− باس شۋجي شي جينپيڭنىڭ ءۇرىمجى قالاسى گۋيۋانشياڭ الەۋمەتتىك اۋماعىندا قىزمەت تەكسەرۋىنە قايتالاي تىلشىلىك
الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى، الەۋمەتتىك اۋماقتاعى نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، قىزمەتتىڭ سالماق ءتۇيىنىن تومەنگە اۋدارىپ، ءار ۇلت تۇرعىندارىنىڭ ويلاعانىنا، ارمانداعانىنا، كۇتكەنىنە تىعىز جاناستىرىپ، كوپشىلىككە كومەكتەسىپ جاقسى ءىس ىستەپ، ناقتى ءىس ىستەپ، قيىن ماسەلەلەردى شەشىپ، ءار ۇلت بۇقاراسىنىڭ تۋىسقانداي ەتەنە بولۋىن، ءوزارا قارايلاسۋىن جەبەپ، تاماشا مەكەندى بىرگە قۇرىپ، تاماشا بولاشاققا بىرگە جول اشۋ كەرەك.
− شي جينپيڭ
قىزمەت تەكسەرگەن ورىن
ءۇرىمجى قالاسى گۋيۋانشياڭ الەۋمەتتىك اۋماعى
ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعى 2001 - جىلى 7 - ايدا قۇرىلعان، شينجياڭ حالىقارالىق ۇلكەن بازار ساۋدا شەڭبەرىنە ورنالاسقان، از ۇلت تۇرعىندارى ％95تەن استامىن ۇستايدى، قاراستى اۋماقتا جيىنى 12 تۇرعىندار اۋلاسى، 117 ساۋدا ءتۇيىنى بار، كوپ ۇلت شوعىرلى قونىستانعان ۇلتتار ىنتىماعىنىڭ ۇلكەن شاڭىراعى. گۋيۋانشياڭ الەۋمەتتىك اۋماعى ”قارتتار مەن بالالارعا“ قىزمەت وتەۋ ماركاسىن تۇلعالاپ، قارتتارعا كۇندەلىكتى قارايلاسۋ ورتالىعىن قۇرىپ، جاستار مەن وسپىرىمدەردىڭ عىلىم جالپىلاستىرۋ، حاتكەرلىك سياقتى قيمىلدارىن ورىستەتتى. سوڭعى جىلدارى ىلگەرىندى - كەيىندى ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى كوللەكتيۆ، لەي فىڭنان ۇيرەنۋ قيمىلىنداعى مەملەكەتتىك ۇلگى كورسەتۋ ءتۇيىنى، مەملەكەتتىك ەڭ ارداقتى ەرىكتىلەر قىزمەت وتەۋ الەۋمەتتىك اۋماعى، ۇلتتار ىنتىماعى، العاباسارلىعى بويىنشا ۇلگىلى ورىن قۇرۋداعى مەملەكەتتىك ۇلگى كورسەتەتىن الەۋمەتتىك اۋماق، مەملەكەتتىك ”قارتتاردى قۇرمەتتەۋدەگى وركەنيەتتى كوللەكتيۆ“ سياقتى داڭقتارعا يە بولعان.
7 - ايدىڭ 14 - كۇنى ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنىڭ وتاندىق ءىلىم ساباقحاناسىنداعى كىشكەنتاي دوستار بىرگە كىتاپ وقۋدا. باس شۋجي شي جينپيڭنىڭ شابىتتاندىرۋى بالالاردىڭ اناعۇرلىم زور ۇيرەنۋ ىنتاسىن قوزعادى.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
□ انار بۇلت ＼ شينجياڭ گازەتىنىڭ ءتىلشىسى لياڭ ليحۋا
ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعىنا بارا قالساڭىز، پارتيا مۇشەلەرىنە، بۇقاراعا قىزمەت وتەۋ ورتالىعى ايرىقشا كوزگە تۇسەدى، قاراستى اۋماقتاعى بۇقارانىڭ ۇلكەن - كىشى ىستەرى بولسا بولعانى، ءبىرىنشى بولىپ ويلايتىنى وسى ارا، بۇل ارا بۇقارانىڭ مەيىرلى مەكەنىنە اينالدى.
7 - ايدىڭ 13 - كۇنى تۇستەن بۇرىن باس شۋجي شي جينپيڭ گۋيۋانشياڭ الەۋمەتتىك اۋماعىنا كەلىپ، پارتيا مۇشەلەرىنە، بۇقاراعا قىزمەت وتەۋ ورتالىعىنىڭ زالىنا، مەيىر جەتكىزۋ ۇيىنە، ءبي زالىنا، وسپىرىمدەر كىتاپ وقۋ ۇيىنە كىرىپ، الەۋمەتتىك اۋماق تۇرعىندارىمەن ىقىلاستى تۇردە پىكىرلەسىپ، بۇل ارانىڭ حالىققا قولايلى قىزمەت وتەۋ، قارتتار جانە جاستار مەن وسپىرىمدەردىڭ مادەنيەت قيمىلدارى سياقتىلاردى ورىستەتۋ احۋالىن ۇعىستى ءارى تۇرعىنداردىڭ ۇيىنە كەلىپ امانداسىپ، الەۋمەتتىك اۋماقتاعى كادرلارمەن، بۇقارامەن ىقىلاستى اڭگىمەلەستى، باس شۋجيدىڭ كەلۋى كوپشىلىكتى ايرىقشا جەلپىندىرىپ، ەرەكشە شابىتتاندىردى. كوپشىلىك مىنالاردى ءبىلدىردى: باس شۋجيدىڭ تاپسىرماسىن ەستە بەرىك ساقتاپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعى، العاباسارلىعى تاربيەسىن ۇزدىكسىز تەرەڭدەتىپ، الەۋمەتتىك اۋماقتى بۇقارا ريزا بولاتىن باقىت اۋلاسى ەتىپ قۇرىپ، ءار ۇلت بۇقاراسىنىڭ تۇرمىسىن بارعان سايىن باقىتتى ەتەمىز.
كورىكتى مەكەندى بىرگە قۇرىپ، تاماشا بولاشاقتى بىرگە اشامىز
باس شۋجيدى كورۋدىڭ الدىندا، گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى ارزىگۇل كەرىم قاتتى قىسىلىپ، اسەرلەنىپ، الاقانى تەرشىپ كەتتى. ”باس شۋجي سونداي مەيىرىمدى، ىقىلاستى، باۋىرمال ەكەن، الاساتقان كوڭىل كۇيىم ءاپ - ساتتە باسىلا قالدى“. ارزىگۇل باس شۋجيمەن پىكىرلەسكەنىن ەسكە العاندا جۇزىنەن باقىت كۇلكىسى ەستى. ”نەگىزگى ساتى پارتيا ياچەيكاسىنىڭ شۋجيى رەتىندە، باس شۋجيگە بەتپە - بەت قىزمەتتەن ەسەپ بەرەرىمدى، راسىندا، ويلاپ كورمەگەن ەكەنمىن“.
”باس شۋجي، گۋيۋانشياڭ الەۋمەتتىك اۋماعىنا حوش كەلدىڭىز، ءبىزدىڭ الەۋمەتتىك اۋماق كوپ ۇلت شوعىرلى قونىستانعان ۇلتتار ىنتىماعىنىڭ ۇلكەن شاڭىراعى...“ ارزىگۇل پارتيا مۇشەلەرىنە، بۇقاراعا قىزمەت وتەۋ ورتالىعىنا باس شۋجيمەن بىرگە كىرىپ، الەۋمەتتىك اۋماقتىڭ احۋالىن ەگجەي - تەگجەيلى تانىستىردى.
قالانى باسقارۋدىڭ ”ەڭ سوڭعى ءبىر كيلومەترى“ الەۋمەتتىك اۋماقتا. الەۋمەتتىك اۋماق − پارتكوم مەن ۇكىمەتتىڭ بۇقارامەن بايلانىس جاساۋداعى، بۇقاراعا قىزمەت وتەۋدەگى جۇيكە ۇشى، الەۋمەتتىك اۋماق تۇرعىندارىن مازالاعان ىستەردى، ۋايىمداتقان ىستەردى، الاڭداتقان ىستەردى دەر كەزىندە اڭعارىپ، ءبىر - بىرلەپ شەشۋ كەرەك. باس شۋجي الەۋمەتتىك اۋماق قىزمەتىنە ەرەكشە ءمان بەرەدى، ول بىلاي دەپ اتاپ كورسەتتى: ”الەۋمەتتىك اۋماق قىزمەتى بارشا وتباسىلارمەن بايلانىسىپ جاتادى، الەۋمەتتىك اۋماقتاعى نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، قىزمەتتىڭ سالماق ءتۇيىنىن تومەنگە اۋدارىپ، ءار ۇلت تۇرعىندارىنىڭ ويلاعانىنا، ارمانداعانىنا، كۇتكەنىنە تىعىز جاناستىرىپ، كوپشىلىككە كومەكتەسىپ جاقسى ءىس ىستەپ، ناقتى ءىس ىستەپ، قيىن ماسەلەلەردى شەشىپ، ءار ۇلت بۇقاراسىنىڭ تۋىسقانداي ەتەنە بولۋىن، ءوزارا قارايلاسۋىن جەبەپ، كورىكتى مەكەندى بىرگە قۇرىپ، تاماشا بولاشاققا بىرگە جول اشۋ كەرەك“.
پارتيا مۇشەلەرىنە، بۇقاراعا قىزمەت وتەۋ ورتالىعىنىڭ زالىندا بەس قىزمەت وتەۋ تەرەزەسى بار − پارتيا قۇرىلىسى تەرەزەسى، تۇرعىن ۇيمەن قامتاماسىز ەتۋ تەرەزەسى، حالىق ىستەرى تەرەزەسى، قوعامدىق قامسىزداندىرۋ تەرەزەسى، ەڭبەكپەن قامتاماسىزداندىرۋ تەرەزەسى. باس شۋجي ءارقايسى تەرەزەنىڭ الدىنا كەلىپ، قىزمەتكەرلەرمەن ىقىلاستى امانداستى ءارى جۇمىس ءبىتىرۋ احۋالىن ۇعىستى.
تاڭەرتەڭ ەرتە اعاسىنا قارتتار كۋالىگى كاسىبىن بىتىرگەلى كەلگەن ما شاۋيان وسى ارادا باس شۋجيگە كەزدەسىپ قالارىن مۇلدە ويلاماعان ەدى. ”باس شۋجي بۇقاراعا ەرەكشە كوڭىل بولەدى، مەنىڭ نە ءىس بىتىرگەلى تۇرعانىمدى ىقىلاسپەن سۇرادى، ەرەكشە مەيىرىم سەزىندىم“. ما شاۋيان اسەرلەنىپ بىلاي دەدى: ”وسىناۋ جىلداردا، پارتيانىڭ ابزال ساياساتىنىڭ ارقاسىندا، بۇگىنگى كۇنى ءبىزدىڭ قارتايعاندا كۇتىمدەلەتىن جەرىمىز، مەكتەپكە دەيىنگى تاربيەدەن يگىلىكتەنۋ مۇمكىندىگىمىز، ەمدەلەتىن شيپاحانامىز بار، كۇندەرىمىز بارعان سايىن شالقۋدا“.
حالىق ىستەرى تەرەزەسىنىڭ قىزمەتكەرى ما حۇڭمەي باس شۋجيگە قارتتار كۋالىگىن ءبىتىرۋ بارىسىن تانىستىردى، ”باس شۋجيدىڭ سونشالىق قۇنتتاپ سۇرايتىنىن ويلاماعان ەكەنمىن“. باس شۋجيمەن پىكىرلەسكەنىن ەسكە السا، ما حۇڭمەي ءالى دە اسەرلەنىپ كوزىنە جاس الادى. ول بىلاي دەدى: ”سۇراعانىنىڭ ءبارى ءبىزدىڭ بۇقارا كوڭىل بولەتىن ىستەر، مۇنان حالىق بۇقاراسىنىڭ ول كىسىنىڭ كوڭىلىندەگى سالماعىن تولىق اڭعارۋعا بولادى. الەۋمەتتىك اۋماق كادرى رەتىندە، مەن باس شۋجيدىڭ تاپسىرماسىن ەستە بەرىك ساقتاپ، قارتتارعا كوڭىل ءبولىپ، قامقورلىق جاساپ، پارتيانىڭ حالىققا ءتيىمدى ساياساتتارىن بەلسەنە ۇگىتتەپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى ويداعىداي شەشەمىن“.
ارزىگۇل باس شۋجيگە الەۋمەتتىك اۋماقتىڭ نەگىزگى ساتىنى باسقارۋ ءتۇزىمىن تانىستىردى. ول بىلاي دەدى: گۋيۋانشياڭ الەۋمەتتىك اۋماعى نىسان ءتىزىمى، قاجەت ءتىزىمى، بايلىق ءتىزىمى سىندى ”ءۇش ءتۇرلى ءتىزىم“ ءتۇزىمىن ورناتىپ، بايلىقتى جوعارى ونىممەن بىرىكتىرۋ ارقىلى بۇقارانىڭ قاجەتىن دالمە - ءدال شەشىم ەتتى.
باس شۋجي كوپشىلىككە بىلاي دەدى: ”مەن الەۋمەتتىك اۋماق قىزمەتىنە ايرىقشا ءمان بەرەمىن، سىزدەردىڭ الەۋمەتتىك اۋماقتارىڭىزدىڭ كوركەيە تۇسكەنىن كورىپ شىن جۇرەكتەن قۋاندىم“.
”باس شۋجيدىڭ تۇراقتاندىرعاندىعىن ەستۋ مەنىڭ نەگىزگى ساتى قىزمەتىن ويداعىداي ىستەۋ سەنىمىمدى اناعۇرلىم بەكەمدەدى، مىڭ ءجىپتىڭ باسىن ءبىر ينە بىرىكتىرەدى، مەن پارتيا مۇشەلەرىنىڭ باستاماشىلدىق، ۇلگىلىك رولىن اناعۇرلىم ويداعىداي ساۋلەلەندىرىپ، قىزمەتتى نەگىزگى ساتىعا ءتۇسىرىپ، تۇرعىنداردىڭ جاقىن جان اشىرى بولۋعا قۇلشىنىپ، بۇقارانىڭ اڭساعانىن، ويلاعانىن، كوكسەگەنىن ۇعىسىپ، الەۋمەتتىك اۋماقتىڭ نەگىزگى ساتىنى باسقارۋ ورەسىن ۇزدىكسىز جوعارىلاتامىن“، - دەدى ارزىگۇل.
ۇلتتاردىڭ اناردىڭ دانىندەي تىعىز ۇيىسۋىن جەبەيمىز
”نە جاقسى؟ نە جاقسى؟ ۇلتتار ىنتىماعى جاقسى...“ باس شۋجيدىڭ ءبي زالىنا كىرگەندىگىن كورىپ، شيڭگۋاڭ حور ۇيىرمەسىنىڭ مۇشەلەرى كوتەرىڭكى كوڭىلمەن «پارتيا ورتالىق كوميتەتىنىڭ ساياساتى جاقسى» دەگەن ءاندى شىرقاي جونەلدى.
2010 - جىلى قۇرىلعان وسى حور ۇيىرمەسى 6 ۇلتتان قۇرالعان، كوپ ساندىسى زەينەتكە شىققان قارتتار، بيىل 64 جاستاعى فىڭ يانشياڭ حور ۇيىرمەسىنىڭ باستىعى. ”باس شۋجي ءبىزدىڭ حور ۇيىرمەمىزدىڭ نەگىزگى احۋالىن سۇراپ، ءبىزدى بارىنشا تۇراقتاندىردى“. فىڭ يانشياڭ تەبىرەنىپ بىلاي دەدى: ءبىز وزىندىك ەرەكشەلىگىمىز بەن باسىمدىعىمىزدى ساۋلەلەندىرىپ، وتاندى جىرلاپ، حالىقتى جىرلاپ، پارتيانىڭ ابزال ساياساتىن جىرلاپ، ءان اۋەنىمەن ءار ۇلت بۇقاراسىنىڭ كوڭىلىن توعىستىرامىز.
حور ۇيىرمەسىنىڭ مۇشەسى ارزىگۇل ابىلا زەينەتكە شىققان قۇرىلىس جۇمىسشىسى، اپتا سايىن كەلىپ ءان ايتىپ، ءبي بيلەپ تۇرادى، زەينەت تۇرمىسى ءماندى دە ءساندى. ول بىلاي دەدى: ”باس شۋجيدىڭ قامقورلىعى مەنى اسەرلەندىرىپ، كوزىمە جاس الدىردى. زەينەتكەر قارت رەتىندە، رەسپۋبليكامىزدىڭ ەسەيۋىنە كۋا بولدىق، پارتيا 18 - قۇرىلتايىنان بەرى، تەك شينجياڭ عانا ەمەس، بۇكىل ەلدە وراسان زور وزگەرىس تۋىلدى، فاكت پارتيانىڭ باسشىلىعى ەلىمىزدىڭ ساياسي ورنىقتىلىعىنىڭ، ەكونوميكاسىنىڭ دامۋىنىڭ، ۇلتتار ىنتىماعىنىڭ، قوعام ورنىقتىلىعىنىڭ ءتۇبىرلى تياناعى ەكەندىگىن تولىق دالەلدەدى، ءبىز ماڭگى پارتيانىڭ سوزىنە قۇلاق اسۋىمىز، پارتياعا العىس ايتۋىمىز، پارتياعا ىلەسۋىمىز كەرەك“.
تەرەڭ سۇيىسپەنشىلىگىن ارناپ، تاۋداي ءۇمىت ارتتى. الەۋمەتتىك اۋماق اۋلاسىندا باس شۋجي كادرلار مەن بۇقارا اراسىنا كەلىپ، كوپشىلىكپەن ىقىلاستى پىكىرلەستى. ”باس شۋجي، امانسىز با“! بۇقارا قىزۋ بەينەمەن ول كىسىنى قاۋمالاپ الىپ، ءسوزىن مۇقيات تىڭدادى، اسەرلى جەرىنە كەلگەندە، كوپتەگەن بۇقارا كوز جاستارىنا ەرىك بەردى.
”باس شۋجيدى كورە العاندىعىمدى ءومىر بويى ۇمىتپايمىن“. الەۋمەتتىك اۋماق تۇرعىنى روشەنگۇل تۇردى اسەرلەنگەنىنەن كوز جاسى مونشاقتاپ، قوس قولىمەن توقتاۋسىز ءسۇرتىپ تۇردى، ”باس شۋجيدىڭ ءسوزى قاراپايىم دا ىقىلاستى، ءار ءسوزى جۇرەگىمە جەتىپ، ول كىسىنىڭ حالىققا دەگەن ىنتا - ىقىلاسىن تولىق بەينەلەدى، وسى ساتتە مەن قاتتى اسەرلەندىم“.
باس شۋجي جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەكتىگىن باسا دارىپتەدى. گۋيۋانشياڭ الەۋمەتتىك اۋماعى ۇلتتار ىنتىماعىندا، العاباسارلىعىندا ۇلگىلى ورىن قۇرۋ قيمىلىنا بارىنشا ءمان بەرىپ، ۇلگىلى ورىن قۇرۋ قىزمەت باسشىلىق گرۋپپاسىن قۇرىپ، ۇلتتار ىنتىماعىندا، العاباسارلىعىندا ۇلگىلى ورىن قۇرۋ قىزمەتىن ماڭىزدى كەڭەستىك تارتىپكە ەنگىزۋگە تاباندى بولىپ، ءار جىلى كەمىندە ءبىر رەت ”ۇلتتار ىنتىماعى“ ۇلگىلەرىن سارالاۋعا، تۇلعالاۋعا جانە ماراپاتتاۋعا تاباندى بولىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىن ورىستەتۋ بارىسىندا ”ءۇش قاداممەن ءجۇرۋ“ بويىنشا جۇپ قۇراپ، تۋىس بولۋ مەحانيزمىندە جاڭالىق اشىپ، جۇپ قۇراپ، تۋىس بولۋمەن جاپپاي قامتۋدى ورىندادى.
ارزىگۇل: ءبىز تىنىش تا ىنتىماقتى اسا تاماشا جاعدايدى قاباعات قاستەرلەپ، ۇلتتار ىنتىماعى، العاباسارلىعى ۇگىت تاربيەسىن ۇزدىكسىز ىشكەرىلەي ورىستەتىپ، ۇلتتار ىنتىماعىنىڭ ۇلى شاڭىراعىن ءىس جۇزىندىك ارەكەتىمىزبەن ويداعىداي قورعاپ، 56 ۇلت جۇدىرىقتاي جۇمىلىپ، ءبىر نيەتپەن سەلبەسىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ۇزدىكسىز كۇرەس جاسايمىز، - دەدى.
جۇڭحۋانىڭ تاڭداۋلى ءداستۇرلى مادەنيەتىن بالالاردىڭ جۇرەك تۇكپىرىنە تامىر تارتقىزامىز
باس شۋجي بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتى تاربيەسىن ەرتە باستان، بالا جاستان باستاپ يگەرىپ، تاباندىلىقپەن ەڭبەك ەتىپ، بىرتىندەپ ساناعا ءسىڭىرىپ، قۇلاققا ءسىڭىستى، كوزگە ءۇيىر ەتۋ كەرەك، بۇل جۇڭحۋانىڭ تاڭداۋلى ءداستۇرلى مادەنيەتىن جالعاستىرۋدىڭ ىرگە تاسىن بەكەمدەۋگە پايدالى.
”شي جينپيڭ اتاي، امانسىز با“! باس شۋجيدىڭ كەلۋى وسپىرىمدەر كىتاپ وقۋ ۇيىندەگى بالالاردى ايرىقشا شاتتاندىردى. ”ادەتتە شي جينپيڭ اتايدى تەلەۆيزوردان عانا كورەمىز، قاسىمىزعا كەلەتىندىگىن ويلاماعان ەكەنبىز، ءتۇس كورگەندەي بولدىق“، - دەدى 7 جاستاعى ءماينيسا پارحات كۇلىمدەي ءتىل قاتىپ.
باس شۋجي بالالاردىڭ جۇڭحۋانىڭ تاڭداۋلى ءداستۇرلى مادەنيەتى تۋرالى بىلىمدەردەن كورسەتكەن ويىن نومىرلەرىن اسا قىزىعۋشىلىقپەن تاماشالادى. «سانزىجيڭ»، «ميننۇڭ»، «24 امال» ... بالالار ابدەن جاتتاپتى، مۇقيات ورىندادى.
”«ميننۇڭ» بىزگە شارۋا اتايلاردىڭ ەگىن ەگۋى وتە جاپالى ەكەندىگىن ايتادى، ءبىز كىشكەنتايىمىزدان استىقتى قاستەرلەۋ تانىمىن ورناتىپ، ىسىراپشىلدىقتى جويۋىمىز كەرەك“. ويىن اياقتالعاننان كەيىن ءماينيسا باس شۋجيگە وسىلاي دەدى.
”شي جينپيڭ اتاي ءبىزدى القادى، مەن، ءسوزسىز، جاقسى ۇيرەنىپ، ەرجەتكەندە مەملەكەت پەن قوعامعا جارامدى ادام بولامىن“، - دەدى ءماينيسا.
سوڭعى جىلدارى شينجياڭ جاستار مەن وسپىرىمدەردىڭ ”نەگىز قالاۋ“ ينجەنەرياسىن ىشكەرىلەي ىلگەرىلەتىپ، شينجياڭدى مادەنيەتپەن نارلەندىرۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جۇڭحۋانىڭ تاڭداۋلى ءداستۇرلى مادەنيەتىن زور كۇشپەن اسقاقتاتىپ، جۇڭحۋا ۇلتىنىڭ ورتاق رۋحاني مەكەنىن تۇلعالادى.
2010 - جىلى نەگىزگى ساتىنى باسقارۋ ادىسىندە جاڭالىق اشۋ ءۇشىن، گۋيۋانشياڭ الەۋمەتتىك اۋماعى ءۇرىمجى قالالىق ايەلدەر بىرلەستىگىنىڭ قولداۋىندا ”بالالار ورتالىعىن“ اشتى، 10 نەشە جىلدا وسى كىشكەنتاي الەمدە بالالار از - ازدان ۇيرەنىپ، كىشكەنتايىنان جۇرەك تۇكپىرلەرىنە جۇڭحۋانىڭ تاڭداۋلى ءداستۇرلى مادەنيەتىنىڭ تۇقىمىن ەكتى.
وقىتۋشى حاسيەت وسمان الەۋمەتتىك اۋماقتىڭ ەرىكتىسى، اپتا سايىن كەلىپ بالالارعا ساباق ءوتىپ، جۇڭحۋانىڭ تاڭداۋلى ءداستۇرلى مادەنيەتى بىلىمدەرىن ۇيرەتەدى. ول بىلاي دەدى: مەن باس شۋجيدىڭ نۇسقاۋىنا ساي، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋعا تاباندى بولىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، بالالاردىڭ ۇلتتىق ماقتانىش سەزىمىن، مادەنيەت سەنىمىن ۇزدىكسىز كۇشەيتىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋدىڭ نەگىزىن بەكەمدەيمىن.
