انار بۇلت \ شينجياڭ گازەتىنىڭ ءتىلشىسى گۋان مىڭيىڭ
”وسى رەتكى جازعى لاگەر ەرەكشە كەرەمەت بولدى، مەن كوپتەگەن جەرگە باردىم، كوپتەگەن جاڭا دوس تاپتىم...“ 7 - ايدىڭ 9 - كۇنى كەشتە ءتىلشى ءۇرىمجى ديوپوۋ حالىقارالىق اۋەجايىندا ۇستىنە ”حاڭجوۋ − اقسۋ قول ۇستاسۋ جازعى لاگەرى“ دەگەن جازۋ باسىلعان اترەت كيىمىن كيگەن 13 جاسار ەلزات عينيعا ساباقتاستارىمەن حاڭجوۋدا كورگەن - بىلگەندەرىن تەبىرەنە ورتاقتاسىپ جاتقان جەرىنەن كەزدەستى.
ەلزات اقسۋ قالاسى تيانحاڭ تاجىريبە مەكتەبىنەن كەلگەن، وسى رەت ول اقسۋ قالاسىنداعى 73 تاڭداۋلى پيونەرمەن بىرگە 7 كۇندىك 6 - كەزەكتى حاڭجوۋ − اقسۋ جاستار مەن ورەندەر ۇلتتار ىنتىماعى ”قول ۇستاسۋ“ جازعى لاگەرى قيمىلىنا قاتىناستى. بۇل رەتكى جازعى لاگەردى حاڭجوۋ قالاسىنىڭ شينجياڭعا كومەكتەسۋ قولباسشىلىق شتابى، كوممۋنيستىك جاستار وداعى حاڭجوۋ قالالىق كوميتەتى، كوممۋنيستىك جاستار وداعى اقسۋ قالالىق كوميتەتى سياقتى كوپتەگەن تاراۋ دەن قويا جوسپارلاپ، اقسۋ قالاسىنداعى جاستار مەن ورەندەر جەكە - جەكە حاڭجوۋ قالاسى، شاۋشيڭ قالاسى، يۇيياۋ قالاسى سياقتى جەرلەرگە بارىپ ەكسكۋرسيالاپ، اۋىس - كۇيىس جاساۋعا ۇيىمداستىردى.
قايىقپەن شيحۋ كولىن سەرۋەندەدى
شىلىڭگىر جازداعى حاڭجوۋ، كول بەتى شىمىرلاپ جاتىر، كۇن شايداي اشىق. 7 - ايدىڭ 4 - كۇنى 6 - كەزەكتى حاڭجوۋ − اقسۋ جاستار مەن ورەندەر ۇلتتار ىنتىماعى ”قول ۇستاسۋ“ جازعى لاگەرىنىڭ باستالۋ سالتى حاڭجوۋ جاستار مەن ورەندەر قيمىل ورتالىعىنىڭ بينجياڭ بولىمشە ورتالىعىندا وتكىزىلدى. وسى جەردە اقسۋ قالالىق 15 - ورتا مەكتەپتەن كەلگەن وقۋشى يقسانجان يمىنجان ساحناعا شىعىپ ءان ايتىپ، ءبي بيلەدى، ”شينجياڭ ءان - ءبي مەكەنى، مەن «شينجياڭدىقتار» ءانى ارقىلى حاڭجوۋداعى ساباقتاستاردىڭ ءبىز جونىندەگى تۇسىنىگىن تەرەڭدەتۋدى ءۇمىت ەتەمىن“، - دەدى يقسانجان.
لاگەردىڭ باستالۋ سالتى اياقتاعاننان كەيىن ساباقتاستار قايىقپەن لەي فىڭ مۇناراسى، كول ورتالىعىنداعى سامالدىق سياقتى كورىنىس تۇيىندەرىن سەرۋەندەدى. ”مەن باي جۇييدىڭ، سۋ شىنىڭ شيحۋ كولىن سۋرەتتەگەن كوپتەگەن ولەڭىن وقىعانمىن، شيحۋ كولى، شىنىمەن، ەرەكشە كوركەم ەكەن“، - دەدى اقسۋ قالاسى ايكول قالاشىعى سايلىق باستاۋىش مەكتەبىنىڭ وقۋشىسى قادريا.
شامگۇل ىرعالىپ، سۋ قۇستارى قالىقتاپ ءجۇر... جاسىل تاۋ، تۇنىق سۋ بالالاردىڭ بال - بۇل جانىپ كۇلىمسىرەگەن جۇزدەرىن ايشىقتاي تۇسكەن. ”مەن كوپتەگەن سۋرەت ءتۇسىرىپ، اكە - شەشەمە جولدادىم“، - دەدى سايلىق باستاۋىش مەكتەبىنىڭ وقۋشىسى ءنازيرا الىمجان.
وتانشىلدىق سۇيىسپەنشىلىكتى بىرگە اڭگىمەلەدى
”مەن جانە مەنىڭ وتانىم، ءبىر ءسات تە بولىنبەيمىز...“ جازعى لاگەردىڭ باستالۋ سالتىندا، ساپاردا اۆتوكولىكپەن جۇرگەندە، حاڭجوۋ − اقسۋ ەكى جەردەن كەلگەن ساباقتاستار «مەن جانە مەنىڭ وتانىمدى» تالاي رەت شىرقادى. ”مەن وتانىمدى سۇيەمىن، وتان انامىز بولماسا، ءبىزدىڭ بۇگىنگىدەي باقىتتى تۇرمىسىمىز بولماس ەدى“، - دەدى قادريا.
جياشيڭ قالاسى نانحۋ توڭكەرىستىك ەسكەرتكىش سارايىندا ساباقتاستار ”قىزىل قايىق ساپارعا اتتاندى“ نەگىزگى تاقىرىپتىق كورمەسىن ەكسكۋرسيالاپ، تۇسىندىرمەنى مۇقيات تىڭداپ، تاريحي كەسكىندى تاماشالادى. ”ەكسكۋرسيالاۋ ارقىلى مەن اعا بۋىنداردىڭ جاپا - ماشاقاتتان تايسالماي، قاجىرلىلىقپەن كۇرەس جۇرگىزگەن توڭكەرىستىك قىزۋ ىنتاسىن سەزىندىم، مەن قۇلشىنا ۇيرەنىپ، ەرجەتكەندە جارامدى ادام بولامىن“، - دەدى ءنازيرا.
”جيڭجۇڭ ەسكەرتكىشىنىڭ ەكى جاعىنداعى تامعا ،’ادالدىق‘،’قايىرىمدىلىق‘ 2 ۇلكەن ءسوز جازىلىپتى...“ يۋەۋاڭ بۇتحاناسىن ەكسكۋرسيالاپ بولعاننان كەيىن، كەشتە ەلزات اكە - شەشەسىنە تەلەفون جالعاپ سول كۇنگى كەشىرمەلەرىن اڭگىمەلەدى. ”ىستەرىڭدى ىستەپ قال ورالىڭنىڭ بارىندا، بوستان - بوسقا وكىنبە شاش اعارعان شاعىڭدا. ۋاقىتتى قاستەرلەپ، قۇلشىنا وقىپ، وتان ءۇشىن ەڭبەك كورسەتۋىمىز كەرەك“، - دەدى ەلزات.
لۋشۇننىڭ بايىرعى تۇراعىندا ورىستەتىلگەن زەرتتەۋ، ۇيرەنۋ قيمىلىندا قادريا ساباقتاستارىمەن بىرگە حاتكەرلىك ۇيرەنىپ، بايىرعى ولەڭدەردى داۋىستاپ وقىپ، جۇڭحۋانىڭ تاڭداۋلى ءداستۇرلى مادەنيەتىن سەزىندى. ”بۇل مەنىڭ قىل قالاممەن 1 - رەت جازۋ جازۋىم، جازۋىم جاقسى بولماعانىمەن، مۇعالىم مەنى شابىتتاندىرا بەردى. قايتىپ بارعاننان كەيىن مەن حاتكەرلىككە ۇزدىكسىز جاتتىعىپ، تۋىندىمدى حاڭجوۋداعى مۇعالىمعا جىبەرىپ بەرەمىن“، - دەدى قادريا.
تاعى جۇزدەسۋگە ۋادەلەستى
ەكى جەردىڭ جاستارى مەن ورەندەرى فۋتبول بىرلەسكەن دوستىق جارىسىن دا وتكىزدى. جاستارى شامالاس، اۋەستەرى ۇقساس، ءبىر رەتكى فۋتبول جارىسى ولاردىڭ اراسىن ءتىپتى دە جاقىنداتتى. ”مەن كوپتەگەن دوسپەن تانىستىم ءارى حاڭجوۋ قالاسى ماييۇيچياۋ باستاۋىش مەكتەبىندەگى شۇي جيڭيۇي ساباقتاسپەن تاعى كەزدەسكەندە بىرگە فۋتبول تەبۋگە ۋادەلەسىپ قويدىم“، - دەدى اقسۋ قالالىق 4 - باستاۋىش مەكتەپتىڭ وقۋشىسى رەفات ءدىليار.
”ءبىز قۇلشىنا وقىپ، بولاشاقتا ءبىر داشۋەدە وقيىق، جاراي ما...“ قوشتاساردا قادريا حاڭجوۋ شىفان داشۋەسىنە قاراستى ينۇڭ باستاۋىش مەكتەبىنىڭ وقۋشىسى ۋاڭ يۇيتۇڭمەن ۋادەلەستى.
”كەلەر جىلى جازعى دەمالىستا سەن اكە - شەشەڭمەن بىرگە ءبىزدىڭ ۇيگە كەل“. ءنازيرا حاڭجوۋ شىفان داشۋەسىنە قاراستى ينۇڭ باستاۋىش مەكتەبىنىڭ وقۋشىسى گو سىيۇيدى ۇيىنە شاقىردى.
قىسقا عانا 7 كۇندە ەكى جەردىڭ جاستارى مەن ورەندەرى بىرگە ەكسكۋرسيالاپ، ساياحاتتاپ، امالياتتان وتكىزىپ، باستان كەشىرىپ، ءوزارا ىقپالداسىپ اۋىس - كۇيىس جاساپ، جۇرەكتەرىنە ۇلتتار ىنتىماعىنىڭ تۇقىمىن سەپتى، ولار بولاشاقتاعى جولدا بىرگە قۇلشىنىپ، قول ۇستاسا العا ىلگەرىلەۋگە ۋادەلەستى.
