تيانشان تورى
تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۇلتتار ىنتىماعىنىڭ بەرەكەلى شاڭىراعى | ”اعام ساۋدا جولىنداعى جاقسى ۇستازىم ءارى جاردەمشىم“

تيانشان تورى - شينجياڭ گازەتىنىڭ ءتىلشىسى رىن حۋا

  7 - ايدىڭ 10 - كۇنى تۇستەن كەيىن ساعات 7دە، شينجياڭ حالىقارالىق ۇلكەن بازار جاياۋلار كوشەسى، ءدامدى تاعامدار كوشەسىندەگى اسان وسماننىڭ حوتان سامساسى جايماسى قاريدارلارعا لىق تولدى، ول سامسالاردى قاعاز قالتاعا جىلدام سالىپ قاريدارلارعا ۇسىندى، ءوزى قاربالاستىقتان تەرگە مالشىندى.

  ”اسان، كومەك قاجەت پە؟“ تانىس داۋىستى ەستىپ، باسىن كوتەرگەن اساننىڭ جۇزىنە كۇلكى ءۇيىرىلدى: ”اعا، كەلگەن ەكەنسىز - عوي! تەز ماعان كومەكتەسىىپ جىبەرىڭىز!“ كەلگەن ادام سامسا جايماسىنا قارىشتاي باسىپ جەتىپ باردى دا: ”سامسا، كەلىپ الىپ ءدامىن تاتىڭىزدار، ءدامى ءتىل ۇيىرەتىن سامسا!“ دەپ داۋىستادى.

  7 - ايدىڭ 10 - كۇنى تۇستەن كەيىن، شينجياڭ حالىقارالىق ۇلكەن بازار جاياۋلار كوشەسى، ءدامدى تاعامدار كوشەسىندەگى حوتان سامساسى جايماسىندا، جۋ ۋىنبين اسان وسمانعا كومەكتەسىپ، سامسا ساتىستى. سۋرەتتى تيانشان تورى - شينجياڭ گازەتىنىڭ ءتىلشىسى رىن حۋا تۇسىرگەن

  كەلگەن ادام ءۇرىمجى قالاسى تيانشان رايوندىق مادەنيەت - ساياحاتتى دامىتۋ شەكتى سەرىكتەستىگى ءدامدى تاعامدار كوشەسى ءوڭىرىنىڭ ديرەكتورى جۋ ۋىنبين. اساننىڭ نازارىندا، ول وسى اۋماقتىڭ باسقارۋشىسى ءارى ءوزىنىڭ شارۋاشىلىق قۇرۋ جولىنداعى جاقسى ۇستازى، جاردەمشىسى.

  28 جاستاعى اسان تۇرپاندىق ادام، سامسا ساۋداسىن جۇرگىزگەنىنە بىرنەشە جىل بولعان. بىلتىر جىل باسىندا، شينجياڭ حالىقارالىق ۇلكەن بازار جاياۋلار كوشەسى، ءدامدى تاعامدار كوشەسى شينجياڭنىڭ وزگەشە ءدامدى تاعامدار جايماسىن اشۋعا ساۋداگەر شاقىردى، مۇنى بىلگەن اسان سامسا پىسىراتىن 3 شەبەر ۇستاز بەن 4 شاكىرتىن ەرتىپ ۇرىمجىگە كەلەدى.

  ... ەشتەڭەدەن تايسالمايتىن جاستىق قايرات بولسا دا، جات جەرگە كەلگەن اسان جۇمىستى قالاي باستارىن بىلمەي اڭتارىلدى: قوي ەتى، ۇن، دامدەندىرگىش، اعاش وتىن سىندىلاردى قايدان الادى؟ بۇل اراداعى قاريدارلادىڭ كوبى سىرت جەردىڭ ادامى، ولارمەن قالاي تىلدەسەمىن ...

  جۋ ۋىنبين: ”ءدامدى تاعامدار كوشەسىندەگى ساۋداگەرلەردىڭ كوبى 4 تە 5 جىل ساۋدا جۇرگىزگەندەر، مۇندا تەك اسان عانا جاسى كىشى ءارى تاجىريبەسى كەمشىل ەدى، وعان كومەكتەسۋدى ءجون كوردىم“،- دەدى. ول اسانعا كومەكتەسىپ ماڭدايشالىق تۇرعىزىپ، تونار سالدى. دۇكەن اشۋعا قاجەتتى ءتۇرلى زاتتىق ماتەريالداردى ساتىپ الىپ، ءتۇرلى شيكىزاتتاردى كىرگىزۋ ارناسىن قاراستىردى. كوپ وتپەي - اق اساننىڭ جايماسى اشىلدى.

  العاش باستاعاندا، اسان قاشقاردىڭ ءدامى بويىنشا سامسا پىسىرىپ ساتتى، جۋ ۋىنبين تاماق تۇرلەرىنىڭ تىم از ەكەنىن ەسكەرىپ، وعان حوتان ءدامى بويىنشا قابىرعا سامسا جانە ۋىستاما سىندى سامسا تۇرلەرىن شىعارۋدى ۇسىنىس ەتتى، سونىمەن بىرگە تاعامداردى ادەمىلەپ ءتىزۋدى قولما - قول ۇيرەتتى. بۇل ءادىستىڭ ءونىمى شىنىندا تاماشا بولدى، جاڭادان شىعارىلعان قابىرعا سامسا اساننىڭ جايماسىنداعى ەڭ ءوتىمدى تاعام تۇرىنە اينالىپ، ءار كۇنگى ساۋدا - ساتتىق سوماسى ءۇش تە ءتورت مىڭ يۋاننان ون نەشە مىڭ يۋانعا دەيىن ارتتى.

  بىلتىر مەملەكەت مەرەكەسى قارساڭىندا، ساياحاتشىلاردىڭ بارعان سايىن كوبەيگەنىن كورگەن اسان، تاعى دا ەكى تونار سالىپ ساۋدا - ساتتىق مولشەرىن ارتتىرۋ ويىن ءتۇيدى، ءبىراق تونار سالاتىن شەبەر ۇستازدى تابا المادى. مۇنى بىلگەن جۋ ۋىنبين تۇس - تۇستان قاراستىرىپ بەردى، ءارى تونار مورجاسىن وزگەرتۋىنە باستان - اياق كومەكتەستى. توناردى سالىپ بولعاننان كەيىن، اسانعا كومەكتەسىپ زات دايىنداۋمەن ابىگەر بولدى. ”مەملەكەت مەرەكەسى كەزىندە سامسانىڭ ساتىلىمى ەرەكشە جاقسى بولدى، ەڭ كوپ بولعاندا ءبىر كۇندە 30 نەشە مىڭ يۋاننىڭ ساۋداسى جاسالدى“، اسان تەبىرەنە: ”اعام ساۋدا جولىمداعى جاقسى ۇستازىم ءارى جاردەمشىم“،- دەدى.

  ۇرىمجىدە ءبىر جىلدان استام ۋاقىت ساۋدا جۇرگىزگەن اساننىڭ تاجىريبەسى اناعۇرلىم كوبەيدى، كوز اياسى دا كەڭىدى. جۋ ۋىنبيننىڭ وي سالۋىندا، بولاشاق جونىندە ءتىپتى دە كوپ جوبالار جاسادى: ءدامدى تاعامداردىڭ ءتۇرىن مولايتۋ، لاڭمان مەن پالاۋ ساتۋ، ورايى كەلسە ەلىمىزدىڭ باسقا ولكە، رايون، قالالارىندا دۇكەن اشىپ، ءتىپتى كوپ ادامنىڭ شينجياڭنىڭ ءدامدى تاعامدارىن بىلۋىنە، شينجياڭنىڭ ءدامدى تاعامدارىنا قۇشتار بولۋىنا مۇمكىندىك جاساماقشى بولدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.