شي جينپيڭ جۇڭگو مەملەكەتتىك مۇراجايداعى ساقا ماماندارعا جاۋاپ حات قايتارىپ، بىلاي دەپ باسا دارىپتەدى
مادەني ەسكەرتكىشتەردى جاندى پايدالانۋدى ىلگەرىلەتىپ، وركەنيەت اۋىس - كۇيىسىن، ءوزارا ۇلگى الۋدى جەبەپ، جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاۋ، ويداعىداي جالعاستىرۋ، ويداعىداي ايگىلەۋ كەرەك
جاۋاپ حات
جۇڭگو مەملەكەتتىك مۇراجايداعى ساقا ماماندار:
سالەمەتسىزدەرمە! جازعان حاتتارىڭىزدى تاپسىرىپ الدىم. مەن كەزىندە تالاي رەت مەملەكەتتىك مۇراجايعا بارىپ ەكسكۋرسيالاپ، تەرەڭ اسەر العانمىن. مەملەكەتتىك مۇراجايدىڭ ساقتاۋ، زەرتتەۋ، ايگىلەۋ، سىرتپەن اۋىس - كۇيىس جاساۋ سياقتى جاقتاردا جاڭا ىلگەرىلەۋشىلىككە قول جەتكىزگەندىگىن ەستىپ قاتتى ءسۇيىندىم. مەملەكەتتىك مۇراجاي قۇرىلعاندىعىنىڭ 110 جىلدىعى بايلانىسىمەن سىزدەردى قىزۋ قۇتتىقتايمىن! مەملەكەتتىك مۇراجايداعى بارلىق جولداستاردان شىنايى حال سۇرايمىن!
مۇراجاي − ادامزات وركەنيەتىن قورعايتىن جانە جالعاستىراتىن ماڭىزدى ورىن، مادەني ەسكەرتكىش جانە مۇراجاي قىزمەتكەرلەرىنىڭ بورىشى داڭقتى، جاۋاپكەرشىلىگى اۋىر. جولداستاردىڭ دۇرىس ساياسي بەتالىسقا تاباندى بولىپ، مادەنيەت سەنىمىن بەكەمدەپ، ءىلمي زەرتتەۋدى تەرەڭدەتىپ، كورمەگە قويۋدا، ايگىلەۋدە جاڭالىق اشىپ، مادەني ەسكەرتكىشتەردى جاندى پايدالانۋدى ىلگەرىلەتىپ، وركەنيەت اۋىس - كۇيىسىن، ءوزارا ۇلگى الۋدى جەبەپ، جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاپ، ويداعىداي جالعاستىرىپ، ويداعىداي ايگىلەپ، مادەني ەسكەرتكىش جانە مۇراجاي ىستەرىن دامىتۋعا، سوتسياليستىك مادەنيەتتە قۋاتتى ەل قۇرۋعا ۇزدىكسىز تىڭ ۇلەس قوسۋىن ءۇمىت ەتەمىن.
شي جينپيڭ
2022 - جىلى 7 - ايدىڭ 8 - كۇنى
(شينحۋا اگەنتتىگىنىڭ 7 - ايدىڭ 9 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 7 - ايدىڭ 9 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 8 - كۇنى جۇڭگو مەملەكەتتىك مۇراجايداعى ساقا ماماندارعا جاۋاپ حات قايتارىپ، مەملەكەتتىك مۇراجاي قۇرىلعاندىعىنىڭ 110 جىلدىعى بايلانىسىمەن مەملەكەتتىك مۇراجايداعى بارلىق جولداستاردى قىزۋ قۇتتىقتادى جانە ولاردان شىنايى حال سۇرادى.
شي جينپيڭ جاۋاپ حاتىندا بىلاي دەدى: مەن كەزىندە تالاي رەت مەملەكەتتىك مۇراجايعا بارىپ ەكسكۋرسيالاپ، تەرەڭ اسەر العانمىن. مەملەكەتتىك مۇراجايدىڭ ساقتاۋ، زەرتتەۋ، ايگىلەۋ، سىرتپەن اۋىس - كۇيىس جاساۋ سياقتى جاقتاردا تىڭ ىلگەرىلەۋشىلىككە قول جەتكىزگەندىگىن ەستىپ قاتتى ءسۇيىندىم.
شي جينپيڭ بىلاي دەپ باسا دارىپتەدى: مۇراجاي − ادامزات وركەنيەتىن قورعايتىن جانە جالعاستىراتىن ماڭىزدى ورىن، مادەني ەسكەرتكىش جانە مۇراجاي قىزمەتكەرلەرىنىڭ بورىشى داڭقتى، جاۋاپكەرشىلىگى اۋىر. جولداستاردىڭ دۇرىس ساياسي بەتالىسقا تاباندى بولىپ، مادەنيەت سەنىمىن بەكەمدەپ، ءىلمي زەرتتەۋدى تەرەڭدەتىپ، كورمەگە قويۋدا، ايگىلەۋدە جاڭالىق اشىپ، مادەني ەسكەرتكىشتەردى جاندى پايدالانۋدى ىلگەرىلەتىپ، وركەنيەت اۋىس - كۇيىسىن، ءوزارا ۇلگى الۋدى جەبەپ، جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاپ، ويداعىداي جالعاستىرىپ، ويداعىداي ايگىلەپ، مادەني ەسكەرتكىش جانە مۇراجاي ىستەرىن دامىتۋعا، سوتسياليستىك مادەنيەتتە قۋاتتى ەل قۇرۋعا ۇزدىكسىز تىڭ ۇلەس قوسۋىن ءۇمىت ەتەمىن.
جۇڭگو مەملەكەتتىك مۇراجايىنىڭ توركىنى 1912 - جىلى 7 - ايدا قۇرىلعان مەملەكەتتىك تاريح مۇراجايى دايىندىق باسقارماسى. جاڭا جۇڭگو قۇرىلعاننان كەيىن، تيان - انمىن الاڭىنىڭ شىعىس جاعىنان جاڭادان جۇڭگو توڭكەرىستىك مۇراجايى مەن جۇڭگو تاريح مۇراجايى سالىندى. 2003 - جىلى 2 مۇراجاي بىرىكتىرىلىپ جۇڭگو مەملەكەتتىك مۇراجايى بولىپ قۇرىلدى، 2012 - جىلى جاڭالانىپ، كەڭەيتىلگەن سوڭ سىرتقا رەسمي اشىق ۇستالدى، قازىر ءبىر ميلليون 400 مىڭنان استام ساقتاۋلى بۇيىم بار. تاياۋدا مەملەكەتتىك مۇراجايداعى 10 ساقا مامان باس شۋجي شي جينپيڭگە حات جازىپ، مەملەكەتتىك مۇراجايدىڭ 110 جىلدان بەرگى دامۋ بارىسىن تانىستىرىپ، مەملەكەتتىك مۇراجايدىڭ ساقتالعان زاتتاردى جيناۋ، مادەني ەسكەرتكىشتەردى قورعاۋ، كورمەگە قويۋ، ايگىلەۋ سياقتى جاقتاردا ىستەگەن قىزمەتتەرىنەن مالىمەت بەرىپ، مەملەكەتتىك مۇراجايداعى قىزمەتكەرلەردىڭ بورىشتى ەستە بەرىك ساقتاپ، مادەنيەتتە قۋاتتى ەل قۇرۋعا كۇش - قۋاتتارىن ارنايتىن بەكىمدەرىن بىلدىرگەن بولاتىن.
