— اۆتونوميالى رايوندىق تاڭداۋلى كوممۋنيستىك پارتيا مۇشەسى حاۋ شياڭلي جونىندە
□ انار بۇلت \ شينجياڭ گازەتىنىڭ ءتىلشىسى ءرايدا
6 - ايدىڭ 29 - كۇنى تاڭ اتىسىمەن شاعانتوعاي اۋدانى جاڭعىز اۋىلى جاڭعىز قىستاعى پارتيا ياچەيكاسىنىڭ شۋجيى حاۋ شياڭلي قىستاقتاعى شاعانتوعاي اۋىل شارۋاشىلىعىن تاماشالاۋ باقشاسىنا كەلدى. ”6 - ايدىڭ 25 - كۇنى باقشا اشىلعاننان بەرى ءبىز ءار كۇنى 1000عا تارتا ساياحاتشى قابىلدادىق، تيجاراتتى ەندى عانا باستاعاندىقتان، مەنىڭ جۇمىس باسىندا كوپتەگەن ىستەردىڭ سوڭىنا ءتۇسۋىم كەرەك“، - دەدى حاۋ شياڭلي.
شاعانتوعاي اۋىل شارۋاشىلىعىن تاماشالاۋ باقشاسىنان شىعىپ، قىستاق جولىندا كەلە جاتىپ، رەتتى تەمىر اشەكەي قورشاۋدى، جاڭاشا كۇن ەنەرگياسى جول شىراقتارىن، تاپ - تازا اسفالت جولدى، قايشالىسىپ جۇرگەن ساياحاتشىلاردى كورگەندە حاۋ شياڭلي ىشتەي ەرەكشە تەبىرەندى. ”وزگەرىس، شىنىمەن، زور ەكەن“، - دەدى حاۋ شياڭلي.
جاڭعىز اۋىلى جاڭعىز قىستاعى شاعانتوعاي اۋدان قالاشىعىنىڭ باتىسىندا 3 كيلومەتر جەرگە ورنالاسقان، اۋىل شارۋاشىلىعىن نەگىز ەتكەن، ەگىن شارۋاشىلىعى مەن مال شارۋاشىلىعى ۇشتاسقان قالا ماڭىنداعى قىستاق. كەزىندە توپىراعى قۇنارسىز، سۋ بايلىعى تاپشى بولعاندىقتان، قىستاق تۇرعىندارىنىڭ كىرىسى تومەندەۋ بولاتىن.
2019 - جىلى حاۋ شياڭلي وسى قىستاق پارتيا ياچەيكاسىنىڭ شۋجيى مىندەتىن ۇستىنە الدى، ول دارىندى ەنگىزىپ، قىستاق تۇرعىندار كوميتەتى القاسىن كۇشەيتىپ، وي جەلىسىن ايقىنداپ، نەگىزگى ساتى پارتيا ۇيىمىن اتتانىسقا كەلتىردى. قىستاقتىڭ ناقتى جاعدايىنا نەگىزدەلىپ، ءوز باسىمدىعىن ىسكە قوسقان حاۋ شياڭلي القا مۇشەلەرىن باستاپ ”ورگانيكالى اۋىل شارۋاشىلىعى + اۋىل - قىستاق ساياحات كاسىبى“ سىندى دامۋ ورنىن تۇراقتاندىردى؛ پارتيا ياچەيكاسىنىڭ باسشىلىعىنداعى ءتۇرلى شارۋالار كاسىپتىك سەلبەستىك كووپەراتيۆى ۇيىمىن قۇرىپ، ”ياچەيكا + بايۋ باستاماشىسى“ ءتاسىلىن قولدانىپ، قىستاق تۇرعىندارىنىڭ ىستەگىسى كەلۋىنە، ەرىپ ىستەۋىنە، ىرىقتىلىقپەن ىستەۋىنە مۇمكىندىك جاسادى. ساياحات ءدالىزى باسىمدىعىن سۇيەنىش ەتىپ، حاۋ شياڭلي ”پارتيا قۇرىلىسى + ساياحات“، ”پارتيا قۇرىلىسى + اۋىل - قىستاقتى گۇلدەندىرۋ“، ”پارتيا قۇرىلىسى + ارتىق ەڭبەككۇشتى سىرتقا شىعارۋ“ سياقتى ۇلگىلەر ارقىلى ”ءۇش باقشا، ءبىر جول“ باقشا ەكونوميكالىق كەشەندى تۇلعاسىن قالىپتاستىرىپ، قىستاق تۇرعىندارىنا ىستەيتىن جۇمىس، اقشا تاباتىن وراي تاۋىپ بەرۋدى العا قويدى.
2019 - جىلدان باستاپ جاڭعىز قىستاعى 39 اۋىل - قىستاقتى گۇلدەندىرۋ ءتۇيىندى نىسانىن باستاپ اتقاردى، قازىرگە دەيىن اۋىل - قىستاقتى گۇلدەندىرۋگە 5 جىلدا قوسىلاتىن جالپى قارجىنىڭ ％70ىن قوسىپ بولدى. حالىق تۇرمىسى تۇرىندەگى قۇرىلىس نىساندارىنا جيىنى 47 ميلليون يۋان قارجى قوستى. شات - شادىمان باقشانى، ساياحاتتاي ءجۇرىپ زات ساتىپ الۋ باقشاسىن، ەلەكتروندى ساۋدا تۇعىرىن ”70 -، 80 - جىلدار“ اسەرىن سەزىنۋ باقشاسىمەن بىرلەستىرىپ، مادەنيەت پەن ساياحات ۇشتاستىرىلعان جاڭعىز قىستاعى ساۋدا، كوڭىل اشۋ شەڭبەرىن قۇرىپ، ساياحاتشىلار ءۇشىن تاماقتانۋ، قونۋ، ءجۇرۋ، ساياحاتتاۋ، تاربيە، كوڭىل اشۋ ءبىر تۇلعالانعان مادەنيەت - ساياحات جاڭا كەشىرمەسىن ازىرلەدى.
حاۋ شياڭليدىڭ جەتەكشىلىگىندە قىستاق ەرەكشە ەگىمشىلىك، باعىمشىلىق كاسىبىن، اۋىل شارۋاشىلىق ونىمدەرىن مانەرلەۋ كاسىبىن، اۋىل - قىستاققا قىزمەت وتەۋ كاسىبىن بەلسەنە دامىتىپ، اۋىل شارۋاشىلىق ونىمدەرىن مانەرلەيتىن ءبىر توپ باستاماشى كاسىپورىندى جەتىلدىرىپ جانە ەنگىزىپ، ونىمدەردىڭ قوسىمشا قۇنىن ۇزدىكسىز ءوسىرىپ، شارۋالاردىڭ كىرىسىن جالپى بەتتىك جوعارىلاتىپ، كاسىپ تىزبەگىن، فاكتور تىزبەگىن جانە مۇددە تىزبەگىن ۇزارتتى.
قىستاق ينتەرنەتتە تانىمالى حالىقتىق تۇسەلحانا كوشەسىن دە تۇلعالادى، مۇندا 11 حالىقتىق تۇسەلحانا جانە 6 شارۋالار شاتتىعى ساياجايى بار.
2020 - جىلى تالاي جىل سىرتتا جۇرگەن تيان گايليڭ قىستاقتىڭ دامۋىنىڭ كەرەمەت ەكەندىگىن كورگەننەن كەيىن، اۋىلىنا قايتىپ شارۋاشىلىق قۇرۋعا بەكىپ، حالىقتىق تۇسەلحانا قىزمەت وتەۋ اترەتىن باستاماشىلدىقپەن قۇردى. ول: ”حاۋ شۋجي جاقسى شۋجي، ونىڭ باسشىلىعىندا ءبىزدىڭ تۇرمىسىمىز بارعان سايىن جاقسارا ءتۇستى“، - دەدى.
