جۇڭگونىڭ باتىسقا ەسىك اشۋداعى الدىڭعى شەبىن كۇش سالا قالىپتاستىرايىق

− باس شۋجي شي جينپيڭنىڭ ءۇرىمجى حالىقارالىق قۇرلىقتىق پورت اۋماعىندا قىزمەت تەكسەرۋىنە قايتالاي تىلشىلىك

　　ەلىمىزدىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ”ءبىر بەلدەۋ، ءبىر جولدى“ بىرگە قۇرۋ سياقتىلارىنىڭ ىشكەرىلەي ىلگەرىلۋىنە مەڭزەس، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتىپ، شينجياڭنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋىنىڭ جالپى تۇلعالىق ورنالاستىرۋىنا ەنگىزىپ، اشىق تيپتەگى ەكونوميكالىق تۇزىلىستە جاڭالىق اشىپ، سىرتقا ەسىك اشۋدىڭ ءىرى ارناسىن جەدەل ورناتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەنە قىزمەت ەتۋ جانە توعىسۋ كەرەك.

　　− شي جينپيڭ

　　قىزمەت تەكسەرگەن ورىن

　　ءۇرىمجى حالىقارالىق قۇرلىقتىق پورت اۋماعى

　　ءۇرىمجىنىڭ باتىس سولتۇستىك بولىگىنە ورنالاسقان حالىقارالىق قۇرلىقتىق پورت اۋماعى 2015 - جىلى باستاپ سالىنعان. ”زات جيناۋ، باقشا قۇرۋ، كاسىپ سالاسىن شوعىرلاندىرۋ“ سىندى دامۋ وي جەلىسى بويىنشا حالىقارالىق قۇرلىقتىق پورت اۋماعى جۇڭگو − ەۆروپا كەزەكشى پويەزى (ءۇرىمجى) جيناۋ ورتالىعى، كەشەندى باجىسىز اۋماق، قويما، ساۋدا - ساتتىق كاسىپ سالاسى اۋماعى سياقتى كوپ يقۋاتتى اۋماقتى قامتىعان.

　　2022 - جىلى 6 - ايدىڭ سوڭىنا دەيىن ءۇرىمجى حالىقارالىق قۇرلىقتىق پورت اۋماعىنان جالپى 5900دەن استام جۇڭگو − ەۆروپا كەزەكشى پويەزى اتتاندى. تاسىمالدانعان زاتتار ەڭ باستاپقىداعى كۇندەلىكتى ءتۇرلى بۇيىمداردان، كيىم - كەشەك ونىمدەرىنەن كەڭەيىپ، ماشينا جابدىقتارى، سۋمەن جىلىتۋ قۇرىلىس ماتەريالدارى سياقتى 200 نەشە تۇرگە جەتتى، اشىلعان كەزەكشى پويەز جەلىسى 21گە جەتىپ، ەۆروپا − ازياداعى 19 مەملەكەتكە جانە رايونعا، 26 قالاعا تۇتاستى.

　　ءۇرىمجى حالىقارالىق قۇرلىقتىق پورت اۋماعىنىڭ كورىنىسىنەن ءبىر قيىق (7 - ايدىڭ 14 - كۇنى تۇسىرىلگەن).

　　□ سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن

□ انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي

　　اشىق اسپان استىندا ءۇرىمجى حالىقارالىق قۇرلىقتىق پورت اۋماعى قىزىل تۋمەن ايشىقتالىپ تۇر. پويەزدىڭ شىعانداعان گۋدوك ءۇنى قۇلاققا ۇرىلادى. بۇل قاۋىرت جۇمىس قاربالاستىعىنىڭ سيمۆولى، ونان دا ماڭىزدىسى، جورىققا ۇندەۋ دابىلى ەدى.

　　7 - ايدىڭ 12 - كۇنى تۇستەن كەيىن باس شۋجي شي جينپيڭنىڭ قۇرلىقتىق پورت اۋماعىنا كەلىپ قىزمەت تەكسەرۋىمەن، تەكسەرۋ - زەرتتەۋ جۇرگىزۋىمەن بۇل ارا تاريحي ءساتتى قارسى الدى. باس شۋجيدىڭ شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن كوكەيىندە ءتۇيىپ، قۇرلىقتىق پورت اۋماعىنا ساپارى جۇرت جۇرەگىن ايرىقشا تەربەدى. قىزمەت تەكسەرۋ بارىسىنداعى شىنايى قامقورلىعىنان، ىقىلاستى تاپسىرماسىنان باس شۋجيدىڭ شينجياڭنىڭ دامۋىنا بولعان تەرەڭ تولعانىسى مەن مول تىلەگى مەن مۇندالادى.

　　شينجياڭ باتىسقا ەسىك اشۋدا جاڭا باستامادا تۇر.

باس شۋجيدىڭ تۇراقتاندىرۋىنا يە بولۋ ەڭ ۇلكەن شابىت

　　باس شۋجيدىڭ اۆتوكولىكتەن تۇسكەندىگىن كورگەن شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگىنىڭ باسالقاسى ما چۇنلەيدىڭ كۇشتى ارمان - تىلەگى اقىرى رەالدىققا اينالدى. ”باس شۋجي اراعا 8 جىل سالىپ شينجياڭعا تاعى كەلىپ، قۇرلىقتىق پورت اۋماعىنا ارنايى بارىپ قىزمەت تەكسەردى، مەن جانە قىزمەتتەستەرىم شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ تۇراقتاندىرعانى سياقتى، ءبىزدىڭ سىرتقا ەسىك اشۋدىڭ ماڭىزدى دامۋ ورايىن تاعى ءبىر رەت قارسى العاندىعىمىزدى تەرەڭدەي سەزىندىك“.

　　قۇرلىقتىق پورت اۋماعى تەمىر جول شەكارا وتكەلى جالپىلىق قىزمەت وتەۋ عيماراتىنىڭ بىرىگىپ جۇمىس اتقارۋ ۇلكەن زالىندا ما چۇنلەي باس شۋجيگە قۇرلىقتىق پورت اۋماعىنىڭ دامۋ تۇتاس تۇلعالىق جاعدايىنان مالىمەت بەردى. ”ءبىر بەلدەۋ، ءبىر جول“ باستاماسى العا قويىلعاننان جىبەك جولى ەكونوميكالىق بەلدەۋىندەگى وزەكتى رايون ستراتەگيالىق ورنىنا جانە يقۋاتتىق ورنالاسۋىنا دەيىن، قۇرلىقتىق پورت اۋماعىنىڭ تۇتاس تۇلعالىق دامۋ وي جەلىسىنەن جۇڭگو − ەۆروپا كەزەكشى پويەزىنىڭ قاتىناۋى، كەشەندى باجىسىز اۋماقتىڭ ىسكە قوسىلۋ جاعدايىنا دەيىن، قۇرلىقتىق پورت اۋماعىنىڭ قۇرىلىپ، ونىمدىلىك كورسەتۋىنەن دامۋ بولاشاعىنا دەيىن ما چۇنلەي ەگجەي - تەگجەيلى مالىمەت جاسادى، باس شۋجي دەن قويا تىڭدادى.

　　تانىستىرىپ جۇڭگو − ەۆروپا (ورتا ازيا) كەزەكشى پويەزىنىڭ قاتىناۋ جەلىسى سحەماسى الدىنا كەلگەندە، باس شۋجي ۇڭىلە قارادى. ”ءبىر جاعىنان، دەن قويا قاداعالاي كورىپ، ەندى ءبىرجاعىنان، كوپشىلىكپەن ىقىلاسپەن پىكىر اۋىستىردى“، - دەدى ما چۇنلەي، - باس شۋجيدىڭ ”ءبىر بەلدەۋ، ءبىر جول“ قۇرىلىسىنا كوڭىل بولگەن ىقىلاسى كوپشىلىكتىڭ وي - ساناسىنا تەرەڭ ۇيالادى.

　　بەلگىلەرى انىق ەۆروپا − ازيا ۇلى قۇرلىعى كارتاسىنداعى شىم - شىتىرمان جان - جاققا ايقاسقان جەلى شىعىس پەن باتىستى تۇتاستىرىپ، شىعىس بولىكتەن باتىستى بەتكە الىپ جۇيتكىپ، شينجياڭ ارقىلى ورتا ازياعا جانە ەۆروپاعا جەتەدى. 2013 - جىلى 9 - ايدا شينجياڭمەن ىرگەلەس قازاقستاندا باس شۋجي شي جينپيڭ ”جىبەك جولى ەكونوميكالىق بەلدەۋىن“ بىرگە قۇرۋ كەلەلى باستاماسىن تۇڭعىش رەت ورتاعا قويدى، مىڭ جىلعا جالعاسقان بايىرعى جىبەك جولى دۇنيە ءجۇزىنىڭ كوز اياسىنا تاعى ءبىر رەت ءىلىندى. كوپ وتپەي مەملەكەت شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ تۇراقتاندىردى، سونىمەن شينجياڭ ءاپ - ساتتە شالعايداعى شەكارا وڭىردەن ەسىك اشۋدىڭ الدىڭعى شەبىنە اينالدى. سول ساتتەن باستاپ، باس شۋجي شي جينپيڭنىڭ جاساعان ۇلى جوبانى بويلاپ، تولتىرا زات تيەلگەن جۇڭگو − ەۆروپا كەزەكشى پويەزدارى ەۆروپا − ازيا قۇرلىعىندا جۇيتكىدى، شينجياڭنىڭ دۇنيە جۇزىمەن بايلانىسى كۇن سايىن جيىلەپ، جۇڭگونىڭ باتىسقا ەسىك اشۋ اياق الىسى بۇرىن بولماعان دەڭگەيدە تەزدەدى.

　　زال ىشىندە باس شۋجي ”ءبىر بەلدەۋ، ءبىر جول“ باستاماسىنىڭ ورتاعا قويىلعان جاي - جاپسارى مەن دامۋ بارىسىنا قايىرىلا قارادى. ول كوپشىلىككە: ”’ءبىر بەلدەۋ، ءبىر جولدى‘ بىرگە قۇرۋ باستاماسى ورتاعا قويىلعان وسى جىلداردان بەرى تابىسى مول بولدى“، - دەدى.

　　سول مايداندا تۇرعان بارلىق ادام جۇرەك تەبىرەنىستەرىن جاسىرا المادى: شينجياڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىنىڭ، ءۇرىمجى حالىقارالىق قۇرلىقتىق پورت اۋماعىنىڭ دامۋى، ءسوز جوق، مۇنىڭ ىشىندەگى سۇبەلى ناتيجە سانالادى.

　　2015 - جىلدىڭ سوڭىندا ارلى - بەرلى جۇيتكىگەن جۇڭگو − ەۆروپا كەزەكشى پويەزىن تياناق ەتكەن ءۇرىمجى حالىقارالىق قۇرلىقتىق پورت اۋماعى قۇرىلىسىن باستاپ، شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىنداعى ءتۇيىندى ينجەنەرياعا اينالدى. قازىرگە دەيىن بۇكىل ەلدىڭ ％80تىڭ ۇستىندەگى جۇڭگو − ەۆروپا كەزەكشى پويەزىنىڭ بارلىعى ءۇرىمجى حالىقارالىق قۇرلىقتىق پورت اۋماعىن باسىپ ءوتىپ، الاتاۋ ساعاسى شەكارا وتكەلىنەن، قورعاس شەكارا وتكەلىنەن شەكارادان شىعىپ، ورتا ازياعا جانە ەۆروپاعا بەت الادى.

　　قىزمەت تەكسەرۋ بارىسىندا باس شۋجي بەينە ەكرانداعى ناقتى كورىنىس ارقىلى جۇڭگو − ەۆروپا كەزەكشى پويەزى (ءۇرىمجى) جيناۋ ورتالىعىنىڭ ءتۇرلى يقۋات ءوڭىرى مەن الاتاۋ ساعاسى شەكارا وتكەلىنىڭ، قورعاس شەكارا وتكەلىنىڭ ناق مايداندا جۇمىس جۇرگىزۋ جاعدايىن كوردى. ما چۇنلەي مەن قىزمەتتەستەرى باس شۋجيدىڭ شەكارا وتكەلى قۇرىلىسىنا ەرەكشە ءمان بەرگەندىگىن سەزىندى.

　　قىزمەت تەكسەرۋ بارىسىندا باس شۋجي كوپشىلىكتى ”الدەقاشان وتە تاماشا ناتيجەگە قول جەتكىزگەن ەكەنسىزدەر“ دەپ القادى. ءۇرىمجى حالىقارالىق قۇرلىقتىق پورت اۋماعىن باسقارۋ كوميتەتىنىڭ ارناۋلى مىندەتتەگى ورىنباسار مەڭگەرۋشىسى ليۋ شاۋحۋا قۋانىشتى تۇردە بىلاي دەدى: باس شۋجيدىڭ تۇراقتاندىرۋى ءبىزدىڭ ەڭ ۇلكەن ءومىر قۇنىمىز. ءبىز باس شۋجيدىڭ ءۇمىتىن، ءسوزسىز، اقتاپ، قۇرلىقتىق پورت اۋماعىنىڭ جوعارى ساپالى دامۋىن ىلگەرىلەتىپ، سىرتقا ەسىك اشۋ تەبىنىن ۇزدىكسىز ارتتىرىپ، جىبەك جولى ەكونوميكالىق بەلدەۋى وزەكتى رايونىن قۇرۋعا اناعۇرلىم زور ۇلەس قوسامىز.

تاريحي مانگە يە ىستەردى ويداعىداي ىستەيمىز

　　جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى سىرتپەن سەلبەستىك جاساۋ ءبولىمى حالىقارالىق بىرلەسپە تاسىمال ءبولىمىنىڭ ورىنباسار باستىعى جاڭ جين باس شۋجي شي جينپيڭنىڭ وزىمەن بەتپە - بەت پىكىرلەسەتىندىگىن، سونداي - اق ونىڭ جانە قىزمەتتەستەرىنىڭ قىزمەتىنە وسىنشاما جوعارى باعا بەرەتىندىگىن ويلاماعان ەدى. ”سىزدەردىڭ ىستەگەندەرىڭىز تاريحي مانگە يە ءىس“، - دەدى باس شۋجي كوپشىلىككە.

　　جاڭ جين شانبەيلىق، ىلگەرتىندە حاباردان باس شۋجيدىڭ ءوزىنىڭ اتا مەكەنىنە بارىپ قىزمەت تەكسەرگەندىگىن كورگەن بولاتىن، باس شۋجيدى قاشان ءوز كوزىممەن كورەدى ەكەنمىن دەپ ارمانداپ جۇرەتىن، ول ارمانىنىڭ، شىنىمەن، جۇزەگە اسارىن ويلاماعان ەدى. بىرنەشە كۇن ءوتىپ كەتسە دە ول ءوزىنىڭ وسى كەلەلى قىزمەتكە تىكە قاتىناسقاندىعىنا، ونان دا ماڭىزدىسى، باس شۋجيدىڭ قۇرلىقتىق پورت اۋماعىندا قىزمەت تەكسەرگەن تاريحي ءساتتى ءوز كوزىمەن كورىپ، كۋا بولعاندىعىنا اسا تەبىرەندى جانە ماقتانىش سەزىندى.

　　سول كۇنى بەينە ەكرانداعى ناقتى كورىنىستى كورگەننەن كەيىن، باس شۋجي تەمىر جول جۇك تاسىمال تەرەزەسىنە تاياپ بارىپ قىزمەتكەرلەرمەن اڭگىمەلەستى، جاڭ جين جانە جۇك تاسىمالداۋشى كەزەكشى قىزمەتكەر چىڭ ياشۇي باس شۋجيگە جۇڭگو − ەۆروپا كەزەكشى پويەزىنىڭ قاتىناۋىنا قاتىستى جاعدايدان مالىمەت بەردى.

　　”باس شۋجيدىڭ وسىنشاما ەگجەي - تەگجەيلى سۇرايتىندىعىن ويلاماعان ەدىم، بىزبەن تۇپ - تۋرا 5 − 6 مينۋت اڭگىمەلەستى“، - دەدى جاڭ جين، - باس شۋجي شينجياڭنىڭ باتىسقا ەسىك اشۋ قىزمەتىنە ەرەكشە كوڭىل ءبولىپ، جۇڭگو − ەۆروپا كەزەكشى پويەزىنىڭ قاتىناۋ جەلىسى، باراتىن ەلدەرى سياقتىلار جونىندە بىزبەن 7 − 8 ماسەلە جونىندە پىكىرلەستى.

　　جاڭ جين جانە ونىڭ قىزمەتتەستەرى باس شۋجيدىڭ شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن باستان - اياق ەسىنەن شىعارماي، شينجياڭنىڭ ەسىك اشۋ، دامۋ جونىندەگى تاماشا بولاشاعىنان ۇلكەن ءۇمىت كۇتكەندىگىن شىنايى سەزىندى.

　　سول كۇنى باس شۋجي كوپشىلىككە بىلاي دەدى: ”ەلىمىزدىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ’ءبىر بەلدەۋ، ءبىر جولدى‘ بىرگە قۇرۋ سياقتىلارىنىڭ ىشكەرىلەي ىلگەرىلۋىنە مەڭزەس، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى“...

　　2014 - جىلى شينجياڭدا قىزمەت تەكسەرگەندە باس شۋجي كەزىندە تەرەڭ سۇيىسپەنشىلىكپەن بىلاي دەپ بەينەلەگەن ەدى: ”ەگەردە جىبەك جولى ەكونوميكالىق بەلدەۋى قۇرىلاتىن بولسا، شينجياڭ اسا گۇلدەنىپ - كوركەيگەن ورتالىققا اينالۋى مۇمكىن. باسقاسىن ايتپاي - اق قويايىق، ءۇرىمجى قازىر 1500 كيلومەتر اۋماقتاعى ەڭ ۇلكەن قالا، سول كەزگە جەتكەندە قانداي بەينەگە ەنەدى دەشى“؟

　　ورىن ايقىندالىپ، جول تۇراقتاندى، بولاشاقتان زور ءۇمىت كۇتۋگە بولادى. باس شۋجيدىڭ جاساعان تاماشا جوباسىن جۇزەگە اسىرۋ شينجياڭنىڭ بۇلتارتپاس جاۋاپكەرشىلىگى.

　　اۆتونوميالى رايوندىق پارتكوم باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، وزىندىك وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، جىبەك جولى ەكونوميكالىق بەلدەۋى وزەكتى رايونىنىڭ ”ءبىر پورت، ەكى اۋماق، 5 ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن تەزدەتىپ، ىشكى قۇرلىقتىق ەسىك اشۋ جانە شەكارالىق ەسىك اشۋدىڭ بيىك بەلەسىن جەدەل تۇلعالادى.

　　ءۇرىمجى قالاسى حالىقارالىق قۇرلىقتىق پورت اۋماعى قۇرىلىسىن ارقاۋ ەتىپ، ”زات جيناۋ، باقشا قۇرۋ، كاسىپ سالاسىن شوعىرلاندىرۋدى“ جالپى تۇلعالىق دامۋ وي جەلىسى ەتىپ، دامۋ ورنىن اناعۇرلىم ايقىنداپ، ەۆروپا - ازيا قۇرلىقتىق جول حالىقارالىق زات اينالىمى تورابىن، حالىقارالىق قامداۋ تىزبەگىن ۇيىمداستىرۋ ورتالىعىن، اشىق وسى زامانعى كاسىپ سالاسىن شوعىرلاندىرۋ بيىك بەلەسىن قۇرىپ، قازىر جۇڭگو (شينجياڭ) ەركىن ساۋدا سىناق رايونىن قۇرۋعا ءوتىنىش بەرۋدە. قۇرلىقتىق پورت اۋماعىنىڭ ەسىك اشۋ توراپتىق يقۋات دارەجەسىن ۇزدىكسىز جوعارىلاتۋ ارقىلى جول ەكونوميكاسىنىڭ توراپتىق ەكونوميكاعا، كاسىپ سالاسى ەكونوميكاسىنا، وتىرىقتى ەكونوميكاعا جەدەل بۇرىلىس جاساۋىن ىلگەرىلەتتى.

　　جاڭا داۋىردە جىبەك جولى ەكونوميكالىق بەلدەۋى قۇرىلىسىن ىلگەرىلەتۋدىڭ ايبىندى امالياتى بارىسىنان تاريحقا قايىرىلا قاراساق، جاڭ چياننىڭ باتىس وڭىرگە تۇڭعىش رەت بارىپ، بايىرعى جىبەك جولىن اشقان ۇلى دا ايبىندى ءىس - ارەكەتىنە 2000 نەشە جىل ءوتتى. ءالى دە سول قۇرلىق، الايدا سىڭعىرلاعان كەرۋەن كوشىنىڭ قوڭىراۋ داۋىسى الدەقاشان ”قۇرىش كەرۋەننىڭ“ گۋدوك ۇنىنە اينالعان ەدى، باس شۋجي ايتقانداي، ”تاريحي مانگە يە ءىس“ ءدال قازىر جىبەك جولى رۋحىن جالعاستىرىپ، جاڭا كەرەمەتتەردى جاراتۋدا.

　　”باس شۋجيدىڭ ماڭىزدى ءسوزى مەنىڭ ءوز جاۋاپكەرشىلىگىمدى جانە بورىشىمدى ءتىپتى دە ايقىن تانۋىما مۇمكىندىك جاسادى“، ءسوز جوق، باس شۋجيدىڭ تالابى بويىنشا جۇڭگو − ەۆروپا كەزەكشى پويەزىنىڭ حاۋىپسىز، ورنىقتى، جوعارى ساپالى قاتىناۋىن كۇش سالا قامتاماسىز ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا قىزمەت وتەيمىن، - دەدى جاڭ جين.

باس شۋجيدىڭ تاپسىرماسىن ەستە بەرىك ساقتاپ، نۇرلى بولاشاق ءۇشىن كۇش ۇستىنە كۇش قوسامىز

　　ءۇرىمجى حالىقارالىق قۇرلىقتىق پورت اۋماعى باياعىسىنداي قاربالاستىققا تۇسكەن. الايدا ءاربىر ادامنىڭ قاربالاستىعىندا بۇرىنعىدان وزگەشە اناعۇرلىم تەرەڭ ءمان جاتىر. بىرنەشە كۇن وتسە دە، كوپشىلىك باس شۋجيدىڭ كەلگەندىگىنە دەگەن تەبىرەنىسىن ءالى دە باسا الماي ءجۇر، باس شۋجيدىڭ كوڭىل بولگەندىگىنە ءالى دە اسەرلەنۋدە، ونان دا ماڭىزدىسى، باس شۋجيدىڭ شابىتتاندىرۋىنان جىگەرلەرى ۇشتالىپ، العا باسۋدا نىق سەنىمگە جانە مول قوزعاۋشى كۇشكە يە بولدى.

　　”كۇش ۇستىنە كۇش قوسساق، بولاشاعىمىز نۇرلى بولادى“. ناق مايداندا باس شۋجيدىڭ ماڭىزدى ءسوزىن ەت قۇلاعىمەن تىڭداعان قۇرلىقتىق پورت توبى كەڭسەسىنىڭ ورىنباسار مەڭگەرۋشىسى جاڭ حىڭ باس شۋجيدىڭ ءسوزىن ەسىندە بەرىك ساقتادى. بۇل تەرەڭ سۇيىسپەنشىلىككە تولى شابىتتاندىرۋ، ونان دا ماڭىزدىسى، ۇمىتكە تولى تاپسىرما. ”كوپشىلىكتىڭ بارلىعى يىعىنداعى جۇكتىڭ ءتىپتى دە اۋىرلاي تۇسكەندىگىن سەزىندى“.

　　ما چۇنلەي كۇشتى كوكەي تەستىلىك سەزىمدى جانە بورىشتىلىق سەزىمىن بارىنشا سەزىندى. ”باس شۋجي ’ءبىر بەلدەۋ، ءبىر جول‘ قۇرىلىسىنىڭ جالپى جوباسىنان ەگجەي - تەگجەيلى جوباسىنا دەيىن ءوزى جەتەكشىلىك ەتتى، ەرەكشە باسىمدىققا يە شينجياڭعا ماڭىزدى تاپسىرما جۇكتەدى. ءبىز، ءسوز جوق، اناعۇرلىم جوعارى ساياسي دەڭگەيدەن جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ءمانىن تانۋىمىز، اناعۇرلىم كەڭ كوز ايامەن ءۇرىمجى حالىقارالىق قۇرلىقتىق پورت اۋماعىنىڭ دامۋىن جوبالاۋىمىز كەرەك“.

　　قازىرگە دەيىن ءۇرىمجى حالىقارالىق قۇرلىقتىق پورت اۋماعى جۇڭگو − ەۆروپا كەزەكشى پويەزى (ءۇرىمجى) جيناۋ ورتالىعى، ءۇرىمجى كوپ فورمالى بىرلەسىپ تاسىمالداۋ ورتالىعى، ءۇرىمجى كەشەندى باجىسىز اۋماعى سياقتى ءبىر توپ قولداۋ نىساندارىن الدەقاشان ىركەس - تىركەس تامامدادى. ءۇرىمجى تەمىر جولى شەكارا وتكەلى جەدەل جولداما ورتالىعى دا 7 - ايدىڭ باسىندا رەسمي ىسكە قوسىلدى، حالىقارالىق قۇرلىقتىق پورت اۋماعىنىڭ زات اينالىمى قىزمەت وتەۋ دەڭگەيى ونان ارى جوعارىلادى.

　　بيىل جىل باسىنان بەرى اۆتونوميالى رايوندىق پارتكوم جىبەك جولى ەكونوميكالىق بەلدەۋى وزەكتى رايونى قۇرىلىسى جونىندە ىشكەرىلەي ورنالاستىرۋ جاساپ، ”ءبىر پورت“ ەسىك اشۋ تورابىن كۇش سالا ساپالىلاندىرىپ، ”زات جيناۋ، باقشا قۇرۋ، كاسىپ سالاسىن شوعىرلاندىرۋ“ قۋاتىن ۇزدىكسىز جوعارىلاتۋدى العا قويدى. ءۇرىمجى حالىقارالىق قۇرلىقتىق پورت اۋماعى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، زات اينالىمىن شوعىرلاندىرۋ، جەبەۋ كاسىپ سالاسىنىڭ دامۋىن جەدەل ىلگەرىلەتىپ، ”جيناۋ، تاراتۋ، تاسىمالداۋ“ دەڭگەيىن جوعارىلاتتى. كەزەكتە حالىقارالىق توقىما ونىمدەرى ساۋدا ورتالىعى جاقىن ارادا ىسكە قوسىلادى، سولتۇستىك ۆوگزال حالىقارالىق ساۋدا زات اينالىمى باقشا رايونى، پورت ماڭى كاسىپ سالاسى باقشاسى، تاس جول پورتى نىسانى سياقتى تۇعىرلار جەدەل قۇرىلىپ، قۇرلىقتىق پورت اۋماعىنىڭ دامۋ جولى كۇن سايىن ايشىقتالىپ، قانات - قۇيرىعى اناعۇرلىم جەتىلۋدە.

　　باس شۋجي قىزمەت تەكسەرۋ بارىسىندا مىنالاردى العا قويدى: ”سىرتقا ەسىك اشۋدىڭ ءىرى ارناسىن جەدەل ورناتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، جاڭا دامۋ ارناسىنا بەلسەنە قىزمەت ەتۋ جانە توعىسۋ كەرەك“. ليۋ شاۋحۋا بىلاي دەدى: ءبىز باس شۋجيدىڭ تالابى بويىنشا سيفرلى قۇرلىقتىق پورتتى جەتەكشى ەتىپ، حالىقارالىق قۇرلىقتىق پورت يقۋاتىن ۇزدىكسىز كەمەلدەندىرىپ، حالىقارالىق زات اينالىمى، ساۋدا، قامداۋ تىزبەگى توراپتىق تۇعىرىن قالىپتاستىرىپ، حالىقارالىق تاۋار توپتاۋ، ءوندىرۋ، كورسەتۋ، ساۋدالاۋ سىندى دامۋ ارناسىنىڭ قالىپتاسۋىن ىلگەرىلەتىپ، قۇرلىقتىق پورتتى جىبەك جولى ەكونوميكالىق بەلدەۋى وزەكتى رايونىنىڭ بەلگى سيپاتتى ينجەنەرياسى ەتىپ قۇرىپ شىعۋعا قۇلشىنۋىمىز كەرەك.

　　باس شۋجيدىڭ قىزمەت تەكسەرۋى كوپشىلىكتىڭ قيماستىعىمەن اياقتادى. باس شۋجي اتتاناردا بىلاي دەپ ايرىقشا تابىستادى: ”’سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا‘ تاباندى بولىپ، ’يكەمدى نولگە تۇسىرۋگە‘ تاباندى بولىپ، ىندەتتەن ساقتانۋ قىزمەتىنىڭ دالمە - ءدال بولۋىنا قۇلشىنۋ، بۇقاراعا قولايلى بولۋىنا قۇلشىنۋ كەرەك“.

　　”سول ساتتە كوپشىلىكتىڭ جۇرەگىن جىلى اعىن كەرنەپ، كۇرەس جاساۋ جىگەرى ارىنداي ءتۇستى“، ءۇرىمجى − سانجى كەدەن باقىلاۋ - باسقارۋ 1 - ءبولىمىنىڭ ءبىرىنشى دارەجەلى جۇمىس ۇيىمداستىرۋشىسى شيە پيڭ: ”باس شۋجيدىڭ ىقىلاستى تۇلعاسىن جانە شابىتتاندىرۋىن، جىگەرلەندىرۋىن ماڭگى ۇمىتپايمىن، - دەدى. كەدەننىڭ ءبىر قىزمەتكەرى رەتىندە، قۇرلىقتىق پورت اۋماعىنىڭ تەڭىز - قۇرلىق - اۋە جيناپ بىرىكتىرۋ، جيناپ تاسۋ جانە زاتتاردى ۇيىمداستىرۋ كاسىبىنە بەلسەنە كۇش ۇستەپ، كوپ فورمالى بىرلەسىپ تاسىمالداۋ زات اينالىمى ۇلگىسىن دامىتىپ، ”جۇڭگو − ەۆروپا كەزەكشى پويەزى + شەكارا اتتاعان ەلەكتروندى ساۋدا“، جۇڭگو − ەۆروپا كەزەكشى پويەزى جانە TIR حالىقارالىق تاس جول تاسىمالى جونىندە بەلسەنە ىزدەنىس جاساپ، شينجياڭنىڭ سىرتقا باعىتتالعان ەكونوميكاسىنىڭ جەدەل دامۋىن جەبەيمىن.

　　باس شۋجي شي جينپيڭنىڭ قىزمەت تەكسەرۋى، تەكسەرۋ - زەرتتەۋ جۇرگىزۋى جۇرت جۇرەگىن مەيىرگە بولەپ، ادامدى العا باسۋعا ىنتالاندىردى. جىبەك جولى ەكونوميكالىق بەلدەۋى وزەكتى رايونى جەلكەن جايىپ، تاعى دا تىڭ ساپارعا اتتاندى.