شي جينپيڭ بۇعاز جاستار تالقى مىنبەرىنە قاتىناسقان تايۋاندىق جاستارعا جاۋاپ حات قايتاردى
جاۋاپ حات
بۇعاز جاستار تالقى مىنبەرىنە قاتىناسقان تايۋاندىق جاس دوستار:
سالەمەتسىڭدەر مە! حاتتارىڭدى تاپسىرىپ الدىم. سەندەردىڭ بۇعاز جاستار تالقى مىنبەرى ارقىلى ۇلى قۇرلىقپەن قاۋىشىپ، ۇلى قۇرلىقتان ارماندارىڭدى جۇزەگە اسىراتىن ساحنا تاۋىپ، وتاننىڭ كۇن سايىن جاڭارىپ، اي سايىن تۇلەگەن دامۋىن، وزگەرىسىن ءوز باستارىڭنان وتكەرىپ، ەكى جاعالاۋداعى باۋىرلاستاردىڭ ءبىر ءۇيلى جانداي بولعان شىنايى سۇيىسپەنشىلىگىن سەزىنگەندەرىڭدى ءبىلىپ ەرەكشە ءسۇيىندىم.
جاستار كوركەيسە، مەملەكەت كوركەيەدى، جاستار قۇدىرەتتەنسە، مەملەكەت قۇدىرەتتەنەدى. وتان مەن ۇلتتىڭ بولاشاعى جاستارعا جۇكتەلگەن. ءبىز ەكى جاعالاۋداعى جاستاردىڭ ءوزارا ۇيرەنىپ، ءبىر - بىرىنەن ۇلگى الۋىنا بۇرىنعىداي تاماشا شارت - جاعداي جاراتىپ، تايۋاندىق جاستاردىڭ ۇلى قۇرلىقتا ۇيرەنۋىنە، جۇمىستانۋىنا، شارۋاشىلىق قۇرۋىنا، تۇرمىس كەشىرۋىنە ءتىپتى كوپ قولايلىلىق جاسايمىز. سەندەردىڭ ۇلى قۇرلىقتا باستان كەشكەندەرىڭدى جانە اسەرلەرىڭدى تايۋاندىق جاستارمەن كوبىرەك ءبولىسىپ، اناعۇرلىم كوپ تايۋاندىق جاستاردىڭ ۇلى قۇرلىقتى تۇسىنۋىنە مۇمكىندىك جاساپ، ۇلى قۇرلىقتاعى جاستارمەن نيەتتەس، ساپارلاس بولىپ، قول ۇستاسا قۇلشىنىس جاساپ، قاجىماس تاباندىلىقپەن، تالىقپاس ارىنمەن جاستىق كوكتەمنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ۇلى ۇدەرىسىندە ەرەكشە شۇعىلا شاشۋىنا مۇمكىندىك جاساۋلارىڭدى ءۇمىت ەتەمىن.
شي جينپيڭ
2022 - جىلى 7 - ايدىڭ 11 - كۇنى
(شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ 7 - ايدىڭ 11 - كۇنى بۇعاز جاستار تالقى مىنبەرىنە قاتىناسقان تايۋاندىق جاستارعا جاۋاپ حات قايتارىپ، ەكى جاعالاۋ جاستارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قول ۇستاسا قۇلشىنىس جاساۋعا جىگەرلەندىردى.
شي جينپيڭ جاۋاپ حاتىندا بىلاي دەدى: سەندەردىڭ بۇعاز جاستار تالقى مىنبەرى ارقىلى ۇلى قۇرلىقپەن قاۋىشىپ، ۇلى قۇرلىقتان ارماندارىڭدى جۇزەگە اسىراتىن ساحنا تاۋىپ، وتاننىڭ كۇن سايىن جاڭارىپ، اي سايىن تۇلەگەن دامۋىن، وزگەرىسىن ءوز باستارىڭنان وتكەرىپ، ەكى جاعالاۋداعى باۋىرلاستاردىڭ ءبىر ءۇيلى جانداي بولعان شىنايى سۇيىسپەنشىلىگىن سەزىنگەندەرىڭدى ءبىلىپ ەرەكشە ءسۇيىندىم.
شي جينپيڭ بىلاي دەپ باسا دارىپتەدى: جاستار كوركەيسە، مەملەكەت كوركەيەدى، جاستار قۇدىرەتتەنسە، مەملەكەت قۇدىرەتتەنەدى. وتان مەن ۇلتتىڭ بولاشاعى جاستارعا جۇكتەلگەن. ءبىز ەكى جاعالاۋداعى جاستاردىڭ ءوزارا ۇيرەنىپ، ءبىر - بىرىنەن ۇلگى الۋىنا بۇرىنعىداي تاماشا شارت - جاعداي جاراتىپ، تايۋاندىق جاستاردىڭ ۇلى قۇرلىقتا ۇيرەنۋىنە، جۇمىستانۋىنا، شارۋاشىلىق قۇرۋىنا، تۇرمىس كەشىرۋىنە ءتىپتى كوپ قولايلىلىق جاسايمىز. سەندەردىڭ ۇلى قۇرلىقتا باستان كەشكەندەرىڭدى جانە اسەرلەرىڭدى تايۋاندىق جاستارمەن كوبىرەك ءبولىسىپ، اناعۇرلىم كوپ تايۋاندىق جاستاردىڭ ۇلى قۇرلىقتى تۇسىنۋىنە مۇمكىندىك جاساپ، ۇلى قۇرلىقتاعى جاستارمەن نيەتتەس، ساپارلاس بولىپ، قول ۇستاسا قۇلشىنىس جاساپ، قاجىماس تاباندىلىقپەن، تالىقپاس ارىنمەن جاستىق كوكتەمنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ۇلى ۇدەرىسىندە ەرەكشە شۇعىلا شاشۋىنا مۇمكىندىك جاساۋلارىڭدى ءۇمىت ەتەمىن.
بۇعاز جاستار تالقى مىنبەرى 2003 - جىلى قۇرىلعان، جۇڭحۋا مەملەكەتتىك جاستار بىرلەستىگى، تايۋان جۇڭحۋا جاستار اۋىس - كۇيىس قوعامى، جۇڭگو گومينداڭ جاستار قىزمەتى باس ۇيىمى بىرگە باس بولىپ وتكىزگەن، ەكى جاعالاۋ جاستارىنىڭ اۋىس - كۇيىس جاساۋىنداعى ماڭىزدى تۇعىر. 20 - كەزەكتى بۇعاز جاستار تالقى مىنبەرى 7 - ايدىڭ 11 - كۇنىنەن 12 - كۇنىنە دەيىن فۋجياننىڭ شيامىنىندا وتكىزىلدى، وسى كەزەكتى تالقى مىنبەرگە ۇسىنىسپەن قاتىناسقان 50 تايۋاندىق جاس جۋىقتا باس شۋجي شي جينپيڭگە حات جازىپ، وتان ۇلى قۇرلىعىندا ۇيرەنۋ، قىزمەت ىستەۋ، تۇرمىس كەشىرۋدەگى كەشىرمەلەرىن جانە اسەرلەرىن بايانداپ، ۇلتتىڭ گۇلدەنۋى مەن وتان تۇتاستىعى ءۇشىن كۇش - قۋاتتارىن ارنايتىن بەرىك سەنىمدەرىن بىلدىرگەن بولاتىن.
