ورتالىق تەلەۆيزيا تورابىنىڭ حابارى (مەملەكەتتىك جانە حالىقارالىق حابارلار) جاز ماۋسىمىنان باستاپ، شينجياڭنىڭ ساياحاتى جاندانا ءتۇستى. جەرگىلىكتى ورىندار ىندەتتەن ساقتانۋ - تىزگىندەۋدى ويداعىداي ىستەۋمەن قاتار، ءتۇرلى شارالار قولدانىپ، ساياحات ەكونوميكاسىنىڭ جاندانۋىنا دەم بەردى.
بۇل كۇندەرى، شينجياڭنىڭ قاناس، نارات، تيانشان بوعدا كولى سياقتى كورىنىس وڭىرلەرى ەلىمىزدىڭ جەر - جەرىنەن كەلگەن ساياحاتشىلاردى قارسى الۋدا، ساياحاتشىلار كوركەم كورىنىستەردەن مەيلىنشە ءلاززات الدى.
جىجياڭنان كەلگەن ساياحاتشى ما جۇنلي: قاناستا قاناسقا ءتان جاسىل تاۋ، تۇنىق سۋ بار، ءشول جازيرانىڭ دا وزىنە ءتان ەرەكشەلىگى بولادى، كەيىن وراي بولسا تاعى دا كەلىپ قايتامىن،-دەدى.
كورىنىس وڭىرلەرى ىندەتتەن ساقتانۋ - تىزگىندەۋدى ويداعىداي ىستەۋمەن قاتار، سەيىل - سەرۋەن كولىگىنىڭ قاتىناۋ رەت سانىن ارتتىرۋ، كورىنىس ءوڭىرىنىڭ تيجارات ۋاقىتىن ۇزارتۋ، ەرىكتىلەردىڭ كەڭەس بەرۋ قىزمەت وتەۋ تەبىنىن كۇشەيتۋ سياقتى شارالاردى قولدانىپ، ساياحاتشىلاردىڭ ساياحاتتى سەزىنۋىن جوعارىلاتتى. بيىل مادەنيەت ساياحاتى مەن زەرتتەۋ، ۇيرەنۋ ساياحاتى دا قىزۋ قارسى الۋعا يە بولدى، فۋكاڭ قالاسىنداعى تيانشان بوعدا كولىنىڭ جەر ءتۇزىلىسى وزگەشە، كوپتەگەن وقۋشىلاردى جەر ءتۇزىلىسى قۇرىلىمى، تۇرلەردىڭ الۋان تۇرلىلىگى سياقتى بىلىمدەردى زەرتتەپ، ۇيرەنۋگە باۋرادى.
حۋبەيدەن كەلگەن وقۋشى لي جىلين بىلاي دەدى: بوعدا كولى گەولوگيالىق مۇراجايىنا كەلىپ كوپتەگەن بىلىمدەرگە يە بولدىم، مۇندا بوكەن، مارال سياقتى سيرەك كەزدەسەتىن باعالى حايۋاناتتاردىڭ تانىستىرۋى بار ەكەن، مەنىڭ بوعدا كولىنە دەگەن تۇسىنىگىمدى ارتتىردى، مول بىلىمگە يە بولدىم.
بۇل مەزگىلدە، جەرگىلىكتى ورىنداعى مالشىلار شاتتىعى ساياجايى قابىلداعان ساياحاتشىلاردىڭ سانى دا ۇزدىكسىز ارتۋدا. ىلە قازاق اۆتونوميالى وبلىسى كۇنەس اۋدانى ارشاڭ قىستاعىندا حالىقتىق تۇسەلحانا، جىلقى اترەتى، قوجالىق قىزمەت وتەۋى سياقتى 10 كاسىپتىك سەلبەستىك كووپەراتيۆى قۇرىلىپ، ساياحاتقا كاسىپتىك قىزمەت وتەۋ ورەسىن جوعارىلاتۋمەن قاتار، بۇقارانى جۇمىستاندىرىپ، ءتىپتى دە كوپ قىستاق تۇرعىندارىن ساياحاتتى دامىتۋدىڭ يگىلىگىنە كەنەلتتى.
ءتىلشى: بۇگىن قانشا قوناق قابىلدادىڭىز؟
شينجياڭ ىلە وبلىسى كۇنەس اۋدانى نارات قالاشىعى ارشاڭ قىستاعىنىڭ تۇرعىنى سىمبات تۇرسىناجى: 30 نەشە ادام قابىلدادىق، مولشەرمەن 3 مىڭ يۋاننان استام كىرىس كىرگىزدىك،-دەدى.
شينجياڭ ساياحاتىنىڭ جاندانۋىنا دەم بەرۋ ماقساتىمەن، بيىل شينجياڭ تەمىر جولى، حالىقتىق اۆياتسياسى، تاس جولى ىلگەرىندى - كەيىندى ساياحات ارناۋلى لەنيالارىن اشتى، شينجياڭ تەمىر جولى ساياحات ارناۋلى لەنياسىنان 102نى اشۋدى جوسپارلاپ وتىر. سونىمەن قاتار، مادەنيەت، ساياحات تاراۋلارى ساياحات سەرىكتەستىكتەرىن، جول باستاۋشىلاردى، تاعامجاي سياقتى كوڭىل اشۋ ورىندارىن ارناۋلى جونگە سالىپ، ساياحات بازارىن اناعۇرلىم ارناعا ءتۇسىردى. بيىل 1 - ايدان 6 - ايعا دەيىن، شينجياڭ قابىلداعان ساياحاتشىلاردىڭ سانى 77 ميلليون ادام - رەتتەن اسىپ، ساياحات كىرىسى 53 ميلليارد يۋانعا جەتتى.
شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار باستىعى يان نايمين بىلاي دەدى: بيىلدان بەرى، شينجياڭنىڭ ساياحات كاسىبىندە زور دامۋ، قارقىندى دامۋداي تاماشا جاعدايلار كورىنىپ، ساياحات لاگەرى، سالاماتتىق كۇتىنۋ سياقتى جاڭا كاسىپ كۇيىن اشتى. الداعى جەردە ءبىز شينجياڭنىڭ ءتۇرلى بايلىق ابزالدىقتارىن اشۋدى مىقتاپ يگەرىپ، شينجياڭ ساياحات كاسىبىنىڭ باۋراۋ قۋاتىن اناعۇرلىم ارتتىرامىز.
