− جىل ورتاسىنداعى جارقىن تۇيىندەرگە شولۋ②
انار بۇلت \ شينجياڭ گازەتىنىڭ ءتىلشىسى رىن جياڭ
7 - ايدىڭ 11 - كۇنى ساياحاتشىلار تۇرپاننىڭ يالقۇنتاع كورىنىس وڭىرىندە تۇيەمەن ساياحاتتاۋدا. جاز كىرگەننەن بەرى تۇرپانداعى قاپىرىق ىستىق ساياحاتشىلاردىڭ وسىندا كەلىپ ساياحاتتاۋىنا بوگەت بولا المادى.
□ سۋرەتتى انار بۇلت \ شينجياڭ گازەتىنىڭ ءتىلشىسى حان لياڭ تۇسىرگەن
تاۋ اراسىنا بۇلت شوگىپ، شاعىن قىستاققا جاڭبىر جاۋدى. 7 - ايدىڭ 8 - كۇنى تۇستەن كەيىن كوكتوعاي اۋدانى كوكتوعاي قالاشىعى تاراتى قىستاعىنداعى شارۋالاردىڭ شاعىن اۋلالارىنا توسىننان جاڭبىر سەبەزگىلەدى. قىستاق تۇرعىنى قۋانبەك بالعىن جاۋىنعا قاراماي ءوز ءۇيىنىڭ ”الىستان ورالعاندار كەرۋەن سارايىندا“ كىرىپ - شىعىپ ءجۇر − ول جاڭا عانا تەلەفون قابىلدادى، قوناقتار كەشتە جەتەدى ەكەن، ۋاقىتتى مىقتى ۇستاپ دايىندالۋ كەرەك. ”بيىل جاتاققا جاتاتىن ادامدار وتەپ كوپ، قۇربان ايت مەرەكەسىنىڭ 5 كۇندىك دەمالىسىندا بولمەلەرگە تۇگەل زاكاز بەرىلىپ بولدى“. شينجياڭنىڭ ساياحات جاعدايىنىڭ ورلەۋگە كوتەرىلۋى تاراتى قىستاعىنداعى تۇرعىنداردىڭ ساياحاتتان اناعۇرلىم كوپ كىرىس تابۋىنا مۇمكىندىك جاسادى.
شينجياڭنىڭ ساياحات بايلىعىنىڭ باسىمدىعى جاقسى، سانى مول، ءتۇرى تولىق، ساپاسى جوعارى، ۇيىمداستىرىلۋى وڭتايلى، ساياحات كاسىبىنىڭ دامۋ كەلەشەگى كەڭ، كومەسكى كۇشى وراسان زور. بيىل جىل باسىنان بەرى شينجياڭ شينجياڭدى مادەنيەتپەن نارلەندىرۋ ينجەنەرياسىن زور كۇشپەن ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىنىڭ اقاۋسىز دامۋىن، جوعارى ساپالى دامۋىن ىلگەرىلەتتى. 1 - ايدان 6 - ايعا دەيىن بۇكىل رايون قابىلداعان ساياحاتشى 77 ميلليون 814 مىڭ 100 ادام - رەت بولىپ، 2019 - جىلداعى ۇقساس مەزگىلدەگىدەن ％53. 2 ارتقان، ساياحات كاسىبىنىڭ جاندانىپ، قالپىنا كەلۋىنىڭ جاقسى بولاتىنى داۋسىز.
تەبىندەپ كەلە جاتقان كاسىپ سالالارىنىڭ ومىرشەڭدىگى كۇشتى بولدى
7 - اي كەلىسىمەن اۋا رايى بارعان سايىن ىسىپ، تيانشان الابىنداعى ساياحات نەگىزدىك قۇرىلعىلارى قۇرىلىس ورىندارى دابىرالى جۇمىس جۇرگىزدى. قوم (جىكبەلەڭ) حالىقارالىق شاڭعى تەبۋ، دەمالۋ اۋماعى قۇرىلىس نىسانى، سايرام كولى حالىقارالىق شاڭعى الاڭى قۇرىلىس نىسانى، نارات اق وزەن جايلاۋىنىڭ الەۋمەتتىك نەگىزىنىڭ دەڭگەيىن جوعارىلاتۋ، جاڭالاۋ نىسانى، شينجياڭ تيانشان ءتومۇر كورىنىس اۋماعى نەگىزگى قۇرىلعىلارى قۇرىلىسى نىسانى جانە مەملەكەتتىك 5A دارەجەلى ساياحات كورىنىس اۋماعىن قۇرۋ نەگىزدىك قۇرىلىس نىسانى سياقتىلار قۇرىلىستى جەدەلدەتۋدە.
”شينجياڭنىڭ ساياحاتىن اناعۇرلىم جاقسى، اناعۇرلىم تەز دامىتۋدا نەگىزدىك قۇرىلعىلاردىڭ دەڭگەيىن جوعارىلاتۋدى، جاڭالاۋدى جانە فۋنكتسياسىن كەمەلدەندىرۋدى ونان ارى كۇشەيتۋ كەزەك كۇتتىرمەيدى“. تۇڭچىڭ زەرتتەۋ ورنىنىڭ باس زەرتتەرمەنى چىڭ چاۋگۇڭ وسىلاي دەپ قارايدى.
جاڭا عانا وتكىزىلگەن اۆتونوميالى رايوننىڭ ساياحاتتى دامىتۋ جينالىسىندا نەگىزدىك قۇرىلعىلاردى كەمەلدەندىرىپ، قىزمەت وتەۋ ساپاسىن جوعارىلاتۋ العا قويىلدى. ”تەز جەتىپ، اسىقپاي ساياحاتتايتىن“ تۇتاس وڭىرلىك ساياحات قاتىناس جۇيەسىن قۇرىپ، ”پويەزعا وتىرىپ شينجياڭدى ساياحاتتاۋ“ سارا ماركاسىن تۇلعالاپ، تاس جولدا ”كورىنىس اۋماقتارىن، كورىنىس تۇيىندەرىن تۇتاستىرۋدى“ ىلگەرىلەتىپ، اۆياتسيالىق اۋە جولدارى تورىن اقاۋسىزداندىرىپ، ساياحات ”دارەتحانا توڭكەرىسىن“ ىلگەرىلەتىپ، ”ءبىر قول تەلەفونمەن شينجياڭدى ساياحاتتاۋدى“ ىلگەرى باستىردى... قازىر شينجياڭنىڭ جەر - جەرى نەگىزدىك قۇرىلعىلار قۇرىلىسىنىڭ سەرپىنىن ارتتىرىپ، دامۋدىڭ نەگىزىن بەكەمدەپ، دۇنيە جۇزىلىك ساياحاتتاعى ايگىلى جەردى تۇلعالاۋدا. ساناقتا كورسەتىلۋىنشە، بيىل بۇكىل رايونداعى ۇكىمەتتىك قارجى قوسىلعان مادەنيەت - ساياحات نەگىزدىك قۇرىلعىلار نىسانى جيىنى 127 بولىپ، جالپى قوسىلعان قارجى مولشەرمەن 10 ميلليارد 887 ميلليون يۋان بولعان.
ساياحات كاسىبى كۇن سايىن شينجياڭنىڭ كومەسكى كۇشى شەكسىز تەبىندەپ كەلە جاتقان كاسىپ سالاسىنا اينالىپ، شينجياڭ دا ساياحاتقا قارجى قوسۋداعى ىرىستى القاپقا اينالۋدا. جۇڭگو ساياحات توبى، حۋاچياۋچىڭ توبى، جۇڭچيڭلۇي جارناسى تىزگىندەۋلى جارنا شەكتى سەرىكتەستىگى، جيڭدۇڭ توبى، تۇڭچىڭ توبى، الاديىڭ توبى سياقتى ەل ىشىندەگى ايگىلى كاسىپورىندار ىركەس - تىركەس شينجياڭمەن قول ۇستاسا سەلبەستىك جاساپ، كەلەلى نىساندار ۇزدىكسىز تياناقتاندى. 6 - ايدىڭ 27 - كۇنى شينجياڭ مادەنيەت - ساياحات كاسىپ سالاسىنا قارجى قوسۋ، قارجى قۇراۋ قىزمەت وتەۋ تۇعىرى ينتەرنەت جەلىسىنە شىعارىلىپ، تۇعىرعا 522 نىسان ەنگىزىلىپ، جالپى 206 ميلليارد 512 ميلليون يۋان قارجى قوسۋ جوسپارلاندى. مۇنىڭ ىشىندە قول قويىلعان نىسان 18، تياناقتانعان نىسان 86، وندىرىسكە قوسىلعان نىسان 17 بولدى. ال 2021 - جىلى اۆتونوميالى رايوندىق مادەنيەت جانە ساياحات مەڭگەرمەسى 300 كەلەلى مادەنيەت - ساياحات كاسىپ سالاسىنا ساۋداگەر شاقىرۋ نىسانىن تۇراقتاندىردى، جالپى قوسىلاتىن قارجى سوماسى 104 ميلليارد 208 ميلليون يۋان بولدى. قازىرگە دەيىن قول قويىلىپ، تياناقتانعان نىسان 86، قول قويىلعان سوماسى 75 ميلليارد 200 ميلليون يۋان، جالپى قوسىلاتىن قارجى سوماسى 72 ميلليارد 170 ميلليون يۋان بولىپ، جيىنى 4745 ادام جۇمىستاندىرىلىپ، رايونىمىزدىڭ مادەنيەت - ساياحات كاسىپ سالاسىنىڭ جوعارى ساپالى دامۋىن پارمەندى ىلگەرىلەتتى.
حالىققا ءتيىمدى كاسىپ سالالارىنىڭ بىرەۋى گۇلدەنسە بارلىعى كوركەيدى
قۋانبەك ”الىستان ورالعاندار كەرۋەن سارايىن“ 2018 - جىلى اشقان، بىلتىر كەرۋەن سارايىنىڭ كىرىسى 200 مىڭ يۋانعا جەتتى. تاراتى قىستاعى ەرتىس وزەنىنىڭ قاينار كوزىنە ورنالاسقاندىقتان، ”ەرتىستەگى 1 - قىستاق“ دەگەن ادەمى اتى بار. قۋانبەكتىڭ تابىسىن قىستاقتا ادەتتەگىدەي دەپ ساناۋعا بولادى. بۇل كۇندەرى قىستاقتاعى شارۋا وتباسىلاردىڭ بارلىعى دەرلىكتەي شارۋالار شاتتىعى ساياجايى، حالىقتىق تۇسەلحانا سياقتىلاردى اشتى، قىستاق تۇرعىندارىنىڭ ％98ى ساياحاتتان كىرىس كىرگىزىپ، بايۋ جولىنا ءتۇستى.
قازىر بۇكىل شينجياڭدا 10 مىڭعا جۋىق شارۋالار شاتتىعى ساياجايى بار، مۇنىڭ ىشىندە جۇلدىز دارەجەلى شارۋالار شاتتىعى ساياجايى 2000 بولىپ، ەرەكشە حالىقتىق تۇسەلحانالار ءتىپتى جاڭبىردان كەيىنگى جاۋقازىنداي مولىنان اشىلىپ، ءبىر توپ مەملەكەتتىك اۋىل - قىستاق ساياحاتىنداعى ءتۇيىندى اۋىل - قالاشىق، ءتۇيىندى قىستاق، مەملەكەتتىك تىنىعۋ اۋىل شارۋاشىلىعى مەن اۋىل - قىستاق ساياحاتىنان ۇلگى كورسەتۋ تۇيىندەرى سياقتىلار جارىققا شىقتى. ”ساياحاتتان كىرىس كىرگىزىپ، تاماشا تۇرمىس كەشىرۋ“ قالىڭ ەگىنشى - مالشىلاردىڭ ورتاق تانىمىنا اينالدى، اۋىل - قىستاق ساياحاتى شينجياڭنىڭ اۋىل - قىستاقتى گۇلدەندىرۋىنە دەم بەرەتىن قۋاتتى قوزعالتقىشقا اينالدى.
ساياحات ارقىلى شينجياڭدى گۇلدەندىرۋ ستراتەگياسىنىڭ ىشكەرىلەي اتقارىلۋىنا ىلەسە، شينجياڭنىڭ ستراتەگيالىق تىرەكتى كاسىپ سالاسى بولعان ساياحات كاسىپ سالاسىنىڭ باستاۋ، جەتەكتەۋ رولى كۇن سايىن كورنەكتىلەنە ءتۇستى. ءبىر كاسىپتىڭ گۇلدەنۋى سان كاسىپتى كوركەيۋگە جەتەكتەپ، كاسىپ سالالارىنىڭ توعىسۋىن جەبەۋ، اۋىل - قىستاقتى گۇلدەندىرۋدى ىلگەرىلەتۋ، حالىقتى بايىتىپ، كىرىستەرىن ارتتىرۋ سياقتى جاقتاردا ساياحات كاسىبى ۇزدىكسىز كوبەيتكىش اسەرىن شىعاردى. بىرلەسكەن مەملەكەتتەر ۇيىمى دۇنيە جۇزىلىك ساياحات ۇيىمىنىڭ ساناعىنا قاراعاندا، ساياحات كىرىسى ءار ءبىر يۋان ارتقاندا، قاتىستى كاسىپتەردە كىرىستى 4.5 يۋان ارتتىرۋعا جەتەكتەيدى؛ ساياحاتقا قارجى قوسۋ ءار ءبىر يۋان ارتقاندا، باسقا كاسىپتەرگە 5 يۋان قارجى قوسۋعا جەتەكتەيدى، جەتەكتەۋ سيپاتى مەن بايلانىستىلىق دەڭگەيى ەڭ جوعارى كاسىپ سالالارىنىڭ ءبىرى ەكەن.
كوبەيتكىش اسەرى وراسان زور حالىققا تيىمدىلىك جاساۋ اسەرىن الا كەلدى. مەجەلەۋگە قاراعاندا شينجياڭدا ساياحاتقا قاتىستى كاسىپتەر 100 نەشەدەن اسقان. مۇنىڭ ىشىندە ساياحات كاسىبىنىڭ جاتار ورىن كاسىبىنە ۇلەس مولشەرلەمەسى ％80تەن اسقان، حالىقتىق اۆياتسيا مەن تەمىر جول جولاۋشى تاسىمالى كاسىبىنە ۇلەس مولشەرلەمەسى ％70تەن اسقان. 2018 - جىلدان بەرى شينجياڭدا ساياحاتپەن تىكەلەي اينالىساتىن ادام سانى 300 مىڭ ادامنان اسىپ، ءبىر ميلليون 500 مىڭ ادامدى جانامالاي جۇمىستانۋعا جەتەكتەگەن، مۇنىڭ ىشىندە جاڭادان قوسىلعان ساياحاتپەن تىكەلەي جۇمىستانۋشىلار مولشەرمەن 54 مىڭ 100 ادام بولعان.
قۋاتتى جەتەكتەۋ رولى شينجياڭنىڭ ساياحاتىن اجارلاندىراتىن ”التىن ساۋساققا“ اينالدىردى. ”ساياحات + مادەنيەت“، ”ساياحات + قاتىناس“، ”ساياحات + زەرتتەۋ جانە وقىتۋ“، ”ساياحات + دەنە تاربيە“، ”ساياحات + اۋا رايى“ ... شينجياڭ ”ساياحات +“ ىستەرىن ونان ارى ۇلعايتىپ، ونان ارى تارتىمدى ەتتى.
”توعىستىرۋعا قولايلىلارىن تۇگەلدەي توعىستىردى، توعىستىرۋعا بولاتىندارىن مۇمكىندىگىنشە توعىستىردى“. سوڭعى جىلدارى ”ساياحات +“ الا كەلگەن توعىسپالى دامۋ قوزعاۋشى كۇشى شينجياڭنىڭ ساياحات كاسىبىنىڭ ەگىن، مال شارۋاشىلىعى، ورمان شارۋاشىلىعى، ەكولوگيا، سالاماتتىق كۇتىنۋ سياقتى كوپتەگەن كاسىپ سالالارىمەن توعىسپالى دامۋىن ىلگەرىلەتىپ، ءبىر - بىرلەگەن شىت جاڭا دامۋ كەڭىستىگىن اشتى. اۋىل - قىستاق ساياحاتى، قار - مۇز ساياحاتى، شاراپ قوجالىعى ساياحاتى، سالاماتتىق كۇتىنۋ ساياحاتى، زەرتتەۋ جانە وقىتۋ ساياحاتى، تومەن كەڭىستىك ساياحاتى، حالىقتىق ءداستۇر، سالت - سانا ساياحاتى سياقتى ”ساياحات +“ ەرەكشە كاسىپ كۇيلەرى ۇزدىكسىز جارىققا شىقتى. ءاربىر كاسىپ سالاسى تىزبەگىندە، حالىققا تيىمدىلىك جاساۋ ەڭ جارقىراعان ”مەرۋەرتكە“ اينالدى.
جۇلدىزدى كاسىپ سالالارى جارقىراپ ساۋلە شاشتى
7 - ايدىڭ 7 - كۇنى مادەنيەت جانە ساياحات مينيسترلىگى اشىق حابارلاما جاريالاپ، 12 ساياحات كورىنىس اۋماعىنىڭ مەملەكەتتىك 5A دارەجەلى ساياحات كورىنىس اۋماعى ولشەمى تالابىنا جەتكەندىگىن، مەملەكەتتىك 5A دارەجەلى ساياحات كورىنىس اۋماعى بولىپ تۇراقتاندىرىلاتىندىعىن جاريالادى، شينجياڭداعى شونجىنىڭ جانبۇلاق كورىنىسى اۋماعى قاتاردان ورىن الدى.
وسىنىڭ الدىندا شينجياڭدا جيىنى 16 مەملەكەتتىك 5A دارەجەلى كورىنىس اۋماعى بار بولىپ، (بيڭتۋاندى قامتيدى) بۇكىل ەلدە 3 - ورىنعا تۇراقتاپ، باتىس سولتۇستىك 5 ولكە - رايوندا 1 - ورىنعا جايعاسقان بولاتىن. وسى جولى جانبۇلاق كورىنىس اۋماعى جۇڭگو ساياحات كورىنىس اۋماقتارىنىڭ ۇزدىگى اتاعىن السا، شينجياڭنىڭ تاڭداۋلى كورىنىس اۋماقتارى شوعىرىن ونان ارى كۇشەيتە تۇسەدى.
بيىلعى جىلدىڭ الدىڭعى جارتىسىندا مەملەكەتتىك 5A دارەجەلى ساياحات كورىنىس اۋماقتارىنان تىس، شينجياڭدا تاعى S دارەجەلى 84 شاڭعى الاڭى، مەملەكەت دارەجەلى 5 تۇتاس وڭىرلىك ساياحاتتان ۇلگى كورسەتۋ اۋدانى، مەملەكەتتىك اۋىل - قىستاق ساياحاتىنداعى 42 ءتۇيىندى قىستاق (قالاشىق)، مەملەكەت دارەجەلى 12 قىزىل ساياحات كورىنىس اۋماعى، 11 دۇنيە جۇزىلىك مۇرا كورىنىس اۋماعى، مەملەكەت دارەجەلى 2 شاڭعى تەۋىپ ساياحاتتاۋ، دەمالۋ ورنى بار بولىپ، تۇگەلدەي بۇكىل ەلدە الدىڭعى قاتاردا تۇر. شينجياڭ ايگىلى كورىنىس اۋماقتارىن وزەك ەتىپ، ساياحات سارا ونىمدەرىن تۇلعالاۋ ناتيجەسى كورنەكتى بولدى.
بيىل 6 - ايدا تۇڭچىڭ ساياحاتى جاريالاعان «”مەكتەپ ءبىتىرۋ ساياحات ماۋسىمى“ تۇتىنۋ بەتالىسى بايانداماسىندا» كورسەتىلۋىنشە، شينجياڭ ساياحاتىنىڭ جازعى دەمالىس كەزىندەگى تارتىمدىلىعى ۇزدىكسىز جوعارىلاعان. مۇنىڭ ىشىندە ءۇرىمجى ”2000 - جىلدان كەيىن تۋعانداردىڭ“ ءوتىمدى ساياحات نىسانالى جەرلەرى تىزىمىندە الدىڭعى 10 ورىن قاتارىنان ورىن الىپ، ”مەكتەپ ءبىتىرۋ ماۋسىمى“ جازعى دەمالىسىنداعى باۋراۋى ەڭ جوعارى بولعان ساياحات نىسانالى جەرىنە اينالدى.
اۆتونوميالى رايوننىڭ ساياحاتتى دامىتۋ جينالىسىنىڭ اشىلۋى شينجياڭنىڭ ساياحات كاسىبىنىڭ دامۋىنا تاسقىنداعان قوزعاۋشى كۇش قوستى. 7 - ايدىڭ 1 - كۇنىنەن باستاپ شينجياڭنىڭ 5A دارەجەلى كورىنىس اۋماقتارىنىڭ كۇندىك ساياحاتشى قابىلداۋ مولشەرى ورنىقتى تۇردە 110 مىڭ ادام - رەتتەن استى. 7 - اي كەلىسىمەن، شينجياڭنىڭ ۇشاق بەلەتى، قوناق ءۇي، كورىنىس اۋماعى سياقتى ساياحات ونىمدەرىنىڭ تاپسىرىس مولشەرى بىردەي جوعارىلادى، مۇنىڭ ىشىندە كورىنىس اۋماقتارىنىڭ تاپسىرىس الۋ مولشەرى ％300 جوعارىلاپ، جاز ماۋسىمىنداعى سالقىندايتىن ەڭ تارتىمدى نىسانالى جەرگە اينالدى. شينجياڭنىڭ ساياحاتتاعى تارتىمدىلىعى ％78 جوعارىلادى، ال مۇراجاي، مادەنيەتتىك قويىلىم سياقتى مادەنيەت تۇرىندەگى كورىنىس تۇيىندەرى مەن سەزىنۋگە نازار اۋدارۋ دەڭگەيى دە ۇزدىكسىز جوعارىلادى. شينجياڭنىڭ ساياحات كاسىبى ”شينجياڭ ەكونوميكاسىنىڭ جوعارى ساپالى دامۋىنداعى تەبىندەپ كەلە جاتقان كاسىپ سالاسىنا، شينجياڭداعى ءار ۇلت بۇقاراسىنىڭ كىرىستى ارتتىرىپ، بايۋىنداعى حالىققا ءتيىمدى كاسىپ سالاسىنا، شينجياڭنىڭ ىنتىماقتى دا ورنىقتى، جاراسىمدى دا باقىتتى، ەكولوگياسى جاقسى جۇلدىزدى كاسىپ سالاسىنا اينالۋ“ نىساناسىنا قاراي ۇزدىكسىز ەكپىندەي ىلگەرىلەۋدە.
