انار بۇلت / شينجياڭ گازەتىنىڭ حابارى (ءتىلشى سو رۇڭجى حابارلايدى). 7 - ايدىڭ 13 - كۇنىنەن باستاپ، ءۇرىمجى قالاسى S204 - جولى شاعىن اينالمالى الەۋمەتتىك اۋماق اۆتوبۋز جەلىسىن جاڭادان قوسىپ، شيشان اۋماعىنداعى تۇرعىنداردىڭ ءجۇرىس - تۇرىس ونىمدىلىگىن اناعۇرلىم جوعارىلاتادى، 921 - جول، 30 - جول سىندى ەكى الەۋمەتتىك قاتىناس جەلىسى رەتكە سالىندى، جەلى بويىنداعى تۇرعىنداردىڭ الەۋمەتتىك قاتىناس جەلىسىنىڭ وزگەرىسىنە ساي ءجۇرىس - تۇرىسىن ىڭعايلى ورنالاستىرۋىن ءۇمىت ەتەمىز.
7 - ايدىڭ 8 - كۇنى تۇستەن كەيىن ءتىلشىنىڭ ءۇرىمجى قالالىق قاتىناس - تاسىمال مەكەمەسىنەن ۇعىسۋىنشا، جاڭادان اشىلعان S204 - جولى شاعىن اينالمالى الەۋمەتتىك اۋماق اۆتوبۋز جەلىسى، شۇيياڭ جولى اينالما جەلىسىىندە قاتىنايتىن بولعان، تۇتاس ۇزىندىعى 4 كيلومەتر، جول بويى شۇيياڭ جولى (جاڭادان سالىنعان)، وڭتۇستىك 2 - كوشە جول ءتۇيىلىسى (جاڭادان سالىنعان)، وڭتۇستىك 1 - كوشە (جاڭادان سالىنعان)، وڭتۇستىك 2 - كوشە (جاڭادان سالىنعان)، نايحوچاڭ، شيندا ياشان شينتياندي، شۇيياڭ جول ءتۇيىلىسى (جاڭادان سالىنعان) سىندى 7 سىڭار باعىتتاعى الەۋمەتتىك قاتىناس ايالدامالارىن باسىپ وتەدى.
ءۇرىمجى قالاسىندا جاڭادان ىسكە قوسىلعان S204 - جولى الەۋمەتتىك قاتىناس جەلىسىنىڭ تۇسىندىرمەلى قاريتاسى. سۋرەتپەن قامداعان ءۇرىمجى قالالىق قاتىناس - تاسىمال مەكەمەسى
رەتكە سالىنعاننان كەيىن، 30 - جول الەۋمەتتىك قاتىناس جەلىسىندەگى بەيمىن بۇقارالىق كوركەمونەر سارايى سىندى سىڭار باعىتتاعى الەۋمەتتىك قاتىناس ايالداماسى كۇشىنەن قالدىرىلىپ، بەيمىن بەكەتى، حالىق الاڭىنىڭ شىعىسى، جيانگو جولى بەكەتى سىندى سىڭار باعىتتاعى 3 الەۋمەتتىك قاتىناس ايالدامالارى قالپىنا كەلتىرىلەدى؛ 921 - جول الەۋمەتتىك قاتىناس جەلىسىندەگى شىفان داشۋە بەكەتى (شىعىستان باتىسقا قاراي) جانە قۇرىلىس شۋەيۋانى بەكەتى (سولتۇستىكتەن وڭتۇستىككە قاراي) سىندى سىڭار باعىتتاعى 2ايالداما كۇشىنەن قالدىرىلادى.
ءۇرىمجى قالاسى 30 - جول الەۋمەتتىك قاتىناس جەلىسىنىڭ رەتكە سالىنعاننان كەيىنگى تۇسىندىرمەلى قاريتاسى. سۋرەتپەن قامداعان ءۇرىمجى قالالىق قاتىناس - تاسىمال مەكەمەسى
ءۇرىمجى قالالىق قاتىناس - تاسىمال مەكەمەسىنىڭ قاتىستى جاۋاپتىسى بىلاي دەپ تانىستىردى: الەۋمەتتىك قاتىناس جەلىلەرىن كەمەلدەندىرۋ - رەتتەۋ جانە الدىدا ىسكە قوسىلاتىن الەۋمەتتىك اۋماق اۆتوبۋزى حالىققا قولايلى ءارى ءتيىمدى. كەلەسى قادامدا، بەلگىلەنگەن مەرزىم بويىنشا ىشكەرىلەي ناقتى تەكسەرۋ - زەرتتەۋ جۇرگىزىپ، جۇرت پىكىرىن جيناۋ، بۇقارانىڭ ءجۇرىس - تۇرىستاعى جاڭا قاجەتىن ءبىلۋ ارقىلى بۇقارانىڭ ءجۇرىس - تۇرىسىنا شىنايى قولايلىلىق جاراتامىز.
