوڭىرى جوعارى قارقىندى (1 - دارەجەلى) تاس جولىن جاپپاي قامتۋدى ىلگەرىلەتىپ، اۋىل - قىستاق تاس جول نەگىزگى تورابى مەن مەملەكەتتىك، ولكەلىك نەگىزگى جەلى تىرەكتى تورابىنىڭ، جوعارى قارقىندى توراپتىڭ ءوزارا تۇتاسۋىن ىلگەرىلەتىپ، كوپ ساتىلى قاتىناس پەن ساياحات توعىسقان جول تورابىن كەمەلدەندىرەمىز؛ قىزمەت وتەۋ اۋماعى قۇرىلعىسىن توعىسپالى اشۋدى، باسقارۋدى جالپىلاستىرىپ، ”دارەتحانا توڭكەرىسىن“ ۇزدىكسىز ىشكەرىلەي ىلگەرىلەتىپ، تاس جول قىزمەت وتەۋ اۋماعىنىڭ ساپاسىن ارتتىرىپ، سيىمدىلىعىن كەڭەيتۋدى ءتارتىپتى ىلگەرىلەتەمىز؛ تاس جول تاسىمالىنىڭ ساياحاتقا قىزمەت وتەۋ ساپاسىن جوعارىلاتىپ، كوپ تۇرلىلەنگەن قاتىناسپەن جولاۋشىلاۋدى جانە ساياحات جالپىلىق ينفورماتسياسى بويىنشا قىزمەت وتەۋدى كۇشەيتىپ، ”شينجياڭدى ساياحات ارقىلى گۇلدەندىرۋ“ ستراتەگياسىن ىشكەرىلەي اتقارۋدى ىلگەرىلەتەمىز.

شينجياڭ تەمىر جول تاراۋلارى: ”ساياحات + تەمىر جولدىڭ “ توعىسپالى دامۋىن ىلگەرىلەتتى

  شينجياڭ تەمىر جول ساياحات دامىتۋ توبى شەكتى سەرىكتەستىگىنىڭ ورىنباسار باس ديرەكتورى حۋاڭ تيڭفىن بىلاي دەدى: شينجياڭ تەمىر جول تاراۋلارى ”ساياحات ارقىلى شينجياڭدى گۇلدەندىرۋ“ ستراتەگياسىن بەلسەنە اتقارىپ، تەمىر جول قۇرىلىسىن جەدەل ىگەرىلەتتى، حوتان − چارقىلىق تەمىر جولىنىڭ اشىلىپ، ىسكە قوسىلۋىنا بايلانىستى شينجياڭ تەمىر جولىنىڭ وڭتۇستىك، سولتۇستىك شينجياڭ قوس اينالمالى جەلىسى قالىپتاسىپ، تەمىر جول تورابى اناعۇرلىم دامىدى. شينجياڭ تەمىر جول تاراۋلارى ”پويەزبەن شينجياڭدى ساياحاتتاۋ“ ساياحات پويەزى ماركاسىن كۇش سالا تۇلعالاپ، ەكولوگيالىق ساياحات ءدالىزى قۇرىلىسىن ارقاۋ ەتە وتىرىپ، ”سولتۇستىك شينجياڭدى اينالىپ ساياحاتتاۋ“، ”وڭتۇستىك شينجياڭدى ەمىن - ەركىن تاماشالاۋ“، ”وڭتۇستىك − سولتۇستىك شينجياڭدى اينالىپ ساياحاتتاۋ“، ”شيندۇڭفاڭ جۇردەك پويەزى“ سياقتى ساياحات ارناۋلى پويەز ونىمدەرىن ۇزدىكسىز بايىتتى، كەمەلدەندىردى. ساياحاتتىڭ قاۋىرت مەزگىلىندەگى جولى قولايلى، ۇشتاسقان ساياحاتى دۋماندى قالالاردىڭ جولاۋشى اعىنى جاعدايىنا دالمە - ءدال تالداۋ جاساي وتىرىپ، ساياحاتشىلار پويەزىنىڭ تاسىمالداۋ قابىلەتىن، تاسىمالداۋ كۇشىن يكەمدى ورنالاستىرىپ، ”ساياحات + تەمىر جولدىڭ“ توعىسپالى دامۋىن زور كۇشپەن ىلگەرىلەتىپ، ساياحاتشىلاردىڭ شينجياڭدى ەمىن - ەركىن ارالاۋىنا ءتىپتى دە كوپ قولايلىلىق جاسادى جانە ءتىپتى دە جاقسى قىزمەت وتەۋمەن قامدادى. ”قوناقتاردى شينجياڭعا ەنگىزۋ“ قىزمەتىن بەلسەنە، ويداعىداي ىستەپ، شينجياڭ ساياحات بازارىن جانداندىرۋدى، اينالىمعا ءتۇسىرۋدى، دۋمانداتۋدى ىلگەرىلەتتى.

شينجياڭ مادەنيەت - ساياحات قارجى قوسۋ توبى: تاڭداۋلى نىسان قۇرىلىسى ينجەنەرياسىن اتقاردى

  شينجياڭ مادەنيەت - ساياحات قارجى قوسۋ توبى پارتكومىنىڭ ورىنباسار شۋجيى، باس ديرەكتورى ۋاڭ حۇڭجياڭ بىلاي دەدى: شينجياڭ مادەنيەت - ساياحات قارجى قوسۋ توبى شينجياڭ ساياحات كاسىبىنىڭ جوعارى ساپالى دامۋىنا ورالعى بولاتىن بوگەتتەردى تالقانداۋدىڭ جاسامپازدىق وي جەلىسىن، شاراسىن بەلسەنە جوسپارلاپ، باستاماشىلدىق، تىرەكتىلىك رولىن قالاي ساۋلەلەندىرۋگە مۇقيات تالداۋ جاساپ، تۇتاس رايوننىڭ ساياحات كاسىبىن دامىتۋدى بەلەسكە كوتەرۋدى، جاڭا جاعداي اشۋدى ىلگەرىلەتۋدە. تۇتاس رايونداعى ءارقايسى ايماق، وبلىس، قالالاردىڭ ەندىك كەشەندى شاراسىن ويداعىداي جۇرگىزىپ، جوعارى دەڭگەيدەگى جوبالاۋدى ويداعىداي ىستەيدى. ءارقايسى ايماق، وبلىس، قالالارمەن بەلسەندى تۇردە بىرىككەن كۇش قالىپتاستىرىپ، مايەكتى مادەنيەت، كوركەم كورىنىس، وزەكتى ماركانى ساباقتاستىرىپ، دۇنيە جۇزىلىك دەڭگەيدەگى ساياحات نىسانالى جەر، ءىرى ساياحات كاسىبىن دامىتۋ ورنالاستىرىلۋىن جۇيەلى جوسپارلاپ، ساياحات كاسىبىن دامىتۋدىڭ جاڭا كۇيىن، جاڭا ۇلگىسىن، جاڭا ءونىمىن كۇشتى شوعىرلاندىرا وتىرىپ دامىتىپ، تاڭداۋلى نىسان قۇرىلىس ينجەنەرياسىن اتقارادى. ساياحات كاسىپ سالاسى تىزبەگىنىڭ بويلىق كەشەندى شاراسىن ويداعىداي اتقارىپ، بازاردى باعدار ەتۋگە تاباندى بولىپ، ساياحات بازارى تۇلعاسىن دامىتادى، زورايتادى. مادەنيەت - ساياحات تاراۋلارى باس بولىپ، مادەنيەت - ساياحات كاسىپ سالاسىنا جەتەكشىلىك قورىن قۇرىپ، سايكەستى قولداۋ كورسەتۋ ساياساتىن اقىلداسىپ، شىعارىپ، شينجياڭ مادەنيەت - ساياحات قارجى قوسۋ توبىن نەگىزگى تۇلعا ەتكەن شينجياڭ مادەنيەت - ساياحات فينانس قىزمەت وتەۋ ورتالىعىن ۇيىمداستىرىپ قۇرىپ، وسى ورتالىققا اماناتتاپ باسقارتىپ، اينالىمعا سالىپ، قارجى قوسىپ، جەرگىلىكتى ساياحات بازارى تۇلعالارىن كۇشەيتىپ، ساپالىلاندىرىپ، ۇلعايتىپ، ورتا، شاعىن، ۇساق كاسىپورىنداردى جانە جاڭاشا ساياحاتتى دامىتۋ تۇلعالارىن بەلسەنە سۇيەمەلدەۋدى ۇسىنىس ەتەمىز. سونىمەن بىرگە تاعى ”مادەنيەت - ساياحات + عىلىم - تەحنيكا + زەردەلى جەتەكتەۋ“ كوپ نەگىزدى كەشەندى شارانى ويداعىداي جۇرگىزىپ، دامۋدىڭ قوزعاۋشى كۇشىن بەكەمدەيدى.

(تىلشىلەر ءابيبا، لۋ فىڭباۋ، رىن جياڭ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.