ءۇرىمجى:
ورتالىق قالا دامۋدىڭ قۋاتتى ءۇنىن شىعانداتتى
اشىق اسپان، اقشا بۇلت استىنداعى ۇرىمجىدە جاقىن ماڭدار جاسىل جەلەك جامىلىپ، الىستاعى ءزاۋلىم عيماراتتار بيىككە بوي سوزىپ تۇر (6 - ايدىڭ 26 - كۇنى ۇشقىش اپپاراتپەن تۇسىرىلگەن). قازىر ءۇرىمجىنىڭ جاسىل جامىلعىمەن كومكەرىلۋ مولشەرى ％92.39كە جەتىپ، قالانىڭ ەكولوگيالىق ورتاسى مەن قونىستانۋ ورتاسى ۇزدىكسىز جاقسارىپ، تىرشىلىك تىنىسى قاۋلاعان جاسىل قالا بوي كوتەرىپ كەلەدى. □ سۋرەتتى يان پىڭ تۇسىرگەن
كەرەمەت 10 جىل. ايماق، وبلىستارعا ساپار
【رەداكتوردان】 پارتيا 18 - قۇرىلتايىنان بەرى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن اسقاق جىگەرمەن قايراتتانا العا ىلگەرىلەۋگە ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىندا تياناقتانىپ، تامىر تارتۋىن ىلگەرىلەتتى، شينجياڭنىڭ بايتاق دالاسىندا تەرەڭ وزگەرىستەر تۋىلدى. بۇگىننەن باستاپ انار بۇلت \ شينجياڭ گازەتى ”جاڭا ساپاردا ەكپىندەي ىلگەرىلەپ، جاڭا داۋىردە ۇلەس قوسايىق“ باس ايدارىندا ”كەرەمەت 10 جىل، ايماق، وبلىستارعا ساپار“ ايدارشاسىن اشىپ، نازاردى 14 ايماق، وبلىس، قالانىڭ ەكونوميكالىق، قوعامدىق دامۋىنا، وزگەرىسىنە شوعىرلاندىرىپ، شينجياڭنىڭ رەفورمادا، دامۋدا، ورنىقتىلىقتا قول جەتكىزگەن كورنەكتى ناتيجەلەرىن جان - جاقتىلى ايگىلەپ، ءار ۇلت بۇقاراسىنىڭ ۇزدىكسىز كۇشەيگەن تابىس سەزىمىن، باقىت سەزىمىن، حاۋىپسىزدىك سەزىمىن جاندى كورسەتىپ، جاڭا جورىقتا ەكپىندەي ىلگەرىلەۋدىڭ، جاڭا داۋىردە ەسە قوسۋدىڭ تاسقىنداعان كۇشىن ۇيىستىرادى.
□ انار بۇلت \ شينجياڭ گازەتىنىڭ ءتىلشىسى گو چيان
شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ ءوندىرۋ سەحىندا، 8 ساعاتتىق جۇمىس ۋاقىتى ىشىندە ورتا ەسەپپەن ءار 12 مينۋتتا ءبىر اۋىر تيپتى جۇك اۆتوكولىگى ءوندىرىس جەلىسىنەن شىعادى. بيىل الدىڭعى 6 ايدا وسى سەرىكتەستىك جيىنى 2396 تاپسىرىس قابىلداپ، 750 ميلليون يۋاندىق ءونىم قۇنىن جۇزەگە اسىردى؛ تيبىن وزگەرتىپ، دارەجەسىن جوعارىلاتۋ ارقىلى سەرىكتەستىك سوڭعى جارتى جىلدا تاعى جاڭا ەنەرگيالى ساۋدالىق اۆتوكولىك تيبىن شينجياڭنىڭ وزىندە ءوندىرۋدى جۇزەگە اسىرادى.
شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ جەدەل دامۋى ءۇرىمجى قالاسىنىڭ جاڭا دامۋ ۇستانىمىن امالياتتا ايگىلەپ، جوعارى ساپالى دامۋدى ىلگەرىلەتۋىنىڭ ىقشام كورىنىسى.
پارتيا 18 - قۇرىلتايىنان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، ءۇرىمجى قالاسى جاڭا داۋىردەگى جۇڭگوشا سوتسياليستىك شينجياڭ قۇرۋداعى ورتالىق قالا رەتىندە جوعارى ساپالى دامۋدى ىلگەرىلەتىپ، قوعام ورنىقتىلىعىنىڭ، حالىقتىڭ تىنىش ءومىر، شات - شادىمان تىرشىلىك كەشىرۋىنىڭ ەكپىندەي ىلگەرىلەۋ كۇي تاراۋىن اسقاقتاتتى.
كاسىپ سالاسىنىڭ شوعىرلانۋى جوعارى ساپالى دامۋعا دەم بەردى
7 - ايدىڭ 3 - كۇنى اشىلعان 2022 - جىلعى شينجياڭ اۋىل شارۋاشىلىق ماشينالارى كورمەسىندە، تەمىر جول قۇرىلىسى اۋىر ونەركاسىبى شينجياڭ شەكتى سەرىكتەستىگى دەربەس زەرتتەپ اشقان وتاندىق العاش جاسالعان وزىق، زەردەلى التى قاتارلى ماقتا جيناۋ ماشيناسى، ءۇش قاتارلى دوربالايتىن ماقتا جيناۋ ماشيناسى جانە وتاندىق العاش جاسالعان 6 مەترلىك ورۋ كولەمىندەگى ءشوپ سۇرلەۋ ماشيناسى كوپتەگەن اۋىل شارۋاشىلىق ماشينالارىن ساتىپ الۋشى ساۋداگەرلەردى باۋرادى. وسى سەرىكتەستىك دەربەس زەرتتەپ اشقان اۋىل شارۋاشىلىعى ماشينالارى تازا جيناۋ مولشەرى، زەردەلىلەندىرۋ جاعىندا حالىقارالىق وزىق ورەگە جەتتى.
ءۇرىمجى مۇناي حيميا ونەركاسىپ سەرىكتەستىگىن، مەملەكەت ەنەرگيا توبى شينجياڭ حيميا ونەركاسىپ شەكتى سەرىكتەستىگىن ۋاكىل ەتكەن ەنەرگيا، حيميا ونەركاسىپ كاسىپ سالاسى، شينجياڭ جۇڭحى شەكتى سەرىكتەستىگىن، شينتى شەكتى سەرىكتەستىگىن، جىڭۋي شەكتى سەرىكتەستىگىن، لۇڭجۇي شەكتى سەرىكتەستىگىن ۋاكىل ەتكەن اليۋمين نەگىزدى، كرەمني نەگىزدى، مىس نەگىزدى، كومىرتەگى نەگىزدى جاڭا ماتەريالدار كاسىپ سالاسى، 1 - تامىز بولات - تەمىر شەكتى سەرىكتەستىگىن ۋاكىل ەتكەن مەتاللۋرگيا جانە مەتال بۇيىمدارى كاسىپ سالاسى، تەمىر جولى قۇرىلىسى اۋىر ونەركاسىبى شينجياڭ شەكتى سەرىكتەستىگىن، مۋشىن ماشينالار شەكتى سەرىكتەستىگىن، جولاڭ زەردەلى جابدىقتار شەكتى سەرىكتەستىگىن، جينفىڭ عىلىم - تەحنيكا شەكتى سەرىكتەستىگىن ۋاكىل ەتكەن اۋىل شارۋاشىلىعى ماشينالارى، توقىماشىلىق، جەل ەلەكتر جابدىقتارىن جاساۋ كاسىپ سالاسى، شاڭحاي داجۇڭ اۆتوموبيل شەكتى سەرىكتەستىگى، گۋاڭجوۋ اۆتوموبيل توبى، شانشي اۆتوموبيل توبى، دۇڭفىڭ اۆتوموبيل سەرىكتەستىگى قاتارلىلاردى ۋاكىل ەتكەن اۆتوكولىك جاساۋ كاسىپ سالاسى، جۇڭگو استىق توبى كوكاكولا شەكتى سەرىكتەستىگىن، شيحۋ سىراسى شەكتى جاۋاپكەرشىلىك سەرىكتەستىگىن، كاڭشىفۋ شەكتى سەرىكتەستىگىن، مىڭنيۋ شەكتى سەرىكتەستىگىن، يلي شەكتى سەرىكتەستىگىن ۋاكىل ەتكەن ازىق - تۇلىك، سۋسىن وڭدەۋ كاسىپ سالاسى، ۇيعۇر دارىگەرلىگى شەكتى جاۋاپكەرشىلىك سەرىكتەستىگىن، چيكاڭحابو دارىگەرلىگىن، يندولان شەكتى سەرىكتەستىگىن ۋاكىل ەتكەن بيولوگيالىق ءدارى جاساۋ كاسىپ سالاسى العاشقى ادىمدا شوعىرلى دامۋ كۇيىن قالىپتاستىرىپ، ءۇرىمجى قالاسىنىڭ ەرەكشە ونەركاسىپ جۇلگەسىن سۇلبالادى.
پارتيا 18 - قۇرىلتايىنان بەرى، ءۇرىمجى قالاسى ”شارۋاشىلىق ارقىلى قالانى كوركەيتۋگە“ تاباندى بولىپ، عىلىم - تەحنيكادا جاڭالىق اشۋ جانە تەحنيكانى جاڭالاۋ ارقىلى كاسىپ سالاسىنىڭ تيبىن وزگەرتىپ دارەجەسىن جوعارىلاتۋ قادامىن جەدەلدەتۋ ارقىلى ءۇرىمجى مۇناي حيمياسىنىڭ ”وڭدەلگەن ماي ءوندىرۋ مولشەرىن ازايتىپ، حيميا ونەركاسىبى ونىمدەرىن كوبەيتۋى“، 1 - تامىز بولات - تەمىر سەرىكتەستىگىنىڭ ۇزاق بارىستىق دومنا پەشىنىڭ جاسىل، تومەن كومىر قىشقىل گازدى مەتال قورىتۋ تاجىريبەسىن جانە 5G+ ونەركاسىپ ينتەرنەتى سياقتى كاسىپ سالالارىنىڭ دارەجەسىن جوعارىلاتۋ نىساندارىن بار كۇشپەن ىلگەرىلەتتى؛ ۇزدىكسىز ءىرىسىن شاقىرىپ، قۋاتتىسىن ەنگىزۋ، جاڭا نىسانداردى تياناقتاندىرۋ قۇرىلىسىن جەدەلدەتىپ، ”جىبەك جولى“ ءنومىرلى مەترو پويەزى، جولاڭ توقىماشىلىق ماشيناسى، شينگۋاڭ جانە چاڭچىڭ كومپيۋتەرى تۇتاس اپپاراتى، جىڭۋي قول كومپيۋتەرى، قول تەلەفونى ءساتتى ءوندىرىس جەلىسىنەن شىعىپ، ءۇرىمجى قالاسىنىڭ، ءتىپتى، بۇكىل شينجياڭنىڭ كوپتەگەن سالالارداعى اقتاڭداعىن تولتىردى؛ شينجياڭداعى تۇڭعىش بيولوگيالىق ءدارى - دارمەك عىلىم - تەحنيكا كاسىپ سالاسى باقشاسىن سالىپ، ءۇرىمجى جۇندۇڭ كاسىپ سالاسى باقشاسى قۇرىلىسىن جەدەلدەتتى، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى)، ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) جەكە - جەكە مەملەكەت دارەجەلى ەكونوميكالىق اشۋ رايوندارىنىڭ، باقشا رايوندارىنىڭ جوعارى ساپالى دامىتۋى جانە جالپىلىق قۋاتى بويىنشا 100 مىقتىنىڭ قاتارىنا ەندى.
10 جىلدىق ناتيجە تىزىمدىگىن پاراقتاعاندا، ءۇرىمجى ەكونوميكاسىنىڭ دامۋ ساپاسىنىڭ ۇزدىكسىز جوعارىلاعاندىعى كورىلەدى. 2021 - جىلى ءۇرىمجى قالاسىنىڭ وڭىرلىك ءوندىرىس جالپى ءونىم قۇنى 369 ميلليارد 157 ميلليون يۋان بولىپ، 2012 - جىلداعىدان ％99.5 ارتتى؛ 2021 - جىلى كولەمنەن جوعارى ونەركاسىپتىڭ ۇستەمە قۇنى 78 ميلليارد 253 ميلليون يۋان بولىپ، 2012 - جىلداعىدان ％56.1 ارتتى؛ قالا مەن اۋىلدىڭ جان باسىندىق قولداعى تابىسى جەكە - جەكە 46 مىڭ 142 يۋانعا، 24 مىڭ 878 يۋانعا جەتىپ، 2012 - جىلداعىدان جەكە - جەكە ％151 جانە ％148 ارتتى.
قوس باعىتتاعى اشىق ۇلكەن ارنا بىرتىندەپ قالىپتاستى
جىبەك جولى ەكونوميكالىق بەلدەۋى وزەكتى رايونى ورتالىق اۋماعىنىڭ قۇرىلىسىن ىلگەرىلەتۋ بارىسىندا ءۇرىمجى قالاسى باستان - اياق ءوزىنىڭ وڭىرلىك اشىق ستراتەگياسىن مەملەكەتتىڭ باتىسقا ەسىك اشۋ سىندى جالپى تۇلعالىق ورنالاستىرۋىنا ەنگىزىپ، ”ءبىر پورت، بەس ورتالىق“ قۇرىلىسىن ءبىر تۇتاس جوسپارلاپ ىلگەرىلەتىپ، رەفورمانى جاپپاي تەرەڭدەتۋدى جانە سىرتقا ەسىك اشۋدى ىلگەرىلەتتى.
بيىل 5 - ايدىڭ سوڭىنا دەيىن، حالىقارالىق قۇرلىقتىق پورت رايونى جيىنى 5700دەن استام جۇڭگو − ەۆروپا كەزەكشى پويەزىن جۇرگىزدى. زات تاسىمالى ەڭ باستاپقىداعى كۇندەلىكتى تۇتىنۋ بۇيىمدارىنان، كيىم - كەشەك ونىمدەرىنەن ماشينا جابدىقتارى، سۋمەن جىلىتۋ، قۇرىلىس ماتەريالدارى سياقتى 200دەن استام تۇرگە كەڭەيىپ، اشىلعان كەزەكشى پويەز جەلىسى 21گە جەتىپ، ەۆروپا − ازياداعى 19 مەملەكەت جانە رايونعا، 26 قالاعا تۇتاستى.
”شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋداعى بەلگى سيپاتتى ينجەنەرياسى رەتىندە، ءۇرىمجى حالىقارالىق قۇرلىقتىق پورت رايونى 2015 - جىلدىڭ سوڭىنان باستاپ سالىنعاننان بەرى، جۇڭگو − ەۆروپا كەزەكشى پويەزىن نەگىزگى تۇتقا ەتىپ، تەمىر جولى، تاس جولى، تەڭىز جولى مەن تەمىر جولى، تاس جول مەن تەمىر جولى بىرلەسىپ تاسىمالداۋ سياقتى زات اينالىمى ۇيىمىنىڭ جوعارى ونىممەن جۇمىس جۇرگىزۋىن جۇزەگە اسىرىپ، قوس باعىتتا اشىق ۇلكەن ارنانى بىرتىندەپ قالىپتاستىردى“. ءۇرىمجى حالىقارالىق قۇرلىقتىق پورت دامۋ، قىزمەت وتەۋ ورتالىعىنىڭ ورىنباسار مەڭگەرۋشىسى جۇڭ حىحۋا بىلاي دەدى: ءۇرىمجى حالىقارالىق قۇرلىقتىق پورت رايونى قاشقار زات جيناۋ پۋنكتىن قۇرىپ، سىچۋان، چۇڭچيڭ سياقتى زات اينالىمى تۇيىندەرىمەن جانە چيڭداۋ پورتى، تيانجين پورتى، ليانيۇنگاڭ پورتى سياقتى تەڭىز جاعالاۋى پورتتارىمەن سەلبەستىكتى كۇشەيتىپ، جۇڭگو − ەۆروپا كەزەكشى پويەزى ارناسى مەن باتىس بولىك قۇرلىق، تەڭىز جاڭا وتكەلىنىڭ توعىسا دامۋىن جەبەدى؛ بەلسەندى تۇردە قازاقستان تەمىر جولى، رەسەي تەمىر جولى سياقتى شەتەلدىڭ تەمىر جول سەرىكتەستىكتەرىمەن كەڭەس وتكىزىپ، شەتەلدەگى زات جيناۋ پۋنكتى قۇرىلىسى بويىنشا كەڭەس وتكىزۋدى، سەلبەستىك جاساۋدى جەدەلدەتۋدە.
”ءبىر پورت“ قۇرىلىسى تىڭ ناتيجەگە قول جەتكىزدى، ءۇرىمجى قالاسى اناعۇرلىم تەرەڭ ساتىلى قوس باعىتتا اشىق تۇعىر قۇرىلىسىن اتقارۋ سەرپىنىن ارتتىرىپ، قاتىناس تورابى، ساۋدا زات اينالىمى، مادەنيەت، عىلىم، وقۋ - اعارتۋ، ەمدەۋ بويىنشا قىزمەت وتەۋ جانە وڭىرلىك فينانس سىندى 5 ۇلكەن ورتالىق قۇرىلىسىن ىلگەرىلەتتى.
7 - ايدىڭ 1 - كۇنى كولەمدى ناقتى كورىنىستىك مۋزيكالى تەاتر «كۇنلۇندە كەزدەسۋ» ءۇرىمجى اۋدانىنىڭ نانشان ساياحات بازاسىنداعى جىبەك جولى مادەنيەتتى ايگىلەۋ ورتالىعىندا قويىلدى. 2020 - جىلى 5 - ايدىڭ 28 - كۇنى العاش رەت اشىق قويىلعاننان قازىرگە دەيىن، «كۇنلۇندە كەزدەسۋ» بۇكىل ەلدىڭ جەر - جەرىنەن 92 مىڭ 200گە جۋىق ساياحاتشىنى تاماشالاۋعا باۋراپ، ءۇرىمجى قالاسىنىڭ مادەنيەت پەن ساياحاتتى توعىستىرۋداعى ”التىن تانىسقىسىنا“ اينالدى.
”وسى تەاتر مەنىڭ شينجياڭنىڭ تابيعات كورىنىسى مەن گۋمانيتارلىق تاريحىن اناعۇرلىم تىكە تۇسىنۋىمە مۇمكىندىك بەردى، سونداي - اق مەنىڭ شينجياڭعا دەگەن سۇيىسپەنشىلىگىمدى قويۋلاتتى“. قويىلىم اياقتالعاننان كەيىن، ءبىر شاڭحايلىق ساياحاتشى وسىلاي دەدى.
قۇرىلىس اۋماعى 10 جىلدا 168 شارشى كيلومەتر كەڭەيدى
”بۇرىن جۇمىسقا بارىپ - كەلگەندە يىڭبين جولىمەن جۇرەتىنبىز، تاڭەرتەڭگى، كەشكى قاتىناستىڭ قاۋىرت كەزىندە جارتى ساعات بۇرىن جولعا شىعۋىمىزعا تۋرا كەلەتىن، قازىر قالانىڭ سولتۇستىگىندەگى نەگىزگى كۇرە جولدىڭ بيىك كوپىرىندە كولىك قاتىناعاننان كەيىن، اجەۋپتاۋىر قولايلى بولدى“، - دەدى ءۇرىمجى قالاسىنىڭ تۇرعىنى ۋاڭ حانىم. قالا قاتىناسىنىڭ دامۋى وسىندا تۇراتىن جۇرتتىڭ باقىت سەزىمىن جوعارىلاتتى.
دامۋ قارقىنىنىڭ ۇزدىكسىز جەدەلدەۋىنە ىلەسە، ءۇرىمجى قالاسىنىڭ قۇرىلىس اۋماعى دا ۇزدىكسىز كەڭەيدى. 2012 - جىلى ءۇرىمجى قالاسىنىڭ قۇرىلىس اۋماعى 368.4 شارشى كيلومەتر ەدى، دۋماندى اۋماق 4 ورتالىق قالا رايونىمەن شەكتەلەتىن، 2021 - جىلى ءۇرىمجى قالاسىنىڭ قۇرىلىس اۋماعى 536.2 شارشى كيلومەترگە جەتىپ، 10 جىلداعى جاڭادان ارتقان جەر اۋدانى 167.8 شارشى كيلومەتر بولدى. ءبىر توپ وسىزاماندانعان ساۋدا ورتالىعى، قالا كەشەندەرى بوي كوتەرىپ، كونە قالا رايونى جەدەل جاڭالانىپ، جاڭا قالا رايونىنىڭ قۇرىلىسى كۇن سايىن تۇرلەندى، قاتىناس اسپالى كوپىرلەرى قاتارلاسا بوي كوتەرىپ، جول جەلىلەرى تۇتاستى.
ەلىمىزدىڭ باتىسقا ەسىك اشۋىنىڭ الدىڭعى شەبى، ”ءبىر بەلدەۋ، ءبىر جولدىڭ“ ماڭىزدى ءتۇيىن قالاسى رەتىندە، ءۇرىمجى قالا جولدارى، تاس جول، تەمىر جول، اۆياتسيا سياقتىلاردان قۇرالعان ستەرەولدى ۇلكەن قاتىناس تورىن بار كۇشپەن قۇرىپ، كەمەلدەندىرىپ، شىعىسقا تۇتاسىپ، باتىسقا شىعاتىن حالىقارالىق ۇلكەن ارنا قالىپتاستىرىپ، حالىقارالىق امبەباپ قاتىناس تورابى قالاسىن قۇرۋعا پارمەندى تىرەك ازىرلەدى.
ءۇرىمجى حالىقارالىق اۋەجايىن جاڭالاۋ، كەڭەيتۋ قۇرىلىسى جوعارى ولشەممەن، جوعارى ساپامەن قۇرىلىس اياق الىسىن جەدەلدەتىپ، جاڭا اۋەجاي تەرمينالى اشەكەيلەۋ كەزەڭىنە جاپپاي ءوتتى. قۇرىلىس اياقتاعاننان كەيىن، ءۇرىمجى قالاسىنىڭ اۋەجاي ماڭى ەكونوميكاسىنان ۇلگى كورسەتۋ رايونى مۇنى وزەك ەتىپ، سول ماڭداعى 5 − 15 كيلومەترلىك وڭىرلىك اۋماقتى قامتىپ، ”شىعىسقا كۇشەيگەن، سولتۇستىككە سوزىلعان، باتىسقا كەڭەيگەن، وڭتۇستىككە وڭتايلانعان“ كەڭىستىك دامۋ ارناسىن قالىپتاستىرىپ، يقۋاتتى قىزمەت وتەۋ كاسىبى، اۆياتسيا زات اينالىم كاسىبى، جاساۋ كاسىبى، وسى زامانعى قىزمەت وتەۋ كاسىبى سىندى 4 ۇلكەن تۇردەگى ءتۇيىندى كاسىپ سالاسىن دامىتىپ، اۋەجاي ماڭى حالىقارالىق زات اينالىم باقشاسى قۇرىلىسى ارقىلى اۋەدەگى جانە جەردەگى قاتىناستىڭ بۇكىل شينجياڭنىڭ اۆياتسيالىق زات اينالىم بايلىعىن تۇتاستىرۋىن جۇزەگە اسىرادى.
”2 ەندەي كوسىلگەن جول، 2 بويلاي كوسىلگەن جول، 5 اينالمالى جول، 15 باعىتتا شىعاتىن جول“ قالا جول تورى جۇلگەسىنىڭ نەگىزىنەن قالىپتاسۋى نەگىزىندە ءۇرىمجى قالاسى جول تورى يقۋاتىن ۇزدىكسىز كەمەلدەندىرىپ، تۇرلىشە دارەجە بويىنشا تۇرلىشە ايقاسۋ ءتاسىلىن قالىپتاستىرىپ، قاتىناستىڭ جىلدام اۋىستىرۋ يقۋاتىن كۇشەيتىپ، شار تاراپقا تۇتاسقان نەگىزگى قاتىناس تورىن قۇرادى.
