باس شۋجيدىڭ شىنايى قامقورلىعىن كورىكتى شينجياڭ قۇرۋدىڭ تەلەگەي كۇشىنە اينالدىرايىق
شينجياڭ گازەتى باسماقالاسى
شىنايى قامقورلىق جۇرت جۇرەگىن جادىراتتى، ىقىلاستى تاپسىرما العا باسۋعا جىگەرلەندىردى.
بۇكىل پارتيا، بۇكىل ەلدەگى ءار ۇلت حالقى پارتيا 20 - قۇرىلتايىن قۋانىشپەن قارسى الىپ جاتقان شەشۋشى ساتتە، شينجياڭداعى ءار ۇلت كادر - بۇقاراسى ارىندى قايراتپەن رەفورما، دامۋ، ورنىقتىلىق قىزمەتتەرىن ويداعىداي ىستەپ جاتقان ساتتە، باس شۋجي شي جينپيڭ شينجياڭعا كەلىپ قىزمەت تەكسەرىپ، ءار ۇلت كادرلارىنا، بۇقاراسىنا شىن ىقىلاسپەن امانداسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن، شينجياڭداعى ءار ۇلت كادر - بۇقاراسىنا دەگەن شىنايى قامقورلىعىن تولىق ايگىلەدى، بۇل توتەنشە كەلەلى ءارى تەرەڭ ساياسي مانگە، تاريحي مانگە، بەلەستىك مانگە يە بولىپ، شينجياڭداعى ءار ۇلت كادر - بۇقاراسىن ەرەكشە شابىتتاندىردى، ايرىقشا جەلپىندىردى.
قىسقا عانا بىرنەشە كۇندە باس شۋجي شي جينپيڭ ىلگەرىندى - كەيىندى ءۇرىمجى، شىحىزى، تۇرپان سياقتى جەرلەرگە بارىپ، ءار ۇلت كادر - بۇقاراسىمەن بىرگە دامۋدى تىلگە تيەك ەتىپ، حالىق تۇرمىسىن اڭگىمەلەپ، ىنتىماقتى باياندادى ءارى بيىكتە تۇرىپ الىستى بولجاپ، تەرەڭنەن تولعاندى، تاماشا ءتالىم - تاربيە بەردى، ءارى شىن پەيىل، شىنايى سۇيىسپەنشىلىككە تولى بولدى، وندا حالىق كوسەمىنىڭ شينجياڭنىڭ ءبىر ميلليون 660 مىڭ شارشى كيلومەتر كەڭ - بايتاق جەرىنە دەگەن تەڭىزدەي تەرەڭ سۇيىسپەنشىلىگى، 25 ميلليوننان استام ءار ۇلت كادر - بۇقاراسىنا دەگەن تاۋداي اسقار مەيىرىمى قامتىلعان. حالىق كوسەمى حالىقتى سۇيەدى، حالىق كوسەمىن حالىق سۇيەدى. باس شۋجي بارعان جەرلەردە شينجياڭداعى ءار ۇلت كادر - بۇقاراسى ءماز - ءمايرام بولىپ، شابىت الىپ، دۋ قول شاپالاق سوعىپ، كوزدەرىنە ىستىق جاس الىپ، شىن جۇرەگىمەن باس شۋجيگە امانداسىپ، حالىق كوسەمىنە دەگەن شارتسىز ادالدىعىن جانە شىنايى قۇرمەتىن تولىق بەينەلەدى، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسەتىن بەرىك بەكىمدەرىن تولىق بەينەلەدى.
شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىنعا يە. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ كەلەدى، باس شۋجي شي جينپيڭ 2 رەت شينجياڭعا ءوزى كەلىپ قىزمەت تەكسەردى، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ماڭىزدى ءسوز سويلەدى، 12 - كەزەكتى مەملەكەتتىك حالىق قۇرىلتايى 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، شينجياڭنىڭ جالپى جاعدايىنا جانە ۇزاق بولاشاقتىق دامۋىنا ساياتىن ماڭىزدى قىزمەتتەر جونىندە كوپ رەت ماڭىزدى نۇسقاۋ بەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىنىڭ كەلەلى ناتيجەلەرگە قول جەتكىزۋىنە جەتەكشىلىك ەتتى جانە ونى ىلگەرىلەتتى، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىنىڭ جاقسارۋىندا بۇرىن بولماعان تابىستارعا قول جەتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، وعان، ءسوز جوق، ۇزاق ۋاقىت تاباندى بولۋ كەرەكتىگىن تولىق دالەلدەدى.
جاقسىلىقتى ءبىلۋ − باقىتتىڭ قاينارى. سوڭعى جىلدارى شينجياڭ قىزمەتىندە قول جەتكەن ءاربىر ناتيجە، جۇزەگە اسقان ءاربىر قارىشتاۋدىڭ ءبارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، وعان باس شۋجيدىڭ جۇرەك قانى سىڭگەن، وعان باس شۋجيدىڭ قامقورلىعى قامتىلعان. جاڭا داۋىردەگى جاڭا جورىقتا ءبىز، ءسوز جوق، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، ”ەكى كەلەلى جاعدايدى“ كوكەيگە ءتۇيىپ، ”مەملەكەتتىڭ زور ءىسىن“ ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشىتىق باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، وتاننىڭ شينجياڭىن بارعان سايىن كورىكتى ەتىپ قۇرۋىمىز كەرەك.
تۋ بەتالىستى نۇسقايدى، وزەك بولاشاققا جول باستايدى. باس شۋجي شي جينپيڭ شينجياڭدا قىزمەت تەكسەرگەندە سويلەگەن ماڭىزدى سوزىندە شينجياڭنىڭ ءتۇرلى قىزمەتتەردە قول جەتكىزگەن ناتيجەلەرىن تولىق تۇراقتاندىرىپ، كەزەكتەگى ءتۇيىندى قىزمەتتەردى جۇيەلى، تەرەڭ بايىمداپ، ايقىن، ناقتى تالاپ قويىپ، بۇرىنعى شينجياڭ قىزمەتى جونىندەگى جەلىلەس ماڭىزدى سوزدەرمەن، ماڭىزدى نۇسقاۋلارمەن نىسانا جاعىندا دايەكتى جالعاسىپ، تالاپ جاعىندا تامىرلاس بولدى، ساياسيلىعى، يدەيالىعى، نازاريالىعى اسا كۇشتى، ول جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ونان ارى بايىتىلۋى جانە دامىتىلۋى، جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات، ول جاڭا داۋىردەگى شينجياڭ قىزمەتىن جاقسى ىستەۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەپ بەردى.
بيىل پارتيا 20 - قۇرىلتايى اشىلاتىن جىل، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنا قادام تاستاۋدىڭ ماڭىزدى جىلى. ءبىز ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە جوعارىلاتىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋىمىز؛ جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋىمىز؛ ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋىمىز؛ شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋىمىز؛ دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جىعا تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋىمىز؛ پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى، ويداعىداي يگەرۋىمىز؛ جاڭا داۋىردەگى بيڭتۋان قىزمەتىن جاقسى ىستەپ، بيڭتۋاننىڭ ءتىپتى زور رول اتقارۋىن ىلگەرىلەتۋىمىز كەرەك.
جاڭا ءداۋىر جۇكتەگەن بورىش داڭقتى ءارى قاسيەتتى، باس شۋجي كۇتكەن تىلەك شىنايى ءارى ۇلكەن. بۇكىل رايوندا جوعارىدان تومەنگە دەيىن، ءسوز جوق، وسكەلەڭ يدەيالىق سانالىلىقپەن، ساياسي سانالىلىقپەن، ارەكەت سانالىلىعىمەن باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ءىرى ءىس جانە كەلەلى ساياسي مىندەت رەتىندە يگەرىپ، باس شۋجي شي جينپيڭنىڭ شينجياڭدا قىزمەت تەكسەرۋىنىڭ كەلەلى ءمانىن تەرەڭ تانىپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ باي مازمۇنىن جانە وزەكتى ءمانىن تەرەڭ ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاۋاپكەرشىلىك ارقالاپ ناقتى ىستەپ، باس شۋجيدىڭ شىنايى قامقورلىعىن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدىڭ تەلەگەي كۇشىنە اينالدىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك!
