5A دارەجەلى كورىنىس وڭىرلەرىنىڭ كۇنىنە ورتا ەسەپپەن قابىلداعان ساياحاتشى مولشەرى 110 مىڭ ادام - رەتتەن استى
شينجياڭ ساياحاتى ۇزدىكسىز جانداندى
انار بۇلت \ شينجياڭ گازەتىنىڭ ءتىلشىسى ءابيبا 7 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسى اشقان اۆتونوميالى رايوننىڭ ساياحاتتى دامىتۋ جينالىسىنىڭ رۋحىن دايەكتىلەندىرىپ، تياناقتاندىرىپ، ەكونوميكانىڭ اينالىمىن رەتتەۋ ماجىلىسىنەن ۇعىسۋىمىزشا، جاز ورتاسىندا شينجياڭنىڭ ساياحاتى ۇزدىكسىز جاندانىپ، ىندەتتەن ساقتانۋ - تىزگىندەۋدى ويداعىداي ىستەۋ نەگىزىندە شار تاراپتان كەلگەن ساياحاتشىلاردى قىزۋ قارسى العان. 7 - ايدان بەرى رايونىمىزداعى 5A دارەجەلى ساياحات كورىنىس وڭىرلەرىنىڭ كۇنىنە ورتا ەسەپپەن قابىلداعان ساياحاتشى مولشەرى 110 مىڭ ادام - رەتتەن اسقان.
ۇعىسۋعا قاراعاندا، ساياحاتشىلاردى قابىلداۋ مولشەرى جاعىندا 5A دارەجەلى ساياحات كورىنىس وڭىرلەرىنىڭ كۇنىنە ورتا ەسەپپەن ساياحاتشى قابىلداۋ مولشەرى 6 - ايداعى سول تۇستاعىمەن سالىستىرعاندا ارتۋ مولشەرى ％201.08كە جەتكەن؛ 7 - ايدان بەرى نارات، قاناس، بوعدا، سايرام، كوكتوعاي سياقتى كورىنىس وڭىرلەرىندە ءار كۇنى ناق بەلەت ساتىپ العان ادام 10 مىڭنان اسقان.
نارات كورىنىس ءوڭىرى باسقارۋ كوميتەتىنىڭ ورىنباسار مەڭگەرۋشىسى ياڭ چۋانجۇن بىلاي دەپ تانىستىردى: نارات كورىنىس وڭىرىندە 6 - ايدىڭ سوڭىنان باستاپ قازىرگە دەيىن ءار كۇنى بەلەت ساتىپ العان ادام سانى 10 مىڭنان استى، 7 - ايدىڭ 7 - كۇنى 12 مىڭ ادام بەلەت ساتىپ الدى، قۇربان ايت مەرەكەسى دەمالىسىندا بۇرىنعى جىلداعى ءار كۇنى ەڭ جوعارعى 33 مىڭ ادام - رەتتەن اساتىنىنان ءۇمىت بار. كورىنىس وڭىرلەرى ءتۇرلى قابىلداۋ قىزمەتىن ويداعىداي ىستەۋگە بارىنشا كۇش سالىپ، ساياحاتشىلاردىڭ قاۋىرت كەلۋىن قارسى الۋدا.
جۇلدىز دارەجەلى مەيمانحانالاردىڭ جالعا بەرۋ سالىستىرماسى جاعىندا، تۇتاس رايونداعى جۇلدىز دارەجەلى 386 مەيمانحانانىڭ 5 - ايدان باستاپ جالعا بەرۋ سالىستىرماسى اي سايىن ارتقان، 7 - ايدان بەرى كۇنىنە ورتا ەسەپپەن جالعا بەرۋ سالىستىرماسى ％53.87 بولعان، ىلە، التاي ەكى جەردىڭ جالعا بەرۋ سالىستىرماسى، اۋەلى، ％90تەن جوعارى بولعان.
شينجياڭ زۇنماۋ يىندۋ قوناق ءۇيىنىڭ بازار تيجارات - ساۋدا باس باقىلاۋشىسى ۋ گوچياڭ مىنالاردى ءبىلدىردى: 7 - ايدان بەرى وسى قوناق ءۇيدىڭ جالعا بەرۋ سالىستىرماسى ％63كە جەتتى، توردا الدىن الا كەلىسۋدە 8 - ايعا دەيىن ورنالاستىرىلىپ بولدى، ”شينجياڭ ساياحاتىنىڭ بارعان سايىن جاندانۋىنا بايلانىستى، 7 - ايداعى جالعا بەرۋ سالىستىرماسىنىڭ ％70تەن اساتىنىنا سەنەمىز. ءبىز قىزمەت وتەۋ بۋىندارىن ۇزدىكسىز كەمەلدەندىرىپ، ساياحاتشىلاردىڭ رازى بولۋ دارەجەسىن جوعارىلاتىپ، ولاردىڭ قايتىپ بارعاننان كەيىن دە شينجياڭنىڭ كوركەمدىگىن، شينجياڭنىڭ جاقسى ەكەندىگىن ەستەن شىعارماۋىنا مۇمكىندىك جاسايمىز“.
ساياحات سەرىكتەستىگىنىڭ توپتىق ساياحاتشى قابىلداۋ جاعىندا، تۇتاس رايونداعى 796 ساياحات سەرىكتەستىگىنىڭ ساياحاتشى قابىلداۋ مولشەرى اي سايىن ارتقان. 6 - ايدا كۇنىنە ورتا ەسەپپەن 340 ۇيىرمە، 6542 ادام بولعان؛ 7 - ايدان بەرى كۇنىنە ورتا ەسەپپەن 1446 ۇيىرمە، 22 مىڭ 100 ادام بولعان. قاشقار ياڭگۋاڭ جىلۇي ساياحات شەكتى سەرىكتەستىگىنىڭ باس ديرەكتورى ۋاڭ ي بىلاي دەپ تانىستىردى: 7 - ايدان بەرى وسى ساياحات سەرىكتەستىگى كۇنىنە ورتا ەسەپپەن 200 ادام - رەت ساياحاتشى قابىلداپ، بۇرىنعى جىلدارمەن سالىستىرعاندا ％30 ارتتى، ”ساياحاتشىلاردىڭ قاۋىرت كەلۋىنە سەنىمىمىز كامىل. قازىر ساياحات سەرىكتەستىگى جەرگىلىكتى جول باستاۋ قوعامىمەن سەلبەسىپ كوپتەگەن ايگىلى جول باستاۋشىلاردى اكەلىپ، ساياحاتشىلاردىڭ سەزىنۋ مولشەرىن جوعارىلاتتى.
ساياحات ارناۋلى پويەزى، ۇشاق جالداۋ، ۇيىرمە قۇراپ ءوز اۆتوكولىگىمەن ساياحاتتاۋ... ساياحاتشىلاردى شينجياڭعا جان - جاقتىلى باۋراۋ ءۇشىن، رايونىمىزدىڭ جەر - جەرى ءبىر قىدىرۋ ناقتى تيىمدىلىك جاساۋ ساياساتىن جولعا قويدى، ونىمدىلىگى بىرتىندەپ كورىنە باستادى.
ساياحات جالداما ۇشاعىن جانە ارناۋلى پويەز جۇرگىزۋ جاعىندا، اقسۋ ايماعىنىڭ ”جىجياڭ مەن شينجياڭدى سۇيەمىن“ جەلىلەس قيمىلى 7 - ايدىڭ سوڭىنا دەيىن ورنالاستىرعان ساياحات جالداما ۇشاعى جانە ارناۋلى پويەزى 40 رەتتەن، جىجياڭدىق ساياحات ۇيىرمەسى 680نەن اسىپ، ارناۋلى پويەز ساياحات ۇيىرمەسىن كۇن ارالاتىپ قوسۋدى، ءبىر كەزەك ۇشاق قوسۋدى نەگىزىنەن جۇزەگە اسىردى. 6 - ايدان باستاپ، ىلە قازاق اۆتونوميالى وبلىسى، التاي ايماعى، بۇراتالا موڭعۇل اۆتونوميالى وبلىسى، بايىنعولين موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، قاشقار ايماعى، تۇرپان قالاسى، قىزىلسۋ قىرعىز اۆتونوميالى وبلىسى سياقتىلاردىڭ ساياحات جالداما ۇشاعى، ارناۋلى پويەزى ارت - ارتىنان ىسكە قوسىلدى. شينجياڭ تەمىر جول ساياحات ارناۋلى پويەزىنان 102سىن جۇرگىزۋدى جوسپارلاۋدا، شينجياڭ حالىقتىق اۆياتسيا جاعىندا گۋاڭجوۋ، شي - ان، چىڭدۋ سياقتى ساياحات قاينارى مول جەرلەرگە كەزەكشى ۇشاق سانىن جيىلەتىپ، جولاۋشىلاردىڭ ساياحاتتىڭ قاۋىرت مەزگىلىندە جولاۋشىلاۋ قاجەتىن قاناعاتتاندىرادى.
